希伯来书第10章客家话和合本对照

相关章：

快速到节：

书卷列表：

和合本2010版希伯来书10:1 既然律法只不过是未来美好事物的影子，不是本体的真像，就不能藉着每年常献一样的祭物，使那些进前来的人完全。

现代客语汉字希伯来书10:1法律并毋係将来该兜美好事物个真相，係该兜事物个影像定定。共样个祭物逐年一直献上，法律又样般做得通过这兜祭物使来到上帝面前个人成做完全呢？

现代客语全罗希伯来书10:1 Fap-li̍t pin m̀-he chiông-lòi ke-têu mî-hó sṳ-vu̍t ke chṳ̂n-siong, he ke-têu sṳ-vu̍t ke yáng-siong thin-thin. Khiung-yong ke chi-vu̍t tak-ngièn yit-chhṳ̍t hien-song, fap-li̍t yu ngióng-pân cho-tet thûng-ko liá-têu chi-vu̍t sṳ́ lòi-to Song-ti mien-chhièn ke ngìn sàng-cho vàn-chhiòn nè?

和合本2010版希伯来书10:2 若不然，献祭的事岂不早已停止了吗？因为敬拜的人仅只一次洁净，良心就不再觉得有罪了。

现代客语汉字希伯来书10:2若係有可能，一切个献祭早就停止啰！因为该兜敬拜上帝个人，既然罪已经得到洁净，就毋会再有罪个感觉了。

现代客语全罗希伯来书10:2 Na-he yû khó-nèn, yit-chhiet ke hien-chi chó chhiu thìn-chṳ́ lô! Yîn-vi ke-têu kin-pai Song-ti ke ngìn, ki-yèn chhui yí-kîn tet-tó kiet-chhiang, chhiu m̀-voi chai yû chhui ke kám-kok lé.

和合本2010版希伯来书10:3 但是这些祭物使人每年都想起罪来，

现代客语汉字希伯来书10:3事实上，逐年个献祭反转使人想起自家个罪，

现代客语全罗希伯来书10:3 Sṳ-sṳ̍t-song, tak-ngièn ke hien-chi fán-chón sṳ́ ngìn sióng-hí chhṳ-kâ ke chhui,

和合本2010版希伯来书10:4 因为公牛和山羊的血不能除罪。

现代客语汉字希伯来书10:4因为牛牯㧯山羊个血无法度除掉人个罪。

现代客语全罗希伯来书10:4 yîn-vi ngiù-kú lâu sân-yòng ke hiet mò fap-thu chhù-thet ngìn ke chhui.

和合本2010版希伯来书10:5 所以，基督到世上来的时候，就说：「祭物和礼物不是你所要的，但你曾给我预备了身体。

现代客语汉字希伯来书10:5因为恁样，基督来到世间个时，对上帝讲：你无爱祭物㧯供物；你已经为𠊎準备身体。

现代客语全罗希伯来书10:5 Yîn-vi án-ngiòng, Kî-tuk lòi-to sṳ-kiên ke sṳ̀, tui Song-ti kóng:Ngì mò-oi chi-vu̍t lâu kiûng-vu̍t;Ngì yí-kîn vi ngài chún-phi sṳ̂n-thí.

和合本2010版希伯来书10:6 燔祭和赎罪祭是你不喜欢的。

现代客语汉字希伯来书10:6你也无合意烧化祭㧯赎罪祭。

现代客语全罗希伯来书10:6 Ngì ya mò kak-yi sêu-fa-chi lâu su̍k-chhui-chi.

和合本2010版希伯来书10:7 那时我说：看哪！我来了，我的事在经卷上已经记载了；上帝啊！我来为要照你的旨意行。」

现代客语汉字希伯来书10:7所以𠊎讲：看啊，𠊎来了！上帝啊，𠊎来係爱遵行你个旨意，就像法律书所记载关係𠊎个事。

现代客语全罗希伯来书10:7 Só-yî ngài kóng:Khon â, ngài lòi lé!Song-ti â, ngài lòi he oi chûn-hàng Ngì ke chṳ́-yi,chhiu-chhiong Fap-li̍t-sû só ki-chai koân-he ngài ke sṳ.

