约伯记第6章客家话和合本对照

相关章：

快速到节：

书卷列表：

和合本2010版约伯记6:1 约伯回答说：

现代客语汉字约伯记6:1约伯应讲：

现代客语全罗约伯记6:1 Yok-pak en-kóng:

和合本2010版约伯记6:2 「惟愿我的烦恼被秤一秤，我一切的灾害放在天平裏，

现代客语汉字约伯记6:2愿有人将𠊎个忧愁秤看仔，有人将𠊎个灾难放在天平；

现代客语全罗约伯记6:2 Ngien yû ngìn chiông ngài ke yù-sèu chhṳn khon-é,yû ngìn chiông ngài ke châi-nan piong chhai thiên-phìn;

和合本2010版约伯记6:3 现今都比海沙更重，所以我说话急躁。

现代客语汉字约伯记6:3它兜比海滣个沙还较重；所以，毋好怪𠊎讲话粗俗。

现代客语全罗约伯记6:3 kì-têu pí hói-sùn ke sâ hàn-kha chhûng;só-yî, m̀-hó koai ngài kóng-fa chhû-siu̍k.

和合本2010版约伯记6:4 因全能者的箭射中了我，我的灵喝尽其毒；上帝的惊吓摆阵攻击我。

现代客语汉字约伯记6:4全能个上帝用箭射到𠊎；箭头个毒遰到𠊎个身心灵。上帝用各种得人惊个灾难打击𠊎。

现代客语全罗约伯记6:4 Chhiòn-nèn ke Song-ti yung chien sa-tó ngài;chien-thèu ke thu̍k chhe-to ngài sṳ̂n-sîm-lìn.Song-ti yung kok-chúng tet-ngìn-kiâng ke châi-nan tá-kit ngài.

和合本2010版约伯记6:5 野驴有草岂会叫唤？牛有饲料岂会吼叫？

现代客语汉字约伯记6:5野驴有青草就满足；牛有草好食就恬恬。

现代客语全罗约伯记6:5 Yâ-lì yû chhiâng-chhó chhiu mân-chiuk;ngiù yû chhó hó-sṳ̍t chhiu tiâm-tiâm.

和合本2010版约伯记6:6 食物淡而无盐岂可吃呢？蛋白有甚么滋味呢？

现代客语汉字约伯记6:6食物无鹹无味样食得？卵白敢有么介味绪呢？

现代客语全罗约伯记6:6 Sṳ̍t-vu̍t mò-hàm mò-mi ngióng sṳ̍t-tet?Lón-pha̍k kám-yû má-ke mi-si nè?

和合本2010版约伯记6:7 那些可厌的食物，我心不肯挨近。

现代客语汉字约伯记6:7这种食物𠊎无爱食，一下落嘴就想爱呕。

现代客语全罗约伯记6:7 Liá-chúng sṳ̍t-vu̍t ngài mò-oi sṳ̍t,yit-ha lo̍k-choi chhiu sióng-oi éu.

和合本2010版约伯记6:8 「惟愿我得着所求的，上帝赏赐我所切望的，

现代客语汉字约伯记6:8愿上帝赐给𠊎所祈求个，赏赐𠊎所盼望个。

现代客语全罗约伯记6:8 Ngien Song-ti su-pûn ngài só khì-khiù ke,sóng-su ngài só phan-mong ke.

和合本2010版约伯记6:9 愿上帝把我压碎，伸手将我剪除。

现代客语汉字约伯记6:9愿上帝将𠊎碛糜，出手将𠊎剪除！

现代客语全罗约伯记6:9 Ngien Song-ti chiông ngài chak-mièn,chhut-sú chiông ngài chién-chhù!

和合本2010版约伯记6:10 我因没有违弃那圣者的言语，就仍以此为安慰，在不止息的痛苦中还可欢跃。

现代客语汉字约伯记6:10恁样，𠊎还係会得到安慰；苦难重到会死，𠊎还会欢喜，因为𠊎从来毋识违背神圣上帝个命令。

现代客语全罗约伯记6:10 Án-ngiòng, ngài hàn-he voi tet-tó ôn-ví;khú-nan chhûng-to voi sí, ngài hàn voi fôn-hí,yîn-vi ngài chhiùng-lòi m̀-sṳt vì-poi sṳ̀n-sṳn Song-ti ke min-lin.

