哥林多后书第5章客家话和合本对照

相关章：

快速到节：

书卷列表：

和合本2010版哥林多后书5:1因为我们知道，我们这地上的帐篷若拆毁了，我们将有上帝所造的居所，不是人手所造的，而是在天上永存的。

现代客语汉字哥林多后书5:1𠊎等知，𠊎等所住、在这地上个帐篷若係拆掉，上帝会赐𠊎等天顶个屋，係佢所起、永远存在个。

现代客语全罗哥林多后书5:1 Ngài-têu tî, ngài-têu só he̍t, chhai liá thi-song ke chong-phùng na-he chhak-thet, Song-ti voi su ngài-têu thiên-táng ke vuk, he Kì só hí, yún-yén chhùn-chhai ke.

和合本2010版哥林多后书5:2我们在这帐篷裏叹息，渴望得到那从天上来的居所，好像穿上衣服；

现代客语汉字哥林多后书5:2𠊎等这下在这位透大气，尽想爱住天顶个屋，像爱着衫一样；

现代客语全罗哥林多后书5:2 Ngài-têu liá-ha chhai liá-vi théu thai-hi, chhin sióng-oi he̍t thiên-táng ke vuk, chhiong oi chok-sâm yit-yong;

和合本2010版哥林多后书5:3倘若脱下也([5.3]有古卷是「倘若穿上就」。)不至于赤身了。

现代客语汉字哥林多后书5:3着好后，就毋会打赤膊。

现代客语全罗哥林多后书5:3 chok-hó heu, chhiu m̀-voi tá-chhak-pok.

和合本2010版哥林多后书5:4其实，我们在这帐篷裏的人劳苦叹息，并不是愿意脱下地上的帐篷，而是愿意穿上天上的居所，好使这必死的被生命吞灭了。

现代客语汉字哥林多后书5:4𠊎等住在这地上个帐篷肚，像係揹等重担，透大气；这毋係讲爱脱下地上个身体，係爱着属天个身体，使会朽烂个被生命吞灭。

现代客语全罗哥林多后书5:4 Ngài-têu he̍t chhai liá thi-song ke chong-phùng-tú, chhiong-he pà-tén chhûng-tâm, théu thai-hi; liá m̀-he kóng oi thot-hâ thi-song ke sṳ̂n-thí, he oi chok su̍k-thiên ke sṳ̂n-thí, sṳ́ voi hiú-lan ke pûn sâng-miang thûn-me̍t.

和合本2010版哥林多后书5:5那为我们安排这事的是上帝，他赐给我们圣灵作凭据([5.5]「凭据」：原文直译「质」。)。

现代客语汉字哥林多后书5:5上帝亲自造就𠊎等来接受这个变化；佢赐圣灵给𠊎等做担保。

现代客语全罗哥林多后书5:5 Song-ti chhîn-chhṳ chho-chhiu ngài-têu lòi chiap-su liá-ke pien-fa; Kì su Sṳn-Lìn pûn ngài-têu cho tâm-pó.

和合本2010版哥林多后书5:6所以，我们总是勇敢的，并且知道，只要我们住在这身体内就是离开了主。

现代客语汉字哥林多后书5:6所以，𠊎等一直恁好胆。𠊎等知，住在这身体底背，𠊎等就係离开主为𠊎等準备个住所远远。

现代客语全罗哥林多后书5:6 Só-yî, ngài-têu yit-chhṳ̍t án hó-tám. Ngài-têu tî, he̍t chhai liá sṳ̂n-thí tî-poi, ngài-têu chhiu-he lì-khôi Chú vi ngài-têu chún-phi ke chhu-só yén-yén.

和合本2010版哥林多后书5:7因为我们行事为人是凭着信心，不是凭着眼见。

现代客语汉字哥林多后书5:7因为𠊎等行事做人係凭信心，毋係凭所看个。

现代客语全罗哥林多后书5:7 Yîn-vi ngài-têu hàng-sṳ cho-ngìn he phìn sin-sîm, m̀-he phìn só khon ke.

和合本2010版哥林多后书5:8我们勇敢，更情愿离开身体，与主同住。

现代客语汉字哥林多后书5:8𠊎等尽好胆，乐意离开这地上个身体，去同主共下住。

现代客语全罗哥林多后书5:8 Ngài-têu chhin hó-tám, lo̍k-yi lì-khôi liá thi-song ke sṳ̂n-thí, hi thùng Chú khiung-ha he̍t.

