撒母耳记下第16章客家话和合本对照

相关章：

快速到节：

书卷列表：

和合本2010版撒母耳记下16:1大卫和洗巴大卫刚过山顶，看哪，米非波设的僕人洗巴拉着装好鞍子的两匹驴，驴上驮着二百个麵饼，一百个葡萄饼，一百个夏天的果饼，一皮袋酒来迎接他。

现代客语汉字撒母耳记下16:1大卫㧯洗巴大卫正过山顶，忽然看到米非波设个僕人洗巴牵等两只驴仔，驴背顶载等两百只饼，一百串葡萄乾，一百只热天个水果㧯一皮袋酒来迎接佢。

现代客语全罗撒母耳记下16:1Thai-ví lâu Sé-pâ Thai-ví chang ko sân-táng, fut-yèn khon-tó Mí-fî-pô-sat ke phu̍k-ngìn Sé-pâ khiên-tén lióng-chak lì-è, lì-poi táng chai-tén lióng-pak chak piáng, yit-pak chhon phù-thò-kôn, yit-pak chak ngie̍t-thiên ke súi-kó lâu yit phì-thoi chiú lòi ngiàng-chiap kì.

和合本2010版撒母耳记下16:2 王对洗巴说：「你的这些东西是甚么意思呢？」洗巴说：「驴是给王的家眷骑的，麵饼和夏天的果饼是给年轻人吃的，酒是给在旷野疲乏的人喝的。」

现代客语汉字撒母耳记下16:2大卫王问洗巴：「你带这兜东西来做么介呢？」洗巴讲：「驴仔係给国王屋下个人骑个；饼㧯热天个水果係给跈你个人食个；酒係给佢等在旷野𤸁个时啉个。」

现代客语全罗撒母耳记下16:2 Thai-ví-vòng mun Sé-pâ: “Ngì tai liá-têu tûng-sî lòi cho-má-ke nè?”Sé-pâ kóng: “Lì-è he pûn koet-vòng vuk-hâ ke ngìn khì ke; piáng lâu ngie̍t-thiên ke súi-kó he pûn thèn ngì ke ngìn sṳ̍t ke; chiú he pûn kì-têu chhai khóng-yâ khioi ke sṳ̀ lîm ke.”

和合本2010版撒母耳记下16:3 王说：「你主人的儿子在哪裏呢？」洗巴对王说：「看哪，他留在耶路撒冷，因他说：『以色列家今日必将我父的国归还我。』」

现代客语汉字撒母耳记下16:3王问佢：「若主人扫罗个孙仔米非波设在㖠位？」洗巴应讲：「佢留在耶路撒冷，因为佢相信以色列人这下一定会将厥公扫罗个王国还给佢。」

现代客语全罗撒母耳记下16:3 Vòng mun kì: “Ngiâ chú-ngìn Só-lò ke sûn-é Mí-fî-pô-sat chhai nai-vi?”Sé-pâ en-kóng: “Kì liù chhai Yâ-lu-sat-lâng, yîn-vi kì siông-sin Yî-set-lie̍t-ngìn liá-ha yit-thin voi chiông kiâ-kûng Só-lò ke vòng-koet vàn-pûn kì.”

和合本2010版撒母耳记下16:4 王对洗巴说：「看哪，凡属米非波设的都是你的了。」洗巴说：「我叩拜我主我王，愿我在你眼前蒙恩宠。」 大卫和示每

现代客语汉字撒母耳记下16:4王对洗巴讲：「属米非波设所有个财产这下全部归给你了！」洗巴应讲：「吾主吾王，𠊎跪下感谢你个大恩。愿𠊎在你面前永远得到照顾！」

现代客语全罗撒母耳记下16:4 Vòng tui Sé-pâ kóng: “Su̍k Mí-fî-pô-sat só-yû ke chhòi-sán liá-ha chhiòn-phu kûi-pûn ngì lé!”Sé-pâ en-kóng: “Ngâ chú ngâ vòng, ngài khúi-hâ kám-chhia ngì ke thai-ên. Ngien ngài chhai ngì mien-chhièn yún-yén tet-tó cheu-ku!”

和合本2010版撒母耳记下16:5 大卫王到了巴户琳，看哪，有一个人从那裏出来，是扫罗家族中基拉的儿子，名叫示每。他一面走一面咒骂，

现代客语汉字撒母耳记下16:5大卫㧯示每大卫王到巴户琳个时，扫罗个一个亲属—基拉个孻仔示每出来见大卫；佢紧行紧咒骂大卫。

现代客语全罗撒母耳记下16:5Thai-ví lâu Sṳ-mî Thai-ví-vòng to Pâ-fu-lìm ke sṳ̀, Só-lò ke yit-ke chhîn-su̍k — Kî-lâ ke lai-é Sṳ-mî chhut-lòi kien Thai-ví; kì kín-hàng kín chu-ma Thai-ví.

