歌罗西书第3章客家话和合本对照

相关章：

快速到节：

书卷列表：

和合本2010版歌罗西书3:1 所以，既然你们已经与基督一同复活，就当求上面的事；那裏有基督，坐在上帝的右边。

现代客语汉字歌罗西书3:1你等已经同基督共下复活，你等就定着爱追求天顶个事；在该位，基督坐在上帝正片个宝座上。

现代客语全罗歌罗西书3:1 Ngì-têu yí-kîn thùng Kî-tuk khiung-ha fu̍k-fa̍t, ngì-têu chhiu thin-chho̍k oi chûi-khiù thiên-táng ke sṳ; chhai ke-vi, Kî-tuk chhô chhai Song-ti chṳn-phién ke pó-chho-song.

和合本2010版歌罗西书3:2 你们要思考上面的事，不要思考地上的事。

现代客语汉字歌罗西书3:2你等爱专心天顶个事，毋係地上个事。

现代客语全罗歌罗西书3:2 Ngì-têu oi chôn-sîm thiên-táng ke sṳ, m̀-he thi-song ke sṳ.

和合本2010版歌罗西书3:3 因为你们已经死了，你们的生命与基督一同藏在上帝裏面。

现代客语汉字歌罗西书3:3因为你等已经同基督共下死，你等个生命同佢共下囥在上帝个底背。

现代客语全罗歌罗西书3:3 Yîn-vi ngì-têu yí-kîn thùng Kî-tuk khiung-ha sí, ngì-têu ke sâng-miang thùng kì khiung-ha khong chhai Song-ti ke tî-poi.

和合本2010版歌罗西书3:4 基督是你们的生命，他显现的时候，你们也要与他一同在荣耀裏显现。

现代客语汉字歌罗西书3:4基督係你等个真生命；佢显现个时，你等也爱同佢共下显现，分享佢个荣耀。旧个㧯新个生命

现代客语全罗歌罗西书3:4 Kî-tuk he ngì-têu ke chṳ̂n sâng-miang; kì hién-hien ke sṳ̀, ngì-têu ya oi thùng kì khiung-ha hién-hien, fûn-hióng kì ke yùng-yeu. Khiu ke lâu Sîn ke Sâng-miang

和合本2010版歌罗西书3:5 所以，要治死你们在地上的肢体；就如淫乱、污秽、邪情、恶慾和贪婪－贪婪就是拜偶像。

现代客语汉字歌罗西书3:5所以，你等一定爱治死在你等身上作怪个该兜属世个慾望，像淫乱、污秽、邪情、色慾，㧯贪心(贪心係一种个拜偶像)。

现代客语全罗歌罗西书3:5 Só-yî, ngì-têu yit-thin oi chhṳ-sí chhai ngì-têu sṳ̂n-song chok-koai ke ke-têu su̍k-sṳ ke yu̍k-mong, chhiong yìm-lon, vû-ve, sià-chhìn, set-yu̍k, lâu thâm-sîm (thâm-sîm he yit-chúng ke pai ngiéu-siong).

和合本2010版歌罗西书3:6 因这些事，上帝的愤怒必临到那些悖逆的人( [ 3.6] 「必临到…的人」：有古卷是「必来临」。)。

现代客语汉字歌罗西书3:6因为这兜事，上帝个发谴会临到该兜悖逆佢个人(63:6有兜古卷无「该兜悖逆佢个人」。)。

现代客语全罗歌罗西书3:6 Yîn-vi liá-têu sṳ, Song-ti ke fat-khién voi lìm-to ke-têu phoi-ngia̍k Kì ke ngìn( 6 3:6 Yû-têu kú-kién mò “ke-têu phoi-ngia̍k Kì ke ngìn”.).

和合本2010版歌罗西书3:7 当你们在这些事中活着的时候，你们的行为也曾是这样的。

现代客语汉字歌罗西书3:7你等头摆也识顺这兜慾望去生活，被它兜牵等走。

现代客语全罗歌罗西书3:7 Ngì-têu thèu-pái ya sṳt sun liá-têu yu̍k-mong hi sên-fa̍t, pûn kì-têu khiên-tén-chéu.

和合本2010版歌罗西书3:8 但现在你们要弃绝这一切的事，就是恼恨、愤怒、恶毒、毁谤和口中污秽的言语。

现代客语汉字歌罗西书3:8总係这下，你等爱弃绝这一切个事：毋好再有发阏、发谴，㧯怨恨；也做毋得讲譭谤㧯垃圾个话。

现代客语全罗歌罗西书3:8 Chúng-he liá-ha, ngì-têu oi hi-chhie̍t liá yit-chhiet ke sṳ: M̀-hó chai yû pot-at, fat-khién, lâu yen-hen; ya cho-m̀-tet kóng fí-pong lâu lá-sap ke fa.

