约翰壹书第4章客家话和合本对照

相关章：

快速到节：

书卷列表：

和合本2010版约翰一书4:1上帝的灵和敌基督者的灵亲爱的，一切的灵不可都信，总要察验那些灵是否出于上帝，因为有许多假先知已经来到世上。

现代客语汉字约翰一书4:1真个灵㧯假个灵亲爱个朋友啊，一切个灵，你等毋好全部相信，一定爱察验该兜灵係毋係对上帝来个，因为已经有尽多个假先知逐所在出现。

现代客语全罗约翰一书4:1Chṳ̂n ke Lìn lâu Ká ke Lìn Chhîn-oi ke phèn-yû â, yit-chhiet ke lìn, ngì-têu m̀-hó chhiòn-phu siông-sin, yit-thin oi chhat-ngiam ke-têu lìn he m̀-he tui Song-ti lòi ke, yîn-vi yí-kîn yû chhin-tô ke ká siên-tî tak só-chhai chhut-hien.

和合本2010版约翰一书4:2 凡宣认耶稣基督是成了肉身而来的灵就是出于上帝的，由此你们可以认出上帝的灵来；

现代客语汉字约翰一书4:2你等爱样般认出係上帝个灵呢？么人公开承认耶稣基督係成做肉身来个，么人就有对上帝来个灵。

现代客语全罗约翰一书4:2 Ngì-têu oi ngióng-pân ngin-chhut he Song-ti ke Lìn nè? Má-ngìn kûng-khôi sṳ̀n-ngin Yâ-sû Kî-tuk he sàng-cho ngiuk-sṳ̂n lòi ke, má-ngìn chhiu yû tui Song-ti lòi ke Lìn.

和合本2010版约翰一书4:3 凡不宣认耶稣的灵，不是出于上帝。这是那敌基督者的灵；你们从前听见他要来，现在他已经在世上了。

现代客语汉字约翰一书4:3么人毋公开承认耶稣，佢就无对上帝来个灵；佢所有个係该只敌基督个灵。你等有听过这个灵爱来，这下已经在世间了。

现代客语全罗约翰一书4:3 Má-ngìn m̀ kûng-khôi sṳ̀n-ngin Yâ-sû, kì chhiu mò tui Song-ti lòi ke Lìn; kì só-yû ke he ke-chak thi̍t Kî-tuk ke lìn. Ngì-têu yû thâng-ko liá-ke lìn oi lòi, liá-ha yí-kîn chhai sṳ-kiên lé.

和合本2010版约翰一书4:4 孩子们哪，你们是属上帝的，并且胜过了假先知，因为那在你们裏面的比那在世界上的更大。

现代客语汉字约翰一书4:4亲爱个子女啊，你等係属上帝个，也已经赢过假先知了，因为在你等底背个灵比属世界个人底背个灵较有力量。

现代客语全罗约翰一书4:4 Chhîn-oi ke chṳ́-ńg â, ngì-têu he su̍k Song-ti ke, ya yí-kîn yàng-ko ká siên-tî lé, yîn-vi chhai ngì-têu tî-poi ke Lìn pí su̍k sṳ-kie ke ngìn tî-poi ke lìn kha yû li̍t-liong.

和合本2010版约翰一书4:5 他们是属世界的，所以讲论世界的事，而世人也听从他们。

现代客语汉字约翰一书4:5该兜假先知讲论世间个事，世间人听从佢等，因为佢等係属世界个。

现代客语全罗约翰一书4:5 Ke-têu ká siên-tî kóng-lun sṳ-kiên ke sṳ, sṳ-kiên-ngìn thâng-chhiùng kì-têu, yîn-vi kì-têu he su̍k sṳ-kie ke.

和合本2010版约翰一书4:6 我们是属上帝的，认识上帝的就听从我们；不属上帝的就不听从我们。从此我们可以认出真理的灵和错谬的灵来。 上帝就是爱

现代客语汉字约翰一书4:6总係，𠊎等係属上帝个。认识上帝个人就听从𠊎等；毋属上帝个人就毋听从𠊎等。照这点，𠊎等知爱样般认出真理个灵㧯错误个灵。上帝係爱

现代客语全罗约翰一书4:6 Chúng-he, ngài-têu he su̍k Song-ti ke. Ngin-sṳt Song-ti ke ngìn chhiu thâng-chhiùng ngài-têu; m̀ su̍k Song-ti ke ngìn chhiu m̀ thâng-chhiùng ngài-têu. Cheu liá-tiám, ngài-têu tî oi ngióng-pân ngin-chhut chṳ̂n-lî ke Lìn lâu chho-ngu ke lìn. Song-ti he Oi

和合本2010版约翰一书4:7 亲爱的，我们要彼此相爱，因为爱是从上帝来的。凡有爱的都是由上帝而生，并且认识上帝。

现代客语汉字约翰一书4:7亲爱个朋友啊，𠊎等爱彼此相惜，因为爱心係对上帝来个。该有爱心个，係上帝所𫱔个，也认识上帝。

现代客语全罗约翰一书4:7 Chhîn-oi ke phèn-yû â, ngài-têu oi pí-chhṳ́ siông-siak, yîn-vi oi-sîm he tui Song-ti lòi ke. Ke yû oi-sîm ke, he Song-ti só kiung ke, ya ngin-sṳt Song-ti.