和合本2010版希伯来书10:8 以上说：「祭物和礼物，以及燔祭和赎罪祭，不是你所要的，也不是你喜欢的。」这都是按着律法献的。

现代客语汉字希伯来书10:8一开始，佢讲：「你无爱，也无合意祭物㧯供物，烧化祭㧯赎罪祭。」虽然这兜祭物係照法律个规定所献个，佢还恁样讲。

现代客语全罗希伯来书10:8 Yit khôi-sṳ́, kì kóng: “Ngì mò-oi, ya mò kak-yi chi-vu̍t lâu kiûng-vu̍t, sêu-fa-chi lâu su̍k-chhui-chi.” Sûi-yèn liá-têu chi-vu̍t he cheu fap-li̍t ke kûi-thin só-hien ke, kì hàn án-ngiòng kóng.

和合本2010版希伯来书10:9 他接着说：「看哪！我来了，为要照你的旨意行。」可见他除去在先的，为要立定在后的。

现代客语汉字希伯来书10:9接等，佢又讲：「看啊，𠊎来了，係爱遵行你个旨意。」可见，上帝取消先前一切个献祭，爱用基督个牺牲来代换。

现代客语全罗希伯来书10:9 Chiap-tén, kì yu kóng: “Khon â, ngài lòi lé, he oi chûn-hàng Ngì ke chṳ́-yi.” Khó-kien, Song-ti chhí-sêu siên-chhièn yit-chhiet ke hien-chi, oi yung Kî-tuk ke hî-sên lòi thoi-von.

和合本2010版希伯来书10:10 我们凭着这旨意，藉着耶稣基督，仅只一次献上他的身体就得以成圣。

现代客语汉字希伯来书10:10照上帝这个旨意，耶稣基督献自家个身体，一摆就圆满，使𠊎等圣化来归主。

现代客语全罗希伯来书10:10 Cheu Song-ti liá-ke chṳ́-yi, Yâ-sû Kî-tuk hien chhṳ-kâ ke sṳ̂n-thí, yit-pái chhiu yèn-mân, pûn ngài-têu sṳn-fa lòi kûi Chú.

和合本2010版希伯来书10:11 所有的祭司天天站着事奉上帝，屡次献上一样的祭物，这祭物永不能除罪。

现代客语汉字希伯来书10:11每一个犹太个祭司逐日企等事奉上帝，常常献共样个祭物；总係这兜祭物永远无法度除掉人个罪。

现代客语全罗希伯来书10:11 Mî-yit-ke Yù-thai ke chi-sṳ̂ tak-ngit khî-tén sṳ-fung Song-ti, sòng-sòng hien khiung-yong ke chi-vu̍t; chúng-he liá-têu chi-vu̍t yún-yén mò fap-thu chhù-thet ngìn ke chhui.

和合本2010版希伯来书10:12 但基督献了一次永远有效的赎罪祭，就坐在上帝的右边，

现代客语汉字希伯来书10:12总係，基督献赎罪祭一摆，永远就有效，然后坐在上帝个右片，

现代客语全罗希伯来书10:12 Chúng-he, Kî-tuk hien su̍k-chhui-chi yit-pái, yún-yén chhiu yû-háu, yèn-heu chhô chhai Song-ti ke yu-phién,

和合本2010版希伯来书10:13 从此等候他的仇敌成为他的脚凳。

现代客语汉字希伯来书10:13等候上帝使佢个敌人降服在佢个脚下。

现代客语全罗希伯来书10:13 tén-heu Song-ti pûn kì ke thi̍t-ngìn hòng-fu̍k chhai kì ke kiok-hâ.

和合本2010版希伯来书10:14 因为他仅只一次献祭，就使那些得以成圣的人永远完全。

现代客语汉字希伯来书10:14因为佢献祭一摆，该兜圣化归主个人就永远完全。

现代客语全罗希伯来书10:14 Yîn-vi kì hien-chi yit-pái, ke-têu sṳn-fa kûi Chú ke ngìn chhiu yún-yén vàn-chhiòn.

