申命记第5章客家话和合本对照

相关章：

快速到节：

书卷列表：

和合本2010版申命记5:1十诫（出20:1-17 ）摩西召集以色列众人，对他们说：「以色列啊，要听我今日在你们耳中所吩咐的律例典章，要学习，谨守遵行。

现代客语汉字申命记5:1十条诫( 出埃及记20:1-17 )摩西召集所有个以色列人，对佢等讲：「以色列人哪，爱注意听𠊎今晡日向你等颁布个法律㧯例规。你等爱学习，又爱确实遵守。

现代客语全罗申命记5:1Sṳ̍p-thiàu-kie( Chhut Âi-khi̍p Ki 20:1-17 ) Mô-sî seu-si̍p só-yû ke Yî-set-lie̍t-ngìn, tui kì-têu kóng: “Yî-set-lie̍t-ngìn nâ, oi chu-yi thâng ngài kîm-pû-ngit hiong ngì-têu pân-pu ke fap-li̍t lâu li-kûi. Ngì-têu oi ho̍k-si̍p, yu oi khok-sṳ̍t chûn-sú.

和合本2010版申命记5:2耶和华－我们的上帝在何烈山与我们立约。

现代客语汉字申命记5:2上主—𠊎等个上帝在何烈山㧯𠊎等立约。

现代客语全罗申命记5:2 Song-chú — ngài-têu ke Song-ti chhai Hò-lie̍t-sân lâu ngài-têu li̍p-yok.

和合本2010版申命记5:3这约耶和华不是与我们列祖立的，而是与我们，就是今日在这裏还活着的人立的。

现代客语汉字申命记5:3上主毋单净㧯𠊎等个祖先立这约，也係㧯𠊎等今晡日在这位还生等个人立约。

现代客语全罗申命记5:3 Song-chú m̀ tân-chhiang lâu ngài-têu ke chú-siên li̍p liá-yok, ya he lâu ngài-têu kîm-pû-ngit chhai liá-vi hàn sâng-tén ke ngìn li̍p-yok.

和合本2010版申命记5:4耶和华在山上，从火中，面对面与你们说话。

现代客语汉字申命记5:4上主在该山顶，对火焰中面对面㧯你等讲话。

现代客语全罗申命记5:4 Song-chú chhai ke sân-táng, tui fó-yam chûng mien-tui-mien lâu ngì-têu kóng-fa.

和合本2010版申命记5:5那时我站在耶和华和你们之间，要将耶和华的话传给你们，因为你们惧怕那火，没有上山。他说：

现代客语汉字申命记5:5该时，𠊎企在你等㧯上主中间，爱向你等传上主个话；因为你等惊该火，毋敢上山。

现代客语全罗申命记5:5 Ke-sṳ̀, ngài khî chhai ngì-têu lâu Song-chú chûng-kiên, oi hiong ngì-têu chhòn Song-chú ke fa; yîn-vi ngì-têu kiâng ke-fó, m̀-kám sông-sân.

和合本2010版申命记5:6「『我是耶和华－你的上帝，曾将你从埃及地为奴之家领出来。

现代客语汉字申命记5:6「上主讲：『𠊎係上主—你个上帝；𠊎识𢱋你对做奴才个埃及地出来。

现代客语全罗申命记5:6 “Song-chú kóng: ‘Ngài he Song-chú — ngì ke Song-ti; Ngài sṳt thu ngì tui cho nù-chhòi ke Âi-khi̍p-thi chhut-lòi.

和合本2010版申命记5:7「『除了我以外，你不可有别的神。

现代客语汉字申命记5:7「『𠊎以外，你做毋得敬拜别个神明。

现代客语全罗申命记5:7 “ ‘Ngài yî-ngoi, ngì cho-m̀-tet kin-pai phe̍t ke sṳ̀n-mìn.

