箴言第5章客家话和合本对照

相关章：

快速到节：

书卷列表：

和合本2010版箴言5:1警告勿犯淫乱我儿啊，要留心听我的智慧，侧耳听我的聪明，

现代客语汉字箴言5:1爱远离淫乱孻仔啊，爱看重𠊎个智慧，爱认真听𠊎聪明个话语；

现代客语全罗箴言5:1Oi Yén-lì Yìm-lon Lai-é â, oi khon-chhung ngài ke chṳ-fi,oi ngin-chṳ̂n thâng ngài chhûng-mìn ke fa-ngî;

和合本2010版箴言5:2 为要使你谨守智谋，嘴唇保护知识。

现代客语汉字箴言5:2恁样，你就会谨慎行事，你个嘴唇会满有智识。

现代客语全罗箴言5:2 án-ngiòng, ngì chhiu voi kiún-sṳ́m hàng-sṳ,ngì ke choi-sùn voi mân-yû chṳ-sṳt.

和合本2010版箴言5:3 因为陌生女子的嘴唇滴下蜂蜜，她的口比油更滑，

现代客语汉字箴言5:3淫妇个嘴唇滴下蜂糖，姖个嘴比橄榄油较滑；

现代客语全罗箴言5:3 Yìm-fu ke choi-sùn tit-hâ phûng-thòng,kì ke choi pí kám-lám-yù kha-va̍t;

和合本2010版箴言5:4 后来却苦似茵蔯，锐利如两刃的剑。

现代客语汉字箴言5:4总係最尾姖比黄莲较苦，也比两边个刀剑还较利。

现代客语全罗箴言5:4 chúng-he chui-mî kì pí vòng-lièn kha fú,ya pí lióng-piên ke tô-kiam hàn-kha li.

和合本2010版箴言5:5 她的脚坠落死亡，她的脚步踏入阴间，

现代客语汉字箴言5:5姖个脚行死亡个路；姖个脚步直向阴间。

现代客语全罗箴言5:5 Kì ke kiok hàng sí-mòng ke lu;kì ke kiok-phu chhṳ̍t-hiong yîm-kiên.

和合本2010版箴言5:6 她无法找到生命的道路，她的路变迁不定，自己却不知道。

现代客语汉字箴言5:6姖无注意行生命个路，脚步行差，自家乜毋知。

现代客语全罗箴言5:6 Kì mò chu-yi hàng sâng-miang ke lu,kiok-phu hàng-chhâ, chhṳ-kâ me m̀-tî.

和合本2010版箴言5:7 孩子们，现在要听从我，不可离弃我口中的言语。

现代客语汉字箴言5:7孻仔啊，这下爱听从𠊎；你等毋好违背𠊎个话。

现代客语全罗箴言5:7 Lai-é â, liá-ha oi thâng-chhiùng ngài;ngì-têu m̀-hó vì-poi ngài ke fa.

和合本2010版箴言5:8 你所行的道要远离她，不可靠近她家的门口，

现代客语汉字箴言5:8爱远远离开淫妇！千万毋好行近姖个门口！

现代客语全罗箴言5:8 Oi yén-yén lì-khôi yìm-fu!Chhiên-van m̀-hó hàng-khiûn kì ke mùn-héu!

和合本2010版箴言5:9 免得将你的尊荣给别人，将你的岁月给残忍的人；

现代客语汉字箴言5:9惊怕你会将好名声送给别人，将青春个年日交给兇恶个人；

现代客语全罗箴言5:9 Kiâng-pha ngì voi chiông hó miàng-sâng sung-pûn phe̍t-ngìn,chiông chhiâng-chhûn ke ngièn-ngit kâu-pûn hiûng-ok ke ngìn;

和合本2010版箴言5:10 免得陌生人满得你的财富，你劳苦所得的归入外邦人的家。

现代客语汉字箴言5:10惊怕生份人就来抢走你个财产，你劳碌得来个会落入外人个家。

现代客语全罗箴言5:10 kiâng-pha sâng-fun-ngìn chhiu lòi chhióng-chéu ngì ke chhòi-sán,ngì lò-luk tet-lòi ke voi lo̍k-ngi̍p ngoi-ngìn ke kâ.

和合本2010版箴言5:11 在你人生终结，你皮肉和身体衰残时，你必唉声叹气，

现代客语汉字箴言5:11你临终个时，血气消尽，会紧噌无停，讲：

现代客语全罗箴言5:11 Ngì lìm-chûng ke sṳ̀, hiet-hi sêu-chhin,voi kín-chhên mò-thìn, kóng:

和合本2010版箴言5:12 说：「我为何恨恶管教，心裏轻看责备呢？

现代客语汉字箴言5:12「𠊎做么介恁怨恨管教？𠊎个心样会藐视劝话？

现代客语全罗箴言5:12 “Ngài cho-má-ke án yen-hen kón-kau?Ngài ke sîm ngióng-voi méu-sṳ khien-va?

