撒母耳记下第4章客家话和合本对照

相关章：

快速到节：

书卷列表：

和合本2010版撒母耳记下4:1伊施‧波设被杀扫罗的儿子伊施‧波设听见押尼珥死在希伯仑，手就发软，全以色列也都惊惶。

现代客语汉字撒母耳记下4:1伊施波设被人㓾死扫罗个孻仔伊施波设听到押尼珥在希伯仑被人㓾死，就当惊；所有以色列人民也当着惊。

现代客语全罗撒母耳记下4:1Yî-sṳ̂-pô-sat Pûn-ngìn Chhṳ̀-sí Só-lò ke lai-é Yî-sṳ̂-pô-sat thâng-tó Ap-nì-ngí chhai Hî-pak-lùn pûn-ngìn chhṳ̀-sí, chhiu tông kiâng; só-yû Yî-set-lie̍t ngìn-mìn ya tông chho̍k-kiâng.

和合本2010版撒母耳记下4:2 扫罗的儿子伊施‧波设有两个军官，一个叫巴拿，第二个叫利甲，都是便雅悯支派比录人临门的儿子；因为比录也算是属于便雅悯的。

现代客语汉字撒母耳记下4:2伊施波设有两个军长—巴拿㧯利甲；佢等係便雅悯支族比录人临门个孻仔。(比录係便雅悯个一个地区。

现代客语全罗撒母耳记下4:2 Yî-sṳ̂-pô-sat yû lióng-ke kiûn-chóng — Pâ-nâ lâu Li-kap; kì-têu he Phien-ngâ-mén kî-chhu̍k Pí-liu̍k ngìn Lìm-mùn ke lai-é. (Pí-liu̍k he Phien-ngâ-mén ke yit-ke thi-khî.

和合本2010版撒母耳记下4:3 比录人先前逃到基他音，在那裏寄居，直到今日。

现代客语汉字撒母耳记下4:3以前住在比录个人已经逃到基他音去；佢等对该时起一直暂住在基他音。)

现代客语全罗撒母耳记下4:3 Yî-chhièn he̍t chhai Pí-liu̍k ke ngìn yí-kîn thò-to Kî-thâ-yîm hi; kì-têu tui ke-sṳ̀ hí yit-chhṳ̍t chhiam-he̍t chhai Kî-thâ-yîm.)

和合本2010版撒母耳记下4:4 扫罗的儿子约拿单有一个儿子，名叫米非波设( [ 4.4] 「米非波设」：代上8:34，9:40称「米力‧巴力」；七十士译本的一些抄本是「米非巴力」；本卷书下同。)，是瘸腿的。扫罗和约拿单的消息从耶斯列传来的时候，他才五岁。他的奶妈抱着他逃跑；因为跑得太急，孩子掉在地上，腿就瘸了。

现代客语汉字撒母耳记下4:4(扫罗个孻仔约拿单，佢有一个孻仔安到米非波设。扫罗㧯约拿单被人㓾死个时，佢正五岁。当佢等死掉个消息对耶斯列传来，佢个乳𡟓揇等佢逃走；因为乳𡟓忒紧张，却俾细人仔跌下来，佢就成做跛脚个。)

现代客语全罗撒母耳记下4:4 (Só-lò ke lai-é Yok-nâ-tân, kì yû yit-ke lai-é ôn-to Mí-fî-pô-sat. Só-lò lâu Yok-nâ-tân pûn-ngìn chhṳ̀-sí ke sṳ̀, kì chang ńg-se. Tông kì-têu sí-thet ke sêu-sit tui Yâ-sṳ̂-lie̍t chhòn-lòi, kì ke nen-ôi nám-tén kì thò-chéu; yîn-vi nen-ôi thet kín-chông, sa pûn se-ngìn-è tiet hâ-lòi, kì chhiu sàng-cho pâi-kiok ke.)