和合本2010版希伯来书10:15 圣灵也对我们作证，因为他说过：

现代客语汉字希伯来书10:15圣灵也对𠊎等做证；佢先讲：

现代客语全罗希伯来书10:15 Sṳn-Lìn ya tui ngài-têu cho-chṳn; Kì siên kóng:

和合本2010版希伯来书10:16 「主说：那些日子以后，我与他们所立的约是这样的：我要将我的律法放在他们的心上，又要写在他们的心思裏。」

现代客语汉字希伯来书10:16主恁样讲：在将来该兜日仔，𠊎爱㧯佢等立这种个约：𠊎爱将𠊎个法律放入佢等个心，写在佢等个头脑。

现代客语全罗希伯来书10:16 Chú án-ngiòng kóng:Chhai chiông-lòi ke-têu ngit-è,Ngài oi lâu kì-têu li̍p liá-chúng ke yok:Ngài oi chiông Ngài ke fap-li̍t piong-ngi̍p kì-têu ke sîm,siá chhai kì-têu ke thèu-nó.

和合本2010版希伯来书10:17 并说：「他们的罪恶和他们的过犯，我绝不再记得。」

现代客语汉字希伯来书10:17然后，佢讲：「𠊎无爱再记得佢等个罪恶㧯过犯。」

现代客语全罗希伯来书10:17 Yèn-heu, Kì kóng: “Ngài mò-oi chai ki-tet kì-têu ke chhui-ok lâu ko-fam.”

和合本2010版希伯来书10:18 这些罪过既已蒙赦免，就不用再为罪献祭了。 劝勉和警告

现代客语汉字希伯来书10:18既然这兜罪得到赦免，就无需要再有赎罪祭了。𠊎等来亲近上帝

现代客语全罗希伯来书10:18 Ki-yèn liá-têu chhui tet-tó sa-miên, chhiu mò sî-yeu chai yû su̍k-chhui-chi lé. Ngài-têu lòi Chhîn-khiun Song-ti

和合本2010版希伯来书10:19 所以，弟兄们，既然我们靠着耶稣的血得以坦然进入至圣所，

现代客语汉字希伯来书10:19所以，兄弟姊妹啊，通过耶稣流血到死，𠊎等就做得安心入去至圣所。

现代客语全罗希伯来书10:19 Só-yî, hiûng-thi chí-moi â, thûng-ko Yâ-sû liù-hiet to sí, ngài-têu chhiu cho-tet ôn-sîm ngi̍p-hi chṳ-sṳn-só.

和合本2010版希伯来书10:20 是藉着他给我们开了一条又新又活的路，从幔子经过，这幔子就是他的身体。

现代客语汉字希伯来书10:20耶稣已经为𠊎等开一条又新又生个路；这条路透过布帘，就係通过佢个身体。

现代客语全罗希伯来书10:20 Yâ-sû yí-kîn vi ngài-têu khôi yit-thiàu yu sîn yu sâng ke lu; liá-thiàu lu theu-ko pu-liàm, chhiu-he thûng-ko kì ke sṳ̂n-thí.

和合本2010版希伯来书10:21 既然我们有一位伟大祭司治理上帝的家，

现代客语汉字希伯来书10:21既然𠊎等有一个大祭司掌管上帝个家庭，

现代客语全罗希伯来书10:21 Ki-yèn ngài-têu yû yit-ke thai-chi-sṳ̂ chóng-kón Song-ti ke kâ-thìn,

和合本2010版希伯来书10:22 那么，我们该用诚心和充足的信心，同已蒙洁净、无亏的良心，和清水洗净了的身体来亲近上帝。

现代客语汉字希伯来书10:22恁样，𠊎等应该用诚实个心、坚定个信心，用已经洁净、无邪恶个良心，㧯净水洗过个身体，来亲近上帝。

现代客语全罗希伯来书10:22 án-ngiòng, ngài-têu yin-kôi yung sṳ̀n-sṳ̍t ke sîm, kiên-thin ke sin-sîm, yung yí-kîn kiet-chhiang, mò sià-ok ke liòng-sîm, lâu chhiang-súi sé-ko ke sṳ̂n-thí, lòi chhîn-khiun Song-ti.

和合本2010版希伯来书10:23 我们要坚守所宣认的指望，毫不动摇，因为应许我们的那位是信实的。

现代客语汉字希伯来书10:23𠊎等爱坚定持守𠊎等所告白个盼望，因为应许𠊎等个上帝係信实个。

现代客语全罗希伯来书10:23 Ngài-têu oi kiên-thin chhṳ̀-sú ngài-têu só ko-pha̍k ke phan-mong, yîn-vi yin-hí ngài-têu ke Song-ti he sin-sṳ̍t ke.

