罗马书第7章客家话和合本对照

相关章：

快速到节：

书卷列表：

和合本2010版罗马书7:1律法的约束力弟兄们，我对你们这些明白律法的人说，你们岂不知道律法约束人是在他活着的时候吗？

现代客语汉字罗马书7:1用婚姻个关係做比喻兄弟姊妹啊，你等係了解法律个人，一定会明白𠊎所爱讲个：法律对人个约束，係在人还生个时正有效。

现代客语全罗罗马书7:1Yung Fûn-yîn ke Koân-he Cho Pí-yi Hiûng-thi chí-moi â, ngì-têu he liáu-kié fap-li̍t ke ngìn, yit-thin voi mìn-pha̍k ngài só oi kóng ke: Fap-li̍t tui ngìn ke yok-suk, he chhai ngìn hàn sâng ke sṳ̀ chang yû-háu.

和合本2010版罗马书7:2 就如女人有了丈夫，丈夫还活着，她就被律法约束；丈夫若死了，她就从丈夫的律法中解脱了。

现代客语汉字罗马书7:2比论来讲，一个结婚个妇人家，厥老公还生，姖就在法律个约束之下，做毋得离开老公；老公若过身，姖就毋使再受这法律个限制。

现代客语全罗罗马书7:2 Pí-lun lòi kóng, yit-ke kiet-fûn ke fu-ngìn-kâ, kiâ ló-kûng hàn sâng, kì chhiu chhai fap-li̍t ke yok-suk chṳ̂-ha, cho-m̀-tet lì-khôi ló-kûng; ló-kûng na ko-sṳ̂n, kì chhiu m̀-sṳ́ chai su liá fap-li̍t ke han-chṳ.

和合本2010版罗马书7:3 所以丈夫还活着，她若跟了别的男人，就叫淫妇；丈夫若死了，她就脱离了律法，虽然跟了别的男人，也不是淫妇。

现代客语汉字罗马书7:3所以，老公还生个时，姖若同别个男人同居，就爱看姖做淫妇。若係厥老公过身掉去，在法律上姖就係一个自由人，若係同别个男人结婚，也毋算犯姦淫。

现代客语全罗罗马书7:3 Só-yî, ló-kûng hàn sâng ke sṳ̀, kì na thùng phe̍t ke nàm-ngìn thùng-kî, chhiu oi khon kì cho yìm-fu. Na-he kiâ ló-kûng ko-sṳ̂n thet-hi, chhai fap-li̍t-song kì chhiu-he yit-ke chhṳ-yù-ngìn, na-he thùng phe̍t ke nàm-ngìn kiet-fûn, ya m̀ son fam kiên-yìm.

和合本2010版罗马书7:4 我的弟兄们，这样说来，你们藉着基督的身体对律法也是死了，使你们归于另一位，就是归于那从死人中复活的，为要使我们结果子给上帝。

现代客语汉字罗马书7:4兄弟姊妹啊，你等个情形也係恁样。照法律来讲，你等係已经死掉个人，因为你等係基督身体个一部份；你等这下已经归属对死复活个主，使𠊎等做得好好为上帝工作。

现代客语全罗罗马书7:4 Hiûng-thi chí-moi â, ngì-têu ke chhìn-hìn ya he án-ngiòng. Cheu fap-li̍t lòi kóng, ngì-têu he yí-kîn sí-thet ke ngìn, yîn-vi ngì-têu he Kî-tuk sṳ̂n-thí ke yit-phu-fun; ngì-têu liá-ha yí-kîn kûi-su̍k tui sí fu̍k-fa̍t ke Chú, pûn ngài-têu cho-tet hó-hó vi Song-ti kûng-chok.

和合本2010版罗马书7:5 因为我们属肉体的时候，那因律法而生犯罪的慾望在我们肢体中发动，以致结出死亡的果子。

现代客语汉字罗马书7:5𠊎等还照肉体生活个时，摩西个法律激起𠊎等个邪念，在𠊎等个肢体中发作，结果就係死。

现代客语全罗罗马书7:5 Ngài-têu hàn cheu ngiuk-thí sên-fa̍t ke sṳ̀, Mô-sî ke fap-li̍t kit-hí ngài-têu ke sià-ngiam, chhai ngài-têu ke kî-thí chûng fat-chok, kiet-kó chhiu-he sí.

