箴言第23章客家话和合本对照

相关章：

快速到节：

书卷列表：

和合本2010版箴言23:1 你若与长官坐席，要留意在你面前的是谁。

现代客语汉字箴言23:1(6)你㧯大人物共桌食饭个时节，爱记得坐在若面前个係么人。

现代客语全罗箴言23:1(6) Ngì lâu thai ngìn-vu̍t khiung-chok sṳ̍t-fan ke sṳ̀-chiet,oi ki-tet chhô chhai ngiâ mien-chhièn ke he má-ngìn.

和合本2010版箴言23:2 你若是胃口大的人，就当拿刀放在喉咙上。

现代客语汉字箴言23:2若係你饭量大，就爱约束自家(5123:2「就爱约束自家」原文直译係「就爱擎刀仔放在你个喉嗹上」。)。

现代客语全罗箴言23:2 Na-he ngì fan-liong thai,chhiu oi yok-suk chhṳ-kâ( 51 23:2 “chhiu oi yok-suk chhṳ-kâ” ngièn-vùn chhṳ̍t-yi̍t he “chhiu oi khià tô-é piong chhai ngì ke hèu-lièn song”.).

和合本2010版箴言23:3 不可贪恋长官的美食，因为那是欺哄人的食物。

现代客语汉字箴言23:3毋好贪食佢个滂沛；惊怕这係佢个阴谋。

现代客语全罗箴言23:3 M̀-hó thâm-sṳ̍t kì ke phông-phai;kiâng-pha liá he kì ke yîm-mèu.

和合本2010版箴言23:4 不要劳碌求富，要有聪明来节制。

现代客语汉字箴言23:4(7)你爱聪明兜仔，莫过劳、死爱钱。

现代客语全罗箴言23:4(7) Ngì oi chhûng-mìn têu-é,mo̍k ko-lò, sí-oi chhièn.

和合本2010版箴言23:5 你定睛在财富，它就消失，因为它必长翅膀，如鹰向天飞去。

现代客语汉字箴言23:5钱财一𥍉目就消失；因为钱财会生翼胛，就像鹞婆飞到天顶。

现代客语全罗箴言23:5 Chhièn-chhòi yit-ngiap-muk chhiu sêu-sṳt;yîn-vi chhièn-chhòi voi sâng yi̍t-kap,chhiu chhiong yeu-phò pî-to thiên-táng.

和合本2010版箴言23:6 守财奴( [ 23.6] 「守财奴」：原文直译「眼目邪恶的人」。)的饭，你不要吃，也不要贪恋他的美味；

现代客语汉字箴言23:6(8)莫食齧擦人个饭，毋好贪佢个滂沛。

现代客语全罗箴言23:6(8) Mo̍k sṳ̍t ngat-chhat ngìn ke fan,m̀-hó thâm kì ke phông-phai.

和合本2010版箴言23:7 因为他的心怎样算计( [ 23.7] 「心怎样算计」：原文另译「喉咙有头髮」。)，他为人就是这样。他虽对你说：请吃，请喝，他的心却与你相背。

现代客语汉字箴言23:7佢讲：「毋使细腻，食啊，啉啊」，总係佢心肚另外有打算。佢做人，心肚专门计较钱(5223:7「佢做人…计较钱」抑係译做「佢想么介，做人就係恁样」。)。

现代客语全罗箴言23:7 Kì kóng: “M̀-sṳ́ se-ngi, sṳ̍t â, lîm â”,chúng-he kì sîm-tú nang-ngoi yû tá-son.Kì cho-ngìn, sîm-tú chôn-mùn kie-kau chhièn( 52 23:7 “Kì cho-ngìn ... kie-kau chhièn” ya-he yi̍t-cho “Kì sióng má-ke, cho-ngìn chhiu-he án-ngiòng”.).

和合本2010版箴言23:8 你所吃的那点食物必吐出来，你恭维的话语也必落空。

现代客语汉字箴言23:8你所食个一些东西会呕出来；你所讲个靓话也会变做空空。

现代客语全罗箴言23:8 Ngì só-sṳ̍t ke yit-si̍t tûng-sî voi éu chhut-lòi;ngì só-kóng ke chiâng-fa ya voi pien-cho khûng-khûng.

和合本2010版箴言23:9 不要说话给愚昧人听，因他必藐视你智慧的言语。

现代客语汉字箴言23:9(9)你毋好讲话给戆人听；佢会藐视你智慧个话。

现代客语全罗箴言23:9(9) Ngì m̀-hó kóng-fa pûn ngong-ngìn thâng;kì voi méu-sṳ ngì chṳ-fi ke fa.

和合本2010版箴言23:10 不可挪移古时的地界，也不可侵佔孤儿的田地，

现代客语汉字箴言23:10(10)毋好徙古时个地界，毋好佔孤儿个田地；

现代客语全罗箴言23:10(10) M̀-hó sái kú-sṳ̀ ke thi-kie,m̀-hó cham kû-yì ke thièn-thi;

和合本2010版箴言23:11 因他们的救赎者( [ 23.11] 「救赎者」或译「赎业至亲」。)大有能力，他必向你为他们辩护。

现代客语汉字箴言23:11因为佢等个保护者大有能力，佢爱做你个对头，为佢等伸冤。

现代客语全罗箴言23:11 yîn-vi kì-têu ke Pó-fu-chá thai-yû nèn-li̍t,Kì oi cho ngì ke tui-thèu, vi kì-têu sṳ̂n-yên.

