箴言第16章客家话和合本对照

相关章：

快速到节：

书卷列表：

和合本2010版箴言16:1 心中的筹谋在乎人，舌头的应对出于耶和华。

现代客语汉字箴言16:1谋事在人；成事在天。(3416:1本节抑係译做「心中打算在乎人；口个应对在于神」。无论「天」抑係「神」，希伯来文直译係「上主」。)

现代客语全罗箴言16:1 Mèu-sṳ chhai ngìn;sṳ̀n-sṳ chhai Thiên.( 34 16:1 Pún-chiet ya-he yi̍t-cho “Sîm-chûng tá-son chhai-fû ngìn; khiéu ke yin-tui chhai-yì Sṳ̀n”. Mò-lun “Thiên” ya-he “Sṳ̀n”, Hî-pak-lòi-vùn chhṳ̍t-yi̍t he “Song-chú”.)

和合本2010版箴言16:2 人一切所行的，在自己眼中看为纯洁，惟有耶和华衡量人的内心。

现代客语汉字箴言16:2人恅到自家所做个全着；总係上主审察佢个动机。

现代客语全罗箴言16:2 Ngìn láu-tó chhṳ-kâ só-cho ke chhiòn chho̍k;chúng-he Song-chú sṳ́m-chhat kì ke thung-kî.

和合本2010版箴言16:3 你所做的，要交託耶和华，你所谋的，就必坚立。

现代客语汉字箴言16:3你所做个事爱交託上主；你所计划个定着会成功。

现代客语全罗箴言16:3 Ngì só-cho ke sṳ oi kâu-thok Song-chú;ngì só kie-va̍k ke thin-chho̍k voi sṳ̀n-kûng.

和合本2010版箴言16:4 耶和华造万物各适其用，就是恶人也为祸患的日子所造。

现代客语汉字箴言16:4上主所造个係爱达到各种个目的；甚至邪恶人乜係为患难个日造个。

现代客语全罗箴言16:4 Song-chú só-chho ke he oi tha̍t-tó kok-chúng ke muk-tit;sṳm-chṳ sià-ok ngìn me he vi fam-nan ke ngit chho ke.

和合本2010版箴言16:5 凡心裏骄傲的，为耶和华所憎恶；击掌保证，他难免受罚。

现代客语汉字箴言16:5上主当恼所有骄傲个人；佢等绝对无法闪避责罚。

现代客语全罗箴言16:5 Song-chú tông-nâu só-yû kiêu-ngau ke ngìn;kì-têu chhie̍t-tui mò-fap sám-phit chit-fa̍t.

和合本2010版箴言16:6 因慈爱和信实，罪孽得赎；敬畏耶和华的，远离恶事。

现代客语汉字箴言16:6忠诚信实，罪得赦免；敬畏上主，远离坏事(3516:6「远离坏事」抑係译做「免受灾祸」。)。

现代客语全罗箴言16:6 Chûng-sṳ̀n sin-sṳ̍t, chhui tet sa-miên;kin-vi Song-chú, yén-lì fái-sṳ( 35 16:6 “yén-lì fái-sṳ” ya-he yi̍t-cho “miên-su châi-fo”.).

和合本2010版箴言16:7 人所行的若蒙耶和华喜悦，耶和华也使仇敌与他和好。

现代客语汉字箴言16:7行为若得上主欢喜，主使仇敌成做朋友。

现代客语全罗箴言16:7 Hàng-vì na tet Song-chú fôn-hí,Chú sṳ́ sù-thi̍t sàng-cho phèn-yû.

和合本2010版箴言16:8 少获利，行事公义，强如多获利，行事不义。

现代客语汉字箴言16:8甘愿行公义，收入少，赢过行不义，横财多。

现代客语全罗箴言16:8 Kâm-ngien hàng kûng-ngi, sû-ngi̍p séu,yàng-ko hàng put-ngi, vàng-chhòi tô.

和合本2010版箴言16:9 人心筹算自己的道路；惟耶和华指引他的脚步。

现代客语汉字箴言16:9人心计划自家个道路；总係上主引带厥脚步。

现代客语全罗箴言16:9 Ngìn-sîm kie-va̍k chhṳ-kâ ke tho-lu;chúng-he Song-chú yîn-tai kiâ kiok-phu.

和合本2010版箴言16:10 王的嘴唇有圣言，审判之时，他的口必不差错。

现代客语汉字箴言16:10君王个话有神启示；佢个判断毋会差错。

现代客语全罗箴言16:10 Kiûn-vòng ke fa yû Sṳ̀n khí-sṳ;kì ke phan-ton m̀-voi chhâ-chho.

