尼希米记第5章客家话和合本对照

相关章：

快速到节：

书卷列表：

和合本2010版尼希米记5:1尼希米处理官长们的剥削百姓和他们的妻子大大呼号，埋怨他们的弟兄犹太人。

现代客语汉字尼希米记5:1尼希米处理官长个剥削过一站时间，尽多人，男个女个，开始怪怨佢等个犹太同胞。

现代客语全罗尼希米记5:1Nì-hî-mí Chhú-lî Kôn-chóng ke Pok-siok Ko yit-chham sṳ̀-kiên, chhin-tô ngìn, nàm ke ńg ke, khôi-sṳ́ koai-yen kì-têu ke Yù-thai thùng-pâu.

和合本2010版尼希米记5:2 有的说：「我们和儿女人口众多，必须得粮食吃，才能活下去。」

现代客语汉字尼希米记5:2有兜讲：「𠊎等係子女恁多个大家庭，需要粮食来过日！」

现代客语全罗尼希米记5:2 Yû-têu kóng: “Ngài-têu he chṳ́-ńg án-tô ke thai kâ-thìn, sî-yeu liòng-sṳ̍t lòi ko-ngit!”

和合本2010版尼希米记5:3 有的说：「我们典押了田地、葡萄园、房屋，才得粮食充饥。」

现代客语汉字尼希米记5:3有兜讲：「𠊎等高不将爱抵押田地、葡萄园㧯屋仔，正有粮食充饥。」

现代客语全罗尼希米记5:3 Yû-têu kóng: “Ngài-têu kô-put-chiông oi tí-ap thièn-thi, phù-thò-yèn lâu vuk-è, chang yû liòng-sṳ̍t chhûng-kî.”

和合本2010版尼希米记5:4 有的说：「我们借了钱付田地和葡萄园的税给王。

现代客语汉字尼希米记5:4也有人讲：「𠊎等已经借钱来纳田地㧯葡萄园个税给皇帝。

现代客语全罗尼希米记5:4 Ya yû-ngìn kóng: “Ngài-têu yí-kîn chia-chhièn lòi-na̍p thièn-thi lâu phù-thò-yèn ke soi pûn fòng-ti.

和合本2010版尼希米记5:5 现在，我们的身体与我们弟兄的身体是一样的，我们的儿女与他们的儿女没有差别。看哪，我们却要迫使儿女作人的奴婢。我们有些女儿已被抢走了，我们却无能为力，因为我们的田地和葡萄园已经归了别人。」

现代客语汉字尼希米记5:5𠊎等㧯𠊎等个犹太同胞係共种族；𠊎等个子女㧯佢等个子女无么介分别。总係𠊎等却爱迫自家个子女去做奴才，𠊎等个妹仔有兜已经做奴婢了，𠊎等无力拯救，因为𠊎等个田地㧯葡萄园已经变做别人个。」

现代客语全罗尼希米记5:5 Ngài-têu lâu ngài-têu ke Yù-thai thùng-pâu he khiung chúng-chhu̍k; ngài-têu ke chṳ́-ńg lâu kì-têu ke chṳ́-ńg mò má-ke fûn-phe̍t. Chúng-he ngài-têu sa oi pet chhṳ-kâ ke chṳ́-ńg hi cho nù-chhòi, ngài-têu ke moi-é yû-têu yí-kîn cho nù-pî lé, ngài-têu mò-li̍t chṳ́n-kiu, yîn-vi ngài-têu ke thièn-thi lâu phù-thò-yèn yí-kîn pien-cho phe̍t-ngìn ke.”

