约伯记第30章客家话和合本对照

相关章：

快速到节：

书卷列表：

和合本2010版约伯记30:1 「但如今，比我年轻的人讥笑我；我曾藐视他们的父亲，不放在我的牧羊犬中。

现代客语汉字约伯记30:1总係这下，比𠊎较后生个人却嘲谑𠊎；佢等个阿爸本来係𠊎尽看毋上眼个人，连俾佢等㧯狗仔共下去掌羊，𠊎都无爱。

现代客语全罗约伯记30:1 Chúng-he liá-ha, pí ngài kha heu-sâng ke ngìn sa sâu-nat ngài;kì-têu ke â-pâ pún-lòi he ngài chhin khon m̀ sông-ngién ke ngìn,lièn pûn kì-têu lâu kiéu-è khiung-ha hi chóng-yòng, ngài tû mò-oi.

和合本2010版约伯记30:2 他们的精力既已衰败，手中的气力于我何益？

现代客语汉字约伯记30:2佢等尽衰弱，双手无力；佢等对𠊎无么介用。

现代客语全罗约伯记30:2 Kì-têu chhin sôi-ngio̍k, sûng-sú mò-li̍t;kì-têu tui ngài mò má-ke yung.

和合本2010版约伯记30:3 他们因穷乏饥饿，没有生气，在荒废凄凉的幽暗中啃乾燥之地。

现代客语汉字约伯记30:3佢等因为贫穷饥饿，身体瘦弱，暗晡头在偏僻个地方挖草根充饥。

现代客语全罗约伯记30:3 Kì-têu yîn-vi phìn-khiùng kî-ngo, sṳ̂n-thí chheu-ngio̍k,am-pû-thèu chhai phiên-phit ke thi-fông yet chhó-kîn chhûng-kî.

和合本2010版约伯记30:4 他们在草丛之中採鹹草，罗腾( [ 30.4] 「罗腾」是音译，小树名，松类。)树的根成为他们的食物。

现代客语汉字约伯记30:4佢等在草薮中寻鹹草叶，连苦涩个罗腾树根也拿来做食物。

现代客语全罗约伯记30:4 Kì-têu chhai chhó-teu chûng chhìm hàm-chhó ya̍p,lièn fú-set ke lò-thèn su-kîn ya nâ-lòi cho sṳ̍t-vu̍t.

和合本2010版约伯记30:5 他们从人羣中被赶出，人追喊他们如贼一般，

现代客语汉字约伯记30:5佢等被人赶出；人喊佢等像捉贼仔恁样。

现代客语全罗约伯记30:5 Kì-têu pûn-ngìn kón-chhut;ngìn hêm kì-têu chhiong chok chhe̍t-é án-ngiòng.

和合本2010版约伯记30:6 以致他们住在荒谷，住在地洞和巖穴中。

现代客语汉字约伯记30:6高不将，佢等走到山坜肚，住在石窿㧯地窿个底背。

现代客语全罗约伯记30:6 Kô-put-chiông, kì-têu chéu-to sân-lak tú,he̍t chhai sa̍k-lùng lâu thi-lùng ke tî-poi.

和合本2010版约伯记30:7 他们在草丛中叫唤，在荆棘下挤成一团。

现代客语汉字约伯记30:7佢等在荒埔像野兽哕哕嘶嘶，在竻薮个下背尖做一堆。

现代客语全罗约伯记30:7 Kì-têu chhai fông-phû chhiong yâ-chhu vè-vè sê-sê,chhai net-teu ke hâ-poi chiâm-cho yit-tôi.

和合本2010版约伯记30:8 这都是愚顽卑微人的儿女；他们被鞭打，赶出境外。

现代客语汉字约伯记30:8佢等係下贱个废物，被人鞭打，逐出境外。

现代客语全罗约伯记30:8 Kì-têu he ha-chhien ke fi-vu̍t,pûn-ngìn piên-tá, kiuk-chhut kin-ngoi.

和合本2010版约伯记30:9 「现在这些人以我为歌曲，以我为笑谈。

现代客语汉字约伯记30:9这下，这兜人唱歌来嘲谑𠊎；𠊎变做佢等个笑谈。

现代客语全罗约伯记30:9 Liá-ha, liá-têu ngìn chhong-kô lòi sâu-nat ngài;ngài pien-cho kì-têu ke seu-thàm.

和合本2010版约伯记30:10 他们厌恶我，躲避我，不住地吐唾沫在我脸上。

现代客语汉字约伯记30:10佢等恼𠊎，闪到远远；看到𠊎就呸𠊎口潾。

现代客语全罗约伯记30:10 Kì-têu nâu ngài, sám-to yén-yén;khon-tó ngài chhiu phi ngài héu-lân.

