申命记第15章客家话和合本对照

相关章：

快速到节：

书卷列表：

和合本2010版申命记15:1安息年的条例「每七年的最后一年，你要施行豁免。

现代客语汉字申命记15:1安息年个条例( 利未记25:1-7 )「在逐个七年最尾个一年，你等爱免掉人个债。

现代客语全罗申命记15:1Ôn-sit-ngièn ke Thiàu-li( Li-vi Ki 25:1-7 ) “Chhai tak-ke chhit-ngièn chui-mî ke yit-ngièn, ngì-têu oi miên-thet ngìn ke chai.

和合本2010版申命记15:2豁免的方式是这样：凡债主要把手裏所借给邻舍的全豁免，不可向邻舍和弟兄追讨，因为耶和华的豁免已经宣告了。

现代客语汉字申命记15:2这个条例规定：所有借钱给以色列同胞个债主一定爱将同胞个债免掉，做毋得再讨，因为这债务得到免掉係上主宣布个。

现代客语全罗申命记15:2 Liá-ke thiàu-li kûi-thin: Só-yû chia-chhièn pûn Yî-set-lie̍t thùng-pâu ke chai-chú yit-thin oi chiông thùng-pâu ke chai miên-thet, cho-m̀-tet chai thó, yîn-vi liá chai-vu tet-tó miên-thet he Song-chú siên-pu ke.

和合本2010版申命记15:3你可以向外邦人追讨；但你弟兄欠你的，无论是甚么，你都要放手豁免。

现代客语汉字申命记15:3外国人欠个债，你等做得再讨；总係对自家个同胞，无论欠你等么介，全部做毋得再讨。

现代客语全罗申命记15:3 Ngoi-koet ngìn khiam ke chai, ngì-têu cho-tet chai thó; chúng-he tui chhṳ-kâ ke thùng-pâu, mò-lun khiam ngì-têu má-ke, chhiòn-phu cho-m̀-tet chai thó.

和合本2010版申命记15:4其实，在你中间不会有贫穷人；因为在耶和华－你上帝所赐你为业的地上，耶和华必大大赐福给你。

现代客语汉字申命记15:4「上主—你等个上帝会在佢爱赐给你等个土地上大大赐福给你等。若係你等听从上主—你等个上帝，认真遵行𠊎今晡日给你等所有个命令，你等当中就毋会有穷苦人。

现代客语全罗申命记15:4“Song-chú — ngì-têu ke Song-ti voi chhai Kì oi su-pûn ngì-têu ke thú-thi song thai-thai su-fuk pûn ngì-têu. Na-he ngì-têu thâng-chhiùng Song-chú — ngì-têu ke Song-ti, ngin-chṳ̂n chûn-hàng ngài kîm-pû-ngit pûn ngì-têu só-yû ke min-lin, ngì-têu tông-chûng chhiu m̀-voi yû khiùng-khú ngìn.

和合本2010版申命记15:5只要你留心听从耶和华－你上帝的话，谨守遵行我今日所吩咐你这一切的命令，

现代客语汉字申命记15:5【併于上节】

现代客语全罗申命记15:5【併于上节】

和合本2010版申命记15:6因为耶和华－你的上帝会照他所应许你的赐福给你，你必借给许多国家，却不需要去借贷；你要管辖许多国家，它们却不能管辖你。

现代客语汉字申命记15:6因为上主—你等个上帝爱照佢个应许赐福给你等。你等会有钱借给尽多外国人，也毋使向人借钱。你等会管多多国人，总係无一国会管你等。

现代客语全罗申命记15:6 Yîn-vi Song-chú — ngì-têu ke Song-ti oi cheu Kì ke yin-hí su-fuk pûn ngì-têu. Ngì-têu voi yû-chhièn chia-pûn chhin-tô ngoi-koet ngìn, ya m̀-sṳ́ hiong ngìn chia-chhièn. Ngì-têu voi kón tô-tô koet ngìn, chúng-he mò yit-koet voi kón ngì-têu.

