约翰福音第2章客家话和合本对照

相关章：

快速到节：

书卷列表：

和合本2010版约翰福音2:1迦拿的婚礼第三日，在加利利的迦拿有一个婚宴，耶稣的母亲在那裏。

现代客语汉字约翰福音2:1迦拿婚姻个筵席两日后，在加利利个迦拿城，有人结婚。耶稣个阿姆在该位；

现代客语全罗约翰福音2:1Kâ-nâ Fûn-yîn ke Yèn-si̍t Lióng-ngit heu, chhai Kâ-li-li ke Kâ-nâ-sàng, yû-ngìn kiet-fûn. Yâ-sû ke â-mê chhai ke-vi;

和合本2010版约翰福音2:2 耶稣和他的门徒也被请去赴宴。

现代客语汉字约翰福音2:2耶稣㧯厥学生也被佢等请去参加婚姻个筵席。

现代客语全罗约翰福音2:2 Yâ-sû lâu kiâ ho̍k-sâng ya pûn kì-têu chhiáng-hi chhâm-kâ fûn-yîn ke yèn-si̍t.

和合本2010版约翰福音2:3 酒用完了，耶稣的母亲对他说：「他们没有酒了。」

现代客语汉字约翰福音2:3酒啉净净，耶稣个阿姆㧯佢讲：「佢等无酒啰。」

现代客语全罗约翰福音2:3 Chiú lîm chhiang-chhiang, Yâ-sû ke â-mê lâu kì kóng: “Kì-têu mò chiú lô.”

和合本2010版约翰福音2:4 耶稣说：「母亲( [ 2.4] 原文直译「妇人」，在犹太文化中不是一种不尊敬的称呼。)，我与你何干呢？我的时候还没有到。」

现代客语汉字约翰福音2:4耶稣讲：「阿姆(52:4「阿姆」原文係「妇人家」。)，这㧯𠊎两侪有么介关係，𠊎个时节还吂到。」

现代客语全罗约翰福音2:4 Yâ-sû kóng: “Â-mê( 5 2:4 “Â-mê” ngièn-vùn he “Fu-ngìn-kâ”.), liá lâu ngài lióng-sà yû má-ke koân-he, ngài ke sṳ̀-chiet hàn-màng to.”

和合本2010版约翰福音2:5 他母亲对用人说：「他告诉你们甚么，你们就做吧。」

现代客语汉字约翰福音2:5耶稣个阿姆就吩咐僕人讲：「佢喊你等做么介，就照佢个话去做。」

现代客语全罗约翰福音2:5 Yâ-sû ke â-mê chhiu fûn-fu phu̍k-ngìn kóng: “Kì ham ngì-têu cho má-ke, chhiu cheu kì ke fa hi cho.”

和合本2010版约翰福音2:6 照犹太人洁净礼的规矩，有六口石缸摆在那裏，每口可以盛两三桶( [ 2.6] 「桶」：参「度量衡表」。)水。

现代客语汉字约翰福音2:6在该位有六只石腌缸，係犹太人行洁净礼个时用个，每只可以装大约一百公升个水。

现代客语全罗约翰福音2:6 Chhai ke-vi yû liuk-chak sa̍k âm-kông, he Yù-thai-ngìn hàng kiet-chhiang-lî ke sṳ̀ yung ke, mî-chak khó-yî chông thai-yok yit-pak kûng-sṳ̂n ke súi.

和合本2010版约翰福音2:7 耶稣对用人说：「把缸倒满水。」他们就倒满了，直到缸口。

现代客语汉字约翰福音2:7耶稣㧯僕人讲：「将这兜腌缸装满水。」佢等就倒水入去，直到淰起来。

现代客语全罗约翰福音2:7 Yâ-sû lâu phu̍k-ngìn kóng: “Chiông liá-têu âm-kông chông-mân súi.” Kì-têu chhiu tó súi ngi̍p-hi, chhṳ̍t-to nêm-hí-lòi.

和合本2010版约翰福音2:8 耶稣又说：「现在舀出来，送给宴会总管。」他们就送了去。

现代客语汉字约翰福音2:8耶稣又讲：「这下，舀兜出来，送给管筵席个。」佢等就送过去。

现代客语全罗约翰福音2:8 Yâ-sû yu kóng: “Liá-ha, yéu têu chhut-lòi, sung pûn kón yèn-si̍t ke.” Kì-têu chhiu sung ko-hi.

