士师记第14章客家话和合本对照

相关章：

快速到节：

书卷列表：

和合本2010版士师记14:1参孙娶妻参孙下到亭拿，在亭拿看见一个女子，是非利士人的女儿。

现代客语汉字士师记14:1参孙㧯亭拿个细妹仔有一日，参孙到亭拿；佢在该位看到一个非利士个细妹仔。

现代客语全罗士师记14:1Chhâm-sûn lâu Thìn-nâ ke Se-moi-é Yû yit-ngit, Chhâm-sûn to Thìn-nâ; kì chhai ke-vi khon-tó yit-ke Fî-li-sṳ ke se-moi-é.

和合本2010版士师记14:2 他上来告诉他父母说：「我在亭拿看见一个女子，是非利士人的女儿，现在请你们给我娶她为妻。」

现代客语汉字士师记14:2佢转屋下㧯爷𡟓讲：「𠊎在亭拿看到一个非利士个细妹仔，请将姖讨转来做𠊎个𡜵娘。」

现代客语全罗士师记14:2 Kì chón vuk-hâ lâu yà-ôi kóng: “Ngài chhai Thìn-nâ khon-tó yit-ke Fî-li-sṳ ke se-moi-é, chhiáng chiông kì thó chón-lòi cho ngài ke pû-ngiòng.”

和合本2010版士师记14:3 他父母对他说：「在你弟兄的女儿中，或在本族所有的人中，难道没有女子吗？你何必在未受割礼的非利士人中去娶妻呢？」参孙对他父亲说：「请你给我娶那女子，因为我喜欢她。」

现代客语汉字士师记14:3佢个爷𡟓问佢：「你做么介偏偏爱在无受割礼个非利士人中讨𡜵娘呢？敢讲在𠊎等自家个宗族抑係同胞当中无细妹仔係么？」总係参孙对厥爸讲：「𠊎当合意姖；请将姖讨转来。」

现代客语全罗士师记14:3 Kì ke yà-ôi mun kì: “Ngì cho-má-ke phiên-phiên oi chhai mò su kot-lî ke Fî-li-sṳ-ngìn chûng thó pû-ngiòng nè? Kám-kóng chhai ngài-têu chhṳ-kâ ke chûng-chhu̍k ya-he thùng-pâu tông-chûng mò se-moi-é he-mò?”Chúng-he Chhâm-sûn tui kiâ-pâ kóng: “Ngài tông kak-yi kì; chhiáng chiông kì thó chón-lòi.”

和合本2010版士师记14:4 他的父母并不知道这事是出于耶和华，因为他在找机会攻击非利士人。那时，非利士人辖制以色列人。

现代客语汉字士师记14:4佢个爷𡟓却毋知上主爱参孙恁样做，因为上主寻机会爱攻击非利士人。这时，非利士人统治以色列。

现代客语全罗士师记14:4 Kì ke yà-ôi sa m̀-tî Song-chú oi Chhâm-sûn án-ngiòng cho, yîn-vi Song-chú chhìm kî-fi oi kûng-kit Fî-li-sṳ-ngìn. Liá-sṳ̀, Fî-li-sṳ-ngìn thúng-chhṳ Yî-set-lie̍t.

和合本2010版士师记14:5 参孙跟他父母下亭拿去，他们到了亭拿的葡萄园。看哪，有一只少壮狮子对着他吼叫。

现代客语汉字士师记14:5所以，参孙㧯厥爷𡟓到亭拿去。佢等经过该位个葡萄园个时，有一只狮仔出来对佢吼吼滚。

现代客语全罗士师记14:5 Só-yî, Chhâm-sûn lâu kiâ yà-ôi to Thìn-nâ hi. Kì-têu kîn-ko ke-vi ke phù-thò-yèn ke sṳ̀, yû yit-chak sṳ̂-é chhut-lòi tui kì ho-ho-kún.