和合本2010版撒母耳记下16:6 又向大卫王和王的众臣僕扔石头；众百姓和勇士都在王的左右。

现代客语汉字撒母耳记下16:6示每毋惊大卫有身边个勇士㧯侍卫个保护，拿石头㧹大卫王㧯佢个官员。

现代客语全罗撒母耳记下16:6 Sṳ-mî m̀-kiâng Thai-ví yû sṳ̂n-piên ke yúng-sṳ lâu sṳ-ví ke pó-fu, nâ sa̍k-thèu te̍p Thai-ví-vòng lâu kì ke kôn-yèn.

和合本2010版撒母耳记下16:7 示每这样咒骂说：「你这好流人血的，你这无赖，滚吧！滚吧！

现代客语汉字撒母耳记下16:7示每咒骂大卫讲：「出去！你这流人血个兇手出去！

现代客语全罗撒母耳记下16:7 Sṳ-mî chu-ma Thai-ví kóng: “Chhut-hi! Ngì liá liù ngìn-hiet ke hiûng-sú chhut-hi!

和合本2010版撒母耳记下16:8 你流了扫罗全家的血，接续他作王，耶和华把这罪归在你身上。耶和华将这国交在你儿子押沙龙的手中。看哪，你咎由自取，因为你是好流人血的人。」

现代客语汉字撒母耳记下16:8你抢扫罗个王国，这下上主爱因为你㓾扫罗个家族责罚你。上主已经将这王国交给若孻仔押沙龙了。你这兇手，你害到自家了！」

现代客语全罗撒母耳记下16:8 Ngì chhióng Só-lò ke vòng-koet, liá-ha Song-chú oi yîn-vi ngì chhṳ̀ Só-lò ke kâ-chhu̍k chit-fa̍t ngì. Song-chú yí-kîn chiông liá vòng-koet kâu-pûn ngiâ lai-é Ap-sâ-liùng lé. Ngì liá hiûng-sú, ngì hoi-tó chhṳ-kâ lé!”

和合本2010版撒母耳记下16:9 洗鲁雅的儿子亚比筛对王说：「这死狗为何咒骂我主我王呢？让我过去，割下他的头来。」

现代客语汉字撒母耳记下16:9洗璐雅个孻仔亚比筛对王讲：「吾主吾王，做么介俾这条死狗咒骂你呢？俾𠊎过去剁下佢个头来！」

现代客语全罗撒母耳记下16:9 Sé-lu-ngâ ke lai-é Â-pí-chhî tui vòng kóng: “Ngâ chú ngâ vòng, cho-má-ke pûn liá-thiàu sí-kiéu chu-ma ngì nè? Pûn ngài ko-hi to̍k-hâ kì ke thèu lòi!”

和合本2010版撒母耳记下16:10 王说：「洗鲁雅的儿子，我与你们有何相干呢？他这样咒骂是因耶和华吩咐他：『你要咒骂大卫。』如此，谁敢说：『你为甚么这样做呢？』」

现代客语汉字撒母耳记下16:10王对亚比筛㧯厥哥约押讲：「洗璐雅个孻仔啊，这㧯你等无关係！若係佢咒骂𠊎，係因为上主爱佢恁样做，么人有权利问佢，做么介爱恁样做呢？」

现代客语全罗撒母耳记下16:10 Vòng tui Â-pí-chhî lâu kiâ-kô Yok-ap kóng: “Sé-lu-ngâ ke lai-é â, liá lâu ngì-têu mò koân-he! Na-he kì chu-ma ngài, he yîn-vi Song-chú oi kì án-ngiòng cho, má-ngìn yû khièn-li mun kì, cho-má-ke oi án-ngiòng cho nè?”

和合本2010版撒母耳记下16:11 大卫又对亚比筛和众臣僕说：「看哪，我亲生的儿子尚且寻索我的性命，何况现在这便雅悯人呢？由他咒骂吧！因为这是耶和华吩咐他的。

现代客语汉字撒母耳记下16:11大卫又对亚比筛㧯所有个官员讲：「连𠊎自家个孻仔也爱㓾𠊎，这便雅悯人个行为有么介好奇怪？这係上主爱佢咒骂个；由在佢去骂！

现代客语全罗撒母耳记下16:11 Thai-ví yu tui Â-pí-chhî lâu só-yû ke kôn-yèn kóng: “Lièn ngài chhṳ-kâ ke lai-é ya oi chhṳ̀ ngài, liá Phien-ngâ-mén-ngìn ke hàng-vì yû má-ke hó khì-koai? Liá he Song-chú oi kì chu-ma ke; yù-chhai kì hi ma!

