约伯记第28章客家话和合本对照

相关章：

快速到节：

书卷列表：

和合本2010版约伯记28:1歌颂智慧「银子有矿；炼金有场。

现代客语汉字约伯记28:1颂讚智慧(4428:1希伯来文无注明写在28章有么人对么人讲话。有兜学者认为这章係约伯自家所思考个话。)银有生产个矿场；金有提炼个所在。

现代客语全罗约伯记28:1Siung-chan Chṳ-fi( 44 28:1 Hî-pak-lòi-vùn mò chu-mìn siá chhai 28 chông yû má-ngìn tui má-ngìn kóng-fa. Yû-têu ho̍k-chá ngin-vì liá-chông he Yok-pak chhṳ-kâ só sṳ̂-kháu ke fa.) Ngiùn yû sên-sán ke khóng-chhòng;kîm yû thì-lien ke só-chhai.

和合本2010版约伯记28:2 铁从土裏开採，铜从矿石镕出。

现代客语汉字约伯记28:2人对地泥下挖出铁，也对石头肚提炼铜。

现代客语全罗约伯记28:2 Ngìn tui thi-nài-hâ yet-chhut thiet,ya tui sa̍k-thèu tú thì-lien thùng.

和合本2010版约伯记28:3 人探索黑暗的尽头，查究矿石直到极处，那是幽暗和死荫；

现代客语汉字约伯记28:3人走到最暗个所在去採矿，佢到地层尽深个所在去寻，爱对乌暗中将矿石挖出来。

现代客语全罗约伯记28:3 Ngìn chéu-to chui-am ke só-chhai hi chhái-khóng,kì to thi-chhèn chhin chhṳ̂m ke só-chhai hi chhìm,oi tui vû-am chûng chiông khóng-sa̍k yet chhut-lòi.

和合本2010版约伯记28:4 他在无人居住之处开凿矿穴，在无足迹之地被遗忘( [ 28.4] 「在无足迹之地被遗忘」或译「过路的人也想不到他们」。)，与人远离，悬空摇摆。

现代客语汉字约伯记28:4佢就在无人住个地方开矿；在罕得有人到个所在工作，在矿坑底背吊等摇来摇去。

现代客语全罗约伯记28:4 Kì chhiu chhai mò-ngìn he̍t ke thi-fông khôi-khóng;chhai hán-tet yû-ngìn to ke só-chhai kûng-chok,chhai khóng-hâng tî-poi tiau-tén yèu-lòi yèu-hi.

和合本2010版约伯记28:5 地出产粮食，地底翻腾如火。

现代客语汉字约伯记28:5地面出产粮食，地底下却热到像火炉。

现代客语全罗约伯记28:5 Thi-mien chhut-sán liòng-sṳ̍t,thi tái-hâ sa ngie̍t-to chhiong fó-lù.

和合本2010版约伯记28:6 地的石头是蓝宝石之处，那裏还有金沙。

现代客语汉字约伯记28:6石头肚囥等蓝宝石，地泥下有金沙。

现代客语全罗约伯记28:6 Sa̍k-thèu tú khong-tén làm-pó-sa̍k,thi-nài-hâ yû kîm-sâ.

和合本2010版约伯记28:7 鸷鸟不知那条路，鹰眼也未曾见过。

现代客语汉字约伯记28:7鹰鸟毋知入矿场个路；鹞婆个目珠也无看过。

现代客语全罗约伯记28:7 Ên-tiâu m̀-tî ngi̍p khóng-chhòng ke lu;yeu-phò ke muk-chû ya mò khon-ko.

和合本2010版约伯记28:8 狂傲的野兽未曾踩踏，猛烈的狮子也未曾经过。

现代客语汉字约伯记28:8兇恶个野兽毋识踏过，兇猛个狮仔也毋识经过。

现代客语全罗约伯记28:8 Hiûng-ok ke yâ-chhu m̀-sṳt tha̍p-ko,hiûng-mâng ke sṳ̂-é ya m̀-sṳt kîn-ko.