和合本2010版尼希米记5:6 我听见他们的呼号和这些话，就非常愤怒。

现代客语汉字尼希米记5:6𠊎听到佢等个怪怨㧯所讲个话，就大发谴，

现代客语全罗尼希米记5:6 Ngài thâng-tó kì-têu ke koai-yen lâu só-kóng ke fa, chhiu thai fat-khién,

和合本2010版尼希米记5:7 我心裏作了决定，就斥责贵族和官长，对他们说：「你们各人借钱给弟兄，竟然索取利息！」于是我召开大会攻击他们。

现代客语汉字尼希米记5:7决定爱解决这事。𠊎责备该兜民众个领袖㧯官长讲：「你等样般敢剥削自家个兄弟？」然后𠊎聚集群众开会来处理这问题，

现代客语全罗尼希米记5:7 kiet-thin oi kié-kiet liá-sṳ. Ngài chit-phi ke-têu mìn-chung ke liâng-chhiu lâu kôn-chóng kóng: “Ngì-têu ngióng-pân kám pok-siok chhṳ-kâ ke hiûng-thi?”Yèn-heu ngài chhi-si̍p khiùn-chung khôi-fi lòi chhú-lî liá mun-thì,

和合本2010版尼希米记5:8 我对他们说：「我们已尽力赎回我们的弟兄，就是卖到列国的犹太人；你们还要卖弟兄，让我们去买回来吗？」他们就静默不语，无话可答。

现代客语汉字尼希米记5:8对佢等讲：「𠊎等识尽最大个努力赎转该兜卖给外族个犹太兄弟。这下你等反转强迫兄弟卖自家给你等—给自家个犹太个同胞！」该兜领袖全部恬恬，无话好讲。

现代客语全罗尼希米记5:8 tui kì-têu kóng: “Ngài-têu sṳt chhin chui-thai ke nú-li̍t su̍k-chón ke-têu mai-pûn ngoi-chhu̍k ke Yù-thai hiûng-thi. Liá-ha ngì-têu fán-chón khiòng-pet hiûng-thi mai chhṳ-kâ pûn ngì-têu — pûn chhṳ-kâ ke Yù-thai ke thùng-pâu!” Ke-têu liâng-chhiu chhiòn-phu tiâm-tiâm, mò fa hó-kóng.

和合本2010版尼希米记5:9 我又说：「你们做的这事不对！你们行事不是应该敬畏我们的上帝，免得列国我们的仇敌毁谤我们吗？

现代客语汉字尼希米记5:9所以𠊎又讲：「你等恁样做实在毋着！你等敢毋係应该敬畏上帝，去做着个事？毋好俾𠊎等个外邦对敌有任何个理由耻笑𠊎等。

现代客语全罗尼希米记5:9 Só-yî ngài yu kóng: “Ngì-têu án-ngiòng cho sṳ̍t-chhai m̀-chho̍k! Ngì-têu kám m̀-he yin-kôi kin-vi Song-ti, hi cho chho̍k ke sṳ? M̀-hó pûn ngài-têu ke ngoi-pâng tui-thi̍t yû ngim-hò ke lî-yù chhṳ́-seu ngài-têu.

和合本2010版尼希米记5:10 我和我的弟兄僕人也要把银钱粮食借给百姓，大家都当免除利息。

现代客语汉字尼希米记5:10𠊎识借钱借粮食给同胞；𠊎个朋友㧯工人也识借给同胞。这下，𠊎等爱免掉所有个利息，

现代客语全罗尼希米记5:10 Ngài sṳt chia-chhièn chia liòng-sṳ̍t pûn thùng-pâu; ngài ke phèn-yû lâu kûng-ngìn ya sṳt chia-pûn thùng-pâu. Liá-ha, ngài-têu oi miên-thet só-yû ke li-sit,

和合本2010版尼希米记5:11 就在今日，你们要把他们的田地、葡萄园、橄榄园、房屋，以及向他们所取银钱的利息( [ 5.11] 「银钱的利息」或译「百分之一的银钱」。)、粮食、新酒和新油都归还他们。」

现代客语汉字尼希米记5:11无论係钱、粮食、酒、油，全部毋使佢等还；爱即时将佢等抵押个田地、葡萄园、橄榄园、㧯屋仔还佢等。」

现代客语全罗尼希米记5:11 mò-lun he chhièn, liòng-sṳ̍t, chiú, yù, chhiòn-phu m̀-sṳ́ kì-têu vàn; oi chit-sṳ̀ chiông kì-têu tí-ap ke thièn-thi, phù-thò-yèn, kám-lám-yèn, lâu vuk-è vàn kì-têu.”