和合本2010版士师记14:6 耶和华的灵大大感动参孙，他就手无寸铁撕裂狮子，如撕裂小山羊一样。他做这事，并没有告诉他的父母亲。

现代客语汉字士师记14:6上主个灵强烈临到参孙，佢空手擘烂该只狮仔，就像擘一只细山羊。佢无将所做个事㧯爷𡟓讲。

现代客语全罗士师记14:6 Song-chú ke Lìn khiòng-lie̍t lìm-to Chhâm-sûn, kì khûng-sú pak-lan ke-chak sṳ̂-é, chhiu-chhiong pak yit-chak se sân-yòng. Kì mò chiông só-cho ke sṳ lâu yà-ôi kóng.

和合本2010版士师记14:7 参孙下去跟那女子说话，看着就喜欢她。

现代客语汉字士师记14:7参孙去看该细妹仔，㧯姖讲话；参孙当合意姖。

现代客语全罗士师记14:7 Chhâm-sûn hi khon ke se-moi-é, lâu kì kóng-fa; Chhâm-sûn tông kak-yi kì.

和合本2010版士师记14:8 过了些日子，他回来要娶那女子，绕道去看狮子的残骸，看哪，有一羣蜜蜂在狮子的尸体内，也有蜜在裏面。

现代客语汉字士师记14:8过几日，参孙爱倒转去讨姖。半路，参孙走过去看㓾死个狮仔，无想到竟然在狮仔个尸体内发现一群蜂仔㧯蜂糖。

现代客语全罗士师记14:8 Ko kí-ngit, Chhâm-sûn oi to-chón hi thó kì. Pan-lu, Chhâm-sûn chéu ko-hi khon chhṳ̀-sí ke sṳ̂-é, mò sióng-tó kin-yèn chhai sṳ̂-é ke sṳ̂-thí nui fat-hien yit-khiùn phûng-é lâu phûng-thòng.

和合本2010版士师记14:9 他就取了蜜，放在手掌上，边走边吃。他到了父母那裏，给他们蜜，他们也吃了。但他没有告诉他们，这蜜是从狮子的尸体内取来的。

现代客语汉字士师记14:9佢将蜂糖挖出来放在手项，紧行紧食。然后佢到爷𡟓该位，拿兜蜂糖给佢等，佢等也食；总係参孙无㧯佢等讲蜂糖係对狮仔个尸体内挖出来个。

现代客语全罗士师记14:9 Kì chiông phûng-thòng yet chhut-lòi piong chhai sú-hong, kín-hàng kín-sṳ̍t. Yèn-heu kì to yà-ôi ke-vi, nâ-têu phûng-thòng pûn kì-têu, kì-têu ya sṳ̍t; chúng-he Chhâm-sûn mò lâu kì-têu kóng phûng-thòng he tui sṳ̂-é ke sṳ̂-thí nui yet chhut-lòi ke.

和合本2010版士师记14:10 他父亲下到女子那裏去。参孙在那裏摆设宴席，因为这是当时年轻人的习俗。

现代客语汉字士师记14:10厥爸到该细妹仔屋下；参孙照该样时后生人个习惯，在该位办婚姻个筵席。

现代客语全罗士师记14:10 Kiâ-pâ to ke se-moi-é vuk-hâ; Chhâm-sûn cheu ke-yông-sṳ̀ heu-sâng ngìn ke si̍p-koan, chhai ke-vi phan fûn-yîn ke yèn-si̍t.

和合本2010版士师记14:11 他们看见参孙，就请了三十个人陪伴他。

现代客语汉字士师记14:11非利士人看到参孙，就派三十个人陪佢。

现代客语全罗士师记14:11 Fî-li-sṳ-ngìn khon-tó Chhâm-sûn, chhiu phai sâm-sṳ̍p ke ngìn phì kì.

