弥迦书第3章客家话和合本对照

相关章：

快速到节：

书卷列表：

和合本2010版弥迦书3:1斥责以色列的领袖于是我说：雅各的领袖，以色列家的官长啊，你们要听！你们岂不知道公平吗？

现代客语汉字弥迦书3:1弥迦责备以色列个领袖𠊎讲：以色列个领袖啊，你等爱听！你等本来就应该主持正义，

现代客语全罗弥迦书3:1Mì-kâ Chit-phi Yî-set-lie̍t ke Liâng-chhiu Ngài kóng: Yî-set-lie̍t ke liâng-chhiu â, ngì-têu oi thâng! Ngì-têu pún-lòi chhiu yin-kôi chú-chhṳ̀ chṳn-ngi,

和合本2010版弥迦书3:2你们恶善好恶，剥我百姓([3.2]「我百姓」：原文是「他们」。)身上的皮，从他们的骨头上剔肉，

现代客语汉字弥迦书3:2总係你等反转恼善良，欢喜罪恶。你等将𠊎个子民生生剥皮，又对佢等个骨头刮下肉来。

现代客语全罗弥迦书3:2 chúng-he ngì-têu fán-chón nâu san-liòng, fôn-hí chhui-ok. Ngì-têu chiông Ngài ke chṳ́-mìn sâng-sâng pok-phì, yu tui kì-têu ke kut-thèu koat-hâ ngiuk lòi.

和合本2010版弥迦书3:3你们吃我百姓的肉，剥他们的皮，打断他们的骨头，如切块([3.3]「如切块」：七十士译本是「如切肉块」。)下锅，如釜中的肉。

现代客语汉字弥迦书3:3你等食𠊎子民个肉，剥佢等个皮，打碎佢等个骨头，像切肉落镬恁样剁糜糜。

现代客语全罗弥迦书3:3 Ngì-têu sṳ̍t Ngài chṳ́-mìn ke ngiuk, pok kì-têu ke phì, tá-sui kì-têu ke kut-thèu, chhiong chhiet-ngiuk lo̍k-vo̍k án-ngiòng to̍k mièn-mièn.

和合本2010版弥迦书3:4到了遭灾的时候，这些人要哀求耶和华，他却不应允他们。那时，因他们所行的恶，他必转脸离开他们。

现代客语汉字弥迦书3:4有一日，你等爱求喊上主，总係佢毋搭你等。该时佢会揞面毋听你等个祈祷，因为你等做当多坏事。

现代客语全罗弥迦书3:4 Yû yit-ngit, ngì-têu oi khiù-ham Song-chú, chúng-he Kì m̀-tap ngì-têu. Ke-sṳ̀ Kì voi êm-mien m̀-thâng ngì-têu ke khì-tó, yîn-vi ngì-têu cho tông-tô fái-sṳ.

和合本2010版弥迦书3:5论到使我百姓走入歧途的先知，他们牙齿有所嚼，就呼喊说：「平安！」谁不给他们吃，就扬言攻击他，耶和华如此说：

现代客语汉字弥迦书3:5该兜先知迷惑𠊎个子民。有一口饭好食，佢等就讲：「天下太平」；总係对该兜无给佢等饭食个，佢等就用战争来吓人。上主对这种先知讲：

现代客语全罗弥迦书3:5 Ke-têu siên-tî mì-fe̍t Ngài ke chṳ́-mìn. Yû yit-héu fan hó-sṳ̍t, kì-têu chhiu kóng: “Thiên-ha thai-phìn”; chúng-he tui ke-têu mò pûn kì-têu fan sṳ̍t ke, kì-têu chhiu yung chan-chên lòi hak ngìn. Song-chú tui liá-chúng siên-tî kóng:

和合本2010版弥迦书3:6你们因此必遭遇黑夜，看不到异象；遭遇幽暗，无法占卜。太阳必向先知沉落，白昼转为黑暗。

现代客语汉字弥迦书3:6「先知啊，日头落山了，你等个好日仔过掉了。你等乌暗个日仔到了，你等会无异象好看，无预言好讲。」

现代客语全罗弥迦书3:6 “Siên-tî â, ngit-thèu lo̍k-sân lé, ngì-têu ke hó ngit-è ko-thet lé. Ngì-têu vû-am ke ngit-è to lé, ngì-têu voi mò yi-siong hó khon, mò yi-ngièn hó kóng.”

