箴言第25章客家话和合本对照

相关章：

快速到节：

书卷列表：

和合本2010版箴言25:1所罗门的另一些箴言以下也是所罗门的箴言，是犹大王希西家的人所誊录的。

现代客语汉字箴言25:1所罗门个箴言第二集以下所写个也係所罗门个箴言，係犹大王希西家宫廷个人所抄个。

现代客语全罗箴言25:1Só-lò-mùn ke Chṳ̂m-ngièn Thi-ngi Si̍p Yî-ha só-siá ke ya he Só-lò-mùn ke chṳ̂m-ngièn,he Yù-thai-vòng Hî-sî-kâ kiûng-thìn ke ngìn só-chhâu ke.

和合本2010版箴言25:2 隐藏事情是上帝的荣耀；查明事情乃君王的荣耀。

现代客语汉字箴言25:2将事情囥起来係上帝个荣耀；将事情查清楚係君王个光荣。

现代客语全罗箴言25:2 Chiông sṳ-chhìn khong-hí-lòi he Song-ti ke yùng-yeu;chiông sṳ-chhìn chhà chhîn-chhú he kiûn-vòng ke kông-yùng.

和合本2010版箴言25:3 天之高，地之深，君王之心测不透。

现代客语汉字箴言25:3君王个心尽难了解；像天恁高，像地恁贲。

现代客语全罗箴言25:3 Kiûn-vòng ke sîm chhin-nàn liáu-kié;chhiong thiên án-kô, chhiong thi án-phûn.

和合本2010版箴言25:4 除去银子的渣滓，银匠就做出器皿来。

现代客语汉字箴言25:4先除去银仔个杂质，银匠正能打做东西；

现代客语全罗箴言25:4 Siên chhù-hi ngiùn-è ke chha̍p-chṳt,ngiùn-siong chang-nèn tá-cho tûng-sî;

和合本2010版箴言25:5 除去王面前的恶人，国位就靠公义坚立。

现代客语汉字箴言25:5先除去君王面前个奸臣，政府正能企在正义顶高。

现代客语全罗箴言25:5 siên chhù-hi kiûn-vòng mien-chhièn ke kiên-sṳ̀n,chṳn-fú chang nèn khî chhai chṳn-ngi táng-kô.

和合本2010版箴言25:6 不可在君王面前妄自尊大，也不要站在大人的位上。

现代客语汉字箴言25:6你毋好在王面前展奢鼻，毋好在大官个位仔企等。

现代客语全罗箴言25:6 Ngì m̀-hó chhai vòng mien-chhièn tién sâ-phi,m̀-hó chhai thai-kôn ke vi-é khî-tén.

和合本2010版箴言25:7 宁可让人家说「请你上到这裏来」，强如在你觐见的贵人面前令你退下。

现代客语汉字箴言25:7等人来对你讲：「请坐上横头」，赢过人来喊你让位给大人物。

现代客语全罗箴言25:7 Tén ngìn lòi tui ngì kóng: “Chhiáng song-chhô”,yàng-ko ngìn lòi-hêm ngì ngiong-vi pûn thai ngìn-vu̍t.

和合本2010版箴言25:8 不要冒失出去与人争讼( [ 25.8] 「强如…争讼」或译「强如在贵人面前令你退下。你所看见的，不要冒失出去与人争讼」。)，免得你的邻舍羞辱你，最后你就不知怎么做。

现代客语汉字箴言25:8毋好随便出庭做证；若有别人指出你个证言错误、使你见笑，你爱样般正好呢？

现代客语全罗箴言25:8 M̀-hó sùi-phien chhut-thìn cho-chṳn;na yû phe̍t-ngìn chṳ́-chhut ngì ke chṳn-ngièn chho-ngu, sṳ́ ngì kien-seu,ngì oi ngióng-pân chang hó nè?

和合本2010版箴言25:9 要与邻舍争辩你的案情，不可洩漏他人的隐密，

现代客语汉字箴言25:9你㧯邻舍发生争执，最好私下和解；毋好洩漏别人个祕密，

现代客语全罗箴言25:9 Ngì lâu lìn-sa fat-sên chên-chṳp,chui-hó sṳ̂-ha fò-kié;m̀-hó siet-leu phe̍t-ngìn ke pi-me̍t,

和合本2010版箴言25:10 恐怕听见的人责骂你，你就难以摆脱臭名。

现代客语汉字箴言25:10免得听到个人就侮辱你，你个臭名就无法度除掉。

现代客语全罗箴言25:10 miên-tet thâng-tó ke ngìn chhiu vú-yu̍k ngì,ngì ke chhu-miàng chhiu mò fap-thu chhù-thet.