和合本2010版申命记15:7「在耶和华－你上帝赐给你的地上，任何一座城裏，你弟兄中若有一个贫穷人，你不可硬着心，袖手不帮助你贫穷的弟兄。

现代客语汉字申命记15:7「在上主—你等个上帝赐给你等个土地上，无论在㖠个城肚，若係发现有穷苦个同胞，你等做毋得恁硬心、跔手毋帮助佢。

现代客语全罗申命记15:7 “Chhai Song-chú — ngì-têu ke Song-ti su-pûn ngì-têu ke thú-thi song, mò-lun chhai nai-ke sàng-tú, na-he fat-hien yû khiùng-khú ke thùng-pâu, ngì-têu cho-m̀-tet án ngang-sîm, kiû-sú m̀ pông-chhu kì.

和合本2010版申命记15:8你总要伸手帮助他，照他所缺乏的借给他，补他的不足。

现代客语汉字申命记15:8你等颠倒爱出手大方，将佢所需要个借给佢，来补佢个不足。

现代客语全罗申命记15:8 Ngì-têu tiên-to oi chhut-sú thai-fông, chiông kì só sî-yeu ke chia-pûn kì, lòi pú kì ke put-chiuk.

和合本2010版申命记15:9你要谨慎，不可心起恶念，说：『第七年的豁免年快到了』，你就冷眼看你贫穷的弟兄，甚么都不给他。他若为你的缘故求告耶和华，你就有罪了。

现代客语汉字申命记15:9你等爱细腻，做毋得因为第七年—安息年会到了，就毋借给穷苦个同胞；你等心肚绝对做毋得有这种坏念头。若係你等毋借，佢向上主控告，你等就有罪了。

现代客语全罗申命记15:9 Ngì-têu oi se-ngi, cho-m̀-tet yîn-vi thi-chhit ngièn — ôn-sit-ngièn voi-to lé, chhiu m̀ chia-pûn khiùng-khú ke thùng-pâu; ngì-têu sîm-tú chhie̍t-tui cho-m̀-tet yû liá-chúng fái ngiam-thèu. Na-he ngì-têu m̀ chia, kì hiong Song-chú khúng-ko, ngì-têu chhiu yû-chhui lé.

和合本2010版申命记15:10你要慷慨解囊，给他的时候不要心疼，因为耶和华－你的上帝必为这事，在你一切的工作上和你手所做的一切赐福给你。

现代客语汉字申命记15:10毋好毋拌得，一定爱大方给佢，上主—你等个上帝就会凡事赐福给你等。

现代客语全罗申命记15:10 M̀-hó m̀ phan-tet, yit-thin oi thai-fông pûn kì, Song-chú — ngì-têu ke Song-ti chhiu voi fàm-sṳ su-fuk pûn ngì-têu.

和合本2010版申命记15:11因为地上的贫穷人永远不会断绝，所以我吩咐你说：『总要伸手帮助你地上困苦贫穷的弟兄。』」奴婢的条例

现代客语汉字申命记15:11你等住个所在常常会有穷苦人，所以𠊎命令你等，一定爱向穷苦有需要个同胞大大方方伸手帮助佢等。」对待奴才个条例

现代客语全罗申命记15:11 Ngì-têu he̍t ke só-chhai sòng-sòng voi yû khiùng-khú ngìn, só-yî ngài min-lin ngì-têu, yit-thin oi hiong khiùng-khú yû sî-yeu ke thùng-pâu thai-thai fông-fông chhûn-sú pông-chhu kì-têu.” Tui-thai Nù-chhòi ke Thiàu-li

和合本2010版申命记15:12（出21:1-11 ）「你弟兄中，若有一个希伯来男人或希伯来女人卖给你，已服事你六年，到了第七年就要让他自由离开你。

现代客语汉字申命记15:12( 出埃及记21:1-11 )「若係有希伯来同胞，无论男女，卖做你等个奴才，已经服事你等六年，到第七年，你等一定爱放佢，俾佢自由。

现代客语全罗申命记15:12( Chhut Âi-khi̍p Ki 21:1-11 ) “Na-he yû Hî-pak-lòi thùng-pâu, mò-lun nàm-ńg, mai-cho ngì-têu ke nù-chhòi, yí-kîn fu̍k-sṳ ngì-têu liuk-ngièn, to thi-chhit ngièn, ngì-têu yit-thin oi piong kì, pûn kì chhṳ-yù.