和合本2010版撒母耳记下16:12 或者耶和华见我遭难( [ 16.12] 「我遭难」是根据一些古卷、七十士译本和其他古译本；原文是「我的眼睛」或「我的罪孽」。)，因我今日被这人咒骂而向我施恩。」

现代客语汉字撒母耳记下16:12因为𠊎今晡日被人咒骂，可能上主会顾念𠊎个苦难(3116:12「顾念𠊎个苦难」係根据一兜古译本，希伯来文係「看到𠊎个邪恶」。)，施恩赐福给𠊎。」

现代客语全罗撒母耳记下16:12 Yîn-vi ngài kîm-pû-ngit pûn-ngìn chu-ma, khó-nèn Song-chú voi ku-ngiam ngài ke khú-nan( 31 16:12 “ku-ngiam ngài ke khú-nan” he kîn-kí yit-têu kú yi̍t-pún, Hî-pak-lòi-vùn he “khon-tó ngài ke sià-ok”.), sṳ̂-ên su-fuk pûn ngài.”

和合本2010版撒母耳记下16:13 于是大卫和他的人在路上走。示每走在大卫对面的山坡，一面走一面咒骂，又向他扔石头，扬起尘土。

现代客语汉字撒母耳记下16:13所以大卫㧯跈佢个人继续向前行。示每在大卫对面个山崎顶紧行紧咒骂，又拿石头㧯泥团㧹佢。

现代客语全罗撒母耳记下16:13 Só-yî Thai-ví lâu thèn kì ke ngìn ki-siu̍k hiong-chhièn hàng. Sṳ-mî chhai Thai-ví tui-mien ke sân-kia táng kín-hàng kín chu-ma, yu nâ sa̍k-thèu lâu nài-thòn te̍p kì.

和合本2010版撒母耳记下16:14 王和跟随他的众百姓来了，非常疲乏，就在那裏歇息。 押沙龙在耶路撒冷

现代客语汉字撒母耳记下16:14王㧯所有跈佢个人到约旦河(3216:14「约旦河」係根据一古译本，希伯来文无这兜字。)个时感觉尽𤸁，就在该位歇睏。押沙龙在耶路撒冷

现代客语全罗撒母耳记下16:14 Vòng lâu só-yû thèn kì ke ngìn to Yok-tan-hò( 32 16:14 “Yok-tan-hò” he kîn-kí yit kú yi̍t-pún, Hî-pak-lòi-vùn mò liá-têu sṳ.) ke sṳ̀ kám-kok chhin khioi, chhiu chhai ke-vi hiet-khun. Ap-sâ-liùng Chhai Yâ-lu-sat-lâng

和合本2010版撒母耳记下16:15 押沙龙和以色列众百姓来到耶路撒冷，亚希多弗也与他同来。

现代客语汉字撒母耳记下16:15押沙龙㧯跈佢个以色列人进入耶路撒冷；亚希多弗也㧯佢共下。

现代客语全罗撒母耳记下16:15 Ap-sâ-liùng lâu thèn kì ke Yî-set-lie̍t-ngìn chin-ngi̍p Yâ-lu-sat-lâng; Â-hî-tô-fut ya lâu kì khiung-ha.

和合本2010版撒母耳记下16:16 大卫的朋友亚基人户筛来到押沙龙那裏，对他说：「愿王万岁！愿王万岁！」

现代客语汉字撒母耳记下16:16大卫个朋友亚基人户筛去迎接押沙龙，喊等讲：「国王万岁！国王万岁！」

现代客语全罗撒母耳记下16:16 Thai-ví ke phèn-yû Â-kî-ngìn Fu-chhî hi ngiàng-chiap Ap-sâ-liùng, hêm-tén kóng: “Koet-vòng van-soi! Koet-vòng van-soi!”

和合本2010版撒母耳记下16:17 押沙龙对户筛说：「你这样做是忠诚对待你的朋友吗？为甚么不与你的朋友同去呢？」

现代客语汉字撒母耳记下16:17押沙龙问户筛：「你对你个朋友大卫个忠诚㖠位去了？你样般无跈佢走呢？」

现代客语全罗撒母耳记下16:17 Ap-sâ-liùng mun Fu-chhî: “Ngì tui ngì ke phèn-yû Thai-ví ke chûng-sṳ̀n nai-vi hi lé? Ngì ngióng-pân mò thèn kì chéu nè?”