和合本2010版撒母耳记下4:5 比录人临门的两个儿子利甲和巴拿出去，天正热的时候到了伊施‧波设的家。那时，伊施‧波设在睡午觉。

现代客语汉字撒母耳记下4:5比录人临门个两个孻仔利甲㧯巴拿到伊施波设住个地方去，到该位个时，堵好係尽热个当昼头，伊施波设在睡当昼。

现代客语全罗撒母耳记下4:5 Pí-liu̍k ngìn Lìm-mùn ke lióng-ke lai-é Li-kap lâu Pâ-nâ to Yî-sṳ̂-pô-sat he̍t ke thi-fông hi, to ke-vi ke sṳ̀, tú-hó he chhin-ngie̍t ke tông-chu-thèu, Yî-sṳ̂-pô-sat chhai soi tông-chu.

和合本2010版撒母耳记下4:6 妇人进到房子中间，要取麦子。利甲和他的哥哥巴拿刺穿了伊施‧波设的肚腹，然后逃跑了。( [ 4.6] 本节七十士译本是「看哪，看门的妇人清理麦子，累了就睡着了。利甲和巴拿两兄弟就溜进去。」)

现代客语汉字撒母耳记下4:6掌门个妇人家因为簸麦仔当𤸁，就啄目睡。两兄弟利甲㧯巴拿就偷偷仔入去(34:6本节係根据一本古译本，希伯来文係「佢等入去房间，诈意爱拿麦仔，就刺穿佢个肚笥，然后利甲㧯佢个兄弟巴拿逃走了」。)。

现代客语全罗撒母耳记下4:6 Chóng-mùn ke fu-ngìn-kâ yîn-vi poi ma̍k-é tông khioi, chhiu tuk-muk-soi. Lióng hiûng-thi Li-kap lâu Pâ-nâ chhiu thêu-thêu-é ngi̍p-hi( 3 4:6 Pún-chiet he kîn-kí yit-pún kú yi̍t-pún, Hî-pak-lòi-vùn he “Kì-têu ngi̍p-hi fòng-kiên, cha-yi oi nâ ma̍k-é, chhiu chhiuk-chhôn kì ke tú-sṳ́, yèn-heu Li-kap lâu kì ke hiûng-thi Pâ-nâ thò-chéu lé”.).

和合本2010版撒母耳记下4:7 他们进到房子的时候，伊施‧波设正躺在卧房的床上，他们就把他杀死，割了他的首级，拿着首级在亚拉巴的路上走了一整夜。

现代客语汉字撒母耳记下4:7佢等入去以后，就到伊施波设个房间，伊施波设当好睡，佢等将佢㓾掉，然后将佢个头那剁下来，带等行一暗晡个路，经过约旦山坜。

现代客语全罗撒母耳记下4:7 Kì-têu ngi̍p-hi yî-heu, chhiu to Yî-sṳ̂-pô-sat ke fòng-kiên, Yî-sṳ̂-pô-sat tông hó-soi, kì-têu chiông kì chhṳ̀-thet, yèn-heu chiông kì ke thèu-nà to̍k hâ-lòi, tai-tén hàng yit am-pû ke lu, kîn-ko Yok-tan sân-lak.

和合本2010版撒母耳记下4:8 他们把伊施‧波设的首级拿到希伯仑大卫那裏，对王说：「王的仇敌扫罗曾寻索你的性命。看哪，这是他儿子伊施‧波设的首级；耶和华今日为我主我王在扫罗和他后裔身上报了仇。」

现代客语汉字撒母耳记下4:8佢等将伊施波设个头那带到希伯仑献给大卫王，对佢讲：「看啊，这係你个仇敌扫罗个孻仔伊施波设个头那。扫罗一直想㓾国王。今晡日上主在扫罗㧯佢个后代身上为吾主吾王报冤仇。」

现代客语全罗撒母耳记下4:8 Kì-têu chiông Yî-sṳ̂-pô-sat ke thèu-nà tai-to Hî-pak-lùn hien-pûn Thai-ví-vòng, tui kì kóng: “Khon â, liá he ngì ke sù-thi̍t Só-lò ke lai-é Yî-sṳ̂-pô-sat ke thèu-nà. Só-lò yit-chhṳ̍t sióng chhṳ̀ koet-vòng. Kîm-pû-ngit Song-chú chhai Só-lò lâu kì ke heu-thoi sṳ̂n-song vi ngâ chú ngâ vòng po yên-sù.”

