撒母耳记上第30章客家话和合本对照

相关章：

快速到节：

书卷列表：

和合本2010版撒母耳记上30:1与亚玛力人争战第三日，大卫和他的人到了洗革拉。亚玛力人已经侵夺尼革夫和洗革拉。他们攻破洗革拉，用火焚烧。

现代客语汉字撒母耳记上30:1大卫㧯亚玛力人相㓾两日后，大卫带佢个部下转到洗革拉。亚玛力人已经侵犯犹大南片，进攻洗革拉。佢等烧掉城市，

现代客语全罗撒母耳记上30:1Thai-ví lâu Â-mâ-li̍t-ngìn Siông-chhṳ̀ Lióng ngit-heu, Thai-ví tai kì ke phu-ha chón-to Sé-kiet-lâ. Â-mâ-li̍t-ngìn yí-kîn chhîm-fam Yù-thai nàm-phién, chin-kûng Sé-kiet-lâ. Kì-têu sêu-thet sàng-sṳ,

和合本2010版撒母耳记上30:2 他们掳去城内的妇女和城中的大小人口，一个都没有杀，全都带走，他们就上路去了。

现代客语汉字撒母耳记上30:2将所有个妇女，还有城肚所有个人，无论大细全部捉走，总係无㓾掉。

现代客语全罗撒母耳记上30:2 chiông só-yû ke fu-ńg, hàn-yû sàng-tú só-yû ke ngìn, mò-lun thai-se chhiòn-phu chok-chéu, chúng-he mò chhṳ̀-thet.

和合本2010版撒母耳记上30:3 大卫和他的人到了那城，看哪，城已被火烧燬，他们的妻子儿女都被掳去了。

现代客语汉字撒母耳记上30:3大卫㧯佢个部下一到，发现城已经烧掉，佢等个𡜵娘子女全部被人捉走，

现代客语全罗撒母耳记上30:3 Thai-ví lâu kì ke phu-ha yit to, fat-hien sàng yí-kîn sêu-thet, kì-têu ke pû-ngiòng chṳ́-ńg chhiòn-phu pûn-ngìn chok-chéu,

和合本2010版撒母耳记上30:4 大卫和跟随他的百姓就放声大哭，直到没有气力再哭。

现代客语汉字撒母耳记上30:4就大声尽噭，噭到无气力。

现代客语全罗撒母耳记上30:4 chhiu thai-sâng chhin kieu, kieu-to mò hi-li̍t.

和合本2010版撒母耳记上30:5 大卫的两个妻子，耶斯列人亚希暖和作过拿八妻子的迦密人亚比该，也被掳去了。

现代客语汉字撒母耳记上30:5大卫个两个𡜵娘—耶斯列人亚希暖㧯拿霸个寡妇迦密人爱比该，也被人捉走。

现代客语全罗撒母耳记上30:5 Thai-ví ke lióng-ke pû-ngiòng — Yâ-sṳ̂-lie̍t-ngìn Â-hî-nôn lâu Nâ-pa ke koá-fu Kâ-me̍t-ngìn Oi-pí-kâi, ya pûn-ngìn chok-chéu.

和合本2010版撒母耳记上30:6 大卫非常焦急，因为众百姓为自己的儿女痛心，说要用石头打死他。大卫却倚靠耶和华－他的上帝，坚定自己。

现代客语汉字撒母耳记上30:6大卫个心情非常着急，因为佢个部下为子女尽艰苦，就讲爱用石头打死佢；总係大卫倚靠上主—佢个上帝，心肝就刚强。

现代客语全罗撒母耳记上30:6 Thai-ví ke sîm-chhìn fî-sòng chho̍k-kip, yîn-vi kì ke phu-ha vi chṳ́-ńg chhin kân-khú, chhiu kóng oi yung sa̍k-thèu tá-sí kì; chúng-he Thai-ví yí-kho Song-chú — kì ke Song-ti, sîm-kôn chhiu kông-khiòng.