和合本2010版撒母耳记下16:18 户筛对押沙龙说：「不，谁是耶和华和这百姓，以及以色列众人所拣选的，我必归顺他，留在他那裏。

现代客语汉字撒母耳记下16:18户筛应讲：「𠊎样般做得走呢？𠊎爱尽忠个係该被上主、这兜人㧯所有以色列人拣选出来个人，所以𠊎係属佢个，𠊎爱㧯佢共下。

现代客语全罗撒母耳记下16:18 Fu-chhî en-kóng: “Ngài ngióng-pân cho-tet chéu nè? Ngài oi chhin-chûng ke he ke pûn Song-chú, liá-têu ngìn lâu só-yû Yî-set-lie̍t-ngìn kién-sién chhut-lòi ke ngìn, só-yî ngài he su̍k kì ke, ngài oi lâu kì khiung-ha.

和合本2010版撒母耳记下16:19 再者，我当服事谁呢？岂不是前王的儿子吗？我怎样服事你父亲，也必照样服事你。」

现代客语汉字撒母耳记下16:19过讲，𠊎毋服事𠊎主人个孻仔还爱服事么人呢？𠊎样般服事若爸，这下𠊎爱照样服事你。」

现代客语全罗撒母耳记下16:19 Ko-kóng, ngài m̀ fu̍k-sṳ ngài chú-ngìn ke lai-é hàn oi fu̍k-sṳ má-ngìn nè? Ngài ngióng-pân fu̍k-sṳ ngiâ-pâ, liá-ha ngài oi cheu-yong fu̍k-sṳ ngì.”

和合本2010版撒母耳记下16:20 押沙龙对亚希多弗说：「你们出个主意，我们该怎么做？」

现代客语汉字撒母耳记下16:20押沙龙转身对亚希多弗讲：「你有么介建议？𠊎等应该样般做？」

现代客语全罗撒母耳记下16:20 Ap-sâ-liùng chón-sṳ̂n tui Â-hî-tô-fut kóng: “Ngì yû má-ke kien-ngi? Ngài-têu yin-kôi ngióng-pân cho?”

和合本2010版撒母耳记下16:21 亚希多弗对押沙龙说：「你父亲所留下看守宫殿的妃嫔，你可以与她们亲近。以色列众人听见你敢惹你父亲憎恶你，凡归顺你人的手就更坚强了。」

现代客语汉字撒母耳记下16:21亚希多弗对押沙龙讲：「你去㧯若爸留下来、该兜看守王宫个细姐共下睡。恁样，每一个以色列人会听到你变成若爸个仇敌；跈你个人就会大大坚强起来。」

现代客语全罗撒母耳记下16:21 Â-hî-tô-fut tui Ap-sâ-liùng kóng: “Ngì hi lâu ngiâ-pâ liù hâ-lòi, ke-têu khon-sú vòng-kiûng ke se-chiá khiung-ha soi. Án-ngiòng, mî-yit ke Yî-set-lie̍t-ngìn voi thâng-tó ngì pien-sṳ̀n ngiâ-pâ ke sù-thi̍t; thèn ngì ke ngìn chhiu voi thai-thai kiên-khiòng hí-lòi.”

和合本2010版撒母耳记下16:22 于是他们为押沙龙在屋顶上支搭帐棚，押沙龙就在以色列众人眼前，与他父亲的妃嫔亲近。

现代客语汉字撒母耳记下16:22所以佢等在王宫楼顶搭一座布篷给押沙龙。众人目金金看押沙龙入布篷，㧯厥爸该兜细姐共下睡。

现代客语全罗撒母耳记下16:22 Só-yî kì-têu chhai vòng-kiûng lèu-táng tap yit-chho pu-phùng pûn Ap-sâ-liùng. Chung-ngìn muk kîm-kîm khon Ap-sâ-liùng ngi̍p pu-phùng, lâu kiâ-pâ ke-têu se-chiá khiung-ha soi.

和合本2010版撒母耳记下16:23 那时亚希多弗所出的主意好像人从上帝求问得来的话一样；他给大卫，给押沙龙所出的一切主意，都是这样。

现代客语汉字撒母耳记下16:23在该时代，亚希多弗无论係为大卫抑係为押沙龙所出个主意，全部像係对上帝来个话。

现代客语全罗撒母耳记下16:23 Chhai ke sṳ̀-thoi, Â-hî-tô-fut mò-lun he vi Thai-ví ya-he vi Ap-sâ-liùng só-chhut ke chú-yi, chhiòn-phu chhiong he tui Song-ti lòi ke fa.