和合本2010版箴言5:13 我不听从教师的话，也没有侧耳听那教导我的。

现代客语汉字箴言5:13𠊎当时毋听师傅个话，完全毋搭𠊎该兜先生。

现代客语全罗箴言5:13 Ngài tông-sṳ̀ m̀-thâng sṳ̂-fu ke fa,vàn-chhiòn m̀-tap ngài ke-têu sîn-sâng.

和合本2010版箴言5:14 在聚集的会众中，我几乎坠入深渊。」

现代客语汉字箴言5:14𠊎这下在公共场所众人个面前，见笑到会死！」

现代客语全罗箴言5:14 Ngài liá-ha chhai kûng-khiung chhòng-só chung-ngìn ke mien-chhièn,kien-seu to voi sí!”

和合本2010版箴言5:15 你要喝自己池中的水，饮自己井裏的活水。

现代客语汉字箴言5:15你爱啉自家陂塘中个水，啉你自家井肚流出个水。(115:15本节个意思係「你爱对自家个𡜵娘忠实」。)

现代客语全罗箴言5:15 Ngì oi lîm chhṳ-kâ pî-thòng chûng ke súi,lîm ngì chhṳ-kâ chiáng-tú liù-chhut ke súi.( 11 5:15 Pún-chiet ke yi-sṳ he “Ngì oi tui chhṳ-kâ ke pû-ngiòng chûng-sṳ̍t”.)

和合本2010版箴言5:16 你的泉源岂可溢流在外？你的河水岂可流到街上？

现代客语汉字箴言5:16你个泉源敢做得流到街项？你个泉水敢做得涌到广场？

现代客语全罗箴言5:16 Ngì ke chhièn-ngièn kám cho-tet liù-to kiê-hong?Ngì ke chhièn-súi kám cho-tet yúng-to kóng-chhòng?

和合本2010版箴言5:17 让它们惟独归你，不可与陌生人同享。

现代客语汉字箴言5:17你个泉源爱单单归属你；绝对做毋得㧯外人掺杂。

现代客语全罗箴言5:17 Ngì ke chhièn-ngièn oi tân-tân kûi-su̍k ngì;chhie̍t-tui cho-m̀-tet lâu ngoi-ngìn chhâm-chha̍p.

和合本2010版箴言5:18 要使你的泉源蒙福，要喜爱你年轻时的妻子。

现代客语汉字箴言5:18愿你个泉源蒙福；愿你欢喜后生时所讨个𡜵娘。

现代客语全罗箴言5:18 Ngien ngì ke chhièn-ngièn mùng-fuk;ngien ngì fôn-hí heu-sâng sṳ̀ só-thó ke pû-ngiòng.

和合本2010版箴言5:19 她如可爱的母鹿，如优美的母羊，愿她的胸怀使你时时满足，愿你常常迷恋她的爱情。

现代客语汉字箴言5:19姖像得人惜又当靓个鹿仔；愿姖个胸怀时常使你心满意足，愿姖个爱情一直使你神魂颠倒。

现代客语全罗箴言5:19 Kì chhiong tet-ngìn-siak yu tông-chiâng ke lu̍k-é;ngien kì ke hiûng-fài sṳ̀-sòng pûn ngì sîm-mân yi-chiuk,ngien kì ke oi-chhìn yit-chhṳ̍t sṳ́ ngì sṳ̀n-fùn tiên-to.

和合本2010版箴言5:20 我儿啊，你为何迷恋陌生女子？为何拥抱外邦女子的胸怀？

现代客语汉字箴言5:20孻仔啊，做么介爱被别个妇人家迷到？做么介爱揇淫妇个胸怀？

现代客语全罗箴言5:20 Lai-é â, cho-má-ke oi pûn phe̍t ke fu-ngìn-kâ mì-tó?Cho-má-ke oi nám yìm-fu ke hiûng-fài?

和合本2010版箴言5:21 因为人所行的道都在耶和华眼前，他察验( [ 5.21] 「察验」或译「修平」。)人一切的路。

现代客语汉字箴言5:21人所行个道，在上主眼前；人一切个路，佢拢总鑒察。

现代客语全罗箴言5:21 Ngìn só-hàng ke tho, chhai Song-chú ngién-chhièn;ngìn yit-chhiet ke lu, Kì lûng-chúng kam-chhat.

和合本2010版箴言5:22 恶人被自己的罪孽抓住，被自己罪恶的绳索缠绕。

现代客语汉字箴言5:22邪恶人个罪像罗网，将自家捆到𢫮𢫮；佢所犯个罪像索仔，将自家缠到死死。

现代客语全罗箴言5:22 Sià-ok ngìn ke chhui chhiong lò-mióng,chiông chhṳ-kâ khún-to hèn-hèn;kì só-fam ke chhui chhiong sok-è,chiông chhṳ-kâ chhàn-to sí-sí.

和合本2010版箴言5:23 他因不受管教而死亡，因极度愚昧而走迷。

现代客语汉字箴言5:23佢因为毋受管教，就丧失生命；因为戆档至极，佢必定行差路。

现代客语全罗箴言5:23 Kì yîn-vi m̀-su kón-kau, chhiu sóng-sṳt sâng-miang;yîn-vi ngong-tong chṳ-khi̍t, kì pit-thin hàng-chhâ lu.