和合本2010版哥林多后书5:9所以，无论是住在身内或住在身外，我们都立了志向要得主的喜悦。

现代客语汉字哥林多后书5:9最重要个係，无论住在这地上个身体底背，抑係着属天个身体，𠊎等决心爱俾主欢喜。

现代客语全罗哥林多后书5:9 Chui chhung-yeu ke he, mò-lun he̍t chhai liá thi-song ke sṳ̂n-thí tî-poi, ya-he chok su̍k-thiên ke sṳ̂n-thí, ngài-têu kiet-sîm oi pûn Chú fôn-hí.

和合本2010版哥林多后书5:10因为我们众人必须站在基督审判台前受审，为使各人按着本身所行的，或善或恶受报。劝人与上帝和好的职分

现代客语汉字哥林多后书5:10因为𠊎等拢总爱企在基督个面前，受佢审判。逐个人爱照本身在世间个行为，係善抑係恶，接受报应。通过基督㧯上帝和好

现代客语全罗哥林多后书5:10 Yîn-vi ngài-têu lûng-chúng oi khî chhai Kî-tuk ke mien-chhièn, su kì sṳ́m-phan. Tak-ke ngìn oi cheu pún-sṳ̂n chhai sṳ-kiên ke hàng-vì, he san ya-he ok, chiap-su po-yin. Thûng-ko Kî-tuk Lâu Song-ti Fò-hó

和合本2010版哥林多后书5:11既然我们知道主是可畏的，就劝导人；但是上帝是认识我们的，我盼望你们的良心也认识我们。

现代客语汉字哥林多后书5:11𠊎等既然知爱样般敬畏主，就劝话人。上帝完全认识𠊎等；𠊎希望你等也对心内认识𠊎。

现代客语全罗哥林多后书5:11 Ngài-têu ki-yèn tî oi ngióng-pân kin-vi Chú, chhiu khien-va ngìn. Song-ti vàn-chhiòn ngin-sṳt ngài-têu; ngài hî-mong ngì-têu ya tui sîm-nui ngin-sṳt ngài.

和合本2010版哥林多后书5:12我们不是向你们再推荐自己，而是要让你们有夸耀我们的机会，使你们好面对那凭外貌、不凭内心夸耀的人。

现代客语汉字哥林多后书5:12𠊎等毋係爱对你等再推荐自家，係爱俾你等有夸口𠊎等个理由，俾你等有话好应看重外表、看轻内心该兜人。

现代客语全罗哥林多后书5:12 Ngài-têu m̀-he oi tui ngì-têu chai chhûi-chien chhṳ-kâ, he oi pûn ngì-têu yû khoâ-khiéu ngài-têu ke lî-yù, pûn ngì-têu yû fa hó en khon-chhung ngoi-péu, khon-khiâng nui-sîm ke-têu ngìn.

和合本2010版哥林多后书5:13如果我们癫狂，是为上帝；如果我们清醒，是为你们。

现代客语汉字哥林多后书5:13𠊎等若发癫，係为到上帝个缘故；𠊎等若清醒，係为到你等个关係。

现代客语全罗哥林多后书5:13 Ngài-têu na pot-tiên, he vi-tó Song-ti ke yèn-ku; ngài-têu na chhîn-siáng, he vi-tó ngì-têu ke koân-he.

和合本2010版哥林多后书5:14原来基督的爱激励我们；因我们这样断定，一人既替众人死，众人就都死了；

现代客语汉字哥林多后书5:14因为基督个痛惜催迫𠊎等；𠊎等清楚知，一个人代众人死，所以众人拢总死了。

现代客语全罗哥林多后书5:14 Yîn-vi Kî-tuk ke thung-siak chhûi-pet ngài-têu; ngài-têu chhîn-chhú tî, yit-ke ngìn thoi chung-ngìn sí, só-yî chung-ngìn lûng-chúng sí lé.

和合本2010版哥林多后书5:15并且他替众人死，是叫那些活着的人不再为自己活，乃为替他们死而复活的主活。

现代客语汉字哥林多后书5:15佢代众人死，爱使该兜生等个人无再为自家生，爱为该代佢等死又复活个基督来生。

现代客语全罗哥林多后书5:15 Kì thoi chung-ngìn sí, oi pûn ke-têu sâng-tén ke ngìn mò chai vi chhṳ-kâ sâng, oi vi ke thoi kì-têu sí yu fu̍k-fa̍t ke Kî-tuk lòi sâng.

