耶利米书第18章客家话和合本对照

相关章：

快速到节：

书卷列表：

和合本2010版耶利米书18:1耶利米在陶匠的家耶和华的话临到耶利米，说：

现代客语汉字耶利米书18:1耶利米在烧缶师傅个屋下上主对耶利米讲：

现代客语全罗耶利米书18:1Yâ-li-mí Chhai Sêu-fì Sṳ̂-fu ke Vuk-hâ Song-chú tui Yâ-li-mí kóng:

和合本2010版耶利米书18:2 「你起来，下到陶匠的家裏去，在那裏我要使你听见我的话。」

现代客语汉字耶利米书18:2「你䟘起来，到该烧缶师傅个屋下去；在该位𠊎有话吩咐你。」

现代客语全罗耶利米书18:2 “Ngì hong hí-lòi, to ke sêu-fì sṳ̂-fu ke vuk-hâ hi; chhai ke-vi Ngài yû fa fûn-fu ngì.”

和合本2010版耶利米书18:3 我就下到陶匠的家裏去，看哪，他在转盘上做器皿。

现代客语汉字耶利米书18:3所以𠊎到烧缶师傅个屋下去。𠊎看到佢堵堵转等轮盘在该位做事。

现代客语全罗耶利米书18:3 Só-yî ngài to sêu-fì sṳ̂-fu ke vuk-hâ hi. Ngài khon-tó kì tú-tú chón-tén lin-phàn chhai ke-vi cho-se.

和合本2010版耶利米书18:4 陶匠用泥做的器皿在他手中做坏了，他就用它另做别的器皿，照他看为好的去做。

现代客语汉字耶利米书18:4佢用泥做缶仔，做坏掉个时，佢就用该垤泥做别个用品，完全照自家个意思去做。

现代客语全罗耶利米书18:4 Kì yung nài cho fì-è, cho fái-thet ke sṳ̀, kì chhiu yung ke-te nài cho phe̍t ke yung-phín, vàn-chhiòn cheu chhṳ-kâ ke yi-sṳ hi-cho.

和合本2010版耶利米书18:5 耶和华的话临到我，说：

现代客语汉字耶利米书18:5后来，上主又对𠊎讲：

现代客语全罗耶利米书18:5 Heu-lòi, Song-chú yu tui ngài kóng:

和合本2010版耶利米书18:6 「以色列家啊，我待你们岂不能像这陶匠弄泥吗？以色列家，看哪，泥在陶匠的手中怎样，你们在我的手中也怎样。这是耶和华说的。

现代客语汉字耶利米书18:6「敢讲𠊎做毋得照烧缶师傅个方法来对待你等以色列人係么？你等在𠊎手中就像泥在烧缶师傅个手中。

现代客语全罗耶利米书18:6 “Kám-kóng Ngài cho-m̀-tet cheu sêu-fì sṳ̂-fu ke fông-fap lòi tui-thai ngì-têu Yî-set-lie̍t-ngìn he-mò? Ngì-têu chhai Ngài sú-chûng chhiu-chhiong nài chhai sêu-fì sṳ̂-fu ke sú-chûng.

和合本2010版耶利米书18:7 我何时论到一邦或一国说，要拔出、拆毁、毁坏；

现代客语汉字耶利米书18:7无论么介时节，𠊎宣布爱挷出，拆掉，抑係毁灭一个国家，

现代客语全罗耶利米书18:7 Mò-lun má-ke sṳ̀-chiet, Ngài siên-pu oi pâng-chhut, chhak-thet, ya-he fí-me̍t yit-ke koet-kâ,

和合本2010版耶利米书18:8 我所说的那一邦若回转离开他们的恶，我就改变心意，不将我想要施行的灾祸降与他们。

现代客语汉字耶利米书18:8若係该国家离开罪恶，𠊎就会回心转意，毋降灾难。

现代客语全罗耶利米书18:8 na-he ke koet-kâ lì-khôi chhui-ok, Ngài chhiu voi fì-sîm chón-yi, m̀ kong châi-nan.