和合本2010版申命记15:13你让他自由离开的时候，不可让他空手而去，

现代客语汉字申命记15:13你等放佢个时，毋好俾佢空手离开。

现代客语全罗申命记15:13 Ngì-têu piong kì ke sṳ̀, m̀-hó pûn kì khûng-sú lì-khôi.

和合本2010版申命记15:14要从你的羊羣、禾场、压酒池中取一些，慷慨地送给他；耶和华－你的上帝怎样赐福给你，你也要照样给他。

现代客语汉字申命记15:14上主—你等个上帝样般赐福给你等，你等也爱照样将你等个羊群、五榖㧯酒大方分给佢。

现代客语全罗申命记15:14 Song-chú — ngì-têu ke Song-ti ngióng-pân su-fuk pûn ngì-têu, ngì-têu ya oi cheu-yong chiông ngì-têu ke yòng-khiùn, ńg-kuk lâu chiú thai-fông pûn-pûn kì.

和合本2010版申命记15:15要记得你在埃及地作过奴僕，耶和华－你的上帝救赎了你。为此，我今日将这事吩咐你。

现代客语汉字申命记15:15你等爱记得，你等在埃及做过奴才；上主—你等个上帝救赎你等，所以𠊎今晡日正恁样命令你等。

现代客语全罗申命记15:15 Ngì-têu oi ki-tet, ngì-têu chhai Âi-khi̍p cho-ko nù-chhòi; Song-chú — ngì-têu ke Song-ti kiu-su̍k ngì-têu, só-yî ngài kîm-pû-ngit chang án-ngiòng min-lin ngì-têu.

和合本2010版申命记15:16他若对你说：『我不愿意离开你』，因为他爱你和你的家，并且他在你那裏很好，

现代客语汉字申命记15:16「若係你等个奴才因为敬爱你等㧯你等个家庭，无爱离开你等，爱㧯你等共下住下去，

现代客语全罗申命记15:16 “Na-he ngì-têu ke nù-chhòi yîn-vi kin-oi ngì-têu lâu ngì-têu ke kâ-thìn, mò-oi lì-khôi ngì-têu, oi lâu ngì-têu khiung-ha he̍t hâ-hi,

和合本2010版申命记15:17你要拿锥子在门上穿透他的耳朵，他就永远成为你的奴僕了。你待婢女也要这样。

现代客语汉字申命记15:17你等就爱拿钻仔来将佢个耳公靠在门枋钻一只孔。恁样，佢就一生人做你等个奴才。对待奴婢也用共样个方法。

现代客语全罗申命记15:17 ngì-têu chhiu oi nâ chon-é lòi chiông kì ke ngí-kûng kho chhai mùn-piông chon yit-chak khûng. Án-ngiòng, kì chhiu yit-sên-ngìn cho ngì-têu ke nù-chhòi. Tui-thai nù-pî ya yung khiung-yong ke fông-fap.

和合本2010版申命记15:18你让他从你那裏自由离开的时候，不要看作困难，因为他已服事你六年，相当于雇工双倍的工钱。这样，耶和华－你的上帝必在你所做的一切事上赐福给你。」头生牛羊的条例

现代客语汉字申命记15:18你等放奴才个时，心肝毋好毋甘愿；因为佢服事你等六年，只有拿一般工人所得工钱个一半(1215:18「只有拿…一半」抑係译做「比一般工人付出双倍个劳力」。)。你等恁样做，上主—你等个上帝就会凡事赐福给你等。」头胎牛羊个条例