和合本2010版撒母耳记上30:7 大卫对亚希米勒的儿子亚比亚他祭司说：「请你把以弗得拿来给我。」亚比亚他就把以弗得拿给大卫。

现代客语汉字撒母耳记上30:7大卫对亚希米勒个孻仔祭司亚比亚他讲：「将以弗得带到这位来！」亚比亚他就照佢个吩咐去做。

现代客语全罗撒母耳记上30:7 Thai-ví tui Â-hî-mí-le̍t ke lai-é chi-sṳ̂ Â-pí-â-thâ kóng: “Chiông yî-fut-tet tai-to liá-vi lòi!” Â-pí-â-thâ chhiu cheu kì ke fûn-fu hi-cho.

和合本2010版撒母耳记上30:8 大卫求问耶和华说：「我追赶这羣人，是否追得上呢？」耶和华对他说：「你可以追，一定追得上，也一定救得回来。」

现代客语汉字撒母耳记上30:8大卫求问上主，讲：「𠊎应该去追该兜侵犯个人么？𠊎能逐到佢等么？」上主应讲：「你去追。你一定逐得到，也会救转你个人。」

现代客语全罗撒母耳记上30:8 Thai-ví khiù-mun Song-chú, kóng: “Ngài yin-kôi hi tûi ke-têu chhîm-fam ke ngìn mò? Ngài nèn kiuk-tó kì-têu mò?”Song-chú en-kóng: “Ngì hi tûi. Ngì yit-thin kiuk tet-tó, ya voi kiu-chón ngì ke ngìn.”

和合本2010版撒母耳记上30:9 于是，大卫出发，他和跟随他的六百人来到比梭溪，那些不能前去的就留在那裏。

现代客语汉字撒母耳记上30:9所以，大卫㧯佢个部下六百人出发去到比梭溪；有一部份人留在该位。

现代客语全罗撒母耳记上30:9 Só-yî, Thai-ví lâu kì ke phu-ha liuk-pak ngìn chhut-fat hi to Pí-sô-hâi; yû yit phu-fun ngìn liù chhai ke-vi.

和合本2010版撒母耳记上30:10 大卫带着四百人往前追赶；有二百人疲乏，不能过比梭溪，留在那裏。

现代客语汉字撒母耳记上30:10大卫带等四百人继续追等去，其他两百人因为当𤸁、当痶，无法度过比梭溪，就留在后背。

现代客语全罗撒母耳记上30:10 Thai-ví tai-tén si-pak ngìn ki-siu̍k tûi-tén hi, khì-thâ lióng-pak ngìn yîn-vi tông-khioi, tông-thiám, mò fap-thu ko Pí-sô-hâi, chhiu liù chhai heu-poi.

和合本2010版撒母耳记上30:11 这四百人在田野遇见一个埃及人，就带他到大卫面前，给他饼吃，给他水喝，

现代客语汉字撒母耳记上30:11大卫个部下在野地发现一个埃及个细孻仔，就带佢去见大卫。佢等给佢食物㧯水，

现代客语全罗撒母耳记上30:11 Thai-ví ke phu-ha chhai yâ-thi fat-hien yit-ke Âi-khi̍p ke se-lai-é, chhiu tai kì hi kien Thai-ví. Kì-têu pûn kì sṳ̍t-vu̍t lâu súi,

和合本2010版撒母耳记上30:12 又给他一块无花果饼，两个葡萄乾饼。他吃了，精神就恢复了，因为他三日三夜没有吃饼，没有喝水。

现代客语汉字撒母耳记上30:12也给佢一些仔无花果饼㧯两垤葡萄饼。佢食掉以后，就恢复元气；因为佢已经三日三夜无食、无啉。

现代客语全罗撒母耳记上30:12 ya pûn kì yit-si̍t-é vù-fâ-kó piáng lâu lióng-te phù-thò-piáng. Kì sṳ̍t-thet yî-heu, chhiu fî-fu̍k ngièn-hi; yîn-vi kì yí-kîn sâm-ngit sâm-ya mò-sṳ̍t, mò-lîm.

和合本2010版撒母耳记上30:13 大卫对他说：「你是谁的人？你从哪裏来？」他说：「我是埃及的青年，是亚玛力人的奴僕。因为我三天前生病，我主人就把我撇弃了。

现代客语汉字撒母耳记上30:13大卫问佢：「你个主人係么人？你对㖠位来？」佢应讲：「𠊎係埃及人，係亚玛力人个奴才。因为𠊎三日前发病仔，主人就将𠊎豁在这位。

现代客语全罗撒母耳记上30:13 Thai-ví mun kì: “Ngì ke chú-ngìn he má-ngìn? Ngì tui nai-vi lòi?”Kì en-kóng: “Ngài he Âi-khi̍p-ngìn, he Â-mâ-li̍t-ngìn ke nù-chhòi. Yîn-vi ngài sâm-ngit chhièn pot phiang-é, chú-ngìn chhiu chiông ngài vok chhai liá-vi.