和合本2010版希伯来书10:24 我们要彼此相顾，激发爱心，勉励行善；

现代客语汉字希伯来书10:24𠊎等爱彼此关心，激发爱心，勉励行善。

现代客语全罗希伯来书10:24 Ngài-têu oi pí-chhṳ́ koân-sîm, kit-fat oi-sîm, miên-li hàng-san.

和合本2010版希伯来书10:25 不可停止聚会，好像那些停止惯了的人，倒要彼此劝勉，既然知道那日子临近，就更当如此。

现代客语汉字希伯来书10:25有兜人放掉参加聚会个习惯；毋好学佢等，反转爱互相劝勉。你等既然知主个日仔会到了，还较爱恁样。

现代客语全罗希伯来书10:25 Yû-têu ngìn piong-thet chhâm-kâ chhi-fi ke si̍p-koan; m̀-hó ho̍k kì-têu, fán-chón oi fu-siông khien-miên. Ngì-têu ki-yèn tî Chú ke ngit-è voi to lé, hàn-kha oi án-ngiòng.

和合本2010版希伯来书10:26 如果我们领受真理的知识以后仍故意犯罪，就不再有赎罪的祭物，

现代客语汉字希伯来书10:26因为𠊎等认识真理以后，若係还故意犯罪，就毋会再有赎罪个祭物了；

现代客语全罗希伯来书10:26 Yîn-vi ngài-têu ngin-sṳt chṳ̂n-lî yî-heu, na-he hàn ku-yi fam-chhui, chhiu m̀-voi chai yû su̍k-chhui ke chi-vu̍t lé;

和合本2010版希伯来书10:27 惟有战战兢兢等候审判和那将吞灭众敌人的烈火了。

现代客语汉字希伯来书10:27只有惊惊辘辘等候审判㧯该爱烧灭对敌上帝个人个烈火！

现代客语全罗希伯来书10:27 chṳ́-yû kiâng-kiâng lu̍k-lu̍k tén-heu sṳ́m-phan lâu ke oi sêu-me̍t tui-thi̍t Song-ti ke ngìn ke lie̍t-fó!

和合本2010版希伯来书10:28 任何人干犯摩西的律法，凭两个或三个证人，尚且必须处死，不得宽赦，

现代客语汉字希伯来书10:28违犯摩西法律个，有两三个人做证，就一定爱处死刑，得毋到怜悯。

现代客语全罗希伯来书10:28 Vì-fam Mô-sî fap-li̍t ke, yû lióng-sâm-ke ngìn cho-chṳn, chhiu yit-thin oi chhú sí-hìn, tet m̀-tó lìn-mén.

和合本2010版希伯来书10:29 更何况践踏上帝儿子的人，他们将那使他成圣之约的血当作不洁净，又亵慢施恩的圣灵的人，你们想，他不该受更严厉的惩罚吗？

现代客语汉字希伯来书10:29恁样，践踏上帝个孻仔，看轻上帝立约个血—就係洁净佢个罪个血，又侮辱赐恩典个灵，这种人会样般呢？想看仔，佢敢毋係会受到还较重个刑罚吗？

现代客语全罗希伯来书10:29 Án-ngiòng, chien-tha̍p Song-ti ke Lai-é, khon-khiâng Song-ti li̍p-yok ke hiet — chhiu-he kiet-chhiang kì ke chhui ke hiet, yu vú-yu̍k su ên-tién ke Lìn, liá-chúng ngìn voi ngióng-pân nè? Sióng khon-é, kì kám m̀-he voi su-tó hàn-kha chhûng ke hìn-fa̍t mâ?

和合本2010版希伯来书10:30 因为我们知道谁说：「伸冤在我，我必报应。」又说：「主要审判他的百姓。」

现代客语汉字希伯来书10:30𠊎等知係么人讲：「伸冤在𠊎，𠊎一定爱报应」；又讲：「主爱审判佢个子民。」

现代客语全罗希伯来书10:30 Ngài-têu tî he má-ngìn kóng: “Sṳ̂n-yên chhai Ngài, Ngài yit-thin oi po-yin”; yu kóng: “Chú oi sṳ́m-phan Kì ke chṳ́-mìn.”

