箴言第10章客家话和合本对照

相关章：

快速到节：

书卷列表：

和合本2010版箴言10:1所罗门的箴言 所罗门的箴言：智慧之子使父亲喜乐；愚昧之子使母亲担忧。

现代客语汉字箴言10:1所罗门个箴言第一集下背係所罗门个箴言：智慧个孻仔使阿爸快乐；戆档个孻仔害阿姆忧愁。

现代客语全罗箴言10:1Só-lò-mùn ke Chṳ̂m-ngièn Thi-yit Si̍p Hâ-poi he Só-lò-mùn ke chṳ̂m-ngièn:Chṳ-fi ke lai-é pûn â-pâ khoai-lo̍k;ngong-tong ke lai-é hoi â-mê yù-sèu.

和合本2010版箴言10:2 不义之财毫无益处；惟有公义能救人脱离死亡。

现代客语汉字箴言10:2不义个钱财无么介好处；公义正能救人脱离死亡。

现代客语全罗箴言10:2 Put-ngi ke chhièn-chhòi mò má-ke hó-chhu;kûng-ngi chang-nèn kiu ngìn thot-lì sí-mòng.

和合本2010版箴言10:3 耶和华不使义人捱饿；恶人所欲的，耶和华必拒绝。

现代客语汉字箴言10:3上主毋会使正直人肚笥枵；佢使邪恶人所想望个落空。

现代客语全罗箴言10:3 Song-chú m̀-voi sṳ́ chṳn-chhṳ̍t ngìn tú-sṳ́ yâu;Kì sṳ́ sià-ok ngìn só sióng-mong ke lo̍k-khûng.

和合本2010版箴言10:4 手懒的，必致穷乏；手勤的，却要富足。

现代客语汉字箴言10:4懒尸个手害人穷苦；煞猛个手带来富足。

现代客语全罗箴言10:4 Lân-sṳ̂ ke sú hoi-ngìn khiùng-khú;sat-mâng ke sú tai-lòi fu-chiuk.

和合本2010版箴言10:5 夏天储存的，是智慧之子；收割时沉睡的，是蒙羞之子。

现代客语汉字箴言10:5照时节来收割个，係聪明个孻仔；收成个时睡目个，係见笑个孻仔。

现代客语全罗箴言10:5 Cheu sṳ̀-chiet lòi sû-kot ke, he chhûng-mìn ke lai-é;sû-sṳ̀n ke sṳ̀ soi-muk ke, he kien-seu ke lai-é.

和合本2010版箴言10:6 福祉临到义人头上；恶人的口藏匿残暴。

现代客语汉字箴言10:6正直人个头顶有祝福；邪恶人个嘴囥等残暴(1510:6「囥等残暴」抑係译做「惹到灾祸」。)。

现代客语全罗箴言10:6 Chṳn-chhṳ̍t ngìn ke thèu-táng yû chuk-fuk;sià-ok ngìn ke choi khong-tén chhàn-phau( 15 10:6 “khong-tén chhàn-phau” ya-he yi̍t-cho “ngiâ-tó châi-fo”.).

和合本2010版箴言10:7 义人的称号带来祝福；恶人的名字必然败坏。

现代客语汉字箴言10:7正直人会被人纪念；邪恶人会留下臭名。

现代客语全罗箴言10:7 Chṳn-chhṳ̍t ngìn voi pûn-ngìn ki-ngiam;sià-ok ngìn voi liù-hâ chhu-miàng.

和合本2010版箴言10:8 智慧的心，领受诫命；愚妄的嘴唇，必致倾倒。

现代客语汉字箴言10:8智慧人个心服从命令；糮糁讲话个，自惹失败。

现代客语全罗箴言10:8 Chṳ-fi ngìn ke sîm fu̍k-chhiùng min-lin;lám-sám kóng-fa ke, chhṳ-ngiâ sṳt-phai.