和合本2010版撒母耳记上30:14 我们侵夺了基利提的南方和属犹大的地，以及迦勒地的南方，又用火烧了洗革拉。」

现代客语汉字撒母耳记上30:14𠊎等侵犯犹大南部基利提个土地㧯迦勒族个土地；𠊎等也将洗革拉城烧掉。」

现代客语全罗撒母耳记上30:14 Ngài-têu chhîm-fam Yù-thai nàm-phu Kî-li-thì ke thú-thi lâu Kâ-le̍t-chhu̍k ke thú-thi; ngài-têu ya chiông Sé-kiet-lâ-sàng sêu-thet.”

和合本2010版撒母耳记上30:15 大卫对他说：「你肯领我们下到那羣人那裏吗？」他说：「你要向我指着上帝起誓，你不杀我，也不把我交在我主人手裏，我就领你下到那羣人那裏。」

现代客语汉字撒母耳记上30:15大卫问佢：「你愿意带𠊎去逐该兜侵略个亚玛力人么？」佢讲：「若係你指等上帝个名答应毋㓾𠊎，也毋将𠊎交给𠊎个主人，𠊎愿意带你去。」

现代客语全罗撒母耳记上30:15 Thai-ví mun kì: “Ngì ngien-yi tai ngài hi kiuk ke-têu chhîm-lio̍k ke Â-mâ-li̍t-ngìn mò?”Kì kóng: “Na-he ngì chṳ́-tén Song-ti ke miàng tap-yin m̀ chhṳ̀ ngài, ya m̀ chiông ngài kâu-pûn ngài ke chú-ngìn, ngài ngien-yi tai ngì hi.”

和合本2010版撒母耳记上30:16 那人领大卫下去，看哪，他们分散在全地面，吃喝跳舞，因为他们从非利士人的地和犹大地掳来的财物非常多。

现代客语汉字撒母耳记上30:16就恁样，佢带等大卫去逐佢等。该兜侵略个亚玛力人分散到满遍係，又食又啉，当欢喜庆祝，因为佢等对非利士㧯犹大抢来个财物当多。

现代客语全罗撒母耳记上30:16 Chhiu án-ngiòng, kì tai-tén Thai-ví hi kiuk kì-têu.Ke-têu chhîm-lio̍k ke Â-mâ-li̍t-ngìn fûn-san to mân-phien he, yu sṳ̍t yu lîm, tông fôn-hí khin-chuk, yîn-vi kì-têu tui Fî-li-sṳ lâu Yù-thai chhióng-lòi ke chhòi-vu̍t tông-tô.

和合本2010版撒母耳记上30:17 大卫击杀他们，从黎明直到次日晚上，除了四百个骑骆驼逃走的青年之外，一个也没有逃脱。

现代客语汉字撒母耳记上30:17第二日打早，大卫攻打佢等，一直打到临暗仔；敌人除了四百个骑骆驼个后生人以外，无一个走掉。

现代客语全罗撒母耳记上30:17 Thi-ngi ngit tá-chó, Thai-ví kûng-tá kì-têu, yit-chhṳ̍t tá-tó lìm-am-é; thi̍t-ngìn chhù-liáu si-pak ke khì lo̍k-thò ke heu-sâng ngìn yî-ngoi, mò yit-ke chéu-thet.

和合本2010版撒母耳记上30:18 亚玛力人所掳去的财物，大卫全都夺回，并救回他的两个妻子。

现代客语汉字撒母耳记上30:18大卫救转亚玛力人抢走个人㧯财物：佢救到佢两个𡜵娘，

现代客语全罗撒母耳记上30:18 Thai-ví kiu-chón Â-mâ-li̍t-ngìn chhióng-chéu ke ngìn lâu chhòi-vu̍t: Kì kiu-tó kì lióng-ke pû-ngiòng,

和合本2010版撒母耳记上30:19 凡亚玛力人所掳去的，无论大小、儿女、掠物和一切被掳去的，大卫全都夺回来。

现代客语汉字撒母耳记上30:19救到所有部下个子女，抢转所有被亚玛力人抢走个财物，无一项东西失掉。

现代客语全罗撒母耳记上30:19 kiu-tó só-yû phu-ha ke chṳ́-ńg, chhióng-chón só-yû pûn Â-mâ-li̍t-ngìn chhióng-chéu ke chhòi-vu̍t, mò yit-hong tûng-sî sṳt-thet.