和合本2010版士师记14:12 参孙对他们说：「我给你们出个谜语，你们若能在七日宴席之内，猜出谜底告诉我，我就给你们三十件细麻内衣和三十套更换的衣服。

现代客语汉字士师记14:12参孙对这三十个人讲：「𠊎出一个铃仔俾你等揣，若係你等能在这七日婚姻个筵席期间揣出来，𠊎就给你等逐侪一领上等麻纱衫㧯一身礼服；

现代客语全罗士师记14:12 Chhâm-sûn tui liá sâm-sṳ̍p ke ngìn kóng: “Ngài chhut yit-ke liang-é pûn ngì-têu thòn, na-he ngì-têu nèn chhai liá chhit-ngit fûn-yîn ke yèn-si̍t khì-kiên thòn chhut-lòi, ngài chhiu pûn ngì-têu tak-sà yit-liâng song-tén mà-sâ sâm lâu yit-sṳ̂n lî-fu̍k;

和合本2010版士师记14:13 但你们若不能告诉我，你们就给我三十件细麻内衣和三十套更换的衣服。」他们对他说：「请把谜语说给我们听。」

现代客语汉字士师记14:13若係你等揣毋出，你等逐侪爱给𠊎一领上等麻纱衫㧯一身礼服。」佢等讲：「将铃仔讲出俾𠊎等听啊！」

现代客语全罗士师记14:13 na-he ngì-têu thòn m̀-chhut, ngì-têu tak-sà oi pûn ngài yit-liâng song-tén mà-sâ sâm lâu yit-sṳ̂n lî-fu̍k.”Kì-têu kóng: “Chiông liang-é kóng-chhut pûn ngài-têu thâng â!”

和合本2010版士师记14:14 参孙对他们说：「吃的从吃者出来；甜的从强者出来」。三日之久，他们都猜不出谜语来。

现代客语汉字士师记14:14参孙对佢等讲：食个对食者出；甜个对强者来。佢等想三日，全部揣毋出来。

现代客语全罗士师记14:14 Chhâm-sûn tui kì-têu kóng:Sṳ̍t ke tui sṳ̍t-chá chhut;thiàm ke tui khiòng-chá lòi. Kì-têu sióng sâm-ngit, chhiòn-phu thòn m̀-chhut lòi.

和合本2010版士师记14:15 第七日( [ 14.15] 「第七日」：七十士译本和其他古译本是「第四日」。)，他们对参孙的妻子说：「你哄骗你的丈夫，为我们探出谜底来，否则我们就用火烧你和你的父家。你们请我们来，是不是要夺走我们所有的呢？」

现代客语汉字士师记14:15第四日(2514:15「第四日」係根据一兜古译本，希伯来文係「第七日」。)，佢等对参孙个𡜵娘讲：「你爱用计嘐若老公将答案打探出来，若无，𠊎等爱放火烧若爸全家，连你也烧掉。你等请𠊎等来係爱抢𠊎等係么？」

现代客语全罗士师记14:15 Thi-si ngit( 25 14:15 “Thi-si ngit” he kîn-kí yit-têu kú yi̍t-pún, Hî-pak-lòi-vùn he “Thi-chhit ngit”.), kì-têu tui Chhâm-sûn ke pû-ngiòng kóng: “Ngì oi yung-kie lau ngiâ ló-kûng chiông tap-on tá-tham chhut-lòi, na-mò, ngài-têu oi piong-fó sêu ngiâ-pâ chhiòn-kâ, lièn ngì ya sêu-thet. Ngì-têu chhiáng ngài-têu lòi he oi chhióng ngài-têu he-mò?”

和合本2010版士师记14:16 参孙的妻子在丈夫面前哭哭啼啼说：「你只是恨我，并不爱我。你给我本族的人出谜语，却不把谜底告诉我。」参孙对她说：「看哪，连我的父母我都没有说，我怎么可以告诉你呢？」

现代客语汉字士师记14:16所以，参孙个𡜵娘在佢面前噭等讲：「你恼𠊎！毋係正经惜𠊎！你出铃仔给𠊎个乡亲，总係毋㧯𠊎讲答案！」参孙应讲：「𠊎连自家个爷𡟓乜无㧯佢等讲，𠊎样般做得㧯你讲呢？」

现代客语全罗士师记14:16 Só-yî, Chhâm-sûn ke pû-ngiòng chhai kì mien-chhièn kieu-tén kóng: “Ngì nâu ngài! M̀-he chṳn-kîn siak ngài! Ngì chhut liang-é pûn ngài ke hiông-chhîn, chúng-he m̀ lâu ngài kóng tap-on!”Chhâm-sûn en-kóng: “Ngài lièn chhṳ-kâ ke yà-ôi me mò lâu kì-têu kóng, ngài ngióng-pân cho-tet lâu ngì kóng nè?”

