箴言第20章客家话和合本对照

相关章：

快速到节：

书卷列表：

和合本2010版箴言20:1 酒能使人傲慢，烈酒使人喧嚷，凡沉溺其中的，都无智慧。

现代客语汉字箴言20:1淡酒害人傲慢，酽酒害人胡闹；好酒行差路个人，实在无智慧。

现代客语全罗箴言20:1 Thâm-chiú hoi-ngìn ngau-man, ngiàm-chiú hoi-ngìn fù-nau;hau chiú hàng-chhâ lu ke ngìn, sṳ̍t-chhai mò chṳ-fi.

和合本2010版箴言20:2 王的威吓如狮子吼叫，激怒他的是自害己命。

现代客语汉字箴言20:2王个发谴像狮仔大声嘶；惹王受气丧失自家生命。

现代客语全罗箴言20:2 Vòng ke fat-khién chhiong sṳ̂-é thai-sâng sê;ngiâ vòng su-hi sóng-sṳt chhṳ-kâ sâng-miang.

和合本2010版箴言20:3 止息纷争是人的尊荣，愚妄人争闹不休。

现代客语汉字箴言20:3人能避免纷争就係光荣；戆人全部尽好惹人冤家。

现代客语全罗箴言20:3 Ngìn nèn phit-miên fûn-chên chhiu-he kông-yùng;ngong-ngìn chhiòn-phu chhin-hau ngiâ-ngìn yên-kâ.

和合本2010版箴言20:4 懒惰人因冬寒不去耕种，到收割时，他去寻找，一无所得。

现代客语汉字箴言20:4懒尸个耕种人无照节气；收成个时佢就一无所得。

现代客语全罗箴言20:4 Lân-sṳ̂ ke kâng-chung ngìn mò cheu chiet-hi;sû-sṳ̀n ke sṳ̀ kì chhiu yit-vù só-tet.

和合本2010版箴言20:5 人心中的筹算如同深水，惟聪明人才能汲引出来。

现代客语汉字箴言20:5人个心思像深井肚个水，聪明人正知样般打出来。

现代客语全罗箴言20:5 Ngìn ke sîm-sṳ̂ chhiong chhṳ̂m-chiáng tú ke súi,chhûng-mìn ngìn chang tî ngióng-pân tá chhut-lòi.

和合本2010版箴言20:6 很多人声称自己忠信，但诚信的人谁能遇着呢？

现代客语汉字箴言20:6尽多人自夸做人忠诚，总係么人寻得到正经信实个人呢？

现代客语全罗箴言20:6 Chhin-tô ngìn chhṳ-khoâ cho-ngìn chûng-sṳ̀n,chúng-he má-ngìn chhìm tet-tó chṳn-kîn sin-sṳ̍t ke ngìn nè?

和合本2010版箴言20:7 义人行为纯正，他后代的子孙有福了！

现代客语汉字箴言20:7正直个人行事完全纯正，佢个子孙係样般有福气！

现代客语全罗箴言20:7 Chṳn-chhṳ̍t ke ngìn hàng-sṳ vàn-chhiòn sùn-chṳn,kì ke chṳ́-sûn he ngióng-pân yû fuk-hi!

和合本2010版箴言20:8 王坐在审判的位上，以眼目驱散一切邪恶。

现代客语汉字箴言20:8君王坐在审判台顶高，厥目珠鑒察一切邪恶。

现代客语全罗箴言20:8 Kiûn-vòng chhô chhai sṳ́m-phan-thòi táng-kô,kiâ muk-chû kam-chhat yit-chhiet sià-ok.

和合本2010版箴言20:9 谁能说：「我已经洁净了我的心，脱净了我的罪？」

现代客语汉字箴言20:9么人敢讲：「𠊎已经洗净𠊎个心，𠊎係纯洁无罪个」？

现代客语全罗箴言20:9 Má-ngìn kám kóng: “Ngài yí-kîn sé-chhiang ngài ke sîm,ngài he sùn-kiet mò-chhui ke”?

和合本2010版箴言20:10 两样的法码和两样的伊法( [ 20.10] 「伊法」是量固体的量器或单位；参「度量衡表」。)，都为耶和华所憎恶。

现代客语汉字箴言20:10用两种秤仔、两样升斗来骗人，这係上主尽恼个。

现代客语全罗箴言20:10 Yung lióng-chúng chhṳn-é, lióng-yong sṳ̂n-téu lòi phien-ngìn,liá he Song-chú chhin-nâu ke.