和合本2010版箴言23:12 你要留心领受训诲，侧耳听从知识的言语。

现代客语汉字箴言23:12(11)爱专心接受教训，认真听智识个话。

现代客语全罗箴言23:12(11) Oi chôn-sîm chiap-su kau-hiun,ngin-chṳ̂n thâng chṳ-sṳt ke fa.

和合本2010版箴言23:13 不可不管教孩童，因为你用杖打他，他不会死。

现代客语汉字箴言23:13(12)毋好毋管教细人仔；用竹修仔毋会打死；

现代客语全罗箴言23:13(12) M̀-hó m̀ kón-kau se-ngìn-è;yung chuk-siû-é m̀-voi tá-sí;

和合本2010版箴言23:14 你用杖打他，就可以救他的性命免下阴间。

现代客语汉字箴言23:14你用竹修仔打佢，正会救佢个生命。

现代客语全罗箴言23:14 ngì yung chuk-siû-é tá kì,chang voi kiu kì ke sâng-miang.

和合本2010版箴言23:15 我儿啊，你若心存智慧，我的心就甚欢喜。

现代客语汉字箴言23:15(13)孻仔啊，你若有智慧，𠊎係样般欢喜快乐！

现代客语全罗箴言23:15(13) Lai-é â, ngì na yû chṳ-fi,ngài he ngióng-pân fôn-hí khoai-lo̍k!

和合本2010版箴言23:16 你的嘴唇若说正直话，我的心肠也必快乐。

现代客语汉字箴言23:16你一讲正直个话，𠊎个心肝就当畅！

现代客语全罗箴言23:16 Ngì yit-kóng chṳn-chhṳ̍t ke fa,ngài ke sîm-kôn chhiu tông-thiong!

和合本2010版箴言23:17 你的心不要羡慕罪人，却要羡慕常常敬畏耶和华的人，

现代客语汉字箴言23:17(14)你毋好嫉妒罪人，爱日夜敬畏上主；

现代客语全罗箴言23:17(14) Ngì m̀-hó chhit-tu chhui-ngìn,oi ngit-ya kin-vi Song-chú;

和合本2010版箴言23:18 因为你必有前途，你的指望也不致断绝。

现代客语汉字箴言23:18恁样，你个前途就光明，你个将来也毋会绝望。

现代客语全罗箴言23:18 án-ngiòng, ngì ke chhièn-thù chhiu kông-mìn,ngì ke chiông-lòi ya m̀-voi chhie̍t-mong.

和合本2010版箴言23:19 我儿啊，你当听，当存智慧，好在正道上引导你的心。

现代客语汉字箴言23:19(15)孻仔啊，听𠊎个话来得到智慧；爱留心行正路。

现代客语全罗箴言23:19(15) Lai-é â, thâng ngài ke fa lòi tet-tó chṳ-fi;oi liù-sîm hàng chṳn-lu.

和合本2010版箴言23:20 不可与好饮酒的人在一起，也不要跟贪吃肉的人来往，

现代客语汉字箴言23:20好啉酒个，贪食肉个，毋好同佢等做朋友；

现代客语全罗箴言23:20 Hau lîm-chiú ke, thâm-sṳ̍t ngiuk ke,m̀-hó thùng kì-têu cho phèn-yû;

和合本2010版箴言23:21 因为贪食好酒的，必致贫穷，爱睡觉的，必穿破烂衣服。

现代客语汉字箴言23:21因为好酒贪食个，会变穷苦人；好睡目个人，一定会着烂衫裤。

现代客语全罗箴言23:21 yîn-vi hau-chiú thâm-sṳ̍t ke, voi pien khiùng-khú ngìn;hau soi-muk ke ngìn, yit-thin voi chok lan sâm-fu.

和合本2010版箴言23:22 你要听从生你的父亲；不可因母亲年老而轻看她。

现代客语汉字箴言23:22(16)应该听从𫱔你个爷𡟓；就算老了，也毋好看轻佢等。

现代客语全罗箴言23:22(16) Yin-kôi thâng-chhiùng kiung ngì ke yà-ôi;chhiu-son ló lé, ya m̀-hó khon-khiâng kì-têu.

和合本2010版箴言23:23 你当获得真理，不可出卖，智慧、训诲和聪明也是一样。

现代客语汉字箴言23:23你爱付代价来得到真理、智慧、教训㧯见识；千万毋好将它兜卖掉。

现代客语全罗箴言23:23 Ngì oi fu thoi-ka lòi tet-tó chṳ̂n-lî, chṳ-fi, kau-hiun lâu kien-sṳt;chhiên-van m̀-hó chiông kì-têu mai-thet.