和合本2010版耶利米书18:9 我何时论到一邦或一国说，要建立、栽植；

现代客语汉字耶利米书18:9无论么介时节，𠊎宣布爱栽种，建立一个国家，

现代客语全罗耶利米书18:9 Mò-lun má-ke sṳ̀-chiet, Ngài siên-pu oi châi-chung, kien-li̍p yit-ke koet-kâ,

和合本2010版耶利米书18:10 他们若行我眼中看为恶的事，不听从我的话，我就改变心意，不将我所说的福气赐给他们。

现代客语汉字耶利米书18:10若係该国家毋服从𠊎，专门做坏事，𠊎就会改变心意，毋将𠊎所讲个福气赐给佢等。

现代客语全罗耶利米书18:10 na-he ke koet-kâ m̀ fu̍k-chhiùng Ngài, chôn-mùn cho fái-sṳ, Ngài chhiu voi kói-pien sîm-yi, m̀ chiông Ngài só-kóng ke fuk-hi su-pûn kì-têu.

和合本2010版耶利米书18:11 现在你要对犹大人和耶路撒冷的居民说：『耶和华如此说：看哪，我捏塑灾祸降给你们，定意惩罚你们。你们各人当回转离开所行的恶道，改正你们的所作所为。』

现代客语汉字耶利米书18:11所以，你爱恁样㧯犹大并耶路撒冷个人民讲：𠊎计划爱降灾祸攻打佢等，準备爱责罚佢等。你爱劝佢等毋好再做坏事，逐侪爱遽遽改正自家个所做。

现代客语全罗耶利米书18:11 Só-yî, ngì oi án-ngiòng lâu Yù-thai pin Yâ-lu-sat-lâng ke ngìn-mìn kóng: Ngài kie-va̍k oi kong châi-fo kûng-tá kì-têu, chún-phi oi chit-fa̍t kì-têu. Ngì oi khien kì-têu m̀-hó chai cho fái-sṳ, tak-sà oi kiak-kiak kói-chṳn chhṳ-kâ ke só-cho.

和合本2010版耶利米书18:12 「他们却说：『没有用的，我们要照自己的计谋去行，各人要随自己顽梗的恶心行事。』」

现代客语汉字耶利米书18:12总係佢等会讲：『毋使加讲！𠊎等样爱使改过？𠊎等爱照自家个意思，照自家硬颈个本性做坏事。』」以色列人拒绝上主

现代客语全罗耶利米书18:12 Chúng-he kì-têu voi kóng: ‘M̀-sṳ́ kâ-kóng! Ngài-têu ngióng oi-sṳ́ kói-ko? Ngài-têu oi cheu chhṳ-kâ ke yi-sṳ, cheu chhṳ-kâ ngang-kiáng ke pún-sin cho fái-sṳ.’ ” Yî-set-lie̍t-ngìn Khî-chhie̍t Song-chú

和合本2010版耶利米书18:13百姓忘记耶和华「所以，耶和华如此说：你们且往各国访问，有谁听见这样的事？少女以色列行了一件极恐怖的事。

现代客语汉字耶利米书18:13所以，上主恁样讲：你等去问各国看，有么人听过恁样个事呢？𠊎所惜个以色列人民做一件非常可恶个事。

现代客语全罗耶利米书18:13 Só-yî, Song-chú án-ngiòng kóng:Ngì-têu hi-mun kok-koet khon,yû má-ngìn thâng-ko án-ngiòng ke sṳ nè?Ngài só siak ke Yî-set-lie̍t ngìn-mìn cho yit-khien fî-sòng khó-vu ke sṳ.

和合本2010版耶利米书18:14 黎巴嫩的雪岂能从田野( [ 18.14] 「田野」：原文另译「西连」（黎巴嫩山顶）或「全能者」（参创17:1）。)的磐石上融化呢？从远处( [ 18.14] 「远处」：原文是「外国」；原文另译「山上」。)流下的凉水岂能乾涸呢？

现代客语汉字耶利米书18:14黎巴嫩巖石顶个雪识溶掉么？山顶流下来清凉个水识燥掉么？

现代客语全罗耶利米书18:14 Lì-pâ-nun ngàm-sa̍k táng ke siet sṳt yùng-thet mò?Sân-táng liù hâ-lòi chhîn-liòng ke súi sṳt châu-thet mò?

