箴言第11章客家话和合本对照

相关章：

快速到节：

书卷列表：

和合本2010版箴言11:1 诡诈的天平为耶和华所憎恶；公平的法码为他所喜悦。

现代客语汉字箴言11:1上主尽恼无準个秤仔；佢当欢喜公当个秤砣。

现代客语全罗箴言11:1 Song-chú chhin-nâu mò-chún ke chhṳn-é;Kì tông fôn-hí kûng-tong ke chhṳn-thò.

和合本2010版箴言11:2 骄傲来，羞耻也来；谦逊人却有智慧。

现代客语汉字箴言11:2骄傲来，见笑跈等来；有谦卑，就会有智慧。

现代客语全罗箴言11:2 Kiêu-ngau lòi, kien-seu thèn-tén lòi;yû khiâm-pî, chhiu voi yû chṳ-fi.

和合本2010版箴言11:3 正直人的纯正必引导自己；奸诈人的邪恶必毁灭自己。

现代客语汉字箴言11:3正直个人有诚实引导佢等；奸诈个人因虚假致到灭亡。

现代客语全罗箴言11:3 Chṳn-chhṳ̍t ke ngìn yû sṳ̀n-sṳ̍t yîn-thô kì-têu;kiên-cha ke ngìn yîn hî-ká chṳ-to me̍t-mòng.

和合本2010版箴言11:4 遭怒的日子钱财无益；惟有公义能救人脱离死亡。

现代客语汉字箴言11:4在审判个日财产无么介用；唯有公义能救人脱离死亡。

现代客语全罗箴言11:4 Chhai sṳ́m-phan ke ngit chhòi-sán mò má-ke yung;vì-yû kûng-ngi nèn kiu ngìn thot-lì sí-mòng.

和合本2010版箴言11:5 完全人的义修平自己的路；但恶人必因自己的恶跌倒。

现代客语汉字箴言11:5无好嫌个人有正义为佢铺平平个路；邪恶人被佢自家所做个坏事来逕倒。

现代客语全罗箴言11:5 Mò hó-hiàm ke ngìn yû chṳn-ngi vi kì phû phiàng-phiàng ke lu;sià-ok ngìn pûn kì chhṳ-kâ só-cho ke fái-sṳ lòi kang-tó.

和合本2010版箴言11:6 正直人的义必拯救自己；奸诈人必被自己的慾望缠住。

现代客语汉字箴言11:6正直人个义气会拯救佢等；奸诈人个贪心会害死自家。

现代客语全罗箴言11:6 Chṳn-chhṳ̍t ngìn ke ngi-hi voi chṳ́n-kiu kì-têu;kiên-cha ngìn ke thâm-sîm voi hoi-sí chhṳ-kâ.

和合本2010版箴言11:7 恶人一死，他的指望就灭绝；罪人的盼望也必灭绝。

现代客语汉字箴言11:7邪恶人一死，佢个希望就消灭；佢所倚靠个势力也变做空空。

现代客语全罗箴言11:7 Sià-ok ngìn yit sí, kì ke hî-mong chhiu sêu-me̍t;kì só yí-kho ke sṳ-li̍t ya pien-cho khûng-khûng.

和合本2010版箴言11:8 义人得脱离患难，有恶人来代替他。

现代客语汉字箴言11:8正直人能对患难中得救；邪恶人反转代佢走入去。

现代客语全罗箴言11:8 Chṳn-chhṳ̍t ngìn nèn tui fam-nan chûng tet-kiu;sià-ok ngìn fán-chón thoi kì chéu ngi̍p-hi.

和合本2010版箴言11:9 不虔敬的人用口败坏邻舍；义人却因知识得救。

现代客语汉字箴言11:9无敬虔个人用佢个话害死邻舍；正直个人因为有智识就会得救。

现代客语全罗箴言11:9 Mò kin-khièn ke ngìn yung kì ke fa hoi-sí lìn-sa;chṳn-chhṳ̍t ke ngìn yîn-vi yû chṳ-sṳt chhiu voi tet-kiu.

和合本2010版箴言11:10 义人享福，全城喜乐；恶人灭亡，人人欢呼。

现代客语汉字箴言11:10正直人享福，全城快乐；邪恶人灭亡，大家欢喜。

现代客语全罗箴言11:10 Chṳn-chhṳ̍t ngìn hióng-fuk, chhiòn-sàng khoai-lo̍k;sià-ok ngìn me̍t-mòng, thai-kâ fôn-hí.