和合本2010版箴言16:11 公道的秤和天平属耶和华，囊中一切的法码是他所定。

现代客语汉字箴言16:11公平个秤㧯磅属于上主；袋肚个秤砣全係佢做个。

现代客语全罗箴言16:11 Kûng-phìn ke chhṳn lâu pong su̍k-yì Song-chú;thoi-tú ke chhṳn-thò chhiòn-he Kì cho ke.

和合本2010版箴言16:12 作恶，为王所憎恶，因国位是靠公义坚立。

现代客语汉字箴言16:12君王无法度忍受邪恶个事(3616:12「君王…个事」抑係译做「君王做恶事係不能忍受个」。)，因为政权係靠正义做根基。

现代客语全罗箴言16:12 Kiûn-vòng mò fap-thu ngiûn-su sià-ok ke sṳ( 36 16:12 “Kiûn-vòng ... ke sṳ” ya-he yi̍t-cho “Kiûn-vòng cho ok-sṳ he put-nèn ngiûn-su ke”.),yîn-vi chṳn-khièn he kho chṳn-ngi cho kîn-kî.

和合本2010版箴言16:13 公义的嘴唇，王喜悦，说正直话的，他喜爱。

现代客语汉字箴言16:13君王欢喜听正直个话；佢尽惜讲诚实话个人。

现代客语全罗箴言16:13 Kiûn-vòng fôn-hí thâng chṳn-chhṳ̍t ke fa;kì chhin-siak kóng sṳ̀n-sṳ̍t fa ke ngìn.

和合本2010版箴言16:14 王的震怒是死亡的使者，但智慧人能平息王怒。

现代客语汉字箴言16:14君王个愤怒像死亡个使者；有智慧个会平息王个受气。

现代客语全罗箴言16:14 Kiûn-vòng ke fun-nu chhiong sí-mòng ke sṳ́-chá;yû chṳ-fi ke voi phìn-sit vòng ke su-hi.

和合本2010版箴言16:15 王脸上的光使人有生命，他的恩惠好像云带来的春雨。

现代客语汉字箴言16:15君王个笑容使人有生命；佢个施恩像云带来春雨。

现代客语全罗箴言16:15 Kiûn-vòng ke seu-yùng sṳ́ ngìn yû sâng-miang;kì ke sṳ̂-ên chhiong yùn tai-lòi chhûn-yí.

和合本2010版箴言16:16 得智慧胜过得金子，选聪明强如选银子。

现代客语汉字箴言16:16得智慧赢过得黄金；选聪明赢过选白银。

现代客语全罗箴言16:16 Tet chṳ-fi yàng-ko tet vòng-kîm;sién chhûng-mìn yàng-ko sién pha̍k-ngiùn.

和合本2010版箴言16:17 正直人的道远离恶事，谨守己路的，保全性命。

现代客语汉字箴言16:17正直人个道路远离邪恶；谨慎行正路能保全生命。

现代客语全罗箴言16:17 Chṳn-chhṳ̍t ngìn ke tho-lu yén-lì sià-ok;kiún-sṳ́m hàng chṳn-lu nèn pó-chhiòn sâng-miang.

和合本2010版箴言16:18 骄傲在败坏以先，内心高傲在跌倒之前。

现代客语汉字箴言16:18骄傲在败坏头前；自大在跌倒以前。

现代客语全罗箴言16:18 Kiêu-ngau chhai phai-fai thèu-chhièn;chhṳ-thai chhai tiet-tó yî-chhièn.

和合本2010版箴言16:19 心裏谦卑与困苦人来往，强如与骄傲人同分战利品。

现代客语汉字箴言16:19存心谦卑㧯穷苦人来往，赢过㧯骄傲人平分抢来个钱财。

现代客语全罗箴言16:19 Chhùn-sîm khiâm-pî lâu khiùng-khú ngìn lòi-vông,yàng-ko lâu kiêu-ngau ngìn phiàng-pûn chhióng-lòi ke chhièn-chhòi.

和合本2010版箴言16:20 留心训言的( [ 16.20] 「留心训言的」或译「专注事务的」。)，必得福乐；倚靠耶和华的，这人有福。

现代客语汉字箴言16:20听从教训，必得好处；信靠上主，实在有福。

现代客语全罗箴言16:20 Thâng-chhiùng kau-hiun, pit-tet hó-chhu;sin-kho Song-chú, sṳ̍t-chhai yû-fuk.

和合本2010版箴言16:21 心中有智慧的，必称为聪明人；嘴唇的甜言，增长人的学问。

现代客语汉字箴言16:21心中有智慧，称做通达人；讲话越文雅，越使人心服。

现代客语全罗箴言16:21 Sîm-chûng yû chṳ-fi, chhṳ̂n-cho thûng-tha̍t ngìn;kóng-fa ye̍t vùn-ngá, ye̍t sṳ́ ngìn sîm-fu̍k.