和合本2010版希伯来书10:31 落在永生上帝的手裏真是可怕呀！

现代客语汉字希伯来书10:31落在永生上帝个手中係样般得人惊啊！

现代客语全罗希伯来书10:31 Lo̍k chhai yún-sên Song-ti ke sú-chûng he ngióng-pân tet-ngìn-kiâng â!

和合本2010版希伯来书10:32 你们要追念往日；你们蒙了光照以后，忍受了许多痛苦的挣扎：

现代客语汉字希伯来书10:32爱记得往时个日仔。上帝光照你等以后，虽然堵到尽多痛苦，总係你等在奋斗中并无失败。

现代客语全罗希伯来书10:32 Oi ki-tet vông-sṳ̀ ke ngit-è. Song-ti kông-cheu ngì-têu yî-heu, sûi-yèn tù-tó chhin-tô thung-khú, chúng-he ngì-têu chhai fún-teu-chûng pin mò sṳt-phai.

和合本2010版希伯来书10:33 一面在众人面前公然被毁谤，遭患难；一面陪伴那些受这样苦难的人。

现代客语汉字希伯来书10:33有时，你等识当众被人侮辱㧯苦毒；有时，也识同该兜堵到这兜苦难个人企共下。

现代客语全罗希伯来书10:33 Yû-sṳ̀, ngì-têu sṳt tông-chung pûn-ngìn vú-yu̍k lâu khú-thu̍k; yû-sṳ̀, ya sṳt thùng ke-têu tù-tó liá-têu khú-nan ke ngìn khî khiung-ha.

和合本2010版希伯来书10:34 你们同情那些遭监禁的人，也欣然忍受你们的家业被人抢去，因为你们知道自己有更美好更长存的家业。

现代客语汉字希伯来书10:34你等分担坐监个人个苦难。财产被人抢走，你等也欢喜忍受；因为你等知，你等有还较好又长存个产业。

现代客语全罗希伯来书10:34 Ngì-têu fûn-tâm chhô-kâm ke ngìn ke khú-nan. Chhòi-sán pûn-ngìn chhióng-chéu, ngì-têu ya fôn-hí ngiûn-su; yîn-vi ngì-têu tî, ngì-têu yû hàn-kha hó yu chhòng-chhùn ke sán-ngia̍p.

和合本2010版希伯来书10:35 所以，不可丢弃你们无惧的心，存这样的心必得大赏赐。

现代客语汉字希伯来书10:35所以，你等个勇气毋好无掉去；这勇气会带给你等极大个奖赏。

现代客语全罗希伯来书10:35 Só-yî, ngì-têu ke yúng-hi m̀-hó mò-thet-hi; liá yúng-hi voi tai pûn ngì-têu khi̍t-thai ke chióng-sóng.

和合本2010版希伯来书10:36 你们必须忍耐，使你们行完了上帝的旨意，可以获得所应许的。

现代客语汉字希伯来书10:36为到实行上帝个旨意并领受佢个应许，你等定着爱忍耐。

现代客语全罗希伯来书10:36 Vi-tó sṳ̍t-hàng Song-ti ke chṳ́-yi pin liâng-su Kì ke yin-hí, ngì-têu thin-chho̍k oi ngiûn-nai.

和合本2010版希伯来书10:37 因为「还有一点点时候，那要来的就来，必不迟延。

现代客语汉字希伯来书10:37因为圣经讲：加一下仔，该爱来个就会到，毋会延缠。

现代客语全罗希伯来书10:37 Yîn-vi Sṳn-kîn kóng:Kâ yit-ha-é,ke oi lòi ke chhiu voi to,m̀-voi yèn-chhàn.

和合本2010版希伯来书10:38 只是我的义人必因信得生；他若退缩，我心就不喜欢他。」

现代客语汉字希伯来书10:38属𠊎个义人会因为信得到生命。总係，佢若退后，𠊎就毋欢喜佢。

现代客语全罗希伯来书10:38 Su̍k Ngài ke ngi-ngìn voi yîn-vi sin tet-tó sâng-miang.Chúng-he, kì na thui-heu,Ngài chhiu m̀ fôn-hí kì.