和合本2010版约翰一书4:8 没有爱的就不认识上帝，因为上帝就是爱。

现代客语汉字约翰一书4:8该无爱心个，毋识上帝，因为上帝就係爱。

现代客语全罗约翰一书4:8 Ke mò oi-sîm ke, m̀-sṳt Song-ti, yîn-vi Song-ti chhiu-he oi.

和合本2010版约翰一书4:9 上帝差他独一的儿子到世上来，使我们藉着他得生命；由此，上帝对我们的爱就显明了。

现代客语汉字约翰一书4:9上帝差派佢独一个孻仔(74:9「佢独一个孻仔」抑係译做「佢个独生子」。)到世间来，使𠊎等通过佢得到生命；上帝用恁样来显明佢惜𠊎等。

现代客语全罗约翰一书4:9 Song-ti chhâi-phai Kì Thu̍k-yit ke Lai-é( 7 4:9 “Kì Thu̍k-yit ke Lai-é” ya-he yi̍t-cho “Kì ke Thu̍k-sên-chṳ́”.) to sṳ-kiên lòi, pûn ngài-têu thûng-ko kì tet-tó sâng-miang; Song-ti yung án-ngiòng lòi hién-mìn Kì siak ngài-têu.

和合本2010版约翰一书4:10 不是我们爱上帝，而是上帝爱我们，差他的儿子为我们的罪作了赎罪祭；这就是爱。

现代客语汉字约翰一书4:10这就係爱：毋係𠊎等敬爱上帝，係上帝惜𠊎等，差派佢个孻仔，为到𠊎等牺牲，赎𠊎等个罪。

现代客语全罗约翰一书4:10 Liá chhiu-he oi: M̀-he ngài-têu kin-oi Song-ti, he Song-ti siak ngài-têu, chhâi-phai Kì ke Lai-é, vi-tó ngài-têu hî-sên, su̍k ngài-têu ke chhui.

和合本2010版约翰一书4:11 亲爱的，既然上帝这样爱我们，我们也要彼此相爱。

现代客语汉字约翰一书4:11亲爱个朋友啊，既然上帝恁惜𠊎等，𠊎等也应该彼此相惜。

现代客语全罗约翰一书4:11 Chhîn-oi ke phèn-yû â, ki-yèn Song-ti án siak ngài-têu, ngài-têu ya yin-kôi pí-chhṳ́ siông-siak.

和合本2010版约翰一书4:12 从来没有人见过上帝，我们若彼此相爱，上帝就住在我们裏面，他的爱在我们裏面得以完满了。

现代客语汉字约翰一书4:12无人见过上帝，总係𠊎等若彼此相惜，上帝就在𠊎等个生命底背，佢个痛惜在𠊎等个当中就完全实现了。

现代客语全罗约翰一书4:12 Mò ngìn kien-ko Song-ti, chúng-he ngài-têu na pí-chhṳ́ siông-siak, Song-ti chhiu chhai ngài-têu ke sâng-miang tî-poi, Kì ke thung-siak chhai ngài-têu ke tông-chûng chhiu vàn-chhiòn sṳ̍t-hien lé.

和合本2010版约翰一书4:13 因为上帝将他的灵赐给我们，由此我们知道我们是住在他裏面，而他也住在我们裏面。

现代客语汉字约翰一书4:13上帝将佢个灵赐给𠊎等，因为恁样，𠊎等知𠊎等在佢个生命底背，佢也在𠊎等个生命底背。

现代客语全罗约翰一书4:13 Song-ti chiông Kì ke Lìn su-pûn ngài-têu, yîn-vi án-ngiòng, ngài-têu tî ngài-têu chhai Kì ke sâng-miang tî-poi, Kì ya chhai ngài-têu ke sâng-miang tî-poi.

和合本2010版约翰一书4:14 父差子作世人的救主，这是我们所看见并且作见证的。

现代客语汉字约翰一书4:14天顶个阿爸差派佢个孻仔来做世界个救主；这係𠊎等所看到、所见证个。

现代客语全罗约翰一书4:14 Thiên-táng ke Â-pâ chhâi-phai Kì ke Lai-é lòi cho sṳ-kie ke Kiu-chú; liá he ngài-têu só khon-tó, só kien-chṳn ke.

