民数记第17章客家话和合本对照

相关章：

快速到节：

书卷列表：

和合本2010版民数记17:1亚伦的杖耶和华吩咐摩西说：

现代客语汉字民数记17:1亚伦个柺棍仔上主对摩西讲：

现代客语全罗民数记17:1Â-lùn ke Koái-kun-é Song-chú tui Mô-sî kóng:

和合本2010版民数记17:2「你要吩咐以色列人，从他们当中取杖，每父家一根；从他们所有的领袖，按着父家，共取十二根。你要把各人的名字写在他的杖上，

现代客语汉字民数记17:2「你爱吩咐以色列人给你十二支柺棍仔，对逐支族个领袖拿出一支，顶高爱写佢自家个名。

现代客语全罗民数记17:2 “Ngì oi fûn-fu Yî-set-lie̍t-ngìn pûn ngì sṳ̍p-ngi kî koái-kun-é, tui tak kî-chhu̍k ke liâng-chhiu nâ-chhut yit-kî, táng-kô oi siá kì chhṳ-kâ ke miàng.

和合本2010版民数记17:3并要把亚伦的名字写在利未的杖上，因为各父家的家长都有一根杖。

现代客语汉字民数记17:3爱将亚伦个名写在代表利未个柺棍仔顶，因为逐支族个领袖爱有一支柺棍仔。

现代客语全罗民数记17:3 Oi chiông Â-lùn ke miàng siá chhai thoi-péu Li-vi ke koái-kun-é táng, yîn-vi tak kî-chhu̍k ke liâng-chhiu oi yû yit-kî koái-kun-é.

和合本2010版民数记17:4你要把这些杖放在会幕裏法柜前，我与你们([17.4]「与你们」：有古卷和七十士译本是「与你」。)相会的地方。

现代客语汉字民数记17:4你爱将这十二支柺棍仔带到圣帐篷，放在约柜头前，就係𠊎㧯你等相会个所在。

现代客语全罗民数记17:4 Ngì oi chiông liá sṳ̍p-ngi kî koái-kun-é tai-to sṳn-chong-phùng, piong chhai yok-khui thèu-chhièn, chhiu-he Ngài lâu ngì-têu siông-fi ke só-chhai.

和合本2010版民数记17:5我所拣选的人，他的杖必发芽。我就平息了以色列人向你们所发的怨言，不再达到我这裏。」

现代客语汉字民数记17:5𠊎所拣选该人个柺棍仔会生芽。恁样，𠊎会使以色列人埋怨你等个话消掉，无俾𠊎再听到。」

现代客语全罗民数记17:5 Ngài só kién-sién ke-ngìn ke koái-kun-é voi sâng-ngà. Án-ngiòng, Ngài voi sṳ́ Yî-set-lie̍t-ngìn mài-yen ngì-têu ke fa sêu-thet, mò pûn Ngài chai thâng-tó.”

和合本2010版民数记17:6于是，摩西吩咐以色列人，他们的众领袖就把杖给他，一个领袖一根杖，按照父家一个领袖一根杖，共有十二根；亚伦的杖也在其中。

现代客语汉字民数记17:6所以，摩西吩咐以色列人逐支族个领袖给佢一支柺棍仔，总共十二枝；亚伦个柺棍仔㧯其他人个柺棍仔全部放共下。

现代客语全罗民数记17:6 Só-yî, Mô-sî fûn-fu Yî-set-lie̍t-ngìn tak kî-chhu̍k ke liâng-chhiu pûn kì yit-kî koái-kun-é, chúng-khiung sṳ̍p-ngi kî; Â-lùn ke koái-kun-é lâu khì-thâ ngìn ke koái-kun-é chhiòn-phu piong khiung-ha.

