箴言第17章客家话和合本对照

相关章：

快速到节：

书卷列表：

和合本2010版箴言17:1 一块乾饼，大家相安；胜过宴席满屋，大家相争。

现代客语汉字箴言17:1有一口饭好食，全家平安，赢过满桌滂沛，相争𢲾背。

现代客语全罗箴言17:1 Yû yit-héu fan hó-sṳ̍t, chhiòn-kâ phìn-ôn,yàng-ko mân-chok phông-phai, siông-châng pi-poi.

和合本2010版箴言17:2 明智的僕人必管辖蒙羞的儿子，并在兄弟中同分产业。

现代客语汉字箴言17:2精明个僕人会管主人无像样个子，还有好在佢等个兄弟中分到家业。

现代客语全罗箴言17:2 Chîn-mìn ke phu̍k-ngìn voi kón chú-ngìn mò chhiong-yong ke chṳ́,hàn yû-hó chhai kì-têu ke hiûng-thi chûng pûn-tó kâ-ngia̍p.

和合本2010版箴言17:3 鼎为炼银，炉为炼金，惟有耶和华熬炼人心。

现代客语汉字箴言17:3金银受炉火锻鍊；人心被上主考验。

现代客语全罗箴言17:3 Kîm-ngiùn su lù-fó thon-lien;ngìn-sîm pûn Song-chú kháu-ngiam.

和合本2010版箴言17:4 行恶的，留心听恶毒的嘴唇；说谎的，侧耳听邪恶的舌头。

现代客语汉字箴言17:4做坏个听从奸诈个话；花撩牯好听害人个话。

现代客语全罗箴言17:4 Cho-fái ke thâng-chhiùng kiên-cha ke fa;fâ-liâu-kú hau-thâng hoi-ngìn ke fa.

和合本2010版箴言17:5 讥笑穷乏人的，是蔑视造他的主；幸灾乐祸的，难免受罚。

现代客语汉字箴言17:5嘲谑穷苦人个，係侮辱造佢个主；耻笑别人受苦个，难免爱受责罚。

现代客语全罗箴言17:5 Sâu-nat khiùng-khú ngìn ke, he vú-yu̍k chho kì ke Chú;chhṳ́-seu phe̍t-ngìn su-khú ke, nàn-miên oi su chit-fa̍t.

和合本2010版箴言17:6 子孙为老人的冠冕；父母是儿女的荣耀。

现代客语汉字箴言17:6子孙係老人家个冕旒；爷𡟓係细人仔个光荣。

现代客语全罗箴言17:6 Chṳ́-sûn he ló-ngìn-kâ ke miên-liù;yà-ôi he se-ngìn-è ke kông-yùng.

和合本2010版箴言17:7 愚顽人说美言并不相宜，君子说谎言也不合宜。

现代客语汉字箴言17:7戆档人讲文雅个话无合宜；高贵人讲花撩还较无合适。

现代客语全罗箴言17:7 Ngong-tong ngìn kóng vùn-ngá ke fa mò ha̍p-nì;kô-kui ngìn kóng fâ-liâu hàn-kha mò ha̍p-sṳt.

和合本2010版箴言17:8 贿赂在餽赠者的眼中看为玉石，随处运转都得顺利。

现代客语汉字箴言17:8不义个红包，送个人看做万能；佢恅到一切计谋个拢总会通。

现代客语全罗箴言17:8 Put-ngi ke fùng-pâu, sung ke ngìn khon-cho van-nèn;kì láu-tó yit-chhiet kie-mèu ke lûng-chúng voi thûng.

和合本2010版箴言17:9 包容过错的，寻求友爱；喋喋不休的，离间密友。

现代客语汉字箴言17:9赦免过错，促进友爱；纪念旧恨，破坏友情。

现代客语全罗箴言17:9 Sa-miên ko-chho, chhiuk-chin yû-oi;ki-ngiam khiu-hen, pho-fai yû-chhìn.

和合本2010版箴言17:10 一句责备的话深入聪明人的心，强如打愚昧人一百下。

现代客语汉字箴言17:10对明理个人讲一句责备个话，比打戆档人一百下还较有效。

现代客语全罗箴言17:10 Tui mìn-lî ke ngìn kóng yit-ki chit-phi ke fa,pí tá ngong-tong ngìn yit-pak ha hàn-kha yû-háu.

和合本2010版箴言17:11 恶人只寻求背叛，残忍的使者必奉差攻击他。

现代客语汉字箴言17:11邪恶个人只有存心悖逆；严厉个使者会来对付佢。

现代客语全罗箴言17:11 Sià-ok ke ngìn chṳ́-yû chhùn-sîm phoi-ngia̍k;ngiàm-li ke sṳ́-chá voi lòi tui-fu kì.