和合本2010版罗马书7:6 但如今，我们既然在捆绑我们的律法上死了，就从律法中解脱，使我们服侍主，要按着圣灵( [ 7.6] 「圣灵」或译「灵」。)的新样，不按着仪文的旧样。 律法与罪的关係

现代客语汉字罗马书7:6总係，对管辖𠊎等个法律来讲，𠊎等係已经死掉个人；这下，法律已经无法度约束𠊎等了。𠊎等事奉上帝係照圣灵个新指示，毋係再照法律条文个旧样式。法律㧯罪

现代客语全罗罗马书7:6 Chúng-he, tui kón-hot ngài-têu ke fap-li̍t lòi kóng, ngài-têu he yí-kîn sí-thet ke ngìn; liá-ha, fap-li̍t yí-kîn mò fap-thu yok-suk ngài-têu lé. Ngài-têu sṳ-fung Song-ti he cheu Sṳn-Lìn ke sîn chṳ́-sṳ, m̀-he chai cheu fap-li̍t thiàu-vùn ke khiu yong-sṳt. Fap-li̍t lâu Chhui

和合本2010版罗马书7:7 这样，我们要怎么说呢？律法是罪吗？绝对不是！但是，若不是藉着律法，我就不知何为罪；若不是律法说「不可贪心」，我就不知何为贪心。

现代客语汉字罗马书7:7恁样，𠊎等做得讲法律本身係罪么？当然做毋得！颠倒，通过法律，𠊎正知罪係么介。若毋係法律讲「做毋得贪心」，𠊎就毋知贪心係么介。

现代客语全罗罗马书7:7 Án-ngiòng, ngài-têu cho-tet kóng fap-li̍t pún-sṳ̂n he chhui mò? Tông-yèn cho-m̀-tet! Tiên-to, thûng-ko fap-li̍t, ngài chang tî chhui he má-ke. Na m̀-he fap-li̍t kóng “Cho-m̀-tet thâm-sîm”, ngài chhiu m̀ tî thâm-sîm he má-ke.

和合本2010版罗马书7:8 然而，罪趁着机会，藉着诫命，使各样的贪心在我裏头发动，因为没有律法，罪是死的。

现代客语汉字罗马书7:8罪通过法律个命令寻到机会，在𠊎底背激起各种个贪念。无法律，罪就无效力。

现代客语全罗罗马书7:8 Chhui thûng-ko fap-li̍t ke min-lin chhìm-tó kî-fi, chhai ngài tî-poi kit-hí kok-chúng ke thâm-ngiam. Mò fap-li̍t, chhui chhiu mò háu-li̍t.

和合本2010版罗马书7:9 以前没有律法的时候，我是活的；但是诫命来到，罪活起来，

现代客语汉字罗马书7:9𠊎本来生活在法律之外；后来法律个命令来到，罪就发生效力，结果𠊎就在罪中死掉。

现代客语全罗罗马书7:9 Ngài pún-lòi sên-fa̍t chhai fap-li̍t chṳ̂ ngoi; heu-lòi fap-li̍t ke min-lin lòi-to, chhui chhiu fat-sên háu-li̍t, kiet-kó ngài chhiu chhai chhui-chûng sí-thet.

和合本2010版罗马书7:10 我就死了。那本该叫人活的诫命反而叫我死。

现代客语汉字罗马书7:10法律个命令原来係爱使人得到生命个；总係，对𠊎来讲，它反转却带来灭亡。

现代客语全罗罗马书7:10 Fap-li̍t ke min-lin ngièn-lòi he oi pûn ngìn tet-tó sâng-miang ke; chúng-he, tui ngài lòi kóng, kì fán-chón sa tai-lòi me̍t-mòng.

和合本2010版罗马书7:11 因为罪趁着机会，藉着诫命诱惑我，并且藉着诫命杀了我。

现代客语汉字罗马书7:11因为罪通过法律个命令寻到机会诱惑𠊎，也通过法律个命令害死𠊎。

现代客语全罗罗马书7:11 Yîn-vi chhui thûng-ko fap-li̍t ke min-lin chhìm-tó kî-fi yú-fe̍t ngài, ya thûng-ko fap-li̍t ke min-lin hoi-sí ngài.

