约书亚记第7章客家话和合本对照

相关章：

快速到节：

书卷列表：

和合本2010版约书亚记7:1亚干犯罪以色列人在当灭之物上犯了罪。犹大支派中，谢拉的曾孙，撒底的孙子，迦米的儿子亚干取了当灭之物，耶和华的怒气就向以色列人发作。

现代客语汉字约书亚记7:1亚干犯罪上主识命令以色列人做毋得拿该兜爱毁灭个战利品，总係有人违背命令。佢个名安到亚干，係迦米个孻仔，撒底个孙仔，属犹大支族中个谢拉宗族。佢无遵守这命令，所以上主向以色列人大发谴。

现代客语全罗约书亚记7:1Â-kôn Fam-chhui Song-chú sṳt min-lin Yî-set-lie̍t-ngìn cho-m̀-tet nâ ke-têu oi fí-me̍t ke chan-li-phín, chúng-he yû-ngìn vì-poi min-lin. Kì ke miàng ôn-to Â-kôn, he Kâ-mí ke lai-é, Sat-tí ke sûn-é, su̍k Yù-thai kî-chhu̍k chûng ke Chhia-lâ chûng-chhu̍k. Kì mò chûn-sú liá min-lin, só-yî Song-chú hiong Yî-set-lie̍t-ngìn thai fat-khién.

和合本2010版约书亚记7:2约书亚从耶利哥派人往伯特利东边，靠近伯‧亚文([7.2]七十士译本没有「靠近伯‧亚文」。)的艾城去，对他们说：「你们上去窥探那地。」那些人就上去窥探艾城。

现代客语汉字约书亚记7:2约书亚派人对耶利哥到伯‧亚文附近、伯特利东片个艾城，命令佢等去打探该所在。佢等完成打探后，

现代客语全罗约书亚记7:2 Yok-sû-â phai-ngìn tui Yâ-li-kô to Pak-Â-vùn fu-khiun, Pak-thi̍t-li tûng-phién ke Ngie-sàng, min-lin kì-têu hi tá-tham ke só-chhai. Kì-têu vàn-sṳ̀n tá-tham heu,

和合本2010版约书亚记7:3他们回到约书亚那裏，对他说：「众百姓不必都上去，只要二、三千人上去就能攻取艾城；不必劳动众百姓都上去，因为他们人少。」

现代客语汉字约书亚记7:3转来向约书亚报告讲：「毋使出动全部人民去攻打艾城；用两三千人就罅了，因为城肚个人无几多。」

现代客语全罗约书亚记7:3 chón-lòi hiong Yok-sû-â po-ko kóng: “M̀-sṳ́ chhut-thung chhiòn-phu ngìn-mìn hi kûng-tá Ngie-sàng; yung lióng-sâm chhiên-ngìn chhiu la-lé, yîn-vi sàng-tú ke ngìn mò kí-tô.”

和合本2010版约书亚记7:4于是百姓中约有三千人上那裏去，但他们竟在艾城的人面前逃跑。

现代客语汉字约书亚记7:4所以大约有三千个以色列人上去攻打艾城，总係佢等却输掉。

现代客语全罗约书亚记7:4 Só-yî thai-yok yû sâm-chhiên ke Yî-set-lie̍t-ngìn sông-hi kûng-tá Ngie-sàng, chúng-he kì-têu sa sû-thet.

和合本2010版约书亚记7:5艾城的人击杀他们约三十六人，从城门前追赶他们，直到示巴琳，在下坡的地方击败他们。他们都胆战心惊，融化如水。

现代客语汉字约书亚记7:5艾城个人逐佢等，对城门一直逐到示巴琳，在下崎个地方将三十六侪㓾掉。所以，以色列人惊到无胆。

现代客语全罗约书亚记7:5 Ngie-sàng ke ngìn kiuk kì-têu, tui sàng-mùn yit-chhṳ̍t kiuk-to Sṳ-pâ-lìm, chhai hâ-kia ke thi-fông chiông sâm-sṳ̍p liuk-sà chhṳ̀-thet. Só-yî, Yî-set-lie̍t-ngìn kiâng-to mò-tám.

