撒母耳记上第6章客家话和合本对照

相关章：

快速到节：

书卷列表：

和合本2010版撒母耳记上6:1送回约柜耶和华的约柜在非利士人之地七个月。

现代客语汉字撒母耳记上6:1送转约柜上主个约柜在非利士地区停留七个月以后，

现代客语全罗撒母耳记上6:1Sung-chón Yok-khui Song-chú ke yok-khui chhai Fî-li-sṳ thi-khî thìn-liù chhit-ke ngie̍t yî-heu,

和合本2010版撒母耳记上6:2 非利士人召了祭司和占卜的来，说：「我们向耶和华的约柜应当怎样做呢？请指示我们要用甚么方法把约柜送回原处。」

现代客语汉字撒母耳记上6:2非利士人请祭司㧯卜卦个来，问佢等：「𠊎等应该样般来处理上主个约柜？指示𠊎等爱样般将约柜送转原来个地方。」

现代客语全罗撒母耳记上6:2 Fî-li-sṳ-ngìn chhiáng chi-sṳ̂ lâu puk-koa ke lòi, mun kì-têu: “Ngài-têu yin-kôi ngióng-pân lòi chhú-lî Song-chú ke yok-khui? Chṳ́-sṳ ngài-têu oi ngióng-pân chiông yok-khui sung-chón ngièn-lòi ke thi-fông.”

和合本2010版撒母耳记上6:3 他们说：「若要将以色列上帝的约柜送回去，不可空手送回，一定要给他献赔罪的礼物，然后你们才可以得痊癒，并且知道他的手为何不离开你们。」

现代客语汉字撒母耳记上6:3佢等应讲：「若係你等爱将以色列上帝个约柜送转去，应当向佢献赎罪个礼物赔罪，做毋得单单将约柜送转去。恁样，你等个病就会得到医治，正会知做么介上帝一直责罚你等。」

现代客语全罗撒母耳记上6:3 Kì-têu en-kóng: “Na-he ngì-têu oi chiông Yî-set-lie̍t Song-ti ke yok-khui sung chón-hi, yin-tông hiong Kì hien su̍k-chhui ke lî-vu̍t phòi-chhui, cho-m̀-tet tân-tân chiông yok-khui sung chón-hi. Án-ngiòng, ngì-têu ke phiang chhiu voi tet-tó yî-chhṳ, chang voi tî cho-má-ke Song-ti yit-chhṳ̍t chit-fa̍t ngì-têu.”

和合本2010版撒母耳记上6:4 非利士人说：「应当用甚么献为赔罪的礼物呢？」他们说：「当按照非利士领袖的数目，献五个金痔疮和五个金老鼠，因为你们众人和领袖所遭遇的都是一样的灾祸。

现代客语汉字撒母耳记上6:4非利士人问：「𠊎等爱送么介赎罪个礼物呢？」佢等应讲：「用金仔做五只粒仔(126:4「粒仔」抑係译做「痔仔」，看5:6。)㧯五只老鼠。逐只金粒仔㧯金老鼠代表一个非利士领袖，因为共样个灾难发生在你等㧯你等领袖个身上。

现代客语全罗撒母耳记上6:4 Fî-li-sṳ-ngìn mun: “Ngài-têu oi sung má-ke su̍k-chhui ke lî-vu̍t nè?”Kì-têu en-kóng: “Yung kîm-é cho ńg-chak lia̍p-é( 12 6:4 “lia̍p-é” ya-he yi̍t-cho “chhṳ-é”, khon 5:6.) lâu ńg-chak ló-chhú. Tak-chak kîm lia̍p-é lâu kîm ló-chhú thoi-péu yit-ke Fî-li-sṳ liâng-chhiu, yîn-vi khiung-yong ke châi-nan fat-sên chhai ngì-têu lâu ngì-têu liâng-chhiu ke sṳ̂n-song.

和合本2010版撒母耳记上6:5 当製造你们痔疮的像和毁坏田地老鼠的像，并要将荣耀归给以色列的上帝，或者他向你们和你们的神明，以及你们的田地，把手放轻些。

现代客语汉字撒母耳记上6:5你等一定爱做毒粒仔个形像㧯毁坏你等田地老鼠个形像，向以色列个上帝承认你等个罪。恁样，无一定佢就毋会继续责罚你等㧯你等个神明、还有你等个土地。

现代客语全罗撒母耳记上6:5 Ngì-têu yit-thin oi cho thu̍k lia̍p-é ke hìn-siong lâu fí-fái ngì-têu thièn-thi ló-chhú ke hìn-siong, hiong Yî-set-lie̍t ke Song-ti sṳ̀n-ngin ngì-têu ke chhui. Án-ngiòng, mò yit-thin Kì chhiu m̀-voi ki-siu̍k chit-fa̍t ngì-têu lâu ngì-têu ke sṳ̀n-mìn, hàn-yû ngì-têu ke thú-thi.

