哥林多前书第8章客家话和合本对照

相关章：

快速到节：

书卷列表：

和合本2010版哥林多前书8:1祭过偶像的食物关于祭过偶像的食物，我们晓得「我们都有知识」，但知识使人自高自大，惟有爱心能造就人。

现代客语汉字哥林多前书8:1论拜偶像个食物关係拜过偶像个食物，𠊎等知，「𠊎等拢总有这方面个智识」。总係，这种智识会害人自高自大；唯有爱心正会造就人。

现代客语全罗哥林多前书8:1Lun Pai Ngiéu-siong ke Sṳ̍t-vu̍t Koân-he pai-ko ngiéu-siong ke sṳ̍t-vu̍t, ngài-têu tî, “Ngài-têu lûng-chúng yû liá fông-mien ke chṳ-sṳt”. Chúng-he, liá-chúng chṳ-sṳt voi hoi-ngìn chhṳ-kô chhṳ-thai; vì-yû oi-sîm chang voi chho-chhiu ngìn.

和合本2010版哥林多前书8:2若有人自以为知道甚么，他其实仍不知道他所应当知道的。

现代客语汉字哥林多前书8:2人若自认佢知么介，照所应该知个，佢还係有所毋知。

现代客语全罗哥林多前书8:2 Ngìn na chhṳ-ngin kì tî má-ke, cheu só yin-kôi tî ke, kì hàn-he yû só m̀-tî.

和合本2010版哥林多前书8:3若有人爱上帝，他就是上帝所认识的人了。

现代客语汉字哥林多前书8:3总係，人若敬爱上帝，这人就係上帝所认识个。

现代客语全罗哥林多前书8:3 Chúng-he, ngìn na kin-oi Song-ti, liá ngìn chhiu-he Song-ti só ngin-sṳt ke.

和合本2010版哥林多前书8:4关于吃祭过偶像的食物，我们知道「偶像在世上算不得甚么」；也知道「上帝只有一位，没有别的」。

现代客语汉字哥林多前书8:4恁样，关係食拜过偶像个食物这个问题，𠊎等知，偶像所代表个係无存在个东西；𠊎等也知，上帝只有一个。

现代客语全罗哥林多前书8:4 Án-ngiòng, koân-he sṳ̍t pai-ko ngiéu-siong ke sṳ̍t-vu̍t liá-ke mun-thì, ngài-têu tî, ngiéu-siong só thoi-péu ke he mò chhùn-chhai ke tûng-sî; ngài-têu ya tî, Song-ti chṳ́-yû yit-ke.

和合本2010版哥林多前书8:5虽然在天上或地上有许多所谓的神明，就如他们中间有许多的神明，许多的主，

现代客语汉字哥林多前书8:5虽然天上人间也有所谓「神明」个，(有尽多个「神明」㧯「主」)，

现代客语全罗哥林多前书8:5 Sûi-yèn thiên-song ngìn-kiên ya yû só-vi “sṳ̀n-mìn” ke, (yû chhin-tô ke “sṳ̀n-mìn” lâu “chú”),

和合本2010版哥林多前书8:6但是我们只有一位上帝，就是父，万物都出于他，我们也归于他；并只有一位主，就是耶稣基督，万物都是藉着他而有，我们也是藉着他而有。

现代客语汉字哥林多前书8:6总係对𠊎等来讲，只有一个上帝，就係天顶个阿爸—万物个创造者；𠊎等係为到佢来生存个。还有，只有一个主，就係耶稣基督；万物係通过佢来造个，𠊎等也係通过佢来生存个。

现代客语全罗哥林多前书8:6 chúng-he tui ngài-têu lòi kóng, chṳ́-yû yit-ke Song-ti, chhiu-he thiên-táng ke Â-pâ — van-vu̍t ke Chhóng-chho-chá; ngài-têu he vi-tó Kì lòi sên-chhùn ke. Hàn-yû, chṳ́-yû yit-ke Chú, chhiu-he Yâ-sû Kî-tuk; van-vu̍t he thûng-ko kì lòi chho ke, ngài-têu ya he thûng-ko kì lòi sên-chhùn ke.