和合本2010版约书亚记7:6约书亚和以色列的长老就撕裂衣服，在耶和华的约柜前脸伏于地，直到晚上。他们把灰撒在头上。

现代客语汉字约书亚记7:6约书亚㧯以色列人该兜长老悲伤到扯烂衫裤，拿尘灰委在头那顶，在上主个约柜前伏在地上，直到临暗仔。

现代客语全罗约书亚记7:6 Yok-sû-â lâu Yî-set-lie̍t-ngìn ke-têu chóng-ló pî-sông to chhá-lan sâm-fu, nâ chhṳ̀n-fôi ve chhai thèu-nà táng, chhai Song-chú ke yok-khui chhièn phu̍k chhai thi-song, chhṳ̍t-to lìm-am-é.

和合本2010版约书亚记7:7约书亚说：「唉！主耶和华啊，你为甚么领这百姓过约旦河，把我们交在亚摩利人手中，使我们灭亡呢？我们不如住在约旦河的那边！

现代客语汉字约书亚记7:7约书亚讲：「唉！至高个上主啊，你做么介𢱋这人民过约旦河呢？係爱将𠊎等交给亚摩利人、毁灭𠊎等係么？做么介毋俾𠊎等留在约旦河该片呢？

现代客语全罗约书亚记7:7 Yok-sû-â kóng: “Ái! Chṳ-kô ke Song-chú â, Ngì cho-má-ke thu liá ngìn-mìn ko Yok-tan-hò nè? He oi chiông ngài-têu kâu-pûn Â-mô-li-ngìn, fí-me̍t ngài-têu he-mò? Cho-má-ke m̀-pûn ngài-têu liù chhai Yok-tan-hò ke-phién nè?

和合本2010版约书亚记7:8主啊，求求你，以色列人既在仇敌面前转身逃跑，我还有甚么可说的呢？

现代客语汉字约书亚记7:8主啊，这下以色列人民已经在敌人面前输掉，𠊎还有么介好讲呢？

现代客语全罗约书亚记7:8 Chú â, liá-ha Yî-set-lie̍t ngìn-mìn yí-kîn chhai thi̍t-ngìn mien-chhièn sû-thet, ngài hàn-yû má-ke hó kóng nè?

和合本2010版约书亚记7:9迦南人和这地所有的居民听见了就必围困我们，把我们的名从地上除去。那时，你为你至大的名要怎样做呢？」

现代客语汉字约书亚记7:9迦南人㧯这地方所有个人一听到这消息，佢等会来包围𠊎等，将𠊎等个名完全除掉。该时，你爱样般维护你个大名呢？」

现代客语全罗约书亚记7:9 Kâ-nàm-ngìn lâu liá thi-fông só-yû ke ngìn yit thâng-tó liá sêu-sit, kì-têu voi lòi pâu-vì ngài-têu, chiông ngài-têu ke miàng vàn-chhiòn chhù-thet. Ke-sṳ̀, Ngì oi ngióng-pân vì-fu Ngì ke thai-miàng nè?”

和合本2010版约书亚记7:10耶和华对约书亚说：「起来！你的脸为何这样俯伏呢？

现代客语汉字约书亚记7:10上主对约书亚讲：「䟘起来！做么介伏在地上呢？

现代客语全罗约书亚记7:10 Song-chú tui Yok-sû-â kóng: “Hong hí-lòi! Cho-má-ke phu̍k chhai thi-song nè?

和合本2010版约书亚记7:11以色列犯了罪，又违背了我所吩咐他们的约，又取了当灭之物。他们又偷窃，又行诡诈，又把那当灭的物与自己的器皿放在一起。

现代客语汉字约书亚记7:11以色列人有犯罪！佢等违犯𠊎个命令，违背𠊎㧯佢等个立约。佢等拿该兜爱毁灭个战利品；佢等偷这兜东西，㧯自家个东西共下囥起来。

现代客语全罗约书亚记7:11 Yî-set-lie̍t-ngìn yû fam-chhui! Kì-têu vì-fam Ngài ke min-lin, vì-poi Ngài lâu kì-têu ke li̍p-yok. Kì-têu nâ ke-têu oi fí-me̍t ke chan-li-phín; kì-têu thêu liá-têu tûng-sî, lâu chhṳ-kâ ke tûng-sî khiung-ha khong hí-lòi.