和合本2010版约翰福音2:9 宴会总管尝了那水变的酒，并不知道是哪裏来的，只有舀水的用人知道。于是宴会总管叫新郎来，

现代客语汉字约翰福音2:9管筵席个试啉该已经变做酒个水，毋知这酒係对㖠位来个(只有舀水个僕人知)，就喊新郎来，

现代客语全罗约翰福音2:9 Kón yèn-si̍t ke chhṳ-lîm ke yí-kîn pien-cho chiú ke súi, m̀-tî liá chiú he tui nai-vi lòi ke (chṳ́-yû yéu-súi ke phu̍k-ngìn tî), chhiu ham sîn-lòng lòi,

和合本2010版约翰福音2:10 对他说：「人家都是先摆上好酒，等客人喝够了才摆上次的，你倒把好酒留到现在！」

现代客语汉字约翰福音2:10㧯佢讲：「别人全部係先上好酒，等人客啉到差毋多正上普通个酒；你反转将最好个酒留到这下！」

现代客语全罗约翰福音2:10 lâu kì kóng: “Phe̍t-ngìn chhiòn-phu he siên sông hó chiú, tén ngìn-hak lîm-to chhâ-m̀-tô chang sông phû-thûng ke chiú; ngì fán-chón chiông chui-hó ke chiú liù-to liá-ha!”

和合本2010版约翰福音2:11 这是耶稣所行的第一个神蹟，是在加利利的迦拿行的，显出了他的荣耀来，他的门徒就信他了。

现代客语汉字约翰福音2:11这係耶稣所行个第一个神蹟，係在加利利个迦拿城行个。这个事显出佢个荣光；厥学生就信佢。

现代客语全罗约翰福音2:11 Liá he Yâ-sû só-hàng ke thi-yit-ke sṳ̀n-chiak, he chhai Kâ-li-li ke Kâ-nâ-sàng hàng ke. Liá-ke sṳ hién-chhut kì ke yùng-kông; kiâ ho̍k-sâng chhiu sin kì.

和合本2010版约翰福音2:12 这事以后，耶稣与他的母亲、兄弟( [ 2.12] 有古卷没有「兄弟」。)和门徒( [ 2.12] 有古卷没有「门徒」。)都下迦百农去，在那裏住了不多几天。 洁净圣殿

现代客语汉字约翰福音2:12这事以后，耶稣㧯厥姆、老弟，并学生下去迦百农，在该位住几日。耶稣洁净圣殿

现代客语全罗约翰福音2:12 Liá sṳ yî-heu, Yâ-sû lâu kiâ-mê, ló-thâi, pin ho̍k-sâng hâ-hi Kâ-pak-nùng, chhai ke-vi he̍t kí-ngit. Yâ-sû Kiet-chhiang Sṳn-thien

和合本2010版约翰福音2:13（太 21:12-13 可 11:15-17 路 19:45-46 ）犹太人的逾越节近了，耶稣上耶路撒冷去。

现代客语汉字约翰福音2:13( 马太21:12-13 马可11:15-17 路加19:45-46 )犹太人个𨃟过节会到了，耶稣上耶路撒冷去。

现代客语全罗约翰福音2:13( Mâ-thai 21:12-13 Mâ-khó 11:15-17 Lu-kâ 19:45-46 ) Yù-thai-ngìn ke Phàn-ko-chiet voi to lé, Yâ-sû sông Yâ-lu-sat-lâng hi.

和合本2010版约翰福音2:14 他看见圣殿裏有卖牛羊和鸽子的，还有兑换银钱的人坐着，

现代客语汉字约翰福音2:14在圣殿底背，佢看到有人在该位卖牛、羊、月鸽仔，也有兑换银钱个人坐在该位。

现代客语全罗约翰福音2:14 Chhai sṳn-thien tî-poi, kì khon-tó yû ngìn chhai ke-vi mai ngiù, yòng, ngie̍t-kap-è, ya yû tui-von ngiùn-chhièn ke ngìn chhô chhai ke-vi.

和合本2010版约翰福音2:15 耶稣就拿绳子做成鞭子，把所有的，包括牛羊都赶出圣殿，倒出兑换银钱之人的银钱，推翻他们的桌子，

现代客语汉字约翰福音2:15佢就拿索仔做鞭仔，将牛羊逐到圣殿外背去，又到换钱个人该位，倒出佢等个银钱，㩳横佢等个桌仔。

现代客语全罗约翰福音2:15 Kì chhiu nâ sok-è cho piên-é, chiông ngiù yòng kiuk-to sṳn-thien ngoi-poi hi, yu to von-chhièn ke ngìn ke-vi, tó-chhut kì-têu ke ngiùn-chhièn, súng-vang kì-têu ke chok-è.

和合本2010版约翰福音2:16 又对卖鸽子的说：「把这些东西拿走！不要把我父的殿当作买卖的地方。」

现代客语汉字约翰福音2:16然后佢对卖月鸽仔个人讲：「将这兜东西搬走，莫将吾爸个圣殿变做市场！」

现代客语全罗约翰福音2:16 Yèn-heu kì tui mai ngie̍t-kap-è ke ngìn kóng: “Chiông liá-têu tûng-sî pân-chéu, mo̍k chiông ngâ Pâ ke sṳn-thien pien-cho sṳ-chhòng!”