和合本2010版约伯记6:11 我有甚么气力使我等候？我有甚么结局使我忍耐？

现代客语汉字约伯记6:11𠊎㖠有元气紧等等下去呢？𠊎毋知结局，爱样般忍耐呢？

现代客语全罗约伯记6:11 Ngài nai-yû ngièn-hi kín tén-tén hâ-hi nè?Ngài m̀-tî kiet-khiu̍k, oi ngióng-pân ngiûn-nai nè?

和合本2010版约伯记6:12 我的气力岂是石头的气力？我的肉身岂是铜呢？

现代客语汉字约伯记6:12敢讲𠊎係石头做个？敢讲𠊎个身体係铜打个？

现代客语全罗约伯记6:12 Kám-kóng ngài he sa̍k-thèu cho ke?Kám-kóng ngài ke sṳ̂n-thí he thùng tá ke?

和合本2010版约伯记6:13 在我裏面岂不是无助吗？智慧岂不是从我心中被赶逐吗？

现代客语汉字约伯记6:13𠊎实在无办法好救自家；𠊎毋知爱去㖠位求帮助。

现代客语全罗约伯记6:13 Ngài sṳ̍t-chhai mò phan-fap hó kiu chhṳ-kâ;ngài m̀-tî oi hi nai-vi khiù pông-chhu.

和合本2010版约伯记6:14 「灰心的人，他的朋友当以慈爱待他，因为他将离弃敬畏全能者的心。

现代客语汉字约伯记6:14该兜无用慈爱对待朋友个，就係豁掉对全能者个敬畏(106:14「该兜…敬畏」抑係译做「不管𠊎係毋係豁掉对全能者个敬畏，在恁样个患难中𠊎需要忠心个朋友。」)。

现代客语全罗约伯记6:14 Ke-têu mò yung chhṳ̀-oi tui-thai phèn-yû ke,chhiu he vok-thet tui Chhiòn-nèn-chá ke kin-vi( 10 6:14 “Ke-têu ... kin-vi” ya-he yi̍t-cho “Put-kón ngài he m̀-he vok-thet tui Chhiòn-nèn-chá ke kin-vi, chhai án-ngiòng ke fam-nan chûng ngài sî-yeu chûng-sîm ke phèn-yû.”).

和合本2010版约伯记6:15 我的弟兄诡诈，好像河道，像溪水流过的河床，

现代客语汉字约伯记6:15𠊎个兄弟啊，你等像溪水靠毋得，一下无落雨，水就燥掉。

现代客语全罗约伯记6:15 Ngài ke hiûng-thi â, ngì-têu chhiong hâi-súi kho m̀-tet,yit-ha mò lo̍k-yí, súi chhiu châu-thet.

和合本2010版约伯记6:16 因结冰而混浊，有雪藏在其中，

现代客语汉字约伯记6:16寒天落雪个时，溪水就结冰。

现代客语全罗约伯记6:16 Hòn-thiên lo̍k-siet ke sṳ̀,hâi-súi chhiu kiet-pên.

和合本2010版约伯记6:17 暖和的时候就溶化，炎热时便从原处乾涸。

现代客语汉字约伯记6:17在热天需要水个时，它又燥掉。

现代客语全罗约伯记6:17 Chhai ngie̍t-thiên sî-yeu súi ke sṳ̀,kì yu châu-thet.

和合本2010版约伯记6:18 商队偏离道路，上到荒凉之地而死亡。

现代客语汉字约伯记6:18归队生理人寻水源却迷路，佢等行毋着路就死在旷野。

现代客语全罗约伯记6:18 Kûi-chhui sên-lî ngìn chhìm súi-ngièn sa mì-lu,kì-têu hàng m̀-chho̍k lu chhiu sí chhai khóng-yâ.

和合本2010版约伯记6:19 提玛的商队瞻望，示巴的旅客等候。

现代客语汉字约伯记6:19归队提玛个生理人去寻水；示巴个旅客紧等也紧希望。

现代客语全罗约伯记6:19 Kûi-chhui Thì-mâ ke sên-lî ngìn hi chhìm súi;Sṳ-pâ ke lî-hak kín-tén ya kín hî-mong.

和合本2010版约伯记6:20 他们因希望落空就抱愧，来到那裏便蒙羞。

现代客语汉字约伯记6:20佢等个盼望变做痛苦；佢等寻毋到水就失望。

现代客语全罗约伯记6:20 Kì-têu ke phan-mong pien-cho thung-khú;kì-têu chhìm m̀-tó súi chhiu sṳt-mong.

