箴言第19章客家话和合本对照

相关章：

快速到节：

书卷列表：

和合本2010版箴言19:1 行为纯正的穷乏人胜过嘴唇歪曲的愚昧人。

现代客语汉字箴言19:1行为无好嫌个穷苦人，赢过讲话诡诈个戆仔。

现代客语全罗箴言19:1 Hàng-vì mò hó-hiàm ke khiùng-khú ngìn,yàng-ko kóng-fa kúi-cha ke ngong-é.

和合本2010版箴言19:2 热心而无见识，实为不善；脚步急快的，易入歧途。

现代客语汉字箴言19:2热心无智识尽毋好；行动忒遽容易行错。

现代客语全罗箴言19:2 Ngie̍t-sîm mò chṳ-sṳt chhin m̀-hó;hàng-thung thet-kiak yùng-yi hàng-chho.

和合本2010版箴言19:3 人因愚昧自毁前途，他的心却埋怨耶和华。

现代客语汉字箴言19:3人个愚戆败坏佢个前途；佢个心肝反转埋怨上主。

现代客语全罗箴言19:3 Ngìn ke ngì-ngong phai-fai kì ke chhièn-thù;kì ke sîm-kôn fán-chón mài-yen Song-chú.

和合本2010版箴言19:4 财富使朋友增多；贫寒人连仅有的朋友也离弃他。

现代客语汉字箴言19:4钱财多朋友增加；穷苦人朋友远离。

现代客语全罗箴言19:4 Chhièn-chhòi tô phèn-yû chen-kâ;khiùng-khú ngìn phèn-yû yén-lì.

和合本2010版箴言19:5 作假见证的，难免受罚；口吐谎言的，不能逃脱。

现代客语汉字箴言19:5做假见证个，会受责罚；好讲花撩个，难逃罪责。

现代客语全罗箴言19:5 Cho ká kien-chṳn ke, voi su chit-fa̍t;hau-kóng fâ-liâu ke, nàn-thò chhui-chit.

和合本2010版箴言19:6 有权贵的，许多人求他赏脸；爱送礼的，人都作他的朋友。

现代客语汉字箴言19:6地位高贵个，多人求佢个恩情；大方施捨个，大家㧯佢做朋友。

现代客语全罗箴言19:6 Thi-vi kô-kui ke, tô-ngìn khiù kì ke ên-chhìn;thai-fông sṳ̂-sá ke, thai-kâ lâu kì cho phèn-yû.

和合本2010版箴言19:7 穷乏人连兄弟都恨他，何况朋友，更是远离他！他用言语追随，他们却不在。

现代客语汉字箴言19:7人穷兄弟乜毋搭，朋友走到还较远；逐等去开声尽喊，佢等已经走净净(4019:7「逐等…净净」抑係译做「佢寻求友谊，总係㖠位都寻毋到」。)！

现代客语全罗箴言19:7 Ngìn khiùng hiûng-thi me m̀-tap,phèn-yû chéu-to hàn-kha yén;kiuk-tén hi khôi-sâng chhin-hêm,kì-têu yí-kîn chéu chhiang-chhiang( 40 19:7 “kiuk-tén ... chhiang-chhiang” ya-he yi̍t-cho “kì chhìm-khiù yû-ngì, chúng-he nai-vi tû chhìm m̀-tó”.)!

和合本2010版箴言19:8 得着智慧的，爱惜生命；持守聪明的，寻得好处。

现代客语汉字箴言19:8得到智慧个，爱惜生命；持守聪明个，幸福无穷。

现代客语全罗箴言19:8 Tet-tó chṳ-fi ke, oi-siak sâng-miang;chhṳ̀-sú chhûng-mìn ke, hen-fuk vù-khiùng.

和合本2010版箴言19:9 作假见证的，难免受罚；口吐谎言的，必定灭亡。

现代客语汉字箴言19:9做假见证个，会受责罚；好讲花撩个，自取灭亡。

现代客语全罗箴言19:9 Cho ká kien-chṳn ke, voi su chit-fa̍t;hau-kóng fâ-liâu ke, chhṳ-chhí me̍t-mòng.