现代客语全罗申命记15:18 Ngì-têu piong nù-chhòi ke sṳ̀, sîm-kôn m̀-hó m̀ kâm-ngien; yîn-vi kì fu̍k-sṳ ngì-têu liuk-ngièn, chṳ́-yû nâ yit-pân kûng-ngìn só-tet kûng-chhièn ke yit-pan( 12 15:18 “chṳ́-yû nâ ... yit-pan” ya-he yi̍t-cho “pí yit-pân kûng-ngìn fu-chhut sûng-phi ke lò-li̍t”.). Ngì-têu án-ngiòng cho, Song-chú — ngì-têu ke Song-ti chhiu voi fàm-sṳ su-fuk pûn ngì-têu.” Thèu-thôi Ngiù-yòng ke Thiàu-li

和合本2010版申命记15:19「你牛羣羊羣中头生的，凡是公的，都要分别为圣，归给耶和华－你的上帝。头生的牛，不可用牠来耕作；头生的羊，不可剪牠的毛。

现代客语汉字申命记15:19「你等爱将头胎个牛牯、羊牯分别出来，献给上主—你等个上帝；做毋得用这种牛耕种，也毋好剪这种羊个毛。

现代客语全罗申命记15:19 “Ngì-têu oi chiông thèu-thôi ke ngiù-kú, yòng-kú fûn-phe̍t chhut-lòi, hien-pûn Song-chú — ngì-têu ke Song-ti; cho-m̀-tet yung liá-chúng ngiù kâng-chung, ya m̀-hó chién liá-chúng yòng ke mô.

和合本2010版申命记15:20这头生的，你和你全家每年要到耶和华所选择的地方，在耶和华－你上帝面前吃。

现代客语汉字申命记15:20逐年，你等㧯你等屋下人爱在上主所选个所在，在上主—你等上帝面前，食这种牛羊个肉。

现代客语全罗申命记15:20 Tak-ngièn, ngì-têu lâu ngì-têu vuk-hâ ngìn oi chhai Song-chú só-sién ke só-chhai, chhai Song-chú — ngì-têu Song-ti mien-chhièn, sṳ̍t liá-chúng ngiù-yòng ke ngiuk.

和合本2010版申命记15:21这头生的若有残疾，瘸腿的或瞎眼的，若有任何严重缺陷，都不可献给耶和华－你的上帝。

现代客语汉字申命记15:21若係这种牛羊有缺点，像跛脚、瞙目，抑係其他任何缺点，你等就做毋得将牠献给上主—你等个上帝。

现代客语全罗申命记15:21 Na-he liá-chúng ngiù-yòng yû khiet-tiám, chhiong pâi-kiok, mô-muk, ya-he khì-thâ ngim-hò khiet-tiám, ngì-têu chhiu cho-m̀-tet chiông kì hien-pûn Song-chú — ngì-têu ke Song-ti.

和合本2010版申命记15:22你们可以在城裏吃，洁净的人和不洁净的人都可以吃，就如吃羚羊和鹿一样。

现代客语汉字申命记15:22你等做得在屋下食这种有缺点个牛羊个肉。无论在礼仪上係净浰抑係无净浰个人，全部做得食，像食野鹿抑係羚羊一样。

现代客语全罗申命记15:22 Ngì-têu cho-tet chhai vuk-hâ sṳ̍t liá-chúng yû khiet-tiám ke ngiù-yòng ke ngiuk. Mò-lun chhai lî-ngì song he chhiang-li ya-he mò chhiang-li ke ngìn, chhiòn-phu cho-tet sṳ̍t, chhiong sṳ̍t yâ-lu̍k ya-he lìn-yòng yit-yong.

和合本2010版申命记15:23只是牠的血，你不可吃，要倒在地上，如同倒水一样。」

现代客语汉字申命记15:23总係你等做毋得食血，爱将它倒在地上，像倒水一样。」

现代客语全罗申命记15:23 Chúng-he ngì-têu cho-m̀-tet sṳ̍t-hiet, oi chiông kì tó chhai thi-song, chhiong tó-súi yit-yong.”