和合本2010版哥林多后书5:16所以，从今以后，我们不再按照人的看法来认识人，纵使我们曾经按照人的看法认识基督，如今却不再这样认识他了。

现代客语汉字哥林多后书5:16所以，𠊎等从今以后毋用人个标準来看人。虽然𠊎等识用人个标準来看基督，总係这下𠊎等无再恁样做了。

现代客语全罗哥林多后书5:16 Só-yî, ngài-têu chhiùng-kîm yî-heu m̀ yung ngìn ke phêu-chún lòi khon ngìn. Sûi-yèn ngài-têu sṳt yung ngìn ke phêu-chún lòi khon Kî-tuk, chúng-he liá-ha ngài-têu mò chai án-ngiòng cho lé.

和合本2010版哥林多后书5:17所以，若有人在基督裏，他就是新造的人，旧事已过，都变成新的了。

现代客语汉字哥林多后书5:17无论么人，若同基督结连，就係新创造个人；旧个已经过去，全部变做新个了。

现代客语全罗哥林多后书5:17 Mò-lun má-ngìn, na thùng Kî-tuk kiet-lièn, chhiu-he sîn chhóng-chho ke ngìn; khiu ke yí-kîn ko-hi, chhiòn-phu pien-cho sîn ke lé.

和合本2010版哥林多后书5:18一切都是出于上帝；他藉着基督使我们与他和好，又将劝人与他和好的使命赐给我们。

现代客语汉字哥林多后书5:18这一切拢总係上帝做个；佢通过基督使𠊎等㧯佢和好，又将劝人㧯佢和好个职务赐给𠊎等。

现代客语全罗哥林多后书5:18 Liá yit-chhiet lûng-chúng he Song-ti cho ke; Kì thûng-ko Kî-tuk sṳ́ ngài-têu lâu Kì fò-hó, yu chiông khien-ngìn lâu Kì fò-hó ke chṳt-vu su-pûn ngài-têu.

和合本2010版哥林多后书5:19这就是：上帝在基督裏使世人与自己和好，不将他们的过犯归到他们身上，并且将这和好的信息託付了我们。

现代客语汉字哥林多后书5:19佢喊𠊎等传个就係：上帝通过基督同人类建立和好个关係(55:19「上帝…关係」抑係译做「上帝在基督底背使人类㧯自家和好」。)；佢无爱追究佢等个过犯。佢也将这和好个道理交託𠊎等。

现代客语全罗哥林多后书5:19 Kì ham ngài-têu chhòn ke chhiu-he: Song-ti thûng-ko Kî-tuk thùng ngìn-lui kien-li̍p fò-hó ke koân-he( 5 5:19 “Song-ti ... koân-he” ya-he yi̍t-cho “Song-ti chhai Kî-tuk tî-poi sṳ́ ngìn-lui lâu chhṳ-kâ fò-hó”.); Kì mò-oi chûi-kiu kì-têu ke ko-fam. Kì ya chiông liá fò-hó ke tho-lî kâu-thok ngài-têu.

和合本2010版哥林多后书5:20所以，我们作基督的特使，就好像上帝藉我们劝你们一般。我们替基督求你们，与上帝和好吧！

现代客语汉字哥林多后书5:20所以，𠊎等做基督个大使，就像上帝通过𠊎等来劝你等一样。𠊎等代基督求你等：爱㧯上帝和好！

现代客语全罗哥林多后书5:20 Só-yî, ngài-têu cho Kî-tuk ke thai-sṳ́, chhiu-chhiong Song-ti thûng-ko ngài-têu lòi khien ngì-têu yit-yong. Ngài-têu thoi Kî-tuk khiù ngì-têu: Oi lâu Song-ti fò-hó!

和合本2010版哥林多后书5:21上帝使那无罪([5.21]「无罪」：原文直译「不知罪」。)的，替我们成为罪，好使我们在他裏面成为上帝的义。

现代客语汉字哥林多后书5:21基督係无罪个，总係为到𠊎等，上帝喊佢揹𠊎等个罪，使𠊎等通过佢同上帝有正确个关係。

现代客语全罗哥林多后书5:21 Kî-tuk he mò-chhui ke, chúng-he vi-tó ngài-têu, Song-ti ham kì pà ngài-têu ke chhui, sṳ́ ngài-têu thûng-ko kì thùng Song-ti yû chṳn-khok ke koân-he.