和合本2010版箴言20:11 孩童的行动或纯洁，或正直，都以行为显明自己。

现代客语汉字箴言20:11细人仔个品行係纯洁係正直，对佢个行为乜可以看得出来。

现代客语全罗箴言20:11 Se-ngìn-è ke phín-hen he sùn-kiet he chṳn-chhṳ̍t,tui kì ke hàng-vì me khó-yî khon tet-chhut lòi.

和合本2010版箴言20:12 能听的耳，能看的眼，二者都为耶和华所造。

现代客语汉字箴言20:12会听个耳公，会看个目珠，两样都係上主所创造个。

现代客语全罗箴言20:12 Voi thâng ke ngí-kûng, voi khon ke muk-chû,lióng-yong tû he Song-chú só chhóng-chho ke.

和合本2010版箴言20:13 不要贪睡，免致贫穷；眼要睁开，就可吃饱。

现代客语汉字箴言20:13毋好贪睡，正毋会变穷苦；煞猛做事，就会得到饱足。

现代客语全罗箴言20:13 M̀-hó thâm-soi, chang m̀-voi pien khiùng-khú;sat-mâng cho-se, chhiu voi tet-tó páu-chiuk.

和合本2010版箴言20:14 买东西的说：「不好，不好！」及至离去，他却自夸。

现代客语汉字箴言20:14买货嫌货：「毋好！毋好！」买转就讲：「尽好！尽好！」

现代客语全罗箴言20:14 Mâi-fo hiàm-fo: “M̀-hó! M̀-hó!”Mâi-chón chhiu kóng: “Chhin-hó! Chhin-hó!”

和合本2010版箴言20:15 有金子和许多宝石，惟知识的嘴唇是贵重的珍宝。

现代客语汉字箴言20:15黄金万两，珠宝满箱，毋当一句智慧良言。

现代客语全罗箴言20:15 Vòng-kîm van-liông, chû-pó mân-siông,m̀-tong yit-ki chṳ-fi liòng-ngièn.

和合本2010版箴言20:16 谁为陌生人担保，就拿谁的衣服；谁为外邦人作保，谁就要承当。

现代客语汉字箴言20:16么人为生份人担保，你就爱拿佢(4520:16「佢」指到「么人」。)个外衫做抵押；么人为外族人(4620:16「外族人」抑係译做「无正当个妇女」。)担保，你就爱喊佢承担一切后果。

现代客语全罗箴言20:16 Má-ngìn vi sâng-fun ngìn tâm-pó,ngì chhiu oi nâ kì( 45 20:16 “kì” chṳ́-to “Má-ngìn”.) ke ngoi-sâm cho tí-ap;má-ngìn vi ngoi-chhu̍k ngìn( 46 20:16 “ngoi-chhu̍k ngìn” ya-he yi̍t-cho “mò chṳn-tông ke fu-ńg”.) tâm-pó,ngì chhiu oi ham kì sṳ̀n-tâm yit-chhiet heu-kó.

和合本2010版箴言20:17 靠谎言而得的食物，令人愉悦；到后来，他的口必充满碎石。

现代客语汉字箴言20:17骗来个食物特别好食；过后就感觉满嘴砂石。

现代客语全罗箴言20:17 Phien-lòi ke sṳ̍t-vu̍t thi̍t-phe̍t hó-sṳ̍t;ko-heu chhiu kám-kok mân-choi sâ-sa̍k.

和合本2010版箴言20:18 计谋凭筹算立定，打仗要凭智谋。

现代客语汉字箴言20:18有计划个事一定成功；无策略个战争毋好打。

现代客语全罗箴言20:18 Yû kie-va̍k ke sṳ yit-thin sṳ̀n-kûng;mò chhet-lio̍k ke chan-chên m̀-hó tá.

和合本2010版箴言20:19 到处传话的，洩漏机密；口无遮拦的，不可与他结交。

现代客语汉字箴言20:19多讲闲话，难守祕密；多嘴朋友，毋好结交。

现代客语全罗箴言20:19 Tô-kóng hàn-fa, nàn-sú pi-me̍t;tô-choi phèn-yû, m̀-hó kiet-kâu.

和合本2010版箴言20:20 咒骂父母的，他的灯必熄灭，在漆黑中。

现代客语汉字箴言20:20咒骂爷𡟓个人，佢个生命会像灯火在乌暗中乌掉。

现代客语全罗箴言20:20 Chu-ma yà-ôi ke ngìn,kì ke sâng-miang voi chhiong tên-fó chhai vû-am chûng vû-thet.