和合本2010版约书亚记7:12因此，以色列人在仇敌面前站立不住。他们在仇敌面前转身逃跑，因为他们成了当灭的物。你们若不把当灭的物从你们中间除掉，我就不再与你们同在了。

现代客语汉字约书亚记7:12所以，以色列人无办法打赢敌人。佢等转身逃走，因为佢等成做受咒诅个。你等若毋毁灭该兜无应该拿个战利品，𠊎就无再㧯你等共下！

现代客语全罗约书亚记7:12 Só-yî, Yî-set-lie̍t-ngìn mò phan-fap tá-yàng thi̍t-ngìn. Kì-têu chón-sṳ̂n thò-chéu, yîn-vi kì-têu sàng-cho su chu-chú ke. Ngì-têu na m̀ fí-me̍t ke-têu mò yin-kôi nâ ke chan-li-phín, Ngài chhiu mò chai lâu ngì-têu khiung-ha!

和合本2010版约书亚记7:13你起来，去叫百姓分别为圣，说：『你们要为了明天使自己分别为圣，因为耶和华－以色列的上帝这样说：以色列啊，在你中间有当灭的物；你们若不把你们中间当灭之物除掉，你在仇敌面前必站立不住！』

现代客语汉字约书亚记7:13这下你䟘起来，爱洁净人民，喊佢等準备好，天光日到𠊎面前来，因为𠊎—上主、以色列个上帝爱㧯佢等讲：『以色列人哪，你等有拿𠊎命令你等一定爱毁灭个战利品。若係你等毋除掉这兜东西，你等就无办法打赢敌人！』

现代客语全罗约书亚记7:13 Liá-ha ngì hong hí-lòi, oi kiet-chhiang ngìn-mìn, ham kì-têu chún-phi hó, thiên-kông-ngit to Ngài mien-chhièn lòi, yîn-vi Ngài — Song-chú, Yî-set-lie̍t ke Song-ti oi lâu kì-têu kóng: ‘Yî-set-lie̍t-ngìn nâ, ngì-têu yû nâ Ngài min-lin ngì-têu yit-thin oi fí-me̍t ke chan-li-phín. Na-he ngì-têu m̀ chhù-thet liá-têu tûng-sî, ngì-têu chhiu mò phan-fap tá-yàng thi̍t-ngìn!’

和合本2010版约书亚记7:14到了早晨，你们要按着支派近前来。耶和华所选的支派，要按着宗族近前来；耶和华所选的宗族，要按着家族近前来；耶和华所选的家族，要按着男丁，一个一个近前来。

现代客语汉字约书亚记7:14你爱吩咐人民，天光朝晨爱照支族集合到𠊎面前来；𠊎—上主抽到个支族爱一宗族一宗族行前来，抽到个宗族爱一家族一家族行前来；抽到个家族爱一侪一侪行前来。

现代客语全罗约书亚记7:14 Ngì oi fûn-fu ngìn-mìn, thiên-kông chêu-sṳ̀n oi cheu kî-chhu̍k si̍p-ha̍p to Ngài mien-chhièn lòi; Ngài — Song-chú chhû-tó ke kî-chhu̍k oi yit chûng-chhu̍k yit chûng-chhu̍k hàng chhièn-lòi, chhû-tó ke chûng-chhu̍k oi yit kâ-chhu̍k yit kâ-chhu̍k hàng chhièn-lòi; chhû-tó ke kâ-chhu̍k oi yit-sà yit-sà hàng chhièn-lòi.

和合本2010版约书亚记7:15被选的人有当灭之物在他那裏，他和他所有的必被火焚烧，因为他违背了耶和华的约，又因他在以色列中做了愚妄的事。」

现代客语汉字约书亚记7:15𠊎抽到个该侪，就係拿应该爱毁灭个战利品个人；你等爱烧死佢，连佢个屋下人㧯所有属佢个东西也爱烧掉；因为佢违背𠊎个约，给以色列带来见笑。」

现代客语全罗约书亚记7:15 Ngài chhû-tó ke ke-sà, chhiu-he nâ yin-kôi oi fí-me̍t ke chan-li-phín ke ngìn; ngì-têu oi sêu-sí kì, lièn kì ke vuk-hâ ngìn lâu só-yû su̍k kì ke tûng-sî ya oi sêu-thet; yîn-vi kì vì-poi Ngài ke yok, pûn Yî-set-lie̍t tai-lòi kien-seu.”

和合本2010版约书亚记7:16于是，约书亚清早起来，召以色列按着支派近前来。选出来的是犹大支派。

现代客语汉字约书亚记7:16第二日打早，约书亚喊以色列人一支族一支族集合到佢面前来，抽到个係犹大支族。

现代客语全罗约书亚记7:16 Thi-ngi ngit tá-chó, Yok-sû-â ham Yî-set-lie̍t-ngìn yit kî-chhu̍k yit kî-chhu̍k si̍p-ha̍p to kì mien-chhièn lòi, chhû-tó ke he Yù-thai kî-chhu̍k.