和合本2010版尼希米记5:12 贵族和官长说：「我们必归还，不再向他们索取，必照你所说的去做。」我就召了祭司来，叫贵族和官长起誓，必照这话去做。

现代客语汉字尼希米记5:12该兜领袖应讲：「𠊎等愿意照你讲个去做，退还佢等个财产，毋会再向佢等讨债。」𠊎召集祭司来，喊该兜领袖在佢等面前发誓，爱遵守头下个约定。

现代客语全罗尼希米记5:12 Ke-têu liâng-chhiu en-kóng: “Ngài-têu ngien-yi cheu ngì kóng ke hi cho, thui-vàn kì-têu ke chhòi-sán, m̀-voi chai hiong kì-têu thó-chai.”Ngài seu-si̍p chi-sṳ̂ lòi, ham ke-têu liâng-chhiu chhai kì-têu mien-chhièn fat-sṳ, oi chûn-sú thèu-ha ke yok-thin.

和合本2010版尼希米记5:13 我也抖着胸前的衣袋，说：「凡不实行这话的，愿上帝照样抖他离开他的家和他劳碌得来的，直到抖空了。」全会众都说：「阿们！」又讚美耶和华。百姓就照着这话去做。 尼希米大公无私

现代客语汉字尼希米记5:13然后，𠊎解开腰带(105:13「腰带」：係一条繫在腰间个带仔，古时代个衫裤无袋仔，细东西全部塞在底背。擉腰带係表示失掉所有个东西。)，擉等讲：「上帝爱恁样擉毋守约定个人，擉掉佢个屋仔㧯一切所有个，使佢么介就无。」所有在场个人全部讲：「阿愐！」又讚美上主。该兜领袖就照佢等个约定去做。

现代客语全罗尼希米记5:13 Yèn-heu, ngài kié-khôi yêu-tai( 10 5:13 “yêu-tai”: He yit-thiàu kiê chhai yêu-kiên ke tai-é, kú sṳ̀-thoi ke sâm-fu mò thoi-é, se tûng-sî chhiòn-phu set chhai tî-poi. Chhu̍k yêu-tai he péu-sṳ sṳt-thet só-yû ke tûng-sî.), chhu̍k-tén kóng: “Song-ti oi án-ngiòng chhu̍k m̀ sú yok-thin ke ngìn, chhu̍k-thet kì ke vuk-è lâu yit-chhiet só-yû ke, sṳ́ kì má-ke chhiu mò.”Só-yû chhai-chhòng ke ngìn chhiòn-phu kóng: “Â-mén!” yu chan-mî Song-chú. Ke-têu liâng-chhiu chhiu cheu kì-têu ke yok-thin hi cho.

和合本2010版尼希米记5:14 自从我奉派作犹大地省长的那日，就是从亚达薛西王二十年直到三十二年，共十二年之久，我与我弟兄都没有吃省长的俸禄。

现代客语汉字尼希米记5:14尼希米做事公当对𠊎做犹大省长个十二年来，就係对亚达薛西做皇帝个第二十年到三十二年，𠊎㧯𠊎个兄弟全部无食省长应该得到个粮食。

现代客语全罗尼希米记5:14Nì-hî-mí Cho-sṳ Kûng-tong Tui ngài cho Yù-thai sén-chóng ke sṳ̍p-ngi ngièn lòi, chhiu-he tui Â-tha̍t-siet-sî cho fòng-ti ke thi ngi-sṳ̍p ngièn to sâm-sṳ̍p ngi-ngièn, ngài lâu ngài ke hiûng-thi chhiòn-phu mò sṳ̍t sén-chóng yin-kôi tet-tó ke liòng-sṳ̍t.