和合本2010版约伯记30:11 上帝鬆开我的弓弦( [ 30.11] 「我的弓弦」：原文另译「他的弓弦」。)使我受苦，他们就在我面前脱去辔头。

现代客语汉字约伯记30:11上帝使𠊎衰弱无力，佢等就放势侮辱𠊎。

现代客语全罗约伯记30:11 Song-ti sṳ́ ngài sôi-ngio̍k mò-li̍t,kì-têu chhiu fong-se vú-yu̍k ngài.

和合本2010版约伯记30:12 这伙人在我右边起来，他们推开我的脚，筑灾难之路攻击我。

现代客语汉字约伯记30:12这群下流个人走到右片攻击𠊎；佢等使𠊎逃走；佢等準备对𠊎做最后个攻击。

现代客语全罗约伯记30:12 Liá-khiùn ha-liù ke ngìn chéu-to yu-phién kûng-kit ngài;kì-têu sṳ́ ngài thò-chéu;kì-têu chún-phi tui ngài cho chui-heu ke kûng-kit.

和合本2010版约伯记30:13 他们毁坏我的道，加增我的灾害；他们毋须人帮助。

现代客语汉字约伯记30:13佢等切断𠊎个退路，想尽办法爱消灭𠊎；无一个人阻挡(4530:13「阻挡」希伯来文係「帮助」。)佢等。

现代客语全罗约伯记30:13 Kì-têu chhiet-thôn ngài ke thui-lu,sióng-chhin phan-fap oi sêu-me̍t ngài;mò yit-ke ngìn chú-tóng( 45 30:13 “chú-tóng” Hî-pak-lòi-vùn he “pông-chhu”.) kì-têu.

和合本2010版约伯记30:14 他们来，如同闯进大缺口，在暴风间滚动。

现代客语汉字约伯记30:14佢等攻破𠊎个防备，重重碛在𠊎个身上。

现代客语全罗约伯记30:14 Kì-têu kûng-pho ngài ke fòng-phi,chhûng-chhûng chak chhai ngài ke sṳ̂n-song.

和合本2010版约伯记30:15 惊恐倾倒在我身上，我的尊荣被逐如风；我的福禄如云飘去。

现代客语汉字约伯记30:15恐怖像城墙揜到𠊎，𠊎个荣光随风飞走，富贵像云恁样消散。

现代客语全罗约伯记30:15 Khiúng-pu chhiong sàng-chhiòng khièm-tó ngài,ngài ke yùng-kông sùi fûng pî-chéu,fu-kui chhiong yùn án-ngiòng sêu-san.

和合本2010版约伯记30:16 「现在我的心极其悲伤，困苦的日子将我抓住。

现代客语汉字约伯记30:16这下𠊎差毋多会无命；痛苦个日仔将𠊎捉住。

现代客语全罗约伯记30:16 Liá-ha ngài chhâ-m̀-tô voi mò miang;thung-khú ke ngit-è chiông ngài chok-he̍t.

和合本2010版约伯记30:17 夜间，我裏面的骨头刺痛，啃着我的没有止息。

现代客语汉字约伯记30:17暗晡头𠊎全身骨头痠痛，大痛苦咬等𠊎一直无停。

现代客语全罗约伯记30:17 Am-pû-thèu ngài chhiòn-sṳ̂n kut-thèu sôn-thung,thai thung-khú ngâu-tén ngài yit-chhṳ̍t mò-thìn.

和合本2010版约伯记30:18 我的外衣因大力扭皱( [ 30.18] 「我的外衣…扭皱」：七十士译本是「他用大力抓住我的外衣」。)，内衣的领子把我勒住。

现代客语汉字约伯记30:18上帝用大力将𠊎个衫领仔拉到𢫮𢫮，又扭等𠊎个衫。

现代客语全罗约伯记30:18 Song-ti yung thai-li̍t chiông ngài ke sâm liâng-é lâi-to hèn-hèn,yu ngiú-tén ngài ke sâm.

和合本2010版约伯记30:19 上帝把我扔在淤泥之中，我就像尘土和灰烬一样。

现代客语汉字约伯记30:19佢将𠊎㧒在泥浆底背；𠊎像泥粉㧯火灰一样。

现代客语全罗约伯记30:19 Kì chiông ngài fit chhai nài-chiông tî-poi;ngài chhiong nài-fún lâu fó-fôi yit-yong.

和合本2010版约伯记30:20 我呼求你，你不应允我；我站起来，你只是望着我。

现代客语汉字约伯记30:20上帝啊，𠊎求你，你毋应；𠊎向你祈祷，你毋插𠊎。

现代客语全罗约伯记30:20 Song-ti â, ngài khiù Ngì, Ngì m̀-en;ngài hiong Ngì khì-tó, Ngì m̀-chhap ngài.

和合本2010版约伯记30:21 你对我变得残忍，大能的手追逼我。

现代客语汉字约伯记30:21你对𠊎变心，对𠊎恁残忍；你用大能个手来压迫𠊎。

现代客语全罗约伯记30:21 Ngì tui ngài pien-sîm, tui ngài án chhàn-ngiûn;Ngì yung thai-nèn ke sú lòi ap-pet ngài.