和合本2010版约书亚记7:17他召犹大的宗族近前来，选出来的是谢拉宗族。他召谢拉宗族，按着男丁([7.17]「按着男丁」：有古卷和古译本是「按着家族」。)，一个一个近前来，选出来的是撒底。

现代客语汉字约书亚记7:17佢喊犹大支族一宗族一宗族行前来，抽到谢拉宗族。佢喊谢拉宗族一家族一家族行前来，抽到个係撒底家族。

现代客语全罗约书亚记7:17 Kì ham Yù-thai kî-chhu̍k yit chûng-chhu̍k yit chûng-chhu̍k hàng chhièn-lòi, chhû-tó Chhia-lâ chûng-chhu̍k. Kì ham Chhia-lâ chûng-chhu̍k yit kâ-chhu̍k yit kâ-chhu̍k hàng chhièn-lòi, chhû-tó ke he Sat-tí kâ-chhu̍k.

和合本2010版约书亚记7:18他召撒底的家族，按着男丁，一个一个近前来，就选出犹大支派，谢拉的曾孙，撒底的孙子，迦米的儿子亚干。

现代客语汉字约书亚记7:18佢喊撒底家族一个一个行前来；最后就抽到撒底个孙仔、迦米个孻仔亚干。

现代客语全罗约书亚记7:18 Kì ham Sat-tí kâ-chhu̍k yit-ke yit-ke hàng chhièn-lòi; chui-heu chhiu chhû-tó Sat-tí ke sûn-é, Kâ-mí ke lai-é Â-kôn.

和合本2010版约书亚记7:19约书亚对亚干说：「我儿，我劝你将荣耀归给耶和华－以色列的上帝，在他面前认罪，把你所做的事告诉我，不可向我隐瞒。」

现代客语汉字约书亚记7:19约书亚对亚干讲：「细子啊，你爱将荣光归给上主—以色列个上帝，在佢面前认罪。㧯𠊎讲，你到底做么介事；做毋得骗𠊎噢！」

现代客语全罗约书亚记7:19 Yok-sû-â tui Â-kôn kóng: “Se-chṳ́ â, ngì oi chiông yùng-kông kûi-pûn Song-chú — Yî-set-lie̍t ke Song-ti, chhai Kì mien-chhièn ngin-chhui. Lâu ngài kóng, ngì to-tái cho má-ke sṳ; cho-m̀-tet phien ngài ô!”

和合本2010版约书亚记7:20亚干回答约书亚说：「我实在得罪了耶和华－以色列的上帝。这是我所做的：

现代客语汉字约书亚记7:20亚干应约书亚讲：「𠊎确实有得罪上主—以色列个上帝。这係𠊎所做个：

现代客语全罗约书亚记7:20 Â-kôn en Yok-sû-â kóng: “Ngài khok-sṳ̍t yû tet-chhui Song-chú — Yî-set-lie̍t ke Song-ti. Liá he ngài só cho ke:

和合本2010版约书亚记7:21我在所夺取的财物中看见一件美好的示拿外袍，二百舍客勒银子，一条重五十舍客勒的金子。我贪爱这些物件，就拿去了。看哪，这些东西都埋在我帐棚内的地裏，银子在外袍底下。」

现代客语汉字约书亚记7:21在𠊎等个战利品当中，𠊎看到一领当靓个巴比伦外衫，还有大约两公斤重个银仔，㧯一条大约半公斤重个金仔。𠊎贪爱这兜东西，就拿起来。这兜东西全部埋在𠊎帐篷肚个地泥下；银仔在最下背。」

现代客语全罗约书亚记7:21 Chhai ngài-têu ke chan-li-phín tông-chûng, ngài khon-tó yit-liâng tông-chiâng ke Pâ-pí-lùn ngoi-sâm, hàn-yû thai-yok lióng kûng-kîn chhûng ke ngiùn-è, lâu yit-thiàu thai-yok pan kûng-kîn chhûng ke kîm-é. Ngài thâm-oi liá-têu tûng-sî, chhiu nâ hí-lòi. Liá-têu tûng-sî chhiòn-phu mài chhai ngài chong-phùng tú ke thi-nài-hâ; ngiùn-è chhai chui hâ-poi.”