和合本2010版歌罗西书3:9 不要彼此说谎，因为你们已经脱去旧人和旧人的行为，

现代客语汉字歌罗西书3:9毋好讲花撩骗来骗去，因为你等已经脱掉旧人㧯旧人个习惯，

现代客语全罗歌罗西书3:9 M̀-hó kóng fâ-liâu phien-lòi phien-hi, yîn-vi ngì-têu yí-kîn thot-thet khiu-ngìn lâu khiu-ngìn ke si̍p-koan,

和合本2010版歌罗西书3:10 穿上了新人，这新人照着造他的主的形像在知识上不断地更新。

现代客语汉字歌罗西书3:10着上新人。这新人係被创造佢个上帝照自家个形像紧换新，来完全认识上帝。

现代客语全罗歌罗西书3:10 chok-sông sîn-ngìn. Liá sîn-ngìn he pûn chhóng-chho kì ke Song-ti cheu chhṳ-kâ ke hìn-siong kín von-sîn, lòi vàn-chhiòn ngin-sṳt Song-ti.

和合本2010版歌罗西书3:11 在这事上并不分希腊人和犹太人，受割礼的和未受割礼的，未开化的人、西古提人、为奴的、自主的；惟独基督是一切，又在一切之内。

现代客语汉字歌罗西书3:11因为恁样，希腊人㧯犹太人就无分别；也无分么介有受割礼个、无受割礼个，野蛮个、吂开化个，做奴隶个、抑係自由人等等。总讲，基督就係一切，基督住在大家个底背。

现代客语全罗歌罗西书3:11 Yîn-vi án-ngiòng, Hî-lia̍p-ngìn lâu Yù-thai-ngìn chhiu mò fûn-phe̍t; ya mò fûn má-ke yû su-kot-lî ke, mò su-kot-lî ke, yâ-màn ke, màng khôi-fa ke, cho nù-li ke, ya-he chhṳ-yù-ngìn tén-tén. Chúng-kóng, Kî-tuk chhiu-he yit-chhiet, Kî-tuk he̍t chhai thai-kâ ke tî-poi.

和合本2010版歌罗西书3:12 所以，你们既是上帝的选民，圣洁、蒙爱的人，要穿上怜悯、恩慈、谦虚、温柔和忍耐。

现代客语汉字歌罗西书3:12上帝惜你等，拣选你等做佢圣洁个子民。所以，你等爱用怜悯、慈爱、谦卑、温柔，㧯忍耐做衫来着。

现代客语全罗歌罗西书3:12 Song-ti siak ngì-têu, kién-sién ngì-têu cho Kì sṳn-kiet ke chṳ́-mìn. Só-yî, ngì-têu oi yung lìn-mén, chhṳ̀-oi, khiâm-pî, vûn-yù, lâu ngiûn-nai cho-sâm lòi chok.

和合本2010版歌罗西书3:13 倘若这人与那人有嫌隙，总要彼此容忍，彼此饶恕；主( [ 3.13] 有古卷是「基督」。)怎样饶恕了你们，你们也要怎样饶恕人。

现代客语汉字歌罗西书3:13有纷争个时，爱彼此包容，互相原谅。主样般赦免你等，你等也爱样般赦免别人。

现代客语全罗歌罗西书3:13 Yû fûn-chên ke sṳ̀, oi pí-chhṳ́ pâu-yùng, fu-siông ngièn-liong. Chú ngióng-pân sa-miên ngì-têu, ngì-têu ya oi ngióng-pân sa-miên phe̍t-ngìn.

和合本2010版歌罗西书3:14 除此以外，还要穿上爱心，因为爱是贯通全德的。

现代客语汉字歌罗西书3:14这一切德行以外，还爱着上爱心；因为使全部连结成做完全个就係爱心。

现代客语全罗歌罗西书3:14 Liá yit-chhiet tet-hen yî-ngoi, hàn-oi chok-sông oi-sîm; yîn-vi sṳ́ chhiòn-phu lièn-kiet sàng-cho vàn-chhiòn ke chhiu-he oi-sîm.

和合本2010版歌罗西书3:15 你们要让基督所赐的和平在你们心裏作主，也为此蒙召，归为一体。你们还要存感谢的心。

现代客语汉字歌罗西书3:15基督所赐个和平爱在你等个心内做主；为到使你等有这个和平，上帝拣选你等，使你等合做一体。还有，你等爱心存感谢。

现代客语全罗歌罗西书3:15 Kî-tuk só-su ke fò-phìn oi chhai ngì-têu ke sîm-nui cho chú; vi-tó sṳ́ ngì-têu yû liá-ke fò-phìn, Song-ti kién-sién ngì-têu, sṳ́ ngì-têu kap-cho yit-thí. Hàn-yû, ngì-têu oi sîm-chhùn kám-chhia.

和合本2010版歌罗西书3:16 当用各样的智慧，把基督的道丰丰富富的存在心裏，用诗篇、讚美诗、灵歌，彼此教导，互相劝戒，以感恩的心歌颂上帝。

现代客语汉字歌罗西书3:16你等爱俾基督个真道丰丰富富住在你等个心内。爱用各样个智慧互相教导㧯劝话，用诗篇、圣诗、㧯属灵个诗歌，对心底发出感谢个声来颂讚上帝。

现代客语全罗歌罗西书3:16 Ngì-têu oi pûn Kî-tuk ke chṳ̂n-tho fûng-fûng fu-fu he̍t chhai ngì-têu ke sîm-nui. Oi yung kok-yong ke chṳ-fi fu-siông kau-thô lâu khien-va, yung sṳ̂-phiên, sṳn-sṳ̂, lâu su̍k-lìn ke sṳ̂-kô, tui sîm-tái fat-chhut kám-chhia ke sâng lòi siung-chan Song-ti.