和合本2010版箴言17:12 宁可遇见失丧小熊的母熊，也不愿遇见正行愚昧的愚昧人。

现代客语汉字箴言17:12宁可堵到失掉熊子个熊乸，毋爱堵到糊做乱来个戆人。

现代客语全罗箴言17:12 Nèn-khó tù-tó sṳt-thet yùng-chṳ́ ke yùng-mà,m̀-oi tù-tó fù-cho lon-lòi ke ngong-ngìn.

和合本2010版箴言17:13 以恶报善的，祸患必不离他的家。

现代客语汉字箴言17:13以恶报善个人，家庭不离灾祸。

现代客语全罗箴言17:13 Yî-ok po-san ke ngìn,kâ-thìn put-lì châi-fo.

和合本2010版箴言17:14 纷争掀起，如同缺口的水；因此，争端尚未爆发就当制止。

现代客语汉字箴言17:14相争一开始就像大水穿壆；所以相吵吂爆发前爱停止。

现代客语全罗箴言17:14 Siông-châng yit khôi-sṳ́ chhiu-chhiong thai-súi chhôn-pok;só-yî siông-chhàu màng pau-fat chhièn oi thìn-chṳ́.

和合本2010版箴言17:15 定恶人为义的，定义人为有罪的，都为耶和华所憎恶。

现代客语汉字箴言17:15判恶人为义，定义人为恶，这两项都係上主所恼个。

现代客语全罗箴言17:15 Phan ok-ngìn vì-ngi, thin ngi-ngìn vì-ok,liá lióng-hong tû he Song-chú só-nâu ke.

和合本2010版箴言17:16 愚昧人既无知，为何手拿银钱去买智慧呢？

现代客语汉字箴言17:16戆档人拿钱买智慧敢有用？佢根本无心来学习！

现代客语全罗箴言17:16 Ngong-tong ngìn nâ-chhièn mâi chṳ-fi kám yû-yung?Kì kîn-pún mò-sîm lòi ho̍k-si̍p!

和合本2010版箴言17:17 朋友时常亲爱，弟兄为患难而生。

现代客语汉字箴言17:17朋友时常彼此相惜；兄弟出世分担苦难。

现代客语全罗箴言17:17 Phèn-yû sṳ̀-sòng pí-chhṳ́ siông-siak;hiûng-thi chhut-se fûn-tâm khú-nan.

和合本2010版箴言17:18 在邻舍面前击掌担保的，是无知的人。

现代客语汉字箴言17:18只有无常识个人，正会㧯邻舍担保。

现代客语全罗箴言17:18 Chṳ́-yû mò sòng-sṳt ke ngìn,chang voi lâu lìn-sa tâm-pó.

和合本2010版箴言17:19 喜爱争吵的，是喜爱过犯；门盖得高的，自取败坏。

现代客语汉字箴言17:19好犯罪个人欢喜纷争；展风神个人(3817:19「展风神个人」希伯来文直译係「高立家门个人」。)惹来灾祸。

现代客语全罗箴言17:19 Hau fam-chhui ke ngìn fôn-hí fûn-chên;tién fûng-sṳ̀n ke ngìn( 38 17:19 “tién fûng-sṳ̀n ke ngìn” Hî-pak-lòi-vùn chhṳ̍t-yi̍t he “kô-li̍p kâ-mùn ke ngìn”.) ngiâ-lòi châi-fo.

和合本2010版箴言17:20 心中歪曲的，得不着福乐；舌头颠倒是非的，陷在祸患中。

现代客语汉字箴言17:20心术无正个，寻毋到幸福；讲话奸诈个，常堵到灾难。

现代客语全罗箴言17:20 Sîm-su̍t mò-chang ke, chhìm m̀-tó hen-fuk;kóng-fa kiên-cha ke, sòng tù-tó châi-nan.

和合本2010版箴言17:21 生愚昧之子的，自己必愁苦；愚顽人的父亲毫无喜乐。

现代客语汉字箴言17:21𫱔戆档个孻仔，害阿姆忧伤；悖逆个孻仔，害阿爸无欢喜。

现代客语全罗箴言17:21 Kiung ngong-tong ke lai-é, hoi â-mê yù-sông;phoi-ngia̍k ke lai-é, hoi â-pâ mò fôn-hí.

和合本2010版箴言17:22 喜乐的心能治好疾病；忧伤的灵使骨头枯乾。

现代客语汉字箴言17:22欢喜个心係一帖良药；忧愁个灵害骨头燥掉。

现代客语全罗箴言17:22 Fôn-hí ke sîm he yit-thiap liòng-yo̍k;yù-sèu ke lìn hoi kut-thèu châu-thet.

和合本2010版箴言17:23 恶人暗中受贿赂，以致弯曲公正的路。

现代客语汉字箴言17:23坏人暗中被人收买，害正义无法度伸张。

现代客语全罗箴言17:23 Fái-ngìn am-chûng pûn-ngìn sû-mâi,hoi chṳn-ngi mò fap-thu sṳ̂n-chông.