和合本2010版撒母耳记上30:20 大卫所夺来的牛羣羊羣，有人赶在羣畜前面，说：「这是大卫的掠物。」

现代客语汉字撒母耳记上30:20大卫也抢转所有个羊群㧯牛群；佢个部下逐等头牲行在头前，讲：「这兜全部係大卫个！」

现代客语全罗撒母耳记上30:20 Thai-ví ya chhióng-chón só-yû ke yòng-khiùn lâu ngiù-khiùn; kì ke phu-ha kiuk-tén thèu-sâng hàng chhai thèu-chhièn, kóng: “Liá-têu chhiòn-phu he Thai-ví ke!”

和合本2010版撒母耳记上30:21 大卫到了那疲乏不能跟随、留在比梭溪的二百人那裏。他们出来迎接大卫和跟随他的百姓。大卫上前向他们问安。

现代客语汉字撒母耳记上30:21无几久，大卫转到两百人停留个所在；这兜人当痶无法度跈佢共下去，留在比梭溪。佢等出来迎接大卫㧯佢个部下；大卫也亲切㧯佢等请安。

现代客语全罗撒母耳记上30:21 Mò kí-kiú, Thai-ví chón-to lióng-pak ngìn thìn-liù ke só-chhai; liá-têu ngìn tông-thiám mò fap-thu thèn kì khiung-ha hi, liù chhai Pí-sô-hâi. Kì-têu chhut-lòi ngiàng-chiap Thai-ví lâu kì ke phu-ha; Thai-ví ya chhîn-chhiet lâu kì-têu chhiáng-ôn.

和合本2010版撒母耳记上30:22 跟随大卫去的人中，每一个恶人和无赖都说：「这些人既然没有和我同去，我们所夺的财物就不分给他们，只把他们各人的妻子儿女给他们，让他们带回去就好了。」

现代客语汉字撒母耳记上30:22总係有兜㧯大卫共下去个係鲈鳗仔㧯坏心个人；佢等讲：「这兜人无㧯𠊎等共下去，𠊎等毋好将抢转来个战利品分给佢等。单单将佢等个𡜵娘、子女还佢等𢱋转去就好了！」

现代客语全罗撒母耳记上30:22 Chúng-he yû-têu lâu Thai-ví khiung-ha hi ke he lù-màn-é lâu fái-sîm ke ngìn; kì-têu kóng: “Liá-têu ngìn mò lâu ngài-têu khiung-ha hi, ngài-têu m̀-hó chiông chhióng chón-lòi ke chan-li-phín pûn-pûn kì-têu. Tân-tân chiông kì-têu ke pû-ngiòng, chṳ́-ńg vàn kì-têu thu chón-hi chhiu hó lé!”

和合本2010版撒母耳记上30:23 大卫说：「我的弟兄，耶和华所赐给我们的，你们不可这么做，因为他保佑了我们，把那羣来攻击我们的人交在我们手裏。

现代客语汉字撒母耳记上30:23总係大卫讲：「弟兄啊，𠊎等做毋得恁样处理上主所赐给𠊎等个；因为佢保护𠊎等平安，又使𠊎等打赢该兜侵略者。

现代客语全罗撒母耳记上30:23 Chúng-he Thai-ví kóng: “Thi-hiûng â, ngài-têu cho-m̀-tet án-ngiòng chhú-lî Song-chú só su-pûn ngài-têu ke; yîn-vi Kì pó-fu ngài-têu phìn-ôn, yu sṳ́ ngài-têu tá-yàng ke-têu chhîm-lio̍k-chá.