和合本2010版箴言16:22 人有智慧就有生命的泉源；愚妄人必受愚妄的惩戒。

现代客语汉字箴言16:22人有智慧就有生命个泉源；愚戆就係给戆档人个责罚。

现代客语全罗箴言16:22 Ngìn yû chṳ-fi chhiu yû sâng-miang ke chhièn-ngièn;ngì-ngong chhiu-he pûn ngong-tong ngìn ke chit-fa̍t.

和合本2010版箴言16:23 智慧人的心使他的口谨慎，又使他的嘴唇增长学问。

现代客语汉字箴言16:23智慧人个心使佢个嘴通达，又俾佢讲个话较使人心服。

现代客语全罗箴言16:23 Chṳ-fi ngìn ke sîm sṳ́ kì ke choi thûng-tha̍t,yu pûn kì kóng ke fa kha sṳ́ ngìn sîm-fu̍k.

和合本2010版箴言16:24 良言如同蜂巢，使心甘甜，使骨得医治。

现代客语汉字箴言16:24亲切个语言，像蜂糖共样，使心灵甘甜，使身体强壮。

现代客语全罗箴言16:24 Chhîn-chhiet ke ngî-ngièn, chhiong phûng-thòng khiung-yong,sṳ́ sîm-lìn kâm-thiàm, pûn sṳ̂n-thí khiòng-chong.

和合本2010版箴言16:25 有一条路，人以为正，至终却成为死亡之路。

现代客语汉字箴言16:25有一条路看来尽直；总係最尾透到死亡。

现代客语全罗箴言16:25 Yû yit-thiàu lu khon-lòi chhin-chhṳ̍t;chúng-he chui-mî theu-to sí-mòng.

和合本2010版箴言16:26 劳力的人为自己劳力，因为他的口腹催逼他。

现代客语汉字箴言16:26工人劳碌为口腹；口腹催佢多劳碌。

现代客语全罗箴言16:26 Kûng-ngìn lò-luk vi khiéu-puk;khiéu-puk chhûi kì tô lò-luk.

和合本2010版箴言16:27 匪徒图谋奸恶，嘴唇上的言语彷彿烧焦的火。

现代客语汉字箴言16:27鲈鳗人图谋恶事；讲话像火烧伤人。

现代客语全罗箴言16:27 Lù-màn ngìn thù-mèu ok-sṳ;kóng-fa chhiong fó sêu-sông ngìn.

和合本2010版箴言16:28 乖谬的人散播纷争，造谣的离间密友。

现代客语汉字箴言16:28搬弄是非，製造纷争；背后中伤，破坏友情。

现代客语全罗箴言16:28 Pân-nung sṳ-fî, chṳ-chho fûn-chên;poi-heu chung-sông, pho-fai yû-chhìn.

和合本2010版箴言16:29 残暴的人引诱邻舍，领他走不好的道路。

现代客语汉字箴言16:29强暴人迷惑邻舍，引诱佢去行邪路。

现代客语全罗箴言16:29 Khiòng-phau ngìn mì-fe̍t lìn-sa,yín-yu kì hi hàng sià-lu.

和合本2010版箴言16:30 紧闭双目的，图谋乖谬；紧咬嘴唇的，成就恶事。

现代客语汉字箴言16:30目珠捩捩转，心术毋好；沉毒毋讲话，想做坏事。

现代客语全罗箴言16:30 Muk-chû lit-lit-chón, sîm-su̍t m̀-hó;chhṳ̀m-thu̍k m̀ kóng-fa, sióng-cho fái-sṳ.

和合本2010版箴言16:31 白髮是荣耀的冠冕，行在公义道上的，必能得着。

现代客语汉字箴言16:31白头那毛係光荣个冕旒，经过公义个生活正得到。

现代客语全罗箴言16:31 Pha̍k thèu-nà-mô he kông-yùng ke miên-liù,kîn-ko kûng-ngi ke sên-fa̍t chang tet-tó.

和合本2010版箴言16:32 不轻易发怒的，胜过勇士；控制自己脾气的，强如取城。

现代客语汉字箴言16:32无随便发谴，赢过勇士；能管制自家，赢过抢城。

现代客语全罗箴言16:32 Mò sùi-phien fat-khién, yàng-ko yúng-sṳ;nèn kón-chṳ chhṳ-kâ, yàng-ko chhióng sàng.

和合本2010版箴言16:33 人虽可掷籤在膝上，定事却由耶和华。

现代客语汉字箴言16:33抽籤在人；决定在神(3716:33「神」原文直译係「上主」。)。

现代客语全罗箴言16:33 Chhû-chhiâm chhai ngìn;kiet-thin chhai Sṳ̀n( 37 16:33 “Sṳ̀n” ngièn-vùn chhṳ̍t-yi̍t he “Song-chú”.).

圣经-旧约

圣经-新约