和合本2010版箴言25:11 一句话说得合宜，就如金苹果在银网子裏( [ 25.11] 「在银网子裏」或译「在银的底座上」。)。

现代客语汉字箴言25:11一句话讲到当好势，就像金苹果放在银盘肚。

现代客语全罗箴言25:11 Yit-ki fa kóng-to tông hó-se,chhiu-chhiong kîm phìn-kó piong chhai ngiùn-phàn tú.

和合本2010版箴言25:12 智慧人的劝戒在顺从的人耳中，好像金环和金首饰。

现代客语汉字箴言25:12智慧人个劝话对听从个人来讲，比金耳环㧯纯金个妆饰品较有价值。

现代客语全罗箴言25:12 Chṳ-fi ngìn ke khien-va tui thâng-chhiùng ke ngìn lòi-kóng,pí kîm ngí-vàn lâu sùn-kîm ke chông-sṳt-phín kha-yû ka-chhṳ̍t.

和合本2010版箴言25:13 忠信的使者对那差他的人，就如收割时有冰雪的凉气，使主人的心舒畅。

现代客语汉字箴言25:13忠诚个使者使差派佢个人心神爽快，就像热天割禾时节个凉水一样。

现代客语全罗箴言25:13 Chûng-sṳ̀n ke sṳ́-chá pûn chhâi-phai kì ke ngìn sîm-sṳ̀n sóng-khoai,chhiu-chhiong ngie̍t-thiên kot-vò sṳ̀-chiet ke liòng-súi yit-yong.

和合本2010版箴言25:14 人空夸礼物而不肯赠送，就好像有风有云却无雨。

现代客语汉字箴言25:14夸口爱送礼，无实行个，就像有风有云，无落雨。

现代客语全罗箴言25:14 Khoâ-khiéu oi sung-lî, mò sṳ̍t-hàng ke,chhiu-chhiong yû-fûng yû-yùn, mò lo̍k-yí.

和合本2010版箴言25:15 恆常的忍耐可以劝服君王，柔和的舌头能折断骨头。

现代客语汉字箴言25:15耐心个劝话会说服掌权个人；温柔能赢过刚强(5725:15「温柔能赢过刚强」希伯来文直译係「温柔个舌乸能打碎骨头」。)。

现代客语全罗箴言25:15 Nai-sîm ke khien-va voi sot-fu̍k chóng-khièn ke ngìn;vûn-yù nèn yàng-ko kông-khiòng( 57 25:15 “vûn-yù nèn yàng-ko kông-khiòng” Hî-pak-lòi-vùn chhṳ̍t-yi̍t he “vûn-yù ke sa̍t-mà nèn tá-sui kut-thèu”.).

和合本2010版箴言25:16 你得了蜜，吃够就好，免得过饱就吐出来。

现代客语汉字箴言25:16寻到蜂糖食罅就好；食忒多你就会呕掉。

现代客语全罗箴言25:16 Chhìm-tó phûng-thòng sṳ̍t-la chhiu hó;sṳ̍t thet-tô ngì chhiu voi éu-thet.

和合本2010版箴言25:17 你的脚要少进邻舍的家，免得他厌烦你，恨恶你。

现代客语汉字箴言25:17毋好常常过家寻邻舍，劳搅佢忒多佢会恼你。

现代客语全罗箴言25:17 M̀-hó sòng-sòng ko-kâ chhìm lìn-sa,lò-káu kì thet-tô kì voi nâu ngì.

和合本2010版箴言25:18 作假见证陷害邻舍的，就是大锤，是利刀，是快箭。

现代客语汉字箴言25:18做假见证陷害邻舍，就像棍仔、刀剑㧯利箭会害死人。

现代客语全罗箴言25:18 Cho ká kien-chṳn ham-hoi lìn-sa,chhiu-chhiong kun-é, tô-kiam lâu li-chien voi hoi-sí ngìn.