和合本2010版申命记5:8「『不可为自己雕刻偶像，也不可做甚么形像，彷彿上天、下地和地底下水中的百物。

现代客语汉字申命记5:8「『做毋得为自家雕刻偶像；也做毋得造天顶、地上、抑係地底下、水中所有个形像。

现代客语全罗申命记5:8 “ ‘Cho-m̀-tet vi chhṳ-kâ tiâu-khiet ngiéu-siong; ya cho-m̀-tet chho thiên-táng, thi-song, ya-he thi tái-hâ, súi-chûng só-yû ke hìn-siong.

和合本2010版申命记5:9不可跪拜那些像，也不可事奉它们，因为我耶和华－你的上帝是忌邪([5.9]「忌邪」：原文是「妒忌」，意思是「不容许有对立的神明」。)的上帝。恨我的，我必惩罚他们的罪，自父及子，直到三、四代；

现代客语汉字申命记5:9做毋得向该兜偶像跪拜，也做毋得服事它兜，因为𠊎—上主—你个上帝係专情个上帝(55:9「专情个上帝」抑係译做「嫉妒个上帝」抑係「忌邪个上帝」。看4:24。)。恨𠊎个人，𠊎一定会责罚佢等㧯佢等个子女，直到三四代。

现代客语全罗申命记5:9 Cho-m̀-tet hiong ke-têu ngiéu-siong khúi-pai, ya cho-m̀-tet fu̍k-sṳ kì-têu, yîn-vi Ngài — Song-chú — ngì ke Song-ti he chôn-chhìn ke Song-ti( 5 5:9 “chôn-chhìn ke Song-ti” ya-he yi̍t-cho “chhit-tu ke Song-ti” ya-he “khí-sià ke Song-ti”. Khon 4:24.). Hen Ngài ke ngìn, Ngài yit-thin voi chit-fa̍t kì-têu lâu kì-têu ke chṳ́-ńg, chhṳ̍t-to sâm-si thoi.

和合本2010版申命记5:10爱我、守我诫命的，我必向他们施慈爱，直到千代。

现代客语汉字申命记5:10总係敬爱𠊎、遵守𠊎命令个人，𠊎爱用慈爱款待佢等，直到千代。

现代客语全罗申命记5:10 Chúng-he kin-oi Ngài, chûn-sú Ngài min-lin ke ngìn, Ngài oi yung chhṳ̀-oi khoán-thai kì-têu, chhṳ̍t-to chhiên-thoi.

和合本2010版申命记5:11「『不可妄称耶和华－你上帝的名，因为妄称耶和华名的，耶和华必不以他为无罪。

现代客语汉字申命记5:11「『做毋得糮糁用上主—你上帝个名；因为糮糁用上主名个人，上主一定会责罚佢。

现代客语全罗申命记5:11 “ ‘Cho-m̀-tet lám-sám yung Song-chú — ngì Song-ti ke miàng; yîn-vi lám-sám yung Song-chú miàng ke ngìn, Song-chú yit-thin voi chit-fa̍t kì.

和合本2010版申命记5:12「『当守安息日为圣日，正如耶和华－你上帝所吩咐的。

现代客语汉字申命记5:12「『爱遵照上主—你上帝个命令，遵守安息日做圣日。

现代客语全罗申命记5:12 “ ‘Oi chûn-cheu Song-chú — ngì Song-ti ke min-lin, chûn-sú ôn-sit-ngit cho sṳn-ngit.

和合本2010版申命记5:13六日要劳碌做你一切的工，

现代客语汉字申命记5:13你有六日好劳碌做一切个工作；

现代客语全罗申命记5:13 Ngì yû liuk-ngit hó lò-luk cho yit-chhiet ke kûng-chok;

和合本2010版申命记5:14但第七日是向耶和华－你的上帝当守的安息日。这一日，你和你的儿女、僕婢、牛、驴、牲畜，以及你城裏寄居的客旅，都不可做任何的工，使你的僕婢可以和你一样休息。

现代客语汉字申命记5:14总係第七日係属上主—你上帝个安息日。这日，无论係你、你个子女、奴僕、奴婢、牛、驴、头牲抑係城内暂住个旅客，全部做毋得工作。你个奴僕、奴婢一定爱㧯你共样歇睏。

现代客语全罗申命记5:14 chúng-he thi-chhit ngit he su̍k Song-chú — ngì Song-ti ke ôn-sit-ngit. Liá-ngit, mò-lun he ngì, ngì ke chṳ́-ńg, nù-phu̍k, nù-pî, ngiù, lì, thèu-sâng ya-he sàng-nui chhiam-he̍t ke lî-hak, chhiòn-phu cho-m̀-tet kûng-chok. Ngì ke nù-phu̍k, nù-pî yit-thin oi lâu ngì khiung-yong hiet-khun.