和合本2010版约伯记28:9 「人动手凿开坚石，翻倒山的根基，

现代客语汉字约伯记28:9人凿开尽硬个石头，将归只山揙转来。

现代客语全罗约伯记28:9 Ngìn chho̍k-khôi chhin-ngang ke sa̍k-thèu,chiông kûi-chak sân pién chón-lòi.

和合本2010版约伯记28:10 在磐石中凿出水道，亲眼看见各样宝物。

现代客语汉字约伯记28:10佢在巖石当中挖山窿，发现窿肚逐样个宝石。

现代客语全罗约伯记28:10 Kì chhai ngàm-sa̍k tông-chûng yet sân-lùng,fat-hien lùng-tú tak-yong ke pó-sa̍k.

和合本2010版约伯记28:11 他封闭河川不得涓滴( [ 28.11] 「他封闭河川不得涓滴」：原文另译「他封闭河川的水源」。)，使隐藏之物显露出来。

现代客语汉字约伯记28:11佢将水源头堵等，使宝藏显露出来。

现代客语全罗约伯记28:11 Kì chiông súi ngièn-thèu tù-tén,sṳ́ pó-chhòng hién-lu chhut-lòi.

和合本2010版约伯记28:12 「然而，智慧何处可寻？聪明之地在哪裏？

现代客语汉字约伯记28:12总係，爱去㖠位寻智慧呢？去㖠位正学得到聪明呢？

现代客语全罗约伯记28:12 Chúng-he, oi hi nai-vi chhìm chṳ-fi nè?Hi nai-vi chang ho̍k tet-tó chhûng-mìn nè?

和合本2010版约伯记28:13 智慧的价值( [ 28.13] 「智慧的价值」：七十士译本是「智慧的道路」。)无人能知，活人之地也无处可寻。

现代客语汉字约伯记28:13智慧个价值无人知，在世间无人寻得到。

现代客语全罗约伯记28:13 Chṳ-fi ke ka-chhṳ̍t mò-ngìn tî,chhai sṳ-kiên mò-ngìn chhìm tet-tó.

和合本2010版约伯记28:14 深渊说：『不在我裏面。』沧海说：『不在我这裏。』

现代客语汉字约伯记28:14深渊讲：智慧无在𠊎这位；大海讲：智慧无㧯𠊎共下。

现代客语全罗约伯记28:14 Chhṳ̂m-yên kóng: Chṳ-fi mò chhai ngài liá-vi;thai-hói kóng: Chṳ-fi mò lâu ngài khiung-ha.

和合本2010版约伯记28:15 智慧不可用黄金换取，也不能用白银秤她的价值。

现代客语汉字约伯记28:15金仔买毋到智慧；较多个银仔也换毋到。

现代客语全罗约伯记28:15 Kîm-é mâi m̀-tó chṳ-fi;kha-tô ke ngiùn-è ya von m̀-tó.

和合本2010版约伯记28:16 俄斐的金子和贵重的红玛瑙，以及蓝宝石，不足与她比拟；

现代客语汉字约伯记28:16纯金㧯贵重个珠宝，共样也㧯它比毋得。

现代客语全罗约伯记28:16 Sùn-kîm lâu kui-chhung ke chû-pó,khiung-yong ya lâu kì pí m̀-tet.

和合本2010版约伯记28:17 黄金和玻璃不足与她比较；纯金的器皿不足兑换她。

现代客语汉字约伯记28:17黄金㧯宝玉无办法㧯它比；纯金个器皿也换毋到。

现代客语全罗约伯记28:17 Vòng-kîm lâu pó-ngiu̍k mò phan-fap lâu kì pí;sùn-kîm ke hi-mén ya von m̀-tó.

和合本2010版约伯记28:18 珊瑚、水晶都不值得提；智慧的价值胜过宝石( [ 28.18] 「宝石」或译「珍珠」。)。

现代客语汉字约伯记28:18智慧个价值赢过珊瑚㧯水晶；有智慧远远超过得到红宝石。

现代客语全罗约伯记28:18 Chṳ-fi ke ka-chhṳ̍t yàng-ko sân-fù lâu súi-chîn;yû chṳ-fi yén-yén chhêu-ko tet-tó fùng-pó-sa̍k.