和合本2010版弥迦书3:7先见必抱愧，占卜的必蒙羞，他们全都摀着鬍鬚，因为上帝不应允他们。

现代客语汉字弥迦书3:7该兜行邪术个㧯卜卦个，会因为所预言个事无实现就失面子，因为所求个事无得到上帝个应答就当见笑。

现代客语全罗弥迦书3:7 Ke-têu hàng sià-su̍t ke lâu puk-koa ke, voi yîn-vi só yi-ngièn ke sṳ mò sṳ̍t-hien chhiu sṳt mien-chṳ́, yîn-vi só-khiù ke sṳ mò tet-tó Song-ti ke yin-tap chhiu tông kien-seu.

和合本2010版弥迦书3:8至于我，我藉耶和华的灵，满有能力、公平和勇气，可以向雅各述说他的过犯，向以色列指出他的罪恶。

现代客语汉字弥迦书3:8论到𠊎，上主个灵㧯能力充满𠊎。佢赐给𠊎正义㧯勇气，来指责以色列人个罪。

现代客语全罗弥迦书3:8 Lun-tó ngài, Song-chú ke Lìn lâu nèn-li̍t chhûng-mân ngài. Kì su-pûn ngài chṳn-ngi lâu yúng-hi, lòi chṳ́-chit Yî-set-lie̍t-ngìn ke chhui.

和合本2010版弥迦书3:9当听这话，雅各家的领袖，以色列家的官长啊！你们厌弃公平，在一切事上屈枉正直；

现代客语汉字弥迦书3:9以色列个领袖啊，听𠊎讲！你等恼正义，颠倒是非。

现代客语全罗弥迦书3:9 Yî-set-lie̍t ke liâng-chhiu â, thâng ngài kóng! Ngì-têu nâu chṳn-ngi, tiên-to sṳ-fî.

和合本2010版弥迦书3:10以血建立锡安，以罪孽建造耶路撒冷。

现代客语汉字弥迦书3:10你等将上帝个城耶路撒冷改建做流人血㧯罪恶个城。

现代客语全罗弥迦书3:10 Ngì-têu chiông Song-ti ke sàng Yâ-lu-sat-lâng kói-kien cho liù ngìn-hiet lâu chhui-ok ke sàng.

和合本2010版弥迦书3:11城裏的领袖为贿赂行审判，祭司为酬劳施训诲，先知为银钱行占卜；他们却倚赖耶和华，说：「耶和华不是在我们中间吗？灾祸必不临到我们。」

现代客语汉字弥迦书3:11城肚个官员为到红包办事，祭司为到工钱讲解法律，先知为到金钱卜卦。佢等还恅到上主係佢等个靠山。佢等讲：「上主敢毋係㧯𠊎等共下？𠊎等毋会堵到灾难。」

现代客语全罗弥迦书3:11 Sàng-tú ke kôn-yèn vi-tó fùng-pâu phan-sṳ, chi-sṳ̂ vi-tó kûng-chhièn kóng-kié fap-li̍t, siên-tî vi-tó kîm-chhièn puk-koa. Kì-têu hàn láu-tó Song-chú he kì-têu ke kho-sân. Kì-têu kóng: “Song-chú kám m̀-he lâu ngài-têu khiung-ha? Ngài-têu m̀-voi tù-tó châi-nan.”

和合本2010版弥迦书3:12因此，为你们的缘故，锡安要被耕种像一块田地，耶路撒冷要变为废墟，这殿的山必如丛林的高处。

现代客语汉字弥迦书3:12所以，因为你等，锡安会像田地被人犁揙转来；耶路撒冷会变做荒埔；起圣殿个山会变做树林(63:12参考耶利米书26:18。)。

现代客语全罗弥迦书3:12 Só-yî, yîn-vi ngì-têu, Siak-ôn voi chhiong thièn-thi pûn-ngìn lài pién chón-lòi; Yâ-lu-sat-lâng voi pien-cho fông-phû; hí sṳn-thien ke sân voi pien-cho su-lìm( 6 3:12 Chhâm-kháu Yâ-li-mí Sû 26:18.).