和合本2010版申命记5:15你要记念你在埃及地作过奴僕，耶和华－你的上帝用大能的手和伸出来的膀臂领你从那裏出来。因此，耶和华－你的上帝吩咐你守安息日。

现代客语汉字申命记5:15你爱记得，你识在埃及做过奴才；上主—你个上帝用大能大力将你对该位救出来。所以，上主—你个上帝命令你，一定爱守安息日。

现代客语全罗申命记5:15 Ngì oi ki-tet, ngì sṳt chhai Âi-khi̍p cho-ko nù-chhòi; Song-chú — ngì ke Song-ti yung thai-nèn thai-li̍t chiông ngì tui ke-vi kiu chhut-lòi. Só-yî, Song-chú — ngì ke Song-ti min-lin ngì, yit-thin oi sú ôn-sit-ngit.

和合本2010版申命记5:16「『当孝敬父母，正如耶和华－你上帝所吩咐的，使你得福，并使你的日子在耶和华－你上帝所赐给你的地上得以长久。

现代客语汉字申命记5:16「『爱照上主—你上帝个命令孝敬爷𡟓，好俾你事事顺利，在上主—你上帝爱赐给你个土地上享长寿。

现代客语全罗申命记5:16 “ ‘Oi cheu Song-chú — ngì Song-ti ke min-lin hau-kin yà-ôi, hó pûn ngì sṳ-sṳ sun-li, chhai Song-chú — ngì Song-ti oi su-pûn ngì ke thú-thi song hióng chhòng-su.

和合本2010版申命记5:17「『不可杀人。

现代客语汉字申命记5:17「『做毋得㓾人。

现代客语全罗申命记5:17 “ ‘Cho-m̀-tet chhṳ̀-ngìn.

和合本2010版申命记5:18「『不可姦淫。

现代客语汉字申命记5:18「『做毋得犯姦淫。

现代客语全罗申命记5:18 “ ‘Cho-m̀-tet fam kiên-yìm.

和合本2010版申命记5:19「『不可偷盗。

现代客语汉字申命记5:19「『做毋得偷拿。

现代客语全罗申命记5:19 “ ‘Cho-m̀-tet thêu-nâ.

和合本2010版申命记5:20「『不可做假见证陷害你的邻舍。

现代客语汉字申命记5:20「『做毋得做假见证害人。

现代客语全罗申命记5:20 “ ‘Cho-m̀-tet cho ká kien-chṳn hoi-ngìn.

和合本2010版申命记5:21「『不可贪恋你邻舍的妻子；也不可贪图你邻舍的房屋、田地、僕婢、牛驴，以及他一切所有的。』摩西传达律法

现代客语汉字申命记5:21「『做毋得贪别人个𡜵娘；也做毋得贪别人个屋、土地、奴僕、奴婢、牛、驴，抑係其他个东西。』

现代客语全罗申命记5:21 “ ‘Cho-m̀-tet thâm phe̍t-ngìn ke pû-ngiòng; ya cho-m̀-tet thâm phe̍t-ngìn ke vuk, thú-thi, nù-phu̍k, nù-pî, ngiù, lì, ya-he khì-thâ ke tûng-sî.’