和合本2010版约伯记30:22 你把我提到风中，使我乘风而去，使我消失在烈风之中。

现代客语汉字约伯记30:22你用风差将𠊎打来打去，俾𠊎在暴风中㧹来㧹去。

现代客语全罗约伯记30:22 Ngì yung fûng-chhâi chiông ngài tá-lòi tá-hi,pûn ngài chhai phau-fûng chûng te̍p-lòi te̍p-hi.

和合本2010版约伯记30:23 我知道你要使我归于死亡，到那为众生所定的阴宅。

现代客语汉字约伯记30:23𠊎知你想爱俾𠊎下去阴间，𢱋𠊎到人死掉爱去个所在。

现代客语全罗约伯记30:23 Ngài tî Ngì sióng-oi pûn ngài hâ-hi yîm-kiên,thu ngài to ngìn sí-thet oi hi ke só-chhai.

和合本2010版约伯记30:24 「然而，人在废墟岂不伸手？遇灾难时一定呼救。( [ 30.24] 「遇灾难时一定呼救。」原文另译「遇灾难时岂不呼救呢？」或「遇灾难时必得帮助。」)

现代客语汉字约伯记30:24你做么介攻击一个衰败个人呢？堵到灾难，佢只有向你求怜悯。

现代客语全罗约伯记30:24 Ngì cho-má-ke kûng-kit yit-ke sôi-phai ke ngìn nè?Tù-tó châi-nan, kì chṳ́-yû hiong Ngì khiù lìn-mén.

和合本2010版约伯记30:25 人遭难的日子，我岂不为他哭泣呢？人贫穷的时候，我岂不为他忧愁呢？

现代客语汉字约伯记30:25敢讲𠊎无㧯堵到灾难个人共下噭？敢讲𠊎毋识为到穷苦个人忧愁过？

现代客语全罗约伯记30:25 Kám-kóng ngài mò lâu tù-tó châi-nan ke ngìn khiung-ha kieu?Kám-kóng ngài m̀-sṳt vi-tó khiùng-khú ke ngìn yù-sèu ko?

和合本2010版约伯记30:26 我仰望福气，灾祸就来到；我等待光明，黑暗便来临。

现代客语汉字约伯记30:26𠊎盼望蒙福反转受到灾祸；𠊎期待光明反转堵到乌暗。

现代客语全罗约伯记30:26 Ngài phan-mong mùng-fuk fán-chón su-tó châi-fo;ngài khì-thai kông-mìn fán-chón tù-tó vû-am.

和合本2010版约伯记30:27 我内心烦扰不安，困苦的日子临到我身。

现代客语汉字约伯记30:27𠊎因为困苦愁烦心肝当痛；灾难一日过一日毋识停过。

现代客语全罗约伯记30:27 Ngài yîn-vi khun-khú sèu-fàn sîm-kôn tông-thung;châi-nan yit-ngit ko yit-ngit m̀-sṳt thìn-ko.

和合本2010版约伯记30:28 我在阴暗中行走，没有日光( [ 30.28] 「我在阴暗中…日光」或译「我变得黝黑并非因日晒」。)，我在会众中站立求救。

现代客语汉字约伯记30:28𠊎在乌暗中来行，看毋到光明；𠊎企在会众面前迫切求帮助。

现代客语全罗约伯记30:28 Ngài chhai vû-am chûng lòi hàng, khon m̀-tó kông-mìn;ngài khî chhai fi-chung mien-chhièn pet-chhiet khiù pông-chhu.

和合本2010版约伯记30:29 我与野狗为弟兄，我跟鸵鸟为同伴。

现代客语汉字约伯记30:29𠊎个声音像野狗吠；也像鸵鸟噭个声音。

现代客语全罗约伯记30:29 Ngài ke sâng-yîm chhiong yâ-kiéu phoi;ya chhiong thò-niâu kieu ke sâng-yîm.

和合本2010版约伯记30:30 我的皮肤变黑脱落，我的骨头因热烧焦。

现代客语汉字约伯记30:30𠊎个皮肤变乌乌、𢫫掉；𠊎发烧到骨头像𤏸火。

现代客语全罗约伯记30:30 Ngài ke phì-fû pien vû-vû, lut-thet;ngài fat-sêu to kut-thèu chhiong chho̍k-fó.

和合本2010版约伯记30:31 我的琴音变为哀泣；我的箫声变为哭声。」

现代客语汉字约伯记30:31𠊎弹琴也无喜乐，歕箫仔乜出噭声。

现代客语全罗约伯记30:31 Ngài thàn-khìm ya mò hí-lo̍k,phùn sêu-é me chhut kieu-sâng.

圣经-旧约

圣经-新约