箴言第12章客家话和合本对照

相关章：

快速到节：

书卷列表：

和合本2010版箴言12:1 喜爱管教的，就是喜爱知识；恨恶责备的，却像畜牲。

现代客语汉字箴言12:1欢喜受管教个，就係爱慕智识；当恼人责备个，就係憨蚩个人。

现代客语全罗箴言12:1 Fôn-hí su kón-kau ke, chhiu-he oi-mu chṳ-sṳt;tông-nâu ngìn chit-phi ke, chhiu-he hâm-chhê ke ngìn.

和合本2010版箴言12:2 善人蒙耶和华的恩宠；设诡计的，耶和华必定罪。

现代客语汉字箴言12:2上主施恩给良善个人；佢刑罚诡计多端个人。

现代客语全罗箴言12:2 Song-chú sṳ̂-ên pûn liòng-san ke ngìn;Kì hìn-fa̍t kúi-kie tô-tôn ke ngìn.

和合本2010版箴言12:3 人靠恶行不能坚立；义人的根必不动摇。

现代客语汉字箴言12:3人倚靠恶行无法企稳；义人个根基毋会摇动。

现代客语全罗箴言12:3 Ngìn yí-kho ok-hàng mò-fap khî-vún;ngi-ngìn ke kîn-kî m̀-voi yèu-thung.

和合本2010版箴言12:4 才德的妻子是丈夫的冠冕；蒙羞的妇人使丈夫骨头朽烂。

现代客语汉字箴言12:4贤慧个𡜵娘係厥老公头那顶个冕旒；毋知见笑个𡜵娘像丈夫骨中个毒瘤。

现代客语全罗箴言12:4 Hièn-fi ke pû-ngiòng he kiâ ló-kûng thèu-nà-táng ke miên-liù;m̀-tî kien-seu ke pû-ngiòng chhiong chhong-fû kut-chûng ke thu̍k-liù.

和合本2010版箴言12:5 义人的思念是公平；恶人的计谋是诡诈。

现代客语汉字箴言12:5正直人个计划公正；邪恶人个计谋奸诈。

现代客语全罗箴言12:5 Chṳn-chhṳ̍t ngìn ke kie-va̍k kûng-chṳn;sià-ok ngìn ke kie-mèu kiên-cha.

和合本2010版箴言12:6 恶人的言论埋伏流人的血；正直人的口却拯救人。

现代客语汉字箴言12:6邪恶人个话像罗网会害人；正直人所讲个话会拯救人。

现代客语全罗箴言12:6 Sià-ok ngìn ke fa chhiong lò-mióng voi hoi ngìn;chṳn-chhṳ̍t ngìn só-kóng ke fa voi chṳ́n-kiu ngìn.

和合本2010版箴言12:7 恶人倾覆，归于无有；义人的家却屹立不倒。

现代客语汉字箴言12:7邪恶人一横，横到贴贴；正直人个家，企到稳稳。

现代客语全罗箴言12:7 Sià-ok ngìn yit vang, vang-to tap-tap;chṳn-chhṳ̍t ngìn ke kâ, khî-to vún-vún.

和合本2010版箴言12:8 人按自己的智慧得称讚；心中偏邪的，必被藐视。

现代客语汉字箴言12:8人得到称讚係因为有智慧；心术邪恶个就会被人藐视。

现代客语全罗箴言12:8 Ngìn tet-tó chhṳ̂n-chan he yîn-vi yû chṳ-fi;sîm-su̍t sià-ok ke chhiu voi pûn-ngìn méu-sṳ.

和合本2010版箴言12:9 被人藐视，但有自己僕人( [ 12.9] 「有自己僕人」或译「自己工作」。)的，胜过妄自尊大，却缺乏食物。

现代客语汉字箴言12:9地位虽然低总係有僕人(2112:9「总係有僕人」有兜古卷译做「总係自食其力」。)，赢过硬展排场饿等肚笥。

现代客语全罗箴言12:9 Thi-vi sûi-yèn tâi chúng-he yû phu̍k-ngìn( 21 12:9 “chúng-he yû phu̍k-ngìn” yû-têu kú-kién yi̍t-cho “chúng-he chhṳ-sṳ̍t khì-li̍t”.),yàng-ko ngang-tién phài-chhòng ngo-tén tú-sṳ́.