和合本2010版箴言20:21 起初很快得来的产业，终久却不是福。

现代客语汉字箴言20:21忒早继承祖公业，最尾对佢毋係福。

现代客语全罗箴言20:21 Thet-chó ki-sṳ̀n chú-kûng-ngia̍p,chui-mî tui kì m̀-he fuk.

和合本2010版箴言20:22 你不要说：「我要以恶报恶」；要等候耶和华，他必拯救你。

现代客语汉字箴言20:22你毋好讲：「𠊎爱报仇！」你爱等候上主，佢会为你伸冤。

现代客语全罗箴言20:22 Ngì m̀-hó kóng: “Ngài oi po-sù!”Ngì oi tén-heu Song-chú, Kì voi vi ngì sṳ̂n-yên.

和合本2010版箴言20:23 两样的法码为耶和华所憎恶，诡诈的天平也为不善。

现代客语汉字箴言20:23无準个秤砣，上主尽恼；诡诈个秤仔，十分毋好。

现代客语全罗箴言20:23 Mò-chún ke chhṳn-thò, Song-chú chhin-nâu;kúi-cha ke chhṳn-é, sṳ̍p-fûn m̀-hó.

和合本2010版箴言20:24 人的脚步为耶和华所定，人岂能明白自己的道路呢？

现代客语汉字箴言20:24人个脚步係上主所安排个；么人能知佢人生个道路呢？

现代客语全罗箴言20:24 Ngìn ke kiok-phu he Song-chú só ôn-phài ke;má-ngìn nèn tî kì ngìn-sên ke tho-lu nè?

和合本2010版箴言20:25 人冒失地声称：「这是神圣的！」许愿之后才细想，就是自陷圈套。

现代客语汉字箴言20:25向上帝许愿前爱三思，免得后来会陷入罗网。

现代客语全罗箴言20:25 Hiong Song-ti hí-ngien chhièn oi sâm-sṳ̂,miên-tet heu-lòi voi ham-ngi̍p lò-mióng.

和合本2010版箴言20:26 智慧的王驱散恶人，用轮子滚过他们。

现代客语汉字箴言20:26智慧个王簸出坏人，就用碌碡来碾佢等。

现代客语全罗箴言20:26 Chṳ-fi ke vòng poi-chhut fái-ngìn,chhiu yung lu̍k-chhu̍k lòi-chan kì-têu.

和合本2010版箴言20:27 人的灵是耶和华的灯，鑒察人的内心深处。

现代客语汉字箴言20:27上主个灯鑒察人个心(4720:27「上主…心」抑係译做「人个良心係上主个灯」。)，查明心底一切个念头。

现代客语全罗箴言20:27 Song-chú ke tên kam-chhat ngìn ke sîm( 47 20:27 “Song-chú ... sîm” ya-he yi̍t-cho “Ngìn ke liòng-sîm he Song-chú ke tên”.),chhà-mìn sîm-tái yit-chhiet ke ngiam-thèu.

和合本2010版箴言20:28 慈爱和诚实庇护君王，他的王位因慈爱而立稳。

现代客语汉字箴言20:28仁慈㧯信实係君王个保障；佢也用仁慈稳固佢个政权。

现代客语全罗箴言20:28 Yìn-chhṳ̀ lâu sin-sṳ̍t he kiûn-vòng ke pó-chông;kì ya yung yìn-chhṳ̀ vún-ku kì ke chṳn-khièn.

和合本2010版箴言20:29 强壮是青年的荣耀；白髮为老人的尊荣。

现代客语汉字箴言20:29身强力壮係后生人个荣耀；白头那毛係老人家个尊荣。

现代客语全罗箴言20:29 Sṳ̂n-khiòng li̍t-chong he heu-sâng-ngìn ke yùng-yeu;pha̍k thèu-nà-mô he ló-ngìn-kâ ke chûn-yùng.

和合本2010版箴言20:30 鞭伤除净邪恶，责打可洁净人心深处。

现代客语汉字箴言20:30严刑除掉人个罪恶；鞭打洗净人个内心。

现代客语全罗箴言20:30 Ngiàm-hìn chhù-thet ngìn ke chhui-ok;piên-tá sé-chhiang ngìn ke nui-sîm.