和合本2010版约翰福音2:17 他的门徒就想起经上记着：「我为你的殿心裏焦急，如同火烧。」

现代客语汉字约翰福音2:17厥学生想起圣经有话讲：「上帝啊，𠊎为你个圣殿大发热心，就像火烧！」

现代客语全罗约翰福音2:17 Kiâ ho̍k-sâng sióng-hí Sṳn-kîn yû fa kóng: “Song-ti â, ngài vi Ngì ke sṳn-thien thai-fat ngie̍t-sîm, chhiu-chhiong fó-sêu!”

和合本2010版约翰福音2:18 因此犹太人问他：「你能显甚么神蹟给我们看，表明你可以做这些事呢？」

现代客语汉字约翰福音2:18犹太人个领袖就质问佢讲：「你能显么介神蹟给𠊎等看，来证明你有权好做这兜事呢？」

现代客语全罗约翰福音2:18 Yù-thai-ngìn ke liâng-chhiu chhiu chṳt-mun kì kóng: “Ngì nèn hién má-ke sṳ̀n-chiak pûn ngài-têu khon, lòi chṳn-mìn ngì yû khièn hó cho liá-têu sṳ nè?”

和合本2010版约翰福音2:19 耶稣回答他们说：「你们拆毁这殿，我三日内要把它重建。」

现代客语汉字约翰福音2:19耶稣应讲：「你等拆掉这圣殿，三日内，𠊎会将它重建起来。」

现代客语全罗约翰福音2:19 Yâ-sû en-kóng: “Ngì-têu chhak-thet liá sṳn-thien, sâm-ngit-nui, ngài voi chiông kì chhùng-kien hí-lòi.”

和合本2010版约翰福音2:20 犹太人说：「这殿造了四十六年，你三日内就能重建吗？」

现代客语汉字约翰福音2:20佢等讲：「这圣殿已经起了四十六年，你三日内就会重建起来係么？」

现代客语全罗约翰福音2:20 Kì-têu kóng: “Liá sṳn-thien yí-kîn hí lé si-sṳ̍p-liuk ngièn, ngì sâm-ngit-nui chhiu voi chhùng-kien hí-lòi he-mò?”

和合本2010版约翰福音2:21 但耶稣所说的殿是指他的身体。

现代客语汉字约翰福音2:21其实，耶稣所讲个圣殿係指佢自家个身体。

现代客语全罗约翰福音2:21 Khì-sṳ̍t, Yâ-sû só-kóng ke sṳn-thien he chṳ́ kì chhṳ-kâ ke sṳ̂n-thí.

和合本2010版约翰福音2:22 所以他从死人中复活以后，门徒想起他曾说过这事，就信了圣经和耶稣所说的话。 耶稣洞察人心

现代客语汉字约翰福音2:22所以，耶稣对死复活以后，厥学生想起佢所讲过个这句话，就信圣经㧯耶稣所讲个。耶稣对人心个了解

现代客语全罗约翰福音2:22 Só-yî, Yâ-sû tui sí fu̍k-fa̍t yî-heu, kiâ ho̍k-sâng sióng-hí kì só kóng-ko ke liá-ki fa, chhiu sin Sṳn-kîn lâu Yâ-sû só-kóng ke. Yâ-sû tui Ngìn-sîm ke Liáu-kié

和合本2010版约翰福音2:23 耶稣在耶路撒冷过逾越节的时候，有许多人看见他所行的神蹟，就信了他的名。

现代客语汉字约翰福音2:23耶稣在耶路撒冷过𨃟过节个时，尽多人看到佢所行个神蹟，就信佢。

现代客语全罗约翰福音2:23 Yâ-sû chhai Yâ-lu-sat-lâng ko Phàn-ko-chiet ke sṳ̀, chhin-tô ngìn khon-tó kì só-hàng ke sṳ̀n-chiak, chhiu sin kì.

和合本2010版约翰福音2:24 耶稣自己却不信任他们，因为他认识所有的人，

现代客语汉字约翰福音2:24总係耶稣对佢等毋放心，因为佢对所有个人有尽深个认识。

现代客语全罗约翰福音2:24 Chúng-he Yâ-sû tui kì-têu m̀ fong-sîm, yîn-vi kì tui só-yû ke ngìn yû chhin chhṳ̂m ke ngin-sṳt.

和合本2010版约翰福音2:25 也用不着谁来证明人是怎样的，因为他自己认识人的内心。

现代客语汉字约翰福音2:25佢无需要么人㧯佢讲关係人个事，因为佢深深了解人个内心。

现代客语全罗约翰福音2:25 Kì mò sî-yeu má-ngìn lâu kì kóng koân-he ngìn ke sṳ, yîn-vi kì chhṳ̂m-chhṳ̂m liáu-kié ngìn ke nui-sîm.