和合本2010版箴言11:11 因正直人的祝福，城必升高；因邪恶人的口，它必倾覆。

现代客语汉字箴言11:11因为正直人带来祝福，城市就兴旺；因为邪恶人所讲个话，城市就毁灭。

现代客语全罗箴言11:11 Yîn-vi chṳn-chhṳ̍t ngìn tai-lòi chuk-fuk,sàng-sṳ chhiu hîn-vong;yîn-vi sià-ok ngìn só-kóng ke fa,sàng-sṳ chhiu fí-me̍t.

和合本2010版箴言11:12 藐视邻舍的，便是无知；聪明人却静默不言。

现代客语汉字箴言11:12嘲谑邻舍个尽无常识；明理个人毋会加讲话。

现代客语全罗箴言11:12 Sâu-nat lìn-sa ke chhin-mò sòng-sṳt;mìn-lî ke ngìn m̀-voi kâ kóng-fa.

和合本2010版箴言11:13 到处传话的，洩漏机密；内心老实的，保守祕密。

现代客语汉字箴言11:13好传闲话个人，毋会守祕密；心肚诚实个人，就做得信赖。

现代客语全罗箴言11:13 Hau chhòn hàn-fa ke ngìn, m̀-voi sú pi-me̍t;sîm-tú sṳ̀n-sṳ̍t ke ngìn, chhiu cho-tet sin-lai.

和合本2010版箴言11:14 无智谋，民就败落；谋士多，就必得胜。

现代客语汉字箴言11:14策略少，国家定着衰败；参谋多，人民就有安全。

现代客语全罗箴言11:14 Chhet-lio̍k séu, koet-kâ thin-chho̍k sôi-phai;chhâm-mèu tô, ngìn-mìn chhiu yû ôn-chhiòn.

和合本2010版箴言11:15 为陌生人担保的，必受亏损；恨恶击掌的，却得安稳。

现代客语汉字箴言11:15为生份人担保，会受亏损；拒绝做担保个，平安无事。

现代客语全罗箴言11:15 Vi sâng-fun-ngìn tâm-pó, voi su khûi-sún;khî-chhie̍t cho tâm-pó ke, phìn-ôn mò-sṳ.

和合本2010版箴言11:16 恩慈的妇女得尊荣；强壮的男子得财富。

现代客语汉字箴言11:16贤慧个妇女受到人个敬重；强暴个男人单净得到钱财。

现代客语全罗箴言11:16 Hièn-fi ke fu-ńg su-ngìn kin-chhung;khiòng-phau ke nàm-ngìn tet-tó chhièn-chhòi.

和合本2010版箴言11:17 仁慈的人善待自己；残忍的人扰害己身。

现代客语汉字箴言11:17仁慈个人自家得好处；残忍个人反转害自家。

现代客语全罗箴言11:17 Yìn-chhṳ̀ ke ngìn chhṳ-kâ tet hó-chhu;chhàn-ngiûn ke ngìn fán-chón hoi chhṳ-kâ.

和合本2010版箴言11:18 恶人做事，得虚幻的报酬；撒公义种子的，得实在的报偿。

现代客语汉字箴言11:18邪恶人所赚个，係虚假个工价；委公义种子个，得真实个报赏。

现代客语全罗箴言11:18 Sià-ok ngìn só-chhon ke, he hî-ká ke kûng-ka;ve kûng-ngi chúng-chṳ́ ke, tet chṳ̂n-sṳ̍t ke po-sóng.

和合本2010版箴言11:19 真正行义的，必得生命；追求邪恶的，必致死亡。

现代客语汉字箴言11:19尽力行善，必得生命；追求邪恶，必致死亡。

现代客语全罗箴言11:19 Chhin-li̍t hàng-san, pit-tet sâng-miang;chûi-khiù sià-ok, pit-chṳ sí-mòng.

和合本2010版箴言11:20 心中歪曲的，为耶和华所憎恶；行为正直的，为他所喜悦。

现代客语汉字箴言11:20心肝邪恶个，上主尽恼；行为无好嫌个，主尽欢喜。

现代客语全罗箴言11:20 Sîm-kôn sià-ok ke, Song-chú chhin nâu;hàng-vì mò hó-hiàm ke, Chú chhin fôn-hí.

和合本2010版箴言11:21 击掌保证，恶人难免受罚；义人的后裔必得拯救。

现代客语汉字箴言11:21邪恶人一定会受到刑罚；正直人个子孙必蒙拯救(1911:21「正直人…拯救」抑係译做「正直人一定会得到透放」。)。

现代客语全罗箴言11:21 Sià-ok ngìn yit-thin voi su-tó hìn-fa̍t;chṳn-chhṳ̍t ngìn ke chṳ́-sûn pit-mùng chṳ́n-kiu( 19 11:21 “chṳn-chhṳ̍t ngìn ... chṳ́n-kiu” ya-he yi̍t-cho “chṳn-chhṳ̍t ngìn yit-thin voi tet-tó théu-piong”.).