和合本2010版罗马书7:12 这样看来，律法是圣的，诫命也是圣的、义的、善的。

现代客语汉字罗马书7:12摩西个法律本身係神圣个；法律个命令係神圣、公平㧯良善个。

现代客语全罗罗马书7:12 Mô-sî ke fap-li̍t pún-sṳ̂n he sṳ̀n-sṳn ke; fap-li̍t ke min-lin he sṳ̀n-sṳn, kûng-phìn lâu liòng-san ke.

和合本2010版罗马书7:13 那么，那善的是叫我死吗？绝对不是！叫我死的是罪。罪藉着那善的叫我死，为要显出这真是罪，以致罪藉着诫命更显出是恶极了。 灵与肉的交战

现代客语汉字罗马书7:13恁样讲，係该良善个害死𠊎吗？当然毋係！係罪！总係，罪係通过该良善个正显出原形，结果就带来死。通过法律个命令，罪个恶质就越来越明显。人性个矛盾

现代客语全罗罗马书7:13 Án-ngiòng kóng, he ke liòng-san ke hoi-sí ngài mâ? Tông-yèn m̀-he! He chhui! Chúng-he, chhui he thûng-ko ke liòng-san ke chang hién-chhut ngièn-hìn, kiet-kó chhiu tai-lòi sí. Thûng-ko fap-li̍t ke min-lin, chhui ke ok-chṳt chhiu ye̍t-lòi ye̍t mìn-hién. Ngìn-sin ke Màu-tún

和合本2010版罗马书7:14 我们原知道律法是属灵的，我却是属肉体的，是已经卖给罪了。

现代客语汉字罗马书7:14𠊎等知，摩西个法律係属灵个；总係，𠊎係属肉体个，已经卖给罪做奴隶。

现代客语全罗罗马书7:14 Ngài-têu tî, Mô-sî ke fap-li̍t he su̍k-lìn ke; chúng-he, ngài he su̍k ngiuk-thí ke, yí-kîn mai pûn chhui cho nù-li.

和合本2010版罗马书7:15 因为我所做的，我自己不明白。我所愿意的，我并不做；我所恨恶的，我反而去做。

现代客语汉字罗马书7:15𠊎所做个，𠊎自家无明白：因为𠊎所愿意个，偏偏毋去行；𠊎所恼个，反转去做。

现代客语全罗罗马书7:15 Ngài só-cho ke, ngài chhṳ-kâ mò mìn-pha̍k: Yîn-vi ngài só ngien-yi ke, phiên-phiên m̀ hi hàng; ngài só-nâu ke, fán-chón hi cho.

和合本2010版罗马书7:16 如果我所做的是我所不愿意的，我得承认律法是善的。

现代客语汉字罗马书7:16𠊎若係做𠊎毋愿意做个事，𠊎就係承认法律係着个。

现代客语全罗罗马书7:16 Ngài na-he cho ngài m̀ ngien-yi cho ke sṳ, ngài chhiu-he sṳ̀n-ngin fap-li̍t he chho̍k ke.

和合本2010版罗马书7:17 事实上，这不是我做的，而是住在我裏面的罪做的。

现代客语汉字罗马书7:17既然恁样，𠊎所做个，并毋係正经𠊎做个，係在𠊎底背个罪做个。

现代客语全罗罗马书7:17 Ki-yèn án-ngiòng, ngài só-cho ke, pin m̀-he chṳn-kîn ngài cho ke, he chhai ngài tî-poi ke chhui cho ke.

和合本2010版罗马书7:18 我也知道，住在我裏面的，就是我肉体之中，没有善。因为立志为善由得我，只是行出来由不得我。

现代客语汉字罗马书7:18𠊎也知，在𠊎底背，就係在𠊎肉体个底背，无良善。因为，𠊎有行善个心，总係无行善个能力。

现代客语全罗罗马书7:18 Ngài ya tî, chhai ngài tî-poi, chhiu-he chhai ngài ngiuk-thí ke tî-poi, mò liòng-san. Yîn-vi, ngài yû hàng-san ke sîm, chúng-he mò hàng-san ke nèn-li̍t.