和合本2010版撒母耳记下4:9 大卫回答比录人临门的儿子利甲和他哥哥巴拿说：「我指着救我性命脱离一切苦难、永生的耶和华起誓：

现代客语汉字撒母耳记下4:9大卫应利甲㧯巴拿，对佢等讲：「𠊎指等救𠊎离开所有危险个永生上主老实㧯你等讲：

现代客语全罗撒母耳记下4:9 Thai-ví en Li-kap lâu Pâ-nâ, tui kì-têu kóng: “Ngài chṳ́-tén kiu ngài lì-khôi só-yû ngùi-hiám ke yún-sên Song-chú ló-sṳ̍t lâu ngì-têu kóng:

和合本2010版撒母耳记下4:10 从前有人告诉我说：『看哪，扫罗死了。』他自以为报好消息，我就拿住他，把他杀在洗革拉，作为他报消息的赏赐。

现代客语汉字撒母耳记下4:10在洗革拉有人向𠊎报告扫罗死掉个消息，佢恅到带来好消息！𠊎就将佢捉起来㓾掉。这就係𠊎给报消息个人个奖赏！

现代客语全罗撒母耳记下4:10 Chhai Sé-kiet-lâ yû-ngìn hiong ngài po-ko Só-lò sí-thet ke sêu-sit, kì láu-tó tai-lòi hó sêu-sit! Ngài chhiu chiông kì chok hí-lòi chhṳ̀-thet. Liá chhiu-he ngài pûn po sêu-sit ke ngìn ke chióng-sóng!

和合本2010版撒母耳记下4:11 更何况恶人把义人杀在他家的床上，我岂不从你们手中追讨他的血，从地上除灭你们吗？」

现代客语汉字撒母耳记下4:11你这两个坏东西！你等将无辜个人㓾死在厥屋下、在自家个眠床顶，实在真该死！这下𠊎爱因为你等谋杀佢来报复你等，将你等对地上除灭！」

现代客语全罗撒母耳记下4:11 Ngì liá lióng-ke fái tûng-sî! Ngì-têu chiông vù-kû ke ngìn chhṳ̀-sí chhai kiâ vuk-hâ, chhai chhṳ-kâ ke mìn-chhòng táng, sṳ̍t-chhai chṳ̂n kôi-sí! Liá-ha ngài oi yîn-vi ngì-têu mèu-sat kì lòi po-fu̍k ngì-têu, chiông ngì-têu tui thi-song chhù-me̍t!”

和合本2010版撒母耳记下4:12 于是大卫吩咐僕人把他们杀了，砍断他们的手脚，挂在希伯仑的池旁。然后，他们把伊施‧波设的首级葬在希伯仑押尼珥的坟墓裏。

现代客语汉字撒母耳记下4:12所以，大卫命令佢个僕人，佢等就将利甲㧯巴拿㓾掉，并剁断佢等个手脚，将尸体挂在希伯仑个陂塘滣，然后将伊施波设个头那葬在希伯仑，在押尼珥个坟墓肚。

现代客语全罗撒母耳记下4:12 Só-yî, Thai-ví min-lin kì ke phu̍k-ngìn, kì-têu chhiu chiông Li-kap lâu Pâ-nâ chhṳ̀-thet, pin to̍k-thôn kì-têu ke sú-kiok, chiông sṳ̂-thí koa chhai Hî-pak-lùn ke pî-thòng sùn, yèn-heu chiông Yî-sṳ̂-pô-sat ke thèu-nà chong chhai Hî-pak-lùn, chhai Ap-nì-ngí ke fùn-mu tú.