和合本2010版箴言19:10 愚昧人奢华度日并不相宜，僕人管辖王子，也不应该。

现代客语汉字箴言19:10戆人享安乐係无合适；奴才管头家较无适当。

现代客语全罗箴言19:10 Ngong-ngìn hióng ôn-lo̍k he mò ha̍p-sṳt;nù-chhòi kón thèu-kâ kha mò sṳt-tông.

和合本2010版箴言19:11 人有见识就不轻易发怒，宽恕人的过失便是自己的荣耀。

现代客语汉字箴言19:11人有见识，无随便发谴；饶赦过失，自家有荣光。

现代客语全罗箴言19:11 Ngìn yû kien-sṳt, mò sùi-phien fat-khién;ngièu-sa ko-sṳt, chhṳ-kâ yû yùng-kông.

和合本2010版箴言19:12 王的愤怒好像狮子吼叫；他的恩惠却如草上的甘露。

现代客语汉字箴言19:12君王发谴，像吼吼滚个狮仔；君王施恩，像青草上个甘露。

现代客语全罗箴言19:12 Kiûn-vòng fat-khién, chhiong ho-ho-kún ke sṳ̂-é;kiûn-vòng sṳ̂-ên, chhiong chhiâng-chhó song ke kâm-lu.

和合本2010版箴言19:13 愚昧的儿子是父亲的祸患，妻子的争吵如雨连连滴漏。

现代客语汉字箴言19:13戆档个孻仔成做阿爸个灾祸；吵闹个𡜵娘像屋顶漏雨紧滴。

现代客语全罗箴言19:13 Ngong-tong ke lai-é sàng-cho â-pâ ke châi-fo;chhàu-nau ke pû-ngiòng chhiong vuk-táng leu-yí kín-tit.

和合本2010版箴言19:14 房屋钱财是祖宗所遗留的；惟有贤慧的妻是耶和华所赐的。

现代客语汉字箴言19:14房屋㧯财产係祖先留下个；贤慧个𡜵娘係上主所赐个。

现代客语全罗箴言19:14 Fòng-vuk lâu chhòi-sán he chú-siên liù-hâ ke;hièn-fi ke pû-ngiòng he Song-chú só-su ke.

和合本2010版箴言19:15 懒惰使人沉睡，懈怠的人必捱饿。

现代客语汉字箴言19:15懒尸个人好睡目；闲亍亍个饿肚笥。

现代客语全罗箴言19:15 Lân-sṳ̂ ke ngìn hau soi-muk;hàn chhok-chhok ke ngo tú-sṳ́.

和合本2010版箴言19:16 遵守诫命的，保全生命；轻忽己路的，必致死亡。

现代客语汉字箴言19:16遵守上帝诫命个，会保守生命；看轻上主道路个，一定会灭亡。

现代客语全罗箴言19:16 Chûn-sú Song-ti kie-min ke, voi pó-sú sâng-miang;khon-khiâng Song-chú tho-lu ke, yit-thin voi me̍t-mòng.

和合本2010版箴言19:17 怜悯贫寒人的，就是借给耶和华，他的报偿，耶和华必归还他。

现代客语汉字箴言19:17救济穷人，就係借钱给上主；佢个好行为，上主会报答佢。

现代客语全罗箴言19:17 Kiu-chi khiùng-ngìn, chhiu-he chia-chhièn pûn Song-chú;kì ke hó hàng-vì, Song-chú voi po-tap kì.

和合本2010版箴言19:18 趁还有指望，管教你的儿子，不可执意摧毁他。

现代客语汉字箴言19:18还有盼望个时，爱管教你个子女；总係毋好忒严，惊怕害佢等一生(4119:18「总係…一生」抑係译做「你个心毋好由在佢等死掉」。)。

现代客语全罗箴言19:18 Hàn-yû phan-mong ke sṳ̀, oi kón-kau ngì ke chṳ́-ńg;chúng-he m̀-hó thet-ngiàm, kiâng-pha hoi kì-têu yit-sên( 41 19:18 “chúng-he ... yit-sên” ya-he yi̍t-cho “ngì ke sîm m̀-hó yù-chhai kì-têu sí-thet”.).