和合本2010版耶利米书18:15 我的百姓竟忘记我，向那虚无的神明( [ 18.15] 「虚无的神明」：原文是「虚无」。)烧香，它们使百姓在所行的路上、在古道上绊跌，去行未修筑的斜路，

现代客语汉字耶利米书18:15总係，𠊎个子民毋记得𠊎；佢等向虚假个偶像烧香。佢等在所行个路项跌倒，毋肯再行该条旧路；佢等去行吂整好个细路。

现代客语全罗耶利米书18:15 Chúng-he, Ngài ke chṳ́-mìn m̀ ki-tet Ngài;kì-têu hiong hî-ká ke ngiéu-siong sêu-hiông.Kì-têu chhai só-hàng ke lu-hong tiet-tó,m̀-hén chai hàng ke-thiàu khiu-lu;kì-têu hi hàng màng cháng-hó ke se-lu.

和合本2010版耶利米书18:16 他们的地就变为荒凉，长久被人嘲笑；凡经过这地的必惊骇摇头。

现代客语汉字耶利米书18:16佢等将这垤土地变做荒凉、得人惊个所在，永远被人看毋起；过路人看到定着会吓倒、紧摇头。

现代客语全罗耶利米书18:16 Kì-têu chiông liá-te thú-thi pien-cho fông-liòng, tet-ngìn-kiâng ke só-chhai,yún-yén pûn-ngìn khon m̀-hí;ko-lu ngìn khon-tó thin-chho̍k voi hak-tó, kín yèu-thèu.

和合本2010版耶利米书18:17 在仇敌面前，我必如东风颳散他们，遭难的日子，我要以背向他们，不以脸看他们。」

现代客语汉字耶利米书18:17𠊎爱在敌人面前逐𠊎个子民走，像东风吹散尘灰。灾难来到个时，𠊎爱背向佢等，毋係面向佢等。

现代客语全罗耶利米书18:17 Ngài oi chhai thi̍t-ngìn mien-chhièn kiuk Ngài ke chṳ́-mìn chéu,chhiong tûng-fûng chhôi-san chhṳ̀n-fôi.Châi-nan lòi-to ke sṳ̀,Ngài oi poi-hiong kì-têu, m̀-he mien-hiong kì-têu.

和合本2010版耶利米书18:18谋害耶利米他们说：「来吧！让我们设计谋害耶利米；因为我们有祭司讲律法，有智慧人设谋略，有先知说预言，都未曾断绝。来吧！让我们用舌头攻击他，不要理他一切的话。」

现代客语汉字耶利米书18:18谋害耶利米然后人民讲：「来啊，𠊎等来设计对付耶利米！随时乜有祭司来教导𠊎等，有智慧个人来帮助𠊎等，有先知来传讲上帝个信息。𠊎等讲话来攻击耶利米，毋好再听佢个话。」

现代客语全罗耶利米书18:18Mèu-hoi Yâ-li-mí Yèn-heu ngìn-mìn kóng: “Lòi â, ngài-têu lòi sat-kie tui-fu Yâ-li-mí! Sùi-sṳ̀ me yû chi-sṳ̂ lòi kau-thô ngài-têu, yû chṳ-fi ke ngìn lòi pông-chhu ngài-têu, yû siên-tî lòi chhòn-kóng Song-ti ke sin-sit. Ngài-têu kóng-fa lòi kûng-kit Yâ-li-mí, m̀-hó chai thâng kì ke fa.”