和合本2010版箴言10:9 行正直路的，步步安稳；走弯曲道的，必致败露。

现代客语汉字箴言10:9行正路个，生活安安稳稳；行歪路个，一定显露原形。

现代客语全罗箴言10:9 Hàng chṳn-lu ke, sên-fa̍t ôn-ôn vún-vún;hàng vâi-lu ke, yit-thin hién-lu ngièn-hìn.

和合本2010版箴言10:10 挤眉弄眼的，使人忧患；愚妄的嘴唇，必致倾倒。

现代客语汉字箴言10:10用目珠打暗号个，惹起麻烦；糮糁讲话个，自惹失败(1610:10「糮糁…失败」有兜古译本翻做「坦白劝话个，促进和平」。)。

现代客语全罗箴言10:10 Yung muk-chû tá am-ho ke, ngiâ-hí mà-fàn;lám-sám kóng-fa ke, chhṳ-ngiâ sṳt-phai( 16 10:10 “lám-sám ... sṳt-phai” yû-têu kú yi̍t-pún fân-cho “thán-pha̍k khien-va ke, chhiuk-chin fò-phìn”.).

和合本2010版箴言10:11 义人的口是生命的泉源；恶人的口藏匿残暴。

现代客语汉字箴言10:11正直人个嘴係生命泉；邪恶人个嘴囥等残暴。

现代客语全罗箴言10:11 Chṳn-chhṳ̍t ngìn ke choi he sâng-miang-chhièn;sià-ok ngìn ke choi khong-tén chhàn-phau.

和合本2010版箴言10:12 恨能挑启争端；爱能遮掩一切过错。

现代客语汉字箴言10:12仇恨惹起争端；仁爱遮盖过错。

现代客语全罗箴言10:12 Sù-hen ngiâ-hí chên-tôn;yìn-oi châ-koi ko-chho.

和合本2010版箴言10:13 聪明人嘴裏有智慧；无知的人背上受刑杖。

现代客语汉字箴言10:13明理人个嘴讲出智慧个话；无常识个人背囊爱受鞭打。

现代客语全罗箴言10:13 Mìn-lî ngìn ke choi kóng-chhut chṳ-fi ke fa;mò sòng-sṳt ke ngìn poi-nòng oi su piên-tá.

和合本2010版箴言10:14 智慧人积存知识；愚妄人的口速致败坏。

现代客语汉字箴言10:14智慧人认真吸收智识；戆档人开嘴就惹灾祸。

现代客语全罗箴言10:14 Chṳ-fi ngìn ngin-chṳ̂n khip-sû chṳ-sṳt;ngong-tong ngìn khôi-choi chhiu ngiâ châi-fo.

和合本2010版箴言10:15 有钱人的财物是他坚固的城；贫寒人的贫乏使他败坏。

现代客语汉字箴言10:15财富係有钱人个城堡；贫穷係穷苦人个烂摊。

现代客语全罗箴言10:15 Chhòi-fu he yû-chhièn ngìn ke sàng-pó;phìn-khiùng he khiùng-khú ngìn ke lan-thân.

和合本2010版箴言10:16 义人的报酬带来生命；恶人的所得用来犯罪。

现代客语汉字箴言10:16正直人个工价係生命；邪恶人个收入係死亡(1710:16「死亡」希伯来文直译係「罪」。)。

现代客语全罗箴言10:16 Chṳn-chhṳ̍t ngìn ke kûng-ka he sâng-miang;sià-ok ngìn ke sû-ngi̍p he sí-mòng( 17 10:16 “sí-mòng” Hî-pak-lòi-vùn chhṳ̍t-yi̍t he “chhui”.).

和合本2010版箴言10:17 遵守训诲的，行在生命道上；离弃责备的，走迷了路。

现代客语汉字箴言10:17遵守教训个，行生命个路；拒绝责备个，就走入迷途。

现代客语全罗箴言10:17 Chûn-sú kau-hiun ke, hàng sâng-miang ke lu;khî-chhie̍t chit-phi ke, chhiu chéu-ngi̍p mì-thù.