和合本2010版申命记5:22（出20:18-21 ）「这些话是耶和华在山上，从火焰、密云、幽暗中，大声吩咐你们全会众的，再没有加添别的话了。他把这些话写在两块石版上，交给我。

现代客语汉字申命记5:22「这係你等全会众在山顶聚集个时，上主向你等颁布个诫命。该时，佢对火焰中、乌云中，㧯浓烟中向你等大声讲话。佢只有颁布这兜诫命。后来佢将这兜诫命写在两垤石版面顶，交给𠊎。」人民尽着惊

现代客语全罗申命记5:22 “Liá he ngì-têu chhiòn fi-chung chhai sân-táng chhi-si̍p ke sṳ̀, Song-chú hiong ngì-têu pân-pu ke kie-min. Ke-sṳ̀, Kì tui fó-yam chûng, vû-yùn chûng, lâu nùng-yên chûng hiong ngì-têu thai-sâng kóng-fa. Kì chṳ́-yû pân-pu liá-têu kie-min. Heu-lòi Kì chiông liá-têu kie-min siá chhai lióng-te sa̍k-pán mien-táng, kâu-pûn ngài.” Ngìn-mìn Chhin Chho̍k-kiâng

和合本2010版申命记5:23山被火焰烧着，你们听见从黑暗中发出的声音，那时，你们各支派的领袖和长老都挨近我。

现代客语汉字申命记5:23( 出埃及记20:18-21 )「当时，归只山全部𤏸火；你等听到有声对乌暗中发出。各支族个领袖㧯该兜长老全部来见𠊎，

现代客语全罗申命记5:23( Chhut Âi-khi̍p Ki 20:18-21 ) “Tông-sṳ̀, kûi-chak sân chhiòn-phu chho̍k-fó; ngì-têu thâng-tó yû sâng tui vû-am chûng fat-chhut. Kok kî-chhu̍k ke liâng-chhiu lâu ke-têu chóng-ló chhiòn-phu lòi-kien ngài,

和合本2010版申命记5:24你们说：『看哪，耶和华－我们的上帝将他的荣耀和他的伟大显给我们看，我们也听见他从火中发出的声音。今日我们看到上帝与人说话，人还活着。

现代客语汉字申命记5:24讲：『𠊎等听到上主—𠊎等个上帝对火焰中㧯𠊎等讲话，佢向𠊎等显明佢个荣光㧯大能！今晡日，𠊎等体验到，就算上帝㧯人讲话，人还係生等。

现代客语全罗申命记5:24 kóng: ‘Ngài-têu thâng-tó Song-chú — ngài-têu ke Song-ti tui fó-yam chûng lâu ngài-têu kóng-fa, Kì hiong ngài-têu hién-mìn Kì ke yùng-kông lâu thai-nèn! Kîm-pû-ngit, ngài-têu thí-ngiam to, chhiu-son Song-ti lâu ngìn kóng-fa, ngìn hàn-he sâng-tén.

和合本2010版申命记5:25现在这大火将要吞灭我们，我们何必死呢？若再听见耶和华我们上帝的声音，我们就必死。

现代客语汉字申命记5:25总係这下，𠊎等样爱使冒生命个危险呢？该得人惊个火焰会消灭𠊎等。若係𠊎等再听到上主—𠊎等上帝个声，𠊎等一定会死。

现代客语全罗申命记5:25 Chúng-he liá-ha, ngài-têu ngióng oi-sṳ́ mo sâng-miang ke ngùi-hiám nè? Ke tet-ngìn-kiâng ke fó-yam voi sêu-me̍t ngài-têu. Na-he ngài-têu chai thâng-tó Song-chú — ngài-têu Song-ti ke sâng, ngài-têu yit-thin voi sí.

和合本2010版申命记5:26凡血肉之躯，有谁像我们一样，听见了永生上帝从火中讲话的声音还能活着呢？

现代客语汉字申命记5:26人类当中有么人像𠊎等听过永生上帝对火焰中发出个声还有命呢？

现代客语全罗申命记5:26 Ngìn-lui tông-chûng yû má-ngìn chhiong ngài-têu thâng-ko yún-sên Song-ti tui fó-yam chûng fat-chhut ke sâng hàn-yû miang nè?