和合本2010版约伯记6:21 现在你们正是这样( [ 6.21] 「你们正是这样」：原文另译「你们算不得甚么」。)，看见惊吓的事就惧怕。

现代客语汉字约伯记6:21对𠊎来讲，你等就像这溪水；看到𠊎个情况，就着惊倒退。

现代客语全罗约伯记6:21 Tui ngài lòi-kóng, ngì-têu chhiu-chhiong liá hâi-súi;khon-tó ngài ke chhìn-khóng, chhiu chho̍k-kiâng to-thui.

和合本2010版约伯记6:22 我岂说：『请你们供给我，从你们的财物中送礼给我』？

现代客语汉字约伯记6:22𠊎敢识向你等求么介礼物，抑係爱你等为𠊎去收买人？

现代客语全罗约伯记6:22 Ngài kám sṳt hiong ngì-têu khiù má-ke lî-vu̍t,ya-he oi ngì-têu vi ngài hi sû-mâi ngìn?

和合本2010版约伯记6:23 或说：『请你们拯救我脱离敌人的手，救赎我脱离残暴人的手』吗？

现代客语汉字约伯记6:23抑係要求救𠊎离开仇敌个手，抑係赎𠊎离开该兜强暴个手？

现代客语全罗约伯记6:23 Ya-he yêu-khiù kiu ngài lì-khôi sù-thi̍t ke sú,ya-he su̍k ngài lì-khôi ke-têu khiòng-phau ke sú?

和合本2010版约伯记6:24 「请你们指教我，我就不作声；我在何事上有错，请使我明白。

现代客语汉字约伯记6:24好啊，请你教𠊎，𠊎会恬恬听；使𠊎了解自家㖠位毋着。

现代客语全罗约伯记6:24 Hó â, chhiáng ngì kâu ngài, ngài voi tiâm-tiâm thâng;sṳ́ ngài liáu-kié chhṳ-kâ nai-vi m̀-chho̍k.

和合本2010版约伯记6:25 正直言语的力量何其大！但你们责备是责备甚么呢？

现代客语汉字约伯记6:25讲话公当就会使人信服；总係你等到底责备么介？

现代客语全罗约伯记6:25 Kóng-fa kûng-tong chhiu voi sṳ́ ngìn sin-fu̍k;chúng-he ngì-têu to-tái chit-phi má-ke?

和合本2010版约伯记6:26 绝望人的讲论既然如风，你们还计划批驳言语吗？

现代客语汉字约伯记6:26𠊎绝望个话你等看做像风；做么介还想爱责备改正𠊎？

现代客语全罗约伯记6:26 Ngài chhie̍t-mong ke fa ngì-têu khon-cho chhiong fûng;cho-má-ke hàn sióng-oi chit-phi kói-chṳn ngài?

和合本2010版约伯记6:27 你们甚至为孤儿抽籤，把朋友当货物。

现代客语汉字约伯记6:27你等抽籤，爱得到孤儿来做奴才，想爱赚钱，你等还敢出卖好朋友。

现代客语全罗约伯记6:27 Ngì-têu chhû-chhiâm, oi tet-tó kû-yì lòi cho nù-chhòi,sióng-oi chhon-chhièn, ngì-têu hàn-kám chhut-mai hó phèn-yû.

和合本2010版约伯记6:28 「现在，请你们看着我，我绝不当面说谎。

现代客语汉字约伯记6:28请你等面对面来看𠊎，𠊎绝对毋会讲花撩。

现代客语全罗约伯记6:28 Chhiáng ngì-têu mien-tui-mien lòi khon ngài,ngài chhie̍t-tui m̀-voi kóng fâ-liâu.

和合本2010版约伯记6:29 请你们转意，不要不公义；请再转意，正义在我这裏。

现代客语汉字约伯记6:29你等爱回心转意，毋好恁无公平；爱再想看仔，因为𠊎正直无虚假。

现代客语全罗约伯记6:29 Ngì-têu oi fì-sîm chón-yi, m̀-hó án mò kûng-phìn;oi chai sióng khon-é, yîn-vi ngài chṳn-chhṳ̍t mò hî-ká.

和合本2010版约伯记6:30 我的舌头岂有不公义吗？我的上膛岂不辨奸恶吗？」

现代客语汉字约伯记6:30𠊎个舌乸敢识讲花撩，𠊎敢毋会分别是非吗？

现代客语全罗约伯记6:30 Ngài ke sa̍t-mà kám sṳt kóng fâ-liâu,ngài kám m̀-voi fûn-phe̍t sṳ-fî mâ?

圣经-旧约

圣经-新约