和合本2010版箴言11:22 妇女美貌而无见识，如同金环戴在猪鼻上。

现代客语汉字箴言11:22当靓总係无见识个妇女，就像猪鼻孔牶等个金环。

现代客语全罗箴言11:22 Tông-chiâng chúng-he mò kien-sṳt ke fu-ńg,chhiu-chhiong chû phi-khûng khien-tén ke kîm-vàn.

和合本2010版箴言11:23 义人的心愿尽是好的；恶人的指望却带来愤怒。

现代客语汉字箴言11:23正直人个心愿结出善果；邪恶人个希望惹起愤怒。

现代客语全罗箴言11:23 Chṳn-chhṳ̍t ngìn ke sîm-ngien kiet-chhut san-kó;sià-ok ngìn ke hî-mong ngiâ-hí fun-nu.

和合本2010版箴言11:24 有施捨的，钱财增添；吝惜过度，反致穷乏。

现代客语汉字箴言11:24乐善好施，紧来紧富足；齧擦过度，反转变贫穷。

现代客语全罗箴言11:24 Lo̍k-san hau-sṳ̂, kín-lòi kín fu-chiuk;ngat-chhat ko-thu, fán-chón pien phìn-khiùng.

和合本2010版箴言11:25 慷慨待人，必然丰裕；滋润人的，连自己也得滋润。

现代客语汉字箴言11:25慷慨施捨，更加发达；使人满足，自家蒙福。

现代客语全罗箴言11:25 Không-khói sṳ̂-sá, kien-kâ fat-tha̍t;sṳ́-ngìn mân-chiuk, chhṳ-kâ mùng-fuk.

和合本2010版箴言11:26 屯粮不卖的，百姓必诅咒他；愿意出售的，祝福临到头上。

现代客语汉字箴言11:26囤粮毋卖，受人咒诅；甘愿卖粮，人人祝福。

现代客语全罗箴言11:26 Tún-liòng m̀-mai, su-ngìn chu-chú;kâm-ngien mai-liòng, ngìn-ngìn chuk-fuk.

和合本2010版箴言11:27 恳切求善的，就求得恩宠；但那求恶的，恶必临到他。

现代客语汉字箴言11:27渴慕良善，必得恩惠；寻求邪恶，祸患临头。

现代客语全罗箴言11:27 Hot-mu liòng-san, pit-tet ên-fi;chhìm-khiù sià-ok, fo-fam lìm-thèu.

和合本2010版箴言11:28 倚靠财富的，自己必跌倒；义人必兴旺如绿叶。

现代客语汉字箴言11:28倚靠钱财，像秋天落叶；义人兴旺，像青叶茂盛。

现代客语全罗箴言11:28 Yí-kho chhièn-chhòi, chhiong chhiû-thiên lo̍k-ya̍p;ngi-ngìn hîn-vong, chhiong chhiâng-ya̍p meu-sṳn.

和合本2010版箴言11:29 扰害己家的，必承受虚空( [ 11.29] 「虚空」：原文是「风」。)；愚妄人作心中有智慧者的僕人。

现代客语汉字箴言11:29搅乱家庭个会继承空空个风；戆档人会成做明理人个奴僕。

现代客语全罗箴言11:29 Káu-lon kâ-thìn ke voi ki-sṳ̀n khûng-khûng ke fûng;ngong-tong ngìn voi sàng-cho mìn-lî ngìn ke nù-phu̍k.

和合本2010版箴言11:30 义人的果实是生命树；智慧人必能得人。

现代客语汉字箴言11:30义人个果子就係生命树；智慧人当得人心(2011:30「智慧…人心」有兜古译本译做「强暴人陷害生命」。)。

现代客语全罗箴言11:30 Ngi-ngìn ke kó-chṳ́ chhiu-he sâng-miang-su;chṳ-fi ngìn tông-tet ngìn-sîm( 20 11:30 “chṳ-fi ... ngìn-sîm” yû-têu kú yi̍t-pún yi̍t-cho “khiòng-phau-ngìn ham-hoi sâng-miang”.).

和合本2010版箴言11:31 看哪，义人在地上尚且受报，何况恶人和罪人呢？

现代客语汉字箴言11:31正直人在世间有报应，何况邪恶人㧯罪人呢！

现代客语全罗箴言11:31 Chṳn-chhṳ̍t ngìn chhai sṳ-kiên yû po-yin,hò-khóng sià-ok ngìn lâu chhui-ngìn nè!