和合本2010版士师记14:17 在七日宴席中，她一直在丈夫面前哭哭啼啼。第七日，参孙因妻子的催逼就把谜底告诉了她。她把谜底告诉了她本族的人。

现代客语汉字士师记14:17厥𡜵娘在七日婚姻个筵席期间，逐日为这件事紧噭紧闹。第七日，参孙被厥𡜵娘缠到无葛无煞，就将答案㧯姖讲，姖就去㧯姖个乡亲讲。

现代客语全罗士师记14:17 Kiâ pû-ngiòng chhai chhit-ngit fûn-yîn ke yèn-si̍t khì-kiên, tak-ngit vi liá khien-sṳ kín-kieu kín-ngau. Thi-chhit ngit, Chhâm-sûn pûn kiâ pû-ngiòng chhàn-to mò-kat mò-sat, chhiu chiông tap-on lâu kì kóng, kì chhiu hi lâu kì ke hiông-chhîn kóng.

和合本2010版士师记14:18 第七日日落以前，那城裏的人对参孙说：「有甚么比蜜还甜呢？有甚么比狮子更强呢？」参孙对他们说：「你们若不用我的母牛犊耕地，就无法猜出我的谜底来。」

现代客语汉字士师记14:18第七日，日头还吂落山以前，城肚个人去见参孙，讲：还有么介比蜂糖较甜？还有么介比狮仔较强？参孙应讲：若毋係用𠊎个牛乸犁田，你等就揣毋出𠊎个铃仔！

现代客语全罗士师记14:18 Thi-chhit ngit, ngit-thèu hàn-màng lo̍k-sân yî-chhièn, sàng-tú ke ngìn hi-kien Chhâm-sûn, kóng:Hàn-yû má-ke pí phûng-thòng kha-thiàm?Hàn-yû má-ke pí sṳ̂-é kha-khiòng? Chhâm-sûn en-kóng:Na m̀-he yung ngài ke ngiù-mà lài-thièn,ngì-têu chhiu thòn m̀-chhut ngài ke liang-é!

和合本2010版士师记14:19 耶和华的灵大大感动参孙，他就下到亚实基伦，击杀了三十个人，夺了他们身上的衣服，把衣服给了猜出谜语的人。参孙怒气大发，就上他父亲的家去了。

现代客语汉字士师记14:19上主个灵强烈临到参孙，佢就到亚实基伦，㓾掉三十个人，将佢等个礼服抢去给该兜揣出铃仔个人。事后，佢非常发谴，就转厥爸屋下去。

现代客语全罗士师记14:19 Song-chú ke Lìn khiòng-lie̍t lìm-to Chhâm-sûn, kì chhiu to Â-sṳ̍t-kî-lùn, chhṳ̀-thet sâm-sṳ̍p ke ngìn, chiông kì-têu ke lî-fu̍k chhióng-hi pûn ke-têu thòn-chhut liang-é ke ngìn. Sṳ-heu, kì fî-sòng fat-khién, chhiu chón kiâ-pâ vuk-hâ hi.

和合本2010版士师记14:20 参孙的妻子就归了参孙的一个同伴，就是作过他伴郎的。

现代客语汉字士师记14:20参孙个𡜵娘后来嫁给佢个且郎，就係参孙尽好个朋友。

现代客语全罗士师记14:20 Chhâm-sûn ke pû-ngiòng heu-lòi ka-pûn kì ke chhiâ-lòng, chhiu-he Chhâm-sûn chhin hó ke phèn-yû.