和合本2010版民数记17:7摩西把这些杖放在耶和华面前，在法柜的帐幕裏。

现代客语汉字民数记17:7摩西将所有个柺棍仔放入圣帐篷，在约柜个头前、上主个面前。

现代客语全罗民数记17:7 Mô-sî chiông só-yû ke koái-kun-é piong-ngi̍p sṳn-chong-phùng, chhai yok-khui ke thèu-chhièn, Song-chú ke mien-chhièn.

和合本2010版民数记17:8第二天，摩西进到法柜的帐幕去，看哪，利未族亚伦的杖已经发芽，长了花苞，开了花，也结出熟的杏子！

现代客语汉字民数记17:8第二日，摩西到约柜个圣帐篷底背去，看到该代表利未支族亚伦个柺棍仔已经生芽、生花苞、又开花、结出个杏仁已经熟了！

现代客语全罗民数记17:8 Thi-ngi ngit, Mô-sî to yok-khui ke sṳn-chong-phùng tî-poi hi, khon-tó ke thoi-péu Li-vi kî-chhu̍k Â-lùn ke koái-kun-é yí-kîn sâng-ngà, sâng fâ-pâu, yu khôi-fâ, kiet-chhut ke hen-yìn yí-kîn siuk lé!

和合本2010版民数记17:9摩西把所有的杖从耶和华面前拿出来，给以色列众人看。他们都看见了，各领袖就把自己的杖拿去。

现代客语汉字民数记17:9摩西就将所有个柺棍仔对上主面前拿出来，给以色列人看；佢等全部有看到。各领袖将自家个柺棍仔拿转去。

现代客语全罗民数记17:9 Mô-sî chhiu chiông só-yû ke koái-kun-é tui Song-chú mien-chhièn nâ chhut-lòi, pûn Yî-set-lie̍t-ngìn khon; kì-têu chhiòn-phu yû khon-tó. Kok liâng-chhiu chiông chhṳ-kâ ke koái-kun-é nâ chón-hi.

和合本2010版民数记17:10耶和华吩咐摩西说：「把亚伦的杖放回法柜前，给这些背叛之子留作记号。你就可以平息他们向我所发的怨言，他们也不会死亡。」

现代客语汉字民数记17:10上主对摩西讲：「将亚伦个柺棍仔放转约柜头前，爱保存这支柺棍仔，来警告悖逆个人，使佢等毋敢继续埋怨𠊎，免得佢等死掉。」

现代客语全罗民数记17:10 Song-chú tui Mô-sî kóng: “Chiông Â-lùn ke koái-kun-é piong-chón yok-khui thèu-chhièn, oi pó-chhùn liá-kî koái-kun-é, lòi kín-ko phoi-ngia̍k ke ngìn, sṳ́ kì-têu m̀-kám ki-siu̍k mài-yen Ngài, miên-tet kì-têu sí-thet.”

和合本2010版民数记17:11摩西就照样做了；耶和华怎样吩咐他，他就照样做。

现代客语汉字民数记17:11摩西就照上主个命令去做。

现代客语全罗民数记17:11 Mô-sî chhiu cheu Song-chú ke min-lin hi-cho.

和合本2010版民数记17:12以色列人对摩西说：「看哪，我们死啦！我们灭亡啦！我们全都灭亡啦！

现代客语汉字民数记17:12以色列人对摩西讲：「𠊎等该死了，𠊎等惨了！

现代客语全罗民数记17:12 Yî-set-lie̍t-ngìn tui Mô-sî kóng: “Ngài-têu kôi-sí lé, ngài-têu chhám lé!

和合本2010版民数记17:13凡挨近耶和华帐幕的，就必死亡。我们都要消灭而死吗？」

现代客语汉字民数记17:13么人接近上主个圣帐篷，么人就会死。恁样，𠊎等定着会死净净了！」

现代客语全罗民数记17:13 Má-ngìn chiap-khiun Song-chú ke sṳn-chong-phùng, má-ngìn chhiu voi sí. Án-ngiòng, ngài-têu thin-chho̍k voi sí chhiang-chhiang lé!”