和合本2010版箴言10:18 隐藏怨恨的，有说谎的嘴唇；口出毁谤的，是愚昧人。

现代客语汉字箴言10:18心肚囥等怨恨个係落仔；唆是非讲谣言个係戆仔。

现代客语全罗箴言10:18 Sîm-tú khong-tén yen-hen ke he lau-é;sô sṳ-fî kóng yèu-ngièn ke he ngong-é.

和合本2010版箴言10:19 多言多语难免有过；节制嘴唇是有智慧。

现代客语汉字箴言10:19多言多语难免犯罪；约束嘴唇就係智慧。

现代客语全罗箴言10:19 Tô-ngièn tô-ngî nàn-miên fam-chhui;yok-suk choi-sùn chhiu-he chṳ-fi.

和合本2010版箴言10:20 义人的舌如上选的银子；恶人的心所值无几。

现代客语汉字箴言10:20正直人个话像特选个银仔；邪恶人个心思无半些价值。

现代客语全罗箴言10:20 Chṳn-chhṳ̍t ngìn ke fa chhiong thi̍t-sién ke ngiùn-è;sià-ok ngìn ke sîm-sṳ̂ mò pan-si̍t ka-chhṳ̍t.

和合本2010版箴言10:21 义人的嘴唇牧养多人；愚妄人因无知而死亡。

现代客语汉字箴言10:21正直人个话会栽培尽多人；戆档人因无常识害死自家。

现代客语全罗箴言10:21 Chṳn-chhṳ̍t ngìn ke fa voi châi-phì chhin-tô ngìn;ngong-tong ngìn yîn mò sòng-sṳt hoi-sí chhṳ-kâ.

和合本2010版箴言10:22 耶和华所赐的福使人富足，并不加上忧虑。

现代客语汉字箴言10:22上主赐福，使人好额；自家劳碌，财富有限(1810:22「自家…有限」抑係译做「佢并无加上忧虑」。)。

现代客语全罗箴言10:22 Song-chú su-fuk, sṳ́ ngìn hó-ngiak;chhṳ-kâ lò-luk, chhòi-fu yû han( 18 10:22 “chhṳ-kâ ... yû han” ya-he yi̍t-cho “Kì pin-mò kâ-song yù-li”.).

和合本2010版箴言10:23 愚昧人以行恶为乐；聪明人以智慧为乐。

现代客语汉字箴言10:23戆档人做坏事像準搞个；聪明个人看智慧做快乐。

现代客语全罗箴言10:23 Ngong-tong ngìn cho fái-sṳ chhiong chún-káu ke;chhûng-mìn ke ngìn khon chṳ-fi cho khoai-lo̍k.

和合本2010版箴言10:24 恶人所怕的，必临到他；义人的心愿，必蒙应允。

现代客语汉字箴言10:24邪恶人所惊个偏偏临到佢；正直人个愿望定着会达成。

现代客语全罗箴言10:24 Sià-ok ngìn só-kiâng ke phiên-phiên lìm-to kì;Chṳn-chhṳ̍t ngìn ke ngien-mong thin-chho̍k voi tha̍t-sṳ̀n.

和合本2010版箴言10:25 暴风一过，恶人归于无有；义人却有永久的根基。

现代客语汉字箴言10:25风差一过，邪恶人就无掉；总係，正直人会永远企在。

现代客语全罗箴言10:25 Fûng-chhâi yit ko, sià-ok ngìn chhiu mò-thet;chúng-he, chṳn-chhṳ̍t ngìn voi yún-yén khî-chhai.

和合本2010版箴言10:26 懒惰人使那差他的人，如醋倒牙，如烟薰目。

现代客语汉字箴言10:26请懒尸人去做事，会被佢阏死，像牙齿淋到酸醋，目珠燻到烟。

现代客语全罗箴言10:26 Chhiáng lân-sṳ̂ ngìn hi cho-se, voi pûn kì at-sí,chhiong ngà-chhṳ́ lìm-tó sôn-chhṳ, muk-chû hiûn-tó yên.