和合本2010版箴言12:10 义人顾惜他牲畜的命；恶人的怜悯也是残忍。

现代客语汉字箴言12:10正直人体恤头牲个需要；邪恶人个怜悯还係残忍。

现代客语全罗箴言12:10 Chṳn-chhṳ̍t ngìn thí-sit thèu-sâng ke sî-yeu;sià-ok ngìn ke lìn-mén hàn-he chhàn-ngiûn.

和合本2010版箴言12:11 耕种自己田地的，必得饱食；追求虚浮的，却是无知。

现代客语汉字箴言12:11煞猛耕种个，粮食充足；追求虚荣个，全无常识。

现代客语全罗箴言12:11 Sat-mâng kâng-chung ke, liòng-sṳ̍t chhûng-chiuk;chûi-khiù hî-yùng ke, chhiòn-mò sòng-sṳt.

和合本2010版箴言12:12 恶人想得坏人的猎物；义人的根结出果实。

现代客语汉字箴言12:12邪恶人贪坏人抢到个钱财(2212:12「坏人抢到个钱财」抑係译做「不义个钱财」。)；正直人个根带来好个结果(2312:12「带来好个结果」抑係译做「钉到当深」。)。

现代客语全罗箴言12:12 Sià-ok ngìn thâm fái-ngìn chhióng-tó ke chhièn-chhòi( 22 12:12 “fái-ngìn chhióng-tó ke chhièn-chhòi” ya-he yi̍t-cho “put-ngi ke chhièn-chhòi”.);chṳn-chhṳ̍t ngìn ke kîn tai-lòi hó ke kiet-kó( 23 12:12 “tai-lòi hó ke kiet-kó” ya-he yi̍t-cho “tang-to tông-chhṳ̂m”.).

和合本2010版箴言12:13 嘴唇的过错是恶人的圈套；但义人必脱离患难。

现代客语汉字箴言12:13邪恶人因为佢犯罪个话跌落陷阱；总係正直人定着会安然脱离患难。

现代客语全罗箴言12:13 Sià-ok ngìn yîn-vi kì fam-chhui ke fa tiet-lo̍k ham-chiáng;chúng-he chṳn-chhṳ̍t ngìn thin-chho̍k voi ôn-yèn thot-lì fam-nan.

和合本2010版箴言12:14 人因口所结的果实，必饱得美福；人手所做的，必归到自己身上。

现代客语汉字箴言12:14人因为讲话结个果子充满福气；人因为手所做个会得好个报赏。

现代客语全罗箴言12:14 Ngìn yîn-vi kóng-fa kiet ke kó-chṳ́ chhûng-mân fuk-hi;ngìn yîn-vi sú só-cho ke voi tet hó ke po-sóng.

和合本2010版箴言12:15 愚妄人所行的，在自己眼中看为正直；惟智慧人从善如流。

现代客语汉字箴言12:15戆档人恅到自家所做个尽着；总係智慧人会听别人个劝话。

现代客语全罗箴言12:15 Ngong-tong ngìn láu-tó chhṳ-kâ só-cho ke chhin-chho̍k;chúng-he chṳ-fi ngìn voi thâng phe̍t-ngìn ke khien-va.

和合本2010版箴言12:16 愚妄人的恼怒立时显露；通达人却能忍辱。

现代客语汉字箴言12:16戆档人容易发阏；精明人忍受侮辱。

现代客语全罗箴言12:16 Ngong-tong ngìn yùng-yi pot-at;chîn-mìn ngìn ngiûn-su vú-yu̍k.

和合本2010版箴言12:17 说出真话的，显明公义；作假见证的，显出诡诈。

现代客语汉字箴言12:17讲诚实话，彰显公义；做假见证，显出诡诈。

现代客语全罗箴言12:17 Kóng sṳ̀n-sṳ̍t fa, chông-hién kûng-ngi;cho ká kien-chṳn, hién-chhut kúi-cha.

和合本2010版箴言12:18 说话浮躁，犹如刺刀；智慧人的舌头却能医治。

现代客语汉字箴言12:18糮糁讲话像利剑刺伤人；智慧人个舌乸能医治人。

现代客语全罗箴言12:18 Lám-sám kóng-fa chhiong li-kiam chhiuk-sông ngìn;chṳ-fi ngìn ke sa̍t-mà nèn yî-chhṳ ngìn.