和合本2010版约书亚记7:22约书亚就派使者跑到亚干的帐棚裏。看哪，那件外袍藏在他的帐棚裏，银子在外袍底下。

现代客语汉字约书亚记7:22所以，约书亚派人走到帐篷该位去寻，正经发现该兜一定爱毁灭个东西埋在地泥下，银仔在最下背。

现代客语全罗约书亚记7:22 Só-yî, Yok-sû-â phai-ngìn chéu-to chong-phùng ke-vi hi-chhìm, chṳn-kîn fat-hien ke-têu yit-thin oi fí-me̍t ke tûng-sî mài chhai thi-nài-hâ, ngiùn-è chhai chui hâ-poi.

和合本2010版约书亚记7:23他们从帐棚裏把这些东西取出来，拿到约书亚和以色列众人([7.23]「众人」：七十士译本是「长老」。)那裏，倒在耶和华面前。

现代客语汉字约书亚记7:23佢等将该兜东西搬出帐篷，带到约书亚㧯所有以色列人民该位，摆在上主面前。

现代客语全罗约书亚记7:23 Kì-têu chiông ke-têu tûng-sî pân-chhut chong-phùng, tai-to Yok-sû-â lâu só-yû Yî-set-lie̍t ngìn-mìn ke-vi, pài chhai Song-chú mien-chhièn.

和合本2010版约书亚记7:24约书亚和以色列众人把谢拉的曾孙亚干和那银子、那件外袍、那条金子，以及亚干的儿女、牛、驴、羊、帐棚，和他所有的，都带着上到亚割谷([7.24]「亚割谷」意思是「灾祸谷」。)去。

现代客语汉字约书亚记7:24约书亚㧯以色列人民揪到亚干，将银仔、外衫、金条，连同亚干个子女、牛、羊、驴、帐篷，㧯佢所有个东西全部带到亚割山坜。

现代客语全罗约书亚记7:24 Yok-sû-â lâu Yî-set-lie̍t ngìn-mìn khiú-tó Â-kôn, chiông ngiùn-è, ngoi-sâm, kîm thiàu, lièn thùng Â-kôn ke chṳ́-ńg, ngiù, yòng, lì, chong-phùng, lâu kì só-yû ke tûng-sî chhiòn-phu tai-to Â-kot sân-lak.

和合本2010版约书亚记7:25约书亚说：「你为甚么给我们招惹灾祸呢？今日耶和华必使你遭受灾祸。」于是以色列众人用石头打死他，用火焚烧他们，把石头扔在其上。

现代客语汉字约书亚记7:25约书亚对亚干讲：「你做么介带给𠊎等这个灾难呢？这下上主爱降灾难给你了！」所以以色列民众用石头㧹死亚干㧯佢个屋下人，烧掉佢所有个东西。

现代客语全罗约书亚记7:25 Yok-sû-â tui Â-kôn kóng: “Ngì cho-má-ke tai-pûn ngài-têu liá-ke châi-nan nè? Liá-ha Song-chú oi kong châi-nan pûn ngì lé!” Só-yî Yî-set-lie̍t mìn-chung yung sa̍k-thèu te̍p-sí Â-kôn lâu kì ke vuk-hâ ngìn, sêu-thet kì só-yû ke tûng-sî.

和合本2010版约书亚记7:26众人在亚干身上堆了一大堆石头，直存到今日。于是耶和华转意，不发他的烈怒。因此，那地方名叫亚割谷，直到今日。

现代客语汉字约书亚记7:26佢等在亚干尸体面顶堆一大堆石头。这石堆到这下还在该位。所以，该地方到今晡日还安到亚割山坜(27:26「亚割山坜」希伯来文个意思係「灾难谷」。)。恁样，上主停掉佢个大发谴。

现代客语全罗约书亚记7:26 Kì-têu chhai Â-kôn sṳ̂-thí mien-táng tôi yit thai-tôi sa̍k-thèu. Liá sa̍k-tôi to liá-ha hàn chhai ke-vi. Só-yî, ke thi-fông to kîm-pû-ngit hàn ôn-to Â-kot sân-lak( 2 7:26 “Â-kot sân-lak” Hî-pak-lòi-vùn ke yi-sṳ he “Châi-nan-kuk”.).Án-ngiòng, Song-chú thìn-thet Kì ke thai fat-khién.