和合本2010版撒母耳记上6:6 你们为何硬着心，像埃及人和法老硬着心一样呢？上帝岂不是严厉对付埃及，使埃及人释放以色列人，他们就走了吗？

现代客语汉字撒母耳记上6:6你等何么死苦像埃及王㧯埃及人恁硬颈？佢等被上帝㩢到无葛无煞，敢毋係乖乖放以色列人离开埃及？

现代客语全罗撒母耳记上6:6 Ngì-têu hò má sí-khú chhiong Âi-khi̍p-vòng lâu Âi-khi̍p-ngìn án ngang-kiáng? Kì-têu pûn Song-ti met-to mò-kat mò-sat, kám m̀-he koâi-koâi piong Yî-set-lie̍t-ngìn lì-khôi Âi-khi̍p?

和合本2010版撒母耳记上6:7 现在你们应当造一辆新车，把两头未曾负轭，还在哺乳的母牛套在车上，赶牛犊离开母牛，回家去。

现代客语汉字撒母耳记上6:7所以，你等爱预备一辆新车㧯两只从来吂识挂过轭有乳个牛乸，将牛乸牵到车仔头前，牛轭挂在牛乸个颈筋，还爱将牠兜个细牛仔逐转牛栏。

现代客语全罗撒母耳记上6:7 Só-yî, ngì-têu oi yi-phi yit-liòng sîn-chhâ lâu lióng-chak chhiùng-lòi màng-sṳt koa-ko ak yû-nen ke ngiù-mà, chiông ngiù-mà khiên-to chhâ-é thèu-chhièn, ngiù-ak koa chhai ngiù-mà ke kiáng-kîn, hàn-oi chiông kì-têu ke se ngiù-è kiuk-chón ngiù-làn.

和合本2010版撒母耳记上6:8 你们要把耶和华的约柜放在车上，把所献赔罪的金器装在匣子裏，放在柜旁，送走柜子，让它去。

现代客语汉字撒母耳记上6:8爱将上主个约柜放在车顶，堘头另外放一个箱仔，底背装该兜金仔个形像，就係你等赎罪个礼物，然后由在牛拉等车仔行。

现代客语全罗撒母耳记上6:8 Oi chiông Song-chú ke yok-khui piong chhai chhâ-táng, sùn-thèu nang-ngoi piong yit-ke siông-é, tî-poi chông ke-têu kîm-é ke hìn-siong, chhiu-he ngì-têu su̍k-chhui ke lî-vu̍t, yèn-heu yù-chhai ngiù lâi-tén chhâ-é hàng.

和合本2010版撒母耳记上6:9 你们要观察：车若直行过以色列的边界，上到伯‧示麦去，这大灾祸就是耶和华降在我们身上的；若不然，我们就知道，这不是他的手击打我们，而是我们偶然遭遇的。」

现代客语汉字撒母耳记上6:9你等爱注意车仔行个方向：若係它向伯‧示麦行，这灾祸就係以色列个上帝降给𠊎等个；若係无向该地方行，𠊎等就知上帝无降灾，这灾祸係毋堵好堵到个。」

现代客语全罗撒母耳记上6:9 Ngì-têu oi chu-yi chhâ-é hàng ke fông-hiong: Na-he kì hiong Pak-Sṳ-ma̍k hàng, liá châi-fo chhiu-he Yî-set-lie̍t ke Song-ti kong-pûn ngài-têu ke; na-he mò hiong ke thi-fông hàng, ngài-têu chhiu tî Song-ti mò kong-châi, liá châi-fo he m̀ tú-hó tù-tó ke.”

和合本2010版撒母耳记上6:10 非利士人就照样做了。他们取了两头哺乳的母牛套在车上，把牛犊关在家裏，

现代客语汉字撒母耳记上6:10非利士人照佢等讲个去做。佢等将两只有乳个牛乸落在车仔头前，将细牛仔关在牛栏肚，

现代客语全罗撒母耳记上6:10 Fî-li-sṳ-ngìn cheu kì-têu kóng ke hi-cho. Kì-têu chiông lióng-chak yû-nen ke ngiù-mà lap chhai chhâ-é thèu-chhièn, chiông se ngiù-è koân chhai ngiù-làn tú,

和合本2010版撒母耳记上6:11 把耶和华的约柜和装金老鼠以及金痔疮像的匣子都放在车上。

现代客语汉字撒母耳记上6:11将上主个约柜放在车顶，还有该装金老鼠㧯金粒仔个箱仔也放在车顶。

现代客语全罗撒母耳记上6:11 chiông Song-chú ke yok-khui piong chhai chhâ-táng, hàn-yû ke chông kîm ló-chhú lâu kîm lia̍p-é ke siông-é ya piong chhai chhâ-táng.