和合本2010版歌罗西书3:17 你们无论做甚么，或说话或行事，都要奉主耶稣的名，藉着他感谢父上帝。 新生活的本分

现代客语汉字歌罗西书3:17无论做么介，讲么介，你等拢总爱奉主耶稣个名，通过佢感谢阿爸上帝。新个人际关係

现代客语全罗歌罗西书3:17 Mò-lun cho má-ke, kóng má-ke, ngì-têu lûng-chúng oi fung Chú Yâ-sû ke miàng, thûng-ko kì kám-chhia Â-pâ Song-ti. Sîn ke Ngìn-chi Koân-he

和合本2010版歌罗西书3:18 你们作妻子的，要顺服自己的丈夫，这在主裏面是合宜的。

现代客语汉字歌罗西书3:18做𡜵娘个，你等爱顺服老公；因为这係基督徒个本份。

现代客语全罗歌罗西书3:18 Cho pû-ngiòng ke, ngì-têu oi sun-fu̍k ló-kûng; yîn-vi liá he Kî-tuk-thù ke pún-fun.

和合本2010版歌罗西书3:19 你们作丈夫的，要爱你们的妻子，不可虐待她们。

现代客语汉字歌罗西书3:19做老公个，你等爱惜𡜵娘，毋好苦毒姖等。

现代客语全罗歌罗西书3:19 Cho ló-kûng ke, ngì-têu oi siak pû-ngiòng, m̀-hó khú-thu̍k kì-têu.

和合本2010版歌罗西书3:20 你们作儿女的，要凡事听从父母，因为这是主所喜悦的。

现代客语汉字歌罗西书3:20做子女个，你等爱凡事听从爷𡟓；因为这係主所欢喜个。

现代客语全罗歌罗西书3:20 Cho chṳ́-ńg ke, ngì-têu oi fàm-sṳ thâng-chhiùng yà-ôi; yîn-vi liá he Chú só fôn-hí ke.

和合本2010版歌罗西书3:21 你们作父亲的，不要惹儿女生气，恐怕他们会灰心。

现代客语汉字歌罗西书3:21做阿爸个，毋好刺伤你等个子女，免得佢等灰心失志。

现代客语全罗歌罗西书3:21 Cho â-pâ ke, m̀-hó chhiuk-sông ngì-têu ke chṳ́-ńg, miên-tet kì-têu fôi-sîm sṳt-chṳ.

和合本2010版歌罗西书3:22 你们作僕人的，要凡事听从你们肉身的主人，不要只在眼前服事，像是讨人喜欢的，总要心存诚实，因为你们敬畏主。

现代客语汉字歌罗西书3:22做奴僕个，你等爱凡事听从世间个主人。毋係爱做给主人看，来得到佢等个欢喜；爱因为你等係敬畏主个人，真心真意来做。

现代客语全罗歌罗西书3:22 Cho nù-phu̍k ke, ngì-têu oi fàm-sṳ thâng-chhiùng sṳ-kiên ke chú-ngìn. M̀-he oi cho pûn chú-ngìn khon, lòi tet-tó kì-têu ke fôn-hí; oi yîn-vi ngì-têu he kin-vi Chú ke ngìn, chṳ̂n-sîm chṳ̂n-yi lòi cho.

和合本2010版歌罗西书3:23 你们无论做甚么，都要从心裏做，像是为主做的，不是为人做的；

现代客语汉字歌罗西书3:23无论做么介，你等爱专心去做，像係为主做，毋係为人做。

现代客语全罗歌罗西书3:23 Mò-lun cho má-ke, ngì-têu oi chôn-sîm hi cho, chhiong he vi Chú cho, m̀-he vi ngìn cho.

和合本2010版歌罗西书3:24 因为你们知道，从主那裏必得着基业作为赏赐。你们要服侍的是主基督。

现代客语汉字歌罗西书3:24爱知，你等会得到主个奖赏，就係佢为佢个子民所保存个。你等服事个係主基督。

现代客语全罗歌罗西书3:24 Oi tî, ngì-têu voi tet-tó Chú ke chióng-sóng, chhiu-he kì vi kì ke chṳ́-mìn só pó-chhùn ke. Ngì-têu fu̍k-sṳ ke he Chú Kî-tuk.

和合本2010版歌罗西书3:25 行不义的人必受不义的报应；主并不偏待人。

现代客语汉字歌罗西书3:25做坏事个，无论佢係么人，一定会受报应，因为上帝係用共样个标準来对待每一个人。

现代客语全罗歌罗西书3:25 Cho fái-sṳ ke, mò-lun kì he má-ngìn, yit-thin voi su po-yin, yîn-vi Song-ti he yung khiung-yong ke phêu-chún lòi tui-thai mî-yit-ke ngìn.