和合本2010版尼希米记5:15 在我以前的省长加重百姓的负担，向百姓索取粮食和酒，以及四十舍客勒银子( [ 5.15] 「向百姓…银子」：有古译本是「每日向百姓索取粮食、酒、四十舍客勒银子」。)，甚至他们的僕人也辖制百姓，但我因敬畏上帝不这样做。

现代客语汉字尼希米记5:15在𠊎以前该兜省长全部係人民个重担；佢等要求人民逐日(115:15「逐日」原文无这几只字。)为到粮食、酒缴四十只银币。连佢等个僕人也欺压人民。总係𠊎毋恁样做，因为𠊎敬畏上帝。

现代客语全罗尼希米记5:15 Chhai ngài yî-chhièn ke-têu sén-chóng chhiòn-phu he ngìn-mìn ke chhûng-tâm; kì-têu yêu-khiù ngìn-mìn tak-ngit( 11 5:15 “tak-ngit” ngièn-vùn mò liá kí-chak sṳ.) vi-tó liòng-sṳ̍t, chiú kiéu si-sṳ̍p chak ngiùn-pi. Lièn kì-têu ke phu̍k-ngìn ya khî-ap ngìn-mìn. Chúng-he ngài m̀ án-ngiòng cho, yîn-vi ngài kin-vi Song-ti.

和合本2010版尼希米记5:16 我也努力修造城墙。我们并没有购置田地，我所有的僕人也都聚集在那裏做工。

现代客语汉字尼希米记5:16𠊎全心在重建城墙；𠊎并无买产业。𠊎个僕人也全部参加重建个工作。

现代客语全罗尼希米记5:16 Ngài chhiòn-sîm chhai chhùng-kien sàng-chhiòng; ngài pin-mò mâi sán-ngia̍p. Ngài ke phu̍k-ngìn ya chhiòn-phu chhâm-kâ chhùng-kien ke kûng-chok.

和合本2010版尼希米记5:17 除了从四围列国来的人以外，有犹太人和官长一百五十人与我同席。

现代客语汉字尼希米记5:17平常㧯𠊎共下食饭个犹太人民㧯领袖有一百五十人，另外还有对邻国来见𠊎个人。

现代客语全罗尼希米记5:17 Phìn-sòng lâu ngài khiung-ha sṳ̍t-fan ke Yù-thai ngìn-mìn lâu liâng-chhiu yû yit-pak ńg-sṳ̍p ngìn, nang-ngoi hàn-yû tui lìn-koet lòi-kien ngài ke ngìn.

和合本2010版尼希米记5:18 每日预备一头公牛、六只肥羊，又为我预备飞禽；每十日一次多多预备各样的酒。虽然如此，我并不索取省长的俸禄，因为这百姓负的劳役很重。

现代客语汉字尼希米记5:18逐日，𠊎爱準备一只牛牯，六只肥羊，㧯尽多鸡仔。每十日，𠊎爱供给一批新酒。虽然恁样，𠊎并无要求省长应该得到个粮食，因为𠊎知人民个负担已经当重了。

现代客语全罗尼希米记5:18 Tak-ngit, ngài oi chún-phi yit-chak ngiù-kú, liuk-chak phì-yòng, lâu chhin-tô kiê-é. Mî sṳ̍p-ngit, ngài oi kiûng-kip yit-phî sîn-chiú. Sûi-yèn án-ngiòng, ngài pin-mò yêu-khiù sén-chóng yin-kôi tet-tó ke liòng-sṳ̍t, yîn-vi ngài tî ngìn-mìn ke fu-tâm yí-kîn tông-chhûng lé.

和合本2010版尼希米记5:19 我的上帝啊，求你记念我为这百姓所做的一切，施恩于我。

现代客语汉字尼希米记5:19𠊎个上帝啊，求你纪念𠊎为人民所做个事，施恩给𠊎。

现代客语全罗尼希米记5:19 Ngài ke Song-ti â, khiù Ngì ki-ngiam ngài vi ngìn-mìn só-cho ke sṳ, sṳ̂-ên pûn ngài.