和合本2010版箴言23:24 义人的父亲必大大快乐，生智慧儿子的，必因他欢喜。

现代客语汉字箴言23:24义人个爷仔，定着会非常快乐；孻仔有智慧，𫱔佢个就尽欢喜。

现代客语全罗箴言23:24 Ngi-ngìn ke yà-è, thin-chho̍k voi fî-sòng khoai-lo̍k;lai-é yû chṳ-fi, kiung kì ke chhiu chhin fôn-hí.

和合本2010版箴言23:25 愿你的父母欢喜，愿那生你的母亲快乐。

现代客语汉字箴言23:25应当俾你个爷𡟓快乐；爱俾𫱔你个阿姆欢喜！

现代客语全罗箴言23:25 Yin-tông pûn ngì ke yà-ôi khoai-lo̍k;oi pûn kiung ngì ke â-mê fôn-hí!

和合本2010版箴言23:26 我儿啊，要将你的心归我，你的眼目也要喜爱( [ 23.26] 「喜爱」：原文另译「谨守」。)我的道路。

现代客语汉字箴言23:26(17)孻仔啊，爱全心向𠊎学习，爱注意看𠊎个模样。

现代客语全罗箴言23:26(17) Lai-é â, oi chhiòn-sîm hiong ngài ho̍k-si̍p,oi chu-yi khon ngài ke mù-yong.

和合本2010版箴言23:27 妓女是深坑，外邦女子是窄井。

现代客语汉字箴言23:27妓女係无底深坑；淫妇係致命陷阱。

现代客语全罗箴言23:27 Kî-ńg he vù-tái chhṳ̂m-hâng;yìm-fu he chṳ-miang ham-chiáng.

和合本2010版箴言23:28 她像强盗埋伏，她使奸诈的人增多。

现代客语汉字箴言23:28姖等像埋伏个强盗，使更多个人变奸诈。

现代客语全罗箴言23:28 Kì-têu chhiong mài-fu̍k ke khiòng-tho,sṳ́ kien-tô ke ngìn pien kiên-cha.

和合本2010版箴言23:29 谁有祸患？谁有灾难？谁有纷争？谁有焦虑？谁无故受伤？谁的眼目红赤？

现代客语汉字箴言23:29(18)么人有灾祸？么人有忧伤？么人有相争？么人有埋怨？么人无故受伤？么人目珠赤赤？

现代客语全罗箴言23:29(18) Má-ngìn yû châi-fo?Má-ngìn yû yù-sông?Má-ngìn yû siông-châng?Má-ngìn yû mài-yen?Má-ngìn vù-ku su-sông?Má-ngìn muk-chû chhak-chhak?

和合本2010版箴言23:30 就是那流连饮酒的人，常去寻找调和的酒。

现代客语汉字箴言23:30就係该兜流连醉乡，好酒贪杯个人。

现代客语全罗箴言23:30 Chhiu-he ke-têu liù-lièn chui-hiông,hau-chiú thâm-pî ke ngìn.

和合本2010版箴言23:31酒发红，在杯中闪烁时，你不可观看；虽下咽舒畅，终究它必咬你如蛇，刺你如毒蛇。

现代客语汉字箴言23:31毋好贪爱杯中又红又靓、在喉嗹中又醇又顺个酒。

现代客语全罗箴言23:31 M̀-hó thâm-oi pî-chûng yu-fùng yu-chiâng,chhai hèu-lièn chûng yu-sùn yu-sun ke chiú.

和合本2010版箴言23:32【併于上节】

现代客语汉字箴言23:32最后酒会像蛇哥缠你，像毒蛇咬你。

现代客语全罗箴言23:32 Chui-heu chiú voi chhiong sà-kô chhàn ngì,chhiong thu̍k-sà ngâu ngì.

和合本2010版箴言23:33 你的眼睛必看见怪异的事，你的心必发出乖谬的话。

现代客语汉字箴言23:33你会目花花，头昏昏，乱讲话。

现代客语全罗箴言23:33 Ngì voi muk fâ-fâ, thèu fûn-fûn, lon kóng-fa.

和合本2010版箴言23:34 你必像躺在深海中，或卧在桅杆顶上，

现代客语汉字箴言23:34你会醉到浮浮，像在海中，又像睡在船个桅杆顶高。

现代客语全罗箴言23:34 Ngì voi chui-to fèu-fèu, chhiong chhai hói-chûng,yu chhiong soi chhai sòn ke ngùi-kôn táng-kô.

和合本2010版箴言23:35 说：「人击打我，但我未受伤，重击我，我不觉得。我几时清醒，还要再去寻酒。」

现代客语汉字箴言23:35你会讲：「𠊎被人捶，毋会痛，被人打，无感觉。𠊎样醒毋过来？𠊎爱再啉一杯！」

现代客语全罗箴言23:35 Ngì voi kóng:“Ngài pûn-ngìn chhùi, m̀-voi thung,pûn-ngìn tá, mò kám-kok.Ngài ngióng siáng m̀ ko-lòi?Ngài oi chai lîm yit-pî!”