和合本2010版箴言19:19 暴怒的人必受惩罚，你若救他，必须再救。

现代客语汉字箴言19:19脾气暴烈个人，必定受刑罚(4219:19「必定受刑罚」抑係译做「俾佢自食恶果」。)；你若爱救佢，必须一救再救。

现代客语全罗箴言19:19 Phì-hi phau-lie̍t ke ngìn, pit-thin su hìn-fa̍t( 42 19:19 “pit-thin su hìn-fa̍t” ya-he yi̍t-cho “pûn kì chhṳ-sṳ̍t ok-kó”.);ngì na oi kiu kì, pit-sî yit-kiu chai-kiu.

和合本2010版箴言19:20 要听劝言，接受训诲，使你终久有智慧。

现代客语汉字箴言19:20爱听人劝话，接受指导；你最后会成做智慧人。

现代客语全罗箴言19:20 Oi thâng-ngìn khien-va, chiap-su chṳ́-thô;ngì chui-heu voi sàng-cho chṳ-fi ngìn.

和合本2010版箴言19:21 人心多有计谋；惟有耶和华的筹算才能成就。

现代客语汉字箴言19:21谋事在人，成事在天(4319:21「天」原文係「上主」。)。

现代客语全罗箴言19:21 Mèu-sṳ chhai ngìn,sṳ̀n-sṳ chhai Thiên( 43 19:21 “Thiên” ngièn-vùn he “Song-chú”.).

和合本2010版箴言19:22 仁慈的人令人喜爱( [ 19.22] 「仁慈…喜爱」或译「贪心是人的羞耻」。)，穷乏人强如说谎言的。

现代客语汉字箴言19:22做人忠诚係人所渴慕个(4419:22「做人…渴慕个」抑係译做「贪心係人个羞耻」。)；穷苦人赢过花撩牯。

现代客语全罗箴言19:22 Cho-ngìn chûng-sṳ̀n he ngìn só hot-mu ke( 44 19:22 “Cho ngìn ... hot-mu ke” ya-he yi̍t-cho “Thâm-sîm he ngìn ke siû-chhṳ́”.);khiùng-khú ngìn yàng-ko fâ-liâu-kú.

和合本2010版箴言19:23 敬畏耶和华的，得着生命，他必饱足安居，不遭祸患。

现代客语汉字箴言19:23敬畏上主个人，享受长寿；佢会永久安居，远离灾难。

现代客语全罗箴言19:23 Kin-vi Song-chú ke ngìn, hióng-su chhòng-su;kì voi yún-kiú ôn-kî, yén-lì châi-nan.

和合本2010版箴言19:24 懒惰人把手埋入盘裏，连缩回送进口中也不肯。

现代客语汉字箴言19:24懒尸人伸手拿盘肚个食物，懒到连跔手送落嘴乜毋肯。

现代客语全罗箴言19:24 Lân-sṳ̂ ngìn chhûn-sú nâ phàn-tú ke sṳ̍t-vu̍t,lân-to lièn kiû-sú sung lo̍k-choi me m̀-hén.

和合本2010版箴言19:25 责打傲慢人，能使无知的人变精明；责备聪明人，他就明白知识。

现代客语汉字箴言19:25责打傲慢人，戆直人就学到精明；劝话聪明人，佢就得到智识。

现代客语全罗箴言19:25 Chit-tá ngau-man ngìn, ngong-chhṳ̍t ngìn chhiu ho̍k-tó chîn-mìn;khien-va chhûng-mìn ngìn, kì chhiu tet-tó chṳ-sṳt.

和合本2010版箴言19:26 虐待父亲、驱逐母亲的，是蒙羞致辱之子。

现代客语汉字箴言19:26孻仔若苦毒爷仔、逐走𡟓仔，係带来见笑、羞辱个不孝子。

现代客语全罗箴言19:26 Lai-é na khú-thu̍k yà-è, kiuk-chéu ôi-é,he tai-lòi kien-seu, siû-yu̍k ke put-hau chṳ́.