和合本2010版箴言25:19 患难时倚靠奸诈的人，好像牙齿断裂，又如脚脱臼。

现代客语汉字箴言25:19患难个时，投靠无忠诚个人，就像蛀牙咬东西，跛脚行路。

现代客语全罗箴言25:19 Fam-nan ke sṳ̀, thèu-kho mò chûng-sṳ̀n ke ngìn,chhiu-chhiong chu-ngà ngâu tûng-sî, pâi-kiok hàng-lu.

和合本2010版箴言25:20 对伤心的人唱歌，就如冷天脱他的衣服，又如在硷上倒醋( [ 25.20] 「在硷上倒醋」：七十士译本是「在伤口上洒醋」。)。

现代客语汉字箴言25:20对伤心个人唱歌，就像冷天脱厥衫，又像在伤口委盐(5825:20「在伤口委盐」：有古译本翻做「在伤口倒酸醋」，希伯来文係「在发粉上倒酸醋」。)。

现代客语全罗箴言25:20 Tui sông-sîm ke ngìn chhong-kô,chhiu-chhiong lâng-thiên thot kiâ sâm,yu-chhiong chhai sông-héu ve-yàm( 58 25:20 “chhai sông-héu ve-yàm”: Yû kú yi̍t-pún fân-cho “chhai sông-héu tó sôn-chhṳ”, Hî-pak-lòi-vùn he “chhai fat-fún song tó sôn-chhṳ”.).

和合本2010版箴言25:21 你的仇敌若饿了，就给他饭吃，若渴了，就给他水喝；

现代客语汉字箴言25:21你个敌人若係肚饥，爱拿饭给佢食，若係嘴燥，爱拿水给佢啉；

现代客语全罗箴言25:21 Ngì ke thi̍t-ngìn na-he tú-kî, oi nâ-fan pûn kì sṳ̍t,na-he choi-châu, oi nâ-súi pûn kì lîm;

和合本2010版箴言25:22 因为你这样做，就是把炭火堆在他的头上，耶和华必回报你。

现代客语汉字箴言25:22你恁样行会使佢见笑到无葛无煞(5925:22「使佢…无煞」希伯来文直译係「将火炭堆在佢个头那顶高」。)；上主也会奖赏你。

现代客语全罗箴言25:22 ngì án-ngiòng hàng voi sṳ́ kì kien-seu to mò-kat mò-sat( 59 25:22 “sṳ́ kì ... mò-sat” Hî-pak-lòi-vùn chhṳ̍t-yi̍t he “chiông fó-than tôi chhai kì ke thèu-nà táng-kô”.);Song-chú ya voi chióng-sóng ngì.

和合本2010版箴言25:23 正如北风生雨，毁谤的舌头也生怒容。

现代客语汉字箴言25:23唆怂是非惹起怒气，就像北风带来大雨。

现代客语全罗箴言25:23 Sô-súng sṳ-fî ngiâ-hí nu-hi,chhiu-chhiong pet-fûng tai-lòi thai-yí.

和合本2010版箴言25:24 宁可住在房顶的一角，也不与好争吵的妇人同住。

现代客语汉字箴言25:24甘愿单独在屋顶个一角，无爱㧯泼妇共下住大屋。

现代客语全罗箴言25:24 Kâm-ngien tân-thu̍k chhai vuk-táng ke yit-kok,mò-oi lâu phat-fu khiung-ha he̍t thai-vuk.

和合本2010版箴言25:25 有好消息从遥远的地方来，就如凉水滋润口渴的人。

现代客语汉字箴言25:25听到远方来个好消息，就像嘴燥个时食凉水。

现代客语全罗箴言25:25 Thâng-tó yén-fông lòi ke hó sêu-sit,chhiu-chhiong choi-châu ke sṳ̀ sṳ̍t liòng-súi.

和合本2010版箴言25:26 义人在恶人面前退缩，好像搅浑之泉，污染之井。

现代客语汉字箴言25:26义人在邪恶人面前低头让步，像摝浑个泉水、㩢屙糟个井水。

现代客语全罗箴言25:26 Ngi-ngìn chhai sià-ok ngìn mien-chhièn tâi-thèu ngiong-phu,chhiong luk-vùn ke chhièn-súi, met ô-chô ke chiáng-súi.