和合本2010版申命记5:27求你近前去，听耶和华－我们上帝所要说的一切话，将耶和华－我们上帝对你说的话都传给我们，我们就听从遵行。』

现代客语汉字申命记5:27摩西啊，请你行前去，注意听上主—𠊎等上帝所讲个话，然后吩咐𠊎等。𠊎等会听，又会遵行。』

现代客语全罗申命记5:27 Mô-sî â, chhiáng ngì hàng-chhièn hi, chu-yi thâng Song-chú — ngài-têu Song-ti só-kóng ke fa, yèn-heu fûn-fu ngài-têu. Ngài-têu voi thâng, yu voi chûn-hàng.’

和合本2010版申命记5:28「你们对我说的话，耶和华都听见了。耶和华对我说：『这百姓对你说的话，我听见了；他们所说的都对。

现代客语汉字申命记5:28「上主听到这话就对𠊎讲：『𠊎已经听到这兜人所讲个话。佢等所讲个尽着，

现代客语全罗申命记5:28 “Song-chú thâng-tó liá-fa chhiu tui ngài kóng: ‘Ngài yí-kîn thâng-tó liá-têu ngìn só-kóng ke fa. Kì-têu só-kóng ke chhin-chho̍k,

和合本2010版申命记5:29惟愿他们存这样的心敬畏我，常遵守我一切的诫命，使他们和他们的子孙永远得福。

现代客语汉字申命记5:29𠊎尽希望佢等常常有恁样个心，从头到尾敬畏𠊎，遵行𠊎所有个诫命，使佢等㧯佢等个子孙事事顺利。

现代客语全罗申命记5:29 Ngài chhin hî-mong kì-têu sòng-sòng yû án-ngiòng ke sîm, chhiùng-thèu to-mî kin-vi Ngài, chûn-hàng Ngài só-yû ke kie-min, sṳ́ kì-têu lâu kì-têu ke chṳ́-sûn sṳ-sṳ sun-li.

和合本2010版申命记5:30你去对他们说：你们回帐棚去吧！

现代客语汉字申命记5:30你爱㧯佢等讲，喊佢等转自家个帐篷去。

现代客语全罗申命记5:30 Ngì oi lâu kì-têu kóng, ham kì-têu chón chhṳ-kâ ke chong-phùng hi.

和合本2010版申命记5:31至于你，可以站在我这裏，我要将一切诫命、律例、典章传给你。你要教导他们，使他们在我赐他们为业的地上遵行。』

现代客语汉字申命记5:31总係你爱留在𠊎这位；𠊎爱将所有个诫命、法律㧯例规全部交託你。你爱教佢等，俾佢等在𠊎赐给佢等个土地上确实遵行。』

现代客语全罗申命记5:31 Chúng-he ngì oi liù chhai Ngài liá-vi; Ngài oi chiông só-yû ke kie-min, fap-li̍t lâu li-kûi chhiòn-phu kâu-thok ngì. Ngì oi kâu kì-têu, pûn kì-têu chhai Ngài su-pûn kì-têu ke thú-thi song khok-sṳ̍t chûn-hàng.’

和合本2010版申命记5:32所以，你们要照耶和华－你们上帝所吩咐的谨守遵行，不可偏离左右。

现代客语汉字申命记5:32「以色列人哪，你等爱细腻，一定爱遵行上主—你等个上帝所吩咐你等个命令，无论㖠条都做毋得偏差；

现代客语全罗申命记5:32 “Yî-set-lie̍t-ngìn nâ, ngì-têu oi se-ngi, yit-thin oi chûn-hàng Song-chú — ngì-têu ke Song-ti só fûn-fu ngì-têu ke min-lin, mò-lun nai-thiàu tû cho-m̀-tet phiên-chhâ;

和合本2010版申命记5:33你们要走耶和华－你们的上帝所吩咐的一切道路，使你们可以存活得福，并使你们的日子在所要承受的地上得以长久。」

现代客语汉字申命记5:33爱全部遵行。恁样，你等就会生存下去，事事顺利，在你等爱去佔领个土地上住久久。」

现代客语全罗申命记5:33 oi chhiòn-phu chûn-hàng. Án-ngiòng, ngì-têu chhiu voi sên-chhùn hâ-hi, sṳ-sṳ sun-li, chhai ngì-têu oi hi cham-liâng ke thú-thi song he̍t kiú-kiú.”