和合本2010版撒母耳记上30:24 谁肯在这事上听你们呢？上阵的分得多少，留下看守物件的也分得多少，大家应当平分。」

现代客语汉字撒母耳记上30:24无人会同意你等个话！所有个东西逐侪有份：留在后方看守武器个㧯出战个应该平分战利品。」

现代客语全罗撒母耳记上30:24 Mò ngìn voi thùng-yi ngì-têu ke fa! Só-yû ke tûng-sî tak-sà yû-fun: Liù chhai heu-fông khon-sú vú-hi ke lâu chhut-chan ke yin-kôi phiàng-fûn chan-li-phín.”

和合本2010版撒母耳记上30:25 从那日起，大卫定此为以色列的律例典章，直到今日。

现代客语汉字撒母耳记上30:25大卫将这个规矩定做条例；这条例以色列人对该日一直遵守下去。

现代客语全罗撒母耳记上30:25 Thai-ví chiông liá-ke kûi-kí thin-cho thiàu-li; liá thiàu-li Yî-set-lie̍t-ngìn tui ke-ngit yit-chhṳ̍t chûn-sú hâ-hi.

和合本2010版撒母耳记上30:26 大卫到了洗革拉，从掠物中取些送给他的朋友，就是犹大的长老，说：「看哪，这是从耶和华仇敌那裏夺来的，送给你们作礼物。」

现代客语汉字撒母耳记上30:26大卫转到洗革拉以后，将抢转来个财物拿一部份送给佢个朋友，就係犹大该兜领袖，讲：「这兜礼物係𠊎等对上主个敌人该位抢转来个。」

现代客语全罗撒母耳记上30:26 Thai-ví chón-to Sé-kiet-lâ yî-heu, chiông chhióng chón-lòi ke chhòi-vu̍t nâ yit phu-fun sung-pûn kì ke phèn-yû, chhiu-he Yù-thai ke-têu liâng-chhiu, kóng: “Liá-têu lî-vu̍t he ngài-têu tui Song-chú ke thi̍t-ngìn ke-vi chhióng chón-lòi ke.”

和合本2010版撒母耳记上30:27 有在伯特利( [ 30.27] 「伯特利」可能是「彼土利」；参代上 4:30。)的，尼革夫之拉末的，雅提珥的，

现代客语汉字撒母耳记上30:27大卫送礼物给伯特利个人，犹大南部拉末个人，又给雅提珥、

现代客语全罗撒母耳记上30:27 Thai-ví sung lî-vu̍t pûn Pak-thi̍t-li ke ngìn, Yù-thai nàm-phu Lâ-ma̍t ke ngìn, yu pûn Ngâ-thì-ngí,

和合本2010版撒母耳记上30:28 有在亚罗珥的，息末的，以实提莫的，

现代客语汉字撒母耳记上30:28亚罗珥、息末、以实提莫、

现代客语全罗撒母耳记上30:28 Â-lò-ngí, Sit-ma̍t, Yî-sṳ̍t-thì-mo̍k,

和合本2010版撒母耳记上30:29 有在拉哈勒的，耶拉篾各城的，基尼各城的，

现代客语汉字撒母耳记上30:29拉哈勒这兜城市个人，也给耶拉篾族㧯基尼族这兜城市个人，

现代客语全罗撒母耳记上30:29 Lâ-ha̍p-le̍t liá-têu sàng-sṳ ke ngìn, ya pûn Yâ-lâ-me̍t-chhu̍k lâu Kî-nì-chhu̍k liá-têu sàng-sṳ ke ngìn,

和合本2010版撒母耳记上30:30 有在何珥玛的，坡拉珊( [ 30.30] 「坡拉珊」：有古卷是「歌拉珊」。)的，亚挞的，

现代客语汉字撒母耳记上30:30又给住在何珥玛、歌拉珊，亚达

现代客语全罗撒母耳记上30:30 yu pûn he̍t chhai Hò-ngí-mâ, Kô-lâ-sân, Â-tha̍t

和合本2010版撒母耳记上30:31 有在希伯仑的，以及大卫和跟随他的人经常进出之处的。

现代客语汉字撒母耳记上30:31㧯希伯仑这兜城市个人。大卫㧯佢部下去过个所在，佢全部送礼物给佢等。

现代客语全罗撒母耳记上30:31 lâu Hî-pak-lùn liá-têu sàng-sṳ ke ngìn. Thai-ví lâu kì phu-ha hi-ko ke só-chhai, kì chhiòn-phu sung lî-vu̍t pûn kì-têu.