民数记第25章客家话和合本对照

相关章：

快速到节：

书卷列表：

和合本2010版民数记25:1在毗珥拜巴力以色列人住在什亭，百姓开始与摩押女子行淫。

现代客语汉字民数记25:1以色列人在批珥以色列人在什亭安营个时，有人㧯该位个摩押妇人家行姦淫。

现代客语全罗民数记25:1Yî-set-lie̍t-ngìn chhai Phî-ngí Yî-set-lie̍t-ngìn chhai Sṳ̍p-thìn ôn-yàng ke sṳ̀, yû ngìn lâu ke-vi ke Mô-ap fu-ngìn-kâ hàng kiên-yìm.

和合本2010版民数记25:2这些女子请百姓一同为她们的神明献祭，百姓吃了祭物，跪拜她们的神明。

现代客语汉字民数记25:2该兜妇人家请佢等参加摩押人拜神明个祭典。以色列人食祭物，也拜批珥地方个神明巴力；所以，上主向佢等发谴。

现代客语全罗民数记25:2Ke-têu fu-ngìn-kâ chhiáng kì-têu chhâm-kâ Mô-ap-ngìn pai sṳ̀n-mìn ke chi-tién. Yî-set-lie̍t-ngìn sṳ̍t chi-vu̍t, ya pai Phî-ngí thi-fông ke sṳ̀n-mìn Pâ-li̍t; só-yî, Song-chú hiong kì-têu fat-khién.

和合本2010版民数记25:3以色列与巴力‧毗珥联合，耶和华的怒气就向以色列发作。

现代客语汉字民数记25:3【併于上节】

现代客语全罗民数记25:3【併于上节】

和合本2010版民数记25:4耶和华对摩西说：「拿下百姓中所有的领袖，对着太阳把他们悬挂在我面前，使我向以色列所发的怒气可以平息。」

现代客语汉字民数记25:4上主吩咐摩西讲：「你爱照𠊎个话，在日头下将这兜以色列领袖吊死，𠊎就毋会继续向以色列人发谴。」

现代客语全罗民数记25:4 Song-chú fûn-fu Mô-sî kóng: “Ngì oi cheu Ngài ke fa, chhai ngit-thèu hâ chiông liá-têu Yî-set-lie̍t liâng-chhiu tiau-sí, Ngài chhiu m̀-voi ki-siu̍k hiong Yî-set-lie̍t-ngìn fat-khién.”

和合本2010版民数记25:5于是摩西对以色列的审判官说：「你们的人若有与巴力‧毗珥联合的，你们各人就要把他们杀了。」

现代客语汉字民数记25:5摩西对以色列个审判官讲：「你等逐侪爱将你等支族当中拜巴力该兜人㓾掉。」

现代客语全罗民数记25:5 Mô-sî tui Yî-set-lie̍t ke sṳ́m-phan-kôn kóng: “Ngì-têu tak-sà oi chiông ngì-têu kî-chhu̍k tông-chûng pai Pâ-li̍t ke-têu ngìn chhṳ̀-thet.”

和合本2010版民数记25:6摩西和以色列全会众在会幕门口哭泣的时候，看哪，有一个以色列人，在他们眼前带着一个米甸女子，到他弟兄那裏。

现代客语汉字民数记25:6有一个以色列人在摩西㧯以色列全会众面前，将一个米甸妇人家带入佢个帐篷；该时，会众堵好在圣帐篷门口悲伤哀噭。

现代客语全罗民数记25:6 Yû yit-ke Yî-set-lie̍t-ngìn chhai Mô-sî lâu Yî-set-lie̍t chhiòn fi-chung mien-chhièn, chiông yit-ke Mí-thien fu-ngìn-kâ tai-ngi̍p kì ke chong-phùng; ke-sṳ̀, fi-chung tú-hó chhai sṳn-chong-phùng mùn-héu pî-sông ôi-kieu.

和合本2010版民数记25:7亚伦祭司的孙子，以利亚撒的儿子非尼哈看见了，就从会众中起来，手裏拿着枪，

现代客语汉字民数记25:7祭司亚伦个孙仔，以利亚撒个孻仔非尼哈看到，就企起来，离开会众。佢拿一支枪，

现代客语全罗民数记25:7 Chi-sṳ̂ Â-lùn ke sûn-é, Yî-li-â-sat ke lai-é Fî-nì-ha̍p khon-tó, chhiu khî hí-lòi, lì-khôi fi-chung. Kì nâ yit-kî chhiông,

和合本2010版民数记25:8跟这以色列人进入帐棚，刺穿了二人，就是以色列人和那女子的肚腹。这样，以色列人遭受的瘟疫就停止了。

现代客语汉字民数记25:8跈等该以色列人㧯该妇人家入去帐篷，用枪将佢两侪对肚笥刺过去死掉。恁样，该在以色列人当中流行个瘟仔就停止；

现代客语全罗民数记25:8 thèn-tén ke Yî-set-lie̍t-ngìn lâu ke fu-ngìn-kâ ngi̍p-hi chong-phùng, yung chhiông chiông kì lióng-sà tui tú-sṳ́ chhiuk ko-hi sí-thet. Án-ngiòng, ke chhai Yî-set-lie̍t-ngìn tông-chûng liù-hàng ke vûn-é chhiu thìn-chṳ́;

和合本2010版民数记25:9遭瘟疫死的，有二万四千人。

现代客语汉字民数记25:9总係因为发瘟死掉个已经有两万四千人。

现代客语全罗民数记25:9 chúng-he yîn-vi pot-vûn sí-thet ke yí-kîn yû lióng-van si-chhiên ngìn.