和合本2010版撒母耳记上6:12 牛直行大路，在往伯‧示麦的一条大道上，一面走一面叫，不偏左右。非利士的领袖跟在后面，直到伯‧示麦的地界。

现代客语汉字撒母耳记上6:12牛乸在向伯‧示麦个路上，毋偏左抑毋偏右直直去；牠兜紧行紧噭。五个非利士人个领袖跈等牠兜，直到伯‧示麦个边界。

现代客语全罗撒母耳记上6:12 Ngiù-mà chhai hiong Pak-Sṳ-ma̍k ke lu-song, m̀ phiên-chó ya m̀ phiên-yu chhṳ̍t-chhṳ̍t hi; kì-têu kín-hàng kín-kieu. Ńg-ke Fî-li-sṳ-ngìn ke liâng-chhiu thèn-tén kì-têu, chhṳ̍t-to Pak-Sṳ-ma̍k ke piên-kie.

和合本2010版撒母耳记上6:13 那时，伯‧示麦人正在平原收割麦子，举目看见约柜，就欢欢喜喜地迎见它。

现代客语汉字撒母耳记上6:13伯‧示麦人民在山坜割麦仔；佢等头那一擎起来，看到约柜，大家就非常欢喜。

现代客语全罗撒母耳记上6:13 Pak-Sṳ-ma̍k ngìn-mìn chhai sân-lak kot ma̍k-é; kì-têu thèu-nà yit khià hí-lòi, khon-tó yok-khui, thai-kâ chhiu fî-sòng fôn-hí.

和合本2010版撒母耳记上6:14 车到了伯‧示麦人约书亚的田间，就在那裏停了。在那裏有一块大磐石，他们把车的木头劈了，把两头母牛献给耶和华为燔祭。

现代客语汉字撒母耳记上6:14车仔来到伯‧示麦人约书亚个田肚，停在一垤大石头堘头。人民将车仔劈掉，将两只牛乸㓾掉做烧化祭献给上主。

现代客语全罗撒母耳记上6:14 Chhâ-é lòi-to Pak-Sṳ-ma̍k-ngìn Yok-sû-â ke thièn-tú, thìn chhai yit-te thai sa̍k-thèu sùn-thèu. Ngìn-mìn chiông chhâ-é phiak-thet, chiông lióng-chak ngiù-mà chhṳ̀-thet cho sêu-fa-chi hien-pûn Song-chú.

和合本2010版撒母耳记上6:15 利未人将耶和华的约柜和柜子旁边装金器的匣子拿下来，放在大磐石上。当日伯‧示麦人献上燔祭，又献其他祭物给耶和华。

现代客语汉字撒母耳记上6:15利未人将上主个约柜㧯装金仔个形像个箱仔扛下来，放在大石头顶。该日，伯‧示麦人民向上主献烧化祭㧯其他牲仪。

现代客语全罗撒母耳记上6:15 Li-vi-ngìn chiông Song-chú ke yok-khui lâu chông kîm-é ke hìn-siong ke siông-é kông hâ-lòi, piong chhai thai sa̍k-thèu táng. Ke-ngit, Pak-Sṳ-ma̍k ngìn-mìn hiong Song-chú hien sêu-fa-chi lâu khì-thâ sên-ngì.

和合本2010版撒母耳记上6:16 非利士人的五个领袖看见了，当日就回以革伦去。

现代客语汉字撒母耳记上6:16五个非利士人个领袖看到佢等所做个事，该日就转以革伦去了。

现代客语全罗撒母耳记上6:16 Ńg-ke Fî-li-sṳ-ngìn ke liâng-chhiu khon-tó kì-têu só-cho ke sṳ, ke-ngit chhiu chón Yî-kiet-lùn hi lé.

和合本2010版撒母耳记上6:17 非利士人献给耶和华作赔罪的金痔疮像如下：一个为亚实突，一个为迦萨，一个为亚实基伦，一个为迦特，一个为以革伦。

现代客语汉字撒母耳记上6:17非利士人献五只金粒仔给上主做赎罪个礼物：一个为亚实突、一个为迦萨、一个为亚实基伦、一个为迦特、一个为以革伦。

现代客语全罗撒母耳记上6:17 Fî-li-sṳ-ngìn hien ńg-chak kîm lia̍p-é pûn Song-chú cho su̍k-chhui ke lî-vu̍t: Yit-ke vi Â-sṳ̍t-thut, yit-ke vi Kâ-sat, yit-ke vi Â-sṳ̍t-kî-lùn, yit-ke vi Kâ-thi̍t, yit-ke vi Yî-kiet-lùn.