和合本2010版箴言12:19 诚实的嘴唇永远坚立；说谎的舌头只存片时。

现代客语汉字箴言12:19诚实个言语永远受纪念；骗人个花撩尽遽就无效。

现代客语全罗箴言12:19 Sṳ̀n-sṳ̍t ke ngièn-ngî yún-yén su ki-ngiam;phien-ngìn ke fâ-liâu chhin-kiak chhiu mò-háu.

和合本2010版箴言12:20 图谋恶事的，心存诡诈；劝人和睦的，便得喜乐。

现代客语汉字箴言12:20想做坏事个，心存诡诈；劝人和睦个，充满喜乐。

现代客语全罗箴言12:20 Sióng cho fái-sṳ ke, sîm-chhùn kúi-cha;khien-ngìn fò-mu̍k ke, chhûng-mân hí-lo̍k.

和合本2010版箴言12:21 义人不遭灾害；恶人满受祸患。

现代客语汉字箴言12:21正直人毋会有灾害；邪恶人一直有祸患。

现代客语全罗箴言12:21 Chṳn-chhṳ̍t ngìn m̀-voi yû châi-hoi;sià-ok ngìn yit-chhṳ̍t yû fo-fam.

和合本2010版箴言12:22 说谎的嘴唇，为耶和华所憎恶；行事诚实，为他所喜悦。

现代客语汉字箴言12:22讲花撩个嘴唇，上主尽恼；行为诚实个，係主所欢喜。

现代客语全罗箴言12:22 Kóng fâ-liâu ke choi-sùn, Song-chú chhin-nâu;hàng-vì sṳ̀n-sṳ̍t ke, he Chú só fôn-hí.

和合本2010版箴言12:23 通达人隐藏知识；愚昧人的心彰显愚昧。

现代客语汉字箴言12:23聪明人无展自家智识；戆档人宣传佢个憨蚩。

现代客语全罗箴言12:23 Chhûng-mìn ngìn mò tién chhṳ-kâ chṳ-sṳt;ngong-tong ngìn siên-chhòn kì ke hâm-chhê.

和合本2010版箴言12:24 殷勤人的手必掌权；懒惰的人必服苦役。

现代客语汉字箴言12:24煞猛人个手会掌权；懒尸人会变做苦力。

现代客语全罗箴言12:24 Sat-mâng ngìn ke sú voi chóng-khièn;lân-sṳ̂ ngìn voi pien-cho khú-li̍t.

和合本2010版箴言12:25 人心忧虑，就必沉重；一句良言，使心欢乐。

现代客语汉字箴言12:25人心忧虑，像㧡重担；一句好话，使人欢乐。

现代客语全罗箴言12:25 Ngìn-sîm yù-li, chhiong khâi chhûng-tâm;yit-ki hó-fa, sṳ́ ngìn fôn-lo̍k.

和合本2010版箴言12:26 义人引导他的邻舍( [ 12.26] 「义人引导他的邻舍」或译「义人慎选他的朋友」，又或译「义人比他的邻舍更好」。)；恶人的道叫人迷失。

现代客语汉字箴言12:26正直人为邻舍带路；邪恶人害佢入迷途。

现代客语全罗箴言12:26 Chṳn-chhṳ̍t ngìn vi lìn-sa tai-lu;sià-ok ngìn hoi kì ngi̍p mì-thù.

和合本2010版箴言12:27 懒惰的人不烤猎物；殷勤的人却得宝贵的财物。

现代客语汉字箴言12:27懒尸人无米煮；煞猛人会富足。(2412:27本节抑係译做「懒尸人无猎物好焙；煞猛人会有宝贵个财物。」)

现代客语全罗箴言12:27 Lân-sṳ̂ ngìn mò mí chú;sat-mâng ngìn voi fu-chiuk.( 24 12:27 Pún-chiet ya-he yi̍t-cho “Lân-sṳ̂ ngìn mò lia̍p-vu̍t hó phoi; sat-mâng ngìn voi yû pó-kui ke chhòi-vu̍t.”)

和合本2010版箴言12:28 在公义的路上有生命；在其道上并无死亡。

现代客语汉字箴言12:28正义个路带来生命；这条路上并无死亡。

现代客语全罗箴言12:28 Chṳn-ngi ke lu tai-lòi sâng-miang;liá-thiàu lu-song pin-mò sí-mòng.