和合本2010版耶利米书18:19 耶和华啊，求你留心听我，且听那些指控我的人的话。

现代客语汉字耶利米书18:19因为恁样，𠊎祈祷：「上主啊，求你听𠊎个报告，也听𠊎敌人控告𠊎个话。

现代客语全罗耶利米书18:19 Yîn-vi án-ngiòng, ngài khì-tó: “Song-chú â, khiù Ngì thâng ngài ke po-ko, ya thâng ngài thi̍t-ngìn khúng-ko ngài ke fa.

和合本2010版耶利米书18:20 人岂可以恶报善呢？他们竟挖坑要害我的性命！求你记念我站在你面前为他们说好话，要使你的愤怒转离他们。

现代客语汉字耶利米书18:20好心无好报，係么？若无，佢等样会挖陷阱来害𠊎啊！求你想看仔，𠊎在你面前为佢等求过；𠊎识求你毋好在大发谴中来对付佢等。

现代客语全罗耶利米书18:20 Hó-sîm mò hó-po, he-mò? Na-mò, kì-têu ngióng-voi yet ham-chiáng lòi hoi ngài â! Khiù Ngì sióng khon-é, ngài chhai Ngì mien-chhièn vi kì-têu khiù-ko; ngài sṳt khiù Ngì m̀-hó chhai thai fat-khién chûng lòi tui-fu kì-têu.

和合本2010版耶利米书18:21 因此，愿他们的儿女忍受饑荒，愿他们死于刀剑之手；愿他们的妻无子，且作寡妇，愿他们的男人被死亡所灭，他们的壮丁在阵上被刀击杀。

现代客语汉字耶利米书18:21这下爱样般正好？上主啊，𠊎求你：俾佢等个子女饿死；俾佢等战死；俾佢等个妇人家死老公、子女夭折；俾佢等个壮丁发瘟来死，后生人死在战场。

现代客语全罗耶利米书18:21 Liá-ha oi ngióng-pân chang hó? Song-chú â, ngài khiù Ngì: Pûn kì-têu ke chṳ́-ńg ngo-sí; pûn kì-têu chan-sí; pûn kì-têu ke fu-ngìn-kâ sí ló-kûng, chṳ́-ńg yêu-chat; pûn kì-têu ke chong-tên pot-vûn lòi sí, heu-sâng-ngìn sí chhai chan-chhòng.

和合本2010版耶利米书18:22 你使敌军忽然临到他们的时候，愿人听见哀声从他们的屋内发出；因他们挖坑要捉拿我，暗设罗网要绊我的脚。

现代客语汉字耶利米书18:22求你派土匪忽然间来到，抢劫佢等个家园，使佢等着惊尽嘶；因为佢等挖陷阱爱害𠊎，张罗网爱捉𠊎。

现代客语全罗耶利米书18:22 Khiù Ngì phai thú-fî fut-yèn-kiên lòi-to, chhióng-kiap kì-têu ke kâ-yèn, sṳ́ kì-têu chho̍k-kiâng chhin-sê; yîn-vi kì-têu yet ham-chiáng oi hoi ngài, chông lò-mióng oi chok ngài.

和合本2010版耶利米书18:23 耶和华啊，他们要杀我的那一切计谋，你都知道。求你不要赦免他们的罪孽，也不要从你面前涂去他们的罪恶。愿他们在你面前跌倒，愿你在发怒的时候对付他们。

现代客语汉字耶利米书18:23上主啊，佢等想爱㓾𠊎个阴谋，你尽清楚。求你毋好赦免佢等所做个坏事，毋好涂掉佢等个罪过。求你使佢等在你面前跌倒；求你在大发谴时来责罚佢等。」

现代客语全罗耶利米书18:23 Song-chú â, kì-têu sióng-oi chhṳ̀ ngài ke yîm-mèu, Ngì chhin chhîn-chhú. Khiù Ngì m̀-hó sa-miên kì-têu só-cho ke fái-sṳ, m̀-hó thù-thet kì-têu ke chhui-ko. Khiù Ngì sṳ́ kì-têu chhai Ngì mien-chhièn tiet-tó; khiù Ngì chhai thai fat-khién sṳ̀ lòi chit-fa̍t kì-têu.”