和合本2010版撒母耳记上6:18 金老鼠的数目是按照非利士五个领袖的城镇，就是坚固的城镇和乡村，以及大磐石。这磐石是安放耶和华约柜的，到今日还在伯‧示麦人约书亚的田间。 约柜在基列‧耶琳

现代客语汉字撒母耳记上6:18佢等也献金老鼠，逐只係为各非利士领袖管辖个城镇，包含防卫个城镇㧯无围墙个村庄。伯‧示麦人约书亚田肚该垤大石头，就係佢等放上主约柜该垤大石头，到这下还留在该位，做发生这事个证据。约柜在基列‧耶琳城

现代客语全罗撒母耳记上6:18 Kì-têu ya hien kîm ló-chhú, tak-chak he vi kok Fî-li-sṳ liâng-chhiu kón-hot ke sàng-chṳ́n, pâu-hàm fòng-ví ke sàng-chṳ́n lâu mò vì-chhiòng ke chhûn-chông. Pak-Sṳ-ma̍k-ngìn Yok-sû-â thièn-tú ke-te thai sa̍k-thèu, chhiu-he kì-têu piong Song-chú yok-khui ke-te thai sa̍k-thèu, to liá-ha hàn liù chhai ke-vi, cho fat-sên liá-sṳ ke chṳn-kí. Yok-khui chhai Kî-lie̍t-Yâ-lìm-sàng

和合本2010版撒母耳记上6:19 耶和华击杀伯‧示麦人，因为他们观看他的约柜。他击杀了百姓七十人( [ 6.19] 「七十人」是根据一些古卷；原文是「七十人，五万人」，可能指「七十人加五万人」或「五万人中的七十人」。) ( [ 6.19] 「耶和华…七十人」：七十士译本是「主击杀耶哥尼雅的子孙七十人，因为他们没有和伯‧示麦人欢欢喜喜地迎见约柜」。)。百姓因耶和华大大击杀他们，就哀哭了。

现代客语汉字撒母耳记上6:19上主㓾掉七十(136:19「七十」大部份个希伯来文古卷㧯古译本係「五万空七十」。)个伯‧示麦人，因为佢等偷看约柜个底背。人民因为上主在佢等当中㓾掉恁多人就尽伤心。

现代客语全罗撒母耳记上6:19 Song-chú chhṳ̀-thet chhit-sṳ̍p( 13 6:19 “chhit-sṳ̍p” thai-phu-fun ke Hî-pak-lòi-vùn kú-kién lâu kú yi̍t-pún he “ńg-van khung chhit-sṳ̍p”.) ke Pak-Sṳ-ma̍k-ngìn, yîn-vi kì-têu thêu-khon yok-khui ke tî-poi. Ngìn-mìn yîn-vi Song-chú chhai kì-têu tông-chûng chhṳ̀-thet án-tô ngìn chhiu chhin sông-sîm.

和合本2010版撒母耳记上6:20 伯‧示麦人说：「谁能在耶和华这位圣洁的上帝面前侍立呢？这约柜可以从我们这裏上到谁那裏去呢？」

现代客语汉字撒母耳记上6:20伯‧示麦人讲：「在上主这位神圣个上帝面前，么人企得住呢？𠊎等做得将约柜送到㖠位去、使它离开𠊎等呢？」

现代客语全罗撒母耳记上6:20 Pak-Sṳ-ma̍k-ngìn kóng: “Chhai Song-chú liá-vi sṳ̀n-sṳn ke Song-ti mien-chhièn, má-ngìn khî tet-he̍t nè? Ngài-têu cho-tet chiông yok-khui sung to nai-vi hi, sṳ́ kì lì-khôi ngài-têu nè?”

和合本2010版撒母耳记上6:21 于是他们派使者到基列‧耶琳的居民那裏，说：「非利士人将耶和华的约柜送回来了，你们下来将约柜接了，上到你们那裏去吧！」

现代客语汉字撒母耳记上6:21佢等派人去对基列‧耶琳城个人讲：「非利士人将上主个约柜送转来了；请将约柜接到你等该位去！」

现代客语全罗撒母耳记上6:21 Kì-têu phai-ngìn hi tui Kî-lie̍t-Yâ-lìm-sàng ke ngìn kóng: “Fî-li-sṳ-ngìn chiông Song-chú ke yok-khui sung chón-lòi lé; chhiáng chiông yok-khui chiap-to ngì-têu ke-vi hi!”