和合本2010版罗马书7:19 我所愿意的善，我不去做；我所不愿意的恶，我反而去做。

现代客语汉字罗马书7:19𠊎所愿意个善，𠊎偏偏毋行；𠊎所毋愿意个罪恶，𠊎偏偏去做。

现代客语全罗罗马书7:19 Ngài só ngien-yi ke san, ngài phiên-phiên m̀ hàng; ngài só m̀ ngien-yi ke chhui-ok, ngài phiên-phiên hi cho.

和合本2010版罗马书7:20 如果我去做我不愿意做的，就不是我做的，而是住在我裏面的罪做的。

现代客语汉字罗马书7:20既然𠊎做𠊎所毋愿意个，就表示这毋係𠊎做个，係在𠊎底背个罪所做个。

现代客语全罗罗马书7:20 Ki-yèn ngài cho ngài só m̀ ngien-yi ke, chhiu péu-sṳ liá m̀-he ngài cho ke, he chhai ngài tî-poi ke chhui só-cho ke.

和合本2010版罗马书7:21 我觉得有个律，就是我愿意行善的时候，就有恶缠着我。

现代客语汉字罗马书7:21因为恁样，𠊎发现有一个法则在作怪：在𠊎爱行善个时，邪恶总係缠等𠊎。

现代客语全罗罗马书7:21 Yîn-vi án-ngiòng, ngài fat-hien yû yit-ke fap-chet chhai chok-koai: Chhai ngài oi hàng-san ke sṳ̀, sià-ok chúng-he chhàn-tén ngài.

和合本2010版罗马书7:22 因为，按着我裏面的人，我喜欢上帝的律，

现代客语汉字罗马书7:22𠊎个内心係合意上帝个规则；

现代客语全罗罗马书7:22 Ngài ke nui-sîm he kak-yi Song-ti ke kûi-chet;

和合本2010版罗马书7:23 但我看出肢体中另有个律和我内心的律交战，把我掳去，使我附从那肢体中罪的律。

现代客语汉字罗马书7:23总係，𠊎看出𠊎个肢体被另外一个法则控制等；这法则同𠊎内心所合意个规则交战，害𠊎无办法脱离在𠊎底背作怪个罪个法则。

现代客语全罗罗马书7:23 chúng-he, ngài khon-chhut ngài ke kî-thí pûn nang-ngoi yit-ke fap-chet khúng-chṳ-tén; liá fap-chet thùng ngài nui-sîm só kak-yi ke kûi-chet kâu-chan, hoi ngài mò phan-fap thot-lì chhai ngài tî-poi chok-koai ke chhui ke fap-chet.

和合本2010版罗马书7:24 我真苦啊！谁能救我脱离这必死的身体呢？

现代客语汉字罗马书7:24𠊎还艰苦噢！么人能救𠊎脱离这害死𠊎个身体呢？

现代客语全罗罗马书7:24 Ngài hàn kân-khú ô! Má-ngìn nèn kiu ngài thot-lì liá hoi-sí ngài ke sṳ̂n-thí nè?

和合本2010版罗马书7:25 感谢上帝，靠着我们的主耶稣基督就能！这样看来，一方面，我内心顺服上帝的律，另一方面，肉体却顺服罪的律了。

现代客语汉字罗马书7:25感谢上帝，通过𠊎等个主耶稣基督，佢就能救𠊎。𠊎个情形係恁样：𠊎自家只能用心灵顺从上帝个规则；总係，𠊎个肉体却降服罪个法则。

现代客语全罗罗马书7:25 Kám-chhia Song-ti, thûng-ko ngài-têu ke Chú Yâ-sû Kî-tuk, Kì chhiu nèn kiu ngài.Ngài ke chhìn-hìn he án-ngiòng: Ngài chhṳ-kâ chṳ́ nèn yung sîm-lìn sun-chhiùng Song-ti ke kûi-chet; chúng-he, ngài ke ngiuk-thí sa hòng-fu̍k chhui ke fap-chet.