和合本2010版约伯记28:19 古实的红璧玺不足与她比较；纯金也不足与她比拟。

现代客语汉字约伯记28:19古实个黄玉㧯它个价值比毋得；最纯个金仔也无法度㧯它比价。

现代客语全罗约伯记28:19 Kú-sṳ̍t ke vòng-ngiu̍k lâu kì ke ka-chhṳ̍t pí m̀-tet;chui-sùn ke kîm-é ya mò fap-thu lâu kì pí-ka.

和合本2010版约伯记28:20 「智慧从何处来呢？聪明之地在哪裏？

现代客语汉字约伯记28:20恁样，智慧个源头在㖠位？去㖠位正学得到聪明呢？

现代客语全罗约伯记28:20 Án-ngiòng, chṳ-fi ke ngièn-thèu chhai nai-vi?Hi nai-vi chang ho̍k tet-tó chhûng-mìn nè?

和合本2010版约伯记28:21 她隐藏，远离众生的眼目，她掩蔽，远离空中的飞鸟。

现代客语汉字约伯记28:21动物个目珠看毋到它；空中个飞鸟也看毋到。

现代客语全罗约伯记28:21 Thung-vu̍t ke muk-chû khon m̀-tó kì;khûng-chûng ke fî-niâu ya khon m̀-tó.

和合本2010版约伯记28:22 毁灭和死亡说：『我们风闻其名。』

现代客语汉字约伯记28:22就算毁灭㧯死亡也承认，只有听过它个风声定定。

现代客语全罗约伯记28:22 Chhiu-son fí-me̍t lâu sí-mòng ya sṳ̀n-ngin,chṳ́-yû thâng-ko kì ke fûng-sâng thin-thin.

和合本2010版约伯记28:23 「上帝明白智慧的道路，知道智慧的所在。

现代客语汉字约伯记28:23单单上帝知该条路，知爱去㖠位寻智慧；

现代客语全罗约伯记28:23 Tân-tân Song-ti tî ke-thiàu lu,tî oi hi nai-vi chhìm chṳ-fi;

和合本2010版约伯记28:24 因为他鑒察直到地极，遍观普天之下，

现代客语汉字约伯记28:24因为佢个目珠看得到地极，佢查看普天下个万事万物。

现代客语全罗约伯记28:24 yîn-vi Kì ke muk-chû khon tet-tó thi-khi̍t,Kì chhà-khon phû-thiên-ha ke van-sṳ van-vu̍t.

和合本2010版约伯记28:25 要为风定轻重，又度量诸水，

现代客语汉字约伯记28:25上帝赐威力给风，为大海决定水量，

现代客语全罗约伯记28:25 Song-ti su vî-li̍t pûn fûng,vi thai-hói kiet-thin súi-liong,

和合本2010版约伯记28:26 为雨定律例，为雷电定道路。

现代客语汉字约伯记28:26规定落雨个时节，定响雷公个路线，

现代客语全罗约伯记28:26 kûi-thin lo̍k-yí ke sṳ̀-chiet,thin hióng lùi-kûng ke lu-sien,

和合本2010版约伯记28:27 那时他看见智慧，就谈论她，坚定她，并且查究她。

现代客语汉字约伯记28:27该时佢看到智慧，测量它，坚定它，又鑒察它个价值。

现代客语全罗约伯记28:27 ke-sṳ̀ Kì khon-tó chṳ-fi, chhet-liòng kì,kiên-thin kì, yu kam-chhat kì ke ka-chhṳ̍t.

和合本2010版约伯记28:28 他对人说：『看哪，敬畏主就是智慧；远离恶事就是聪明。』」

现代客语汉字约伯记28:28上帝向世间人讲：「敬畏上主就係智慧；离开邪恶就係聪明。」

现代客语全罗约伯记28:28 Song-ti hiong sṳ-kiên ngìn kóng:“Kin-vi Song-chú chhiu-he chṳ-fi;lì-khôi sià-ok chhiu-he chhûng-mìn.”

圣经-旧约

圣经-新约