和合本2010版民数记25:10耶和华吩咐摩西说：

现代客语汉字民数记25:10上主对摩西讲：

现代客语全罗民数记25:10 Song-chú tui Mô-sî kóng:

和合本2010版民数记25:11「亚伦祭司的孙子，以利亚撒的儿子非尼哈，使我的愤怒转离以色列人，因为在他们中间，他以我的妒忌为他的妒忌，使我不在妒忌中毁灭以色列人。

现代客语汉字民数记25:11「因为祭司亚伦个孙仔，以利亚撒个孻仔非尼哈所做个事，𠊎就毋会继续向以色列人发谴。佢对𠊎尽热心，只有准人拜𠊎，毋准人拜别个神明，𠊎正无大发谴来毁灭佢等。

现代客语全罗民数记25:11 “Yîn-vi chi-sṳ̂ Â-lùn ke sûn-é, Yî-li-â-sat ke lai-é Fî-nì-ha̍p só cho ke sṳ, Ngài chhiu m̀-voi ki-siu̍k hiong Yî-set-lie̍t-ngìn fat-khién. Kì tui Ngài chhin ngie̍t-sîm, chṳ́-yû chún ngìn pai Ngài, m̀ chún ngìn pai phe̍t ke sṳ̀n-mìn, Ngài chang mò thai fat-khién lòi fí-me̍t kì-têu.

和合本2010版民数记25:12因此，你要说：『看哪，我将我平安的约赐给他。

现代客语汉字民数记25:12你㧯佢讲，𠊎爱㧯佢立平安个约。

现代客语全罗民数记25:12 Ngì lâu kì kóng, Ngài oi lâu kì li̍p phìn-ôn ke yok.

和合本2010版民数记25:13这是他和他的后裔永远当祭司职任的约，因他为了上帝而妒忌，他为以色列人赎罪。』」

现代客语汉字民数记25:13佢㧯佢个后代爱永远做祭司；因为佢对𠊎尽热心，也为以色列人赎罪。」

现代客语全罗民数记25:13 Kì lâu kì ke heu-thoi oi yún-yén cho chi-sṳ̂; yîn-vi kì tui Ngài chhin ngie̍t-sîm, ya vi Yî-set-lie̍t-ngìn su̍k-chhui.”

和合本2010版民数记25:14那与米甸女子一起被杀的以色列人，名叫心利，是撒路的儿子，是西缅一个父家的领袖。

现代客语汉字民数记25:14该㧯米甸妇人家共下被人㓾死个以色列人安到心利，係撒路个孻仔，西缅支族一个家族个族长。

现代客语全罗民数记25:14 Ke lâu Mí-thien fu-ngìn-kâ khiung-ha pûn-ngìn chhṳ̀-sí ke Yî-set-lie̍t-ngìn ôn-to Sîm-li, he Sat-lu ke lai-é, Sî-mién kî-chhu̍k yit-ke kâ-chhu̍k ke chhu̍k-chóng.

和合本2010版民数记25:15那被杀的米甸女子，名叫哥斯比，是苏珥的女儿；苏珥是米甸一个父家的领袖。

现代客语汉字民数记25:15该被人㓾死个米甸妇人家安到哥斯比；姖个阿爸苏珥係米甸一个部落个领袖。

现代客语全罗民数记25:15 Ke pûn-ngìn chhṳ̀-sí ke Mí-thien fu-ngìn-kâ ôn-to Kô-sṳ̂-pí; kì ke â-pâ Sû-ngí he Mí-thien yit-ke phu-lo̍k ke liâng-chhiu.

和合本2010版民数记25:16耶和华吩咐摩西说：

现代客语汉字民数记25:16上主命令摩西：

现代客语全罗民数记25:16 Song-chú min-lin Mô-sî:

和合本2010版民数记25:17「你要苦害米甸人，击杀他们；

现代客语汉字民数记25:17「你爱攻打米甸人，将佢等消灭；

现代客语全罗民数记25:17 “Ngì oi kûng-tá Mí-thien-ngìn, chiông kì-têu sêu-me̍t;

和合本2010版民数记25:18因为他们用诡计苦害你们，在毗珥的事上和他们的姊妹，米甸领袖的女儿哥斯比的事上，欺骗了你们；在瘟疫的日子，这女子因毗珥的事件被杀了。」

现代客语汉字民数记25:18因为佢等在批珥用诡计陷害你等，也係因为佢等个姊妹、该米甸领袖个妹仔哥斯比，在批珥发瘟当厉害个时被人刺死。」

现代客语全罗民数记25:18 yîn-vi kì-têu chhai Phî-ngí yung kúi-kie ham-hoi ngì-têu, ya he yîn-vi kì-têu ke chí-moi, ke Mí-thien liâng-chhiu ke moi-é Kô-sṳ̂-pí, chhai Phî-ngí pot-vûn tông li-hoi ke sṳ̀ pûn-ngìn chhiuk-sí.”