和合本2010版约翰一书4:15 凡宣认耶稣为上帝儿子的，上帝就住在他裏面，而他也住在上帝裏面。

现代客语汉字约翰一书4:15么人公开承认耶稣係上帝个孻仔，上帝就在佢个生命底背，佢也在上帝个生命底背。

现代客语全罗约翰一书4:15 Má-ngìn kûng-khôi sṳ̀n-ngin Yâ-sû he Song-ti ke Lai-é, Song-ti chhiu chhai kì ke sâng-miang tî-poi, kì ya chhai Song-ti ke sâng-miang tî-poi.

和合本2010版约翰一书4:16 我们知道并且深信上帝是爱我们的。上帝就是爱，住在爱裏面的就是住在上帝裏面；上帝也住在他裏面。

现代客语汉字约翰一书4:16所以，𠊎等知，也相信，上帝惜𠊎等。上帝就係爱；生命肚有爱心个人就在上帝个生命底背，上帝也在佢个生命底背。

现代客语全罗约翰一书4:16 Só-yî, ngài-têu tî, ya siông-sin, Song-ti siak ngài-têu.Song-ti chhiu-he oi; sâng-miang-tú yû oi-sîm ke ngìn chhiu chhai Song-ti ke sâng-miang tî-poi, Song-ti ya chhai kì ke sâng-miang tî-poi.

和合本2010版约翰一书4:17 由此，爱在我们裏面得以完满：我们可以在审判的日子坦然无惧，因为基督如何，我们在这世上也如何。

现代客语汉字约翰一书4:17恁样，爱就在𠊎等个当中完全实现，使𠊎等在审判该日好胆无惊；因为𠊎等在世间有同基督共样个生命。

现代客语全罗约翰一书4:17 Án-ngiòng, oi chhiu chhai ngài-têu ke tông-chûng vàn-chhiòn sṳ̍t-hien, sṳ́ ngài-têu chhai sṳ́m-phan ke-ngit hó-tám mò kiâng; yîn-vi ngài-têu chhai sṳ-kiên yû thùng Kî-tuk khiung-yong ke sâng-miang.

和合本2010版约翰一书4:18 在爱裏没有惧怕；完满的爱把惧怕驱逐出去，因为惧怕裏含着惩罚，惧怕的人在爱裏尚未得到完满。

现代客语汉字约翰一书4:18在爱底背无惊；完全个爱心能逐走一切个惊。所以，会惊个人就係无完全个爱心，因为惊㧯刑罚係连做一下个。

现代客语全罗约翰一书4:18 Chhai oi tî-poi mò kiâng; vàn-chhiòn ke oi-sîm nèn kiuk-chéu yit-chhiet ke kiâng. Só-yî, voi kiâng ke ngìn chhiu-he mò vàn-chhiòn ke oi-sîm, yîn-vi kiâng lâu hìn-fa̍t he lièn-cho yit-ha ke.

和合本2010版约翰一书4:19 我们爱，因为上帝先爱我们。

现代客语汉字约翰一书4:19𠊎等爱，因为上帝先惜𠊎等。

现代客语全罗约翰一书4:19 Ngài-têu oi, yîn-vi Song-ti siên siak ngài-têu.

和合本2010版约翰一书4:20 人若说「我爱上帝」，却恨他的弟兄，就是说谎了；不爱他看得见的弟兄，就不能爱看不见的上帝。( [ 4.20] 有古卷是「怎能爱没有看见的上帝呢？」)

现代客语汉字约翰一书4:20若有人讲「𠊎敬爱上帝」，还怨恨自家个兄弟姊妹，佢就係讲花撩个人；佢既然毋惜该看得到个兄弟姊妹，就无法度敬爱该看毋到个上帝。

现代客语全罗约翰一书4:20 Na yû-ngìn kóng “Ngài kin-oi Song-ti”, hàn yen-hen chhṳ-kâ ke hiûng-thi chí-moi, kì chhiu he kóng fâ-liâu ke ngìn; kì ki-yèn m̀ siak ke khon tet-tó ke hiûng-thi chí-moi, chhiu mò fap-thu kin-oi ke khon-m̀-tó ke Song-ti.

和合本2010版约翰一书4:21 爱上帝的，也要爱弟兄；这是我们从上帝所受的命令。

现代客语汉字约翰一书4:21这係𠊎等对基督所领受个命令：敬爱上帝个，也应当惜兄弟姊妹。

现代客语全罗约翰一书4:21 Liá he ngài-têu tui Kî-tuk só liâng-su ke min-lin: Kin-oi Song-ti ke, ya yin-tông siak hiûng-thi chí-moi.