和合本2010版哥林多前书8:7可是，不是人人都有这知识。有人到现在因拜惯了偶像，仍以为所吃的是祭过偶像的食物；既然他们的良心软弱，也就污秽了。

现代客语汉字哥林多前书8:7总係，毋係每一个人全部有这种个智识。有兜人以前常常拜偶像，到今晡日，逐摆食这种食物还会感觉係食偶像个东西。佢等个良心本来就软弱，因为食这种食物，就变做垃圾。

现代客语全罗哥林多前书8:7 Chúng-he, m̀-he mî-yit-ke ngìn chhiòn-phu yû liá-chúng ke chṳ-sṳt. Yû-têu ngìn yî-chhièn sòng-sòng pai ngiéu-siong, to kîm-pû-ngit, tak-pái sṳ̍t liá-chúng sṳ̍t-vu̍t hàn voi kám-kok he sṳ̍t ngiéu-siong ke tûng-sî. Kì-têu ke liòng-sîm pún-lòi chhiu ngiôn-ngio̍k, yîn-vi sṳ̍t liá-chúng sṳ̍t-vu̍t, chhiu pien-cho lá-sap.

和合本2010版哥林多前书8:8其实，食物不能使我们，更接近上帝，因为我们不吃也无损，吃也无益。

现代客语汉字哥林多前书8:8其实，食物并不能改善𠊎等同上帝个关係；毋食无么介损失，食也无么介利益。

现代客语全罗哥林多前书8:8 Khì-sṳ̍t, sṳ̍t-vu̍t pin put-nèn kói-san ngài-têu thùng Song-ti ke koân-he; m̀ sṳ̍t mò má-ke sún-sṳt, sṳ̍t ya mò má-ke li-yit.

和合本2010版哥林多前书8:9可是，你们要谨慎，免得你们这自由竟成了软弱人的绊脚石。

现代客语汉字哥林多前书8:9爱细腻噢！毋好因为你等自家个自由害信心软弱个人跌倒。

现代客语全罗哥林多前书8:9 Oi se-ngi ô! M̀-hó yîn-vi ngì-têu chhṳ-kâ ke chhṳ-yù hoi sin-sîm ngiôn-ngio̍k ke ngìn tiet-tó.

和合本2010版哥林多前书8:10若有人见你这有知识的在偶像的庙裏坐席，而这人的良心是软弱的，他岂不放胆去吃那祭过偶像的食物吗？

现代客语汉字哥林多前书8:10若有人在这件事情上良心软弱，看到你这「智识丰富」个人在宫庙肚坐席，这敢毋係鼓励佢食拜过偶像个食物吗？

现代客语全罗哥林多前书8:10 Na yû-ngìn chhai liá-khien sṳ-chhìn-song liòng-sîm ngiôn-ngio̍k, khon-tó ngì liá “chṳ-sṳt fûng-fu” ke ngìn chhai kiûng-meu-tú chhô-si̍t, liá kám m̀-he kú-li kì sṳ̍t pai-ko ngiéu-siong ke sṳ̍t-vu̍t mâ?

和合本2010版哥林多前书8:11因此，基督为他死的那软弱弟兄，也就因你的知识沉沦了。

现代客语汉字哥林多前书8:11恁样，这软弱个兄弟姊妹，就係基督为佢死个人，会因为你个「智识」来灭亡了！

现代客语全罗哥林多前书8:11 Án-ngiòng, liá ngiôn-ngio̍k ke hiûng-thi chí-moi, chhiu-he Kî-tuk vi kì sí ke ngìn, voi yîn-vi ngì ke “chṳ-sṳt” lòi me̍t-mòng lé!

和合本2010版哥林多前书8:12你们这样得罪弟兄，伤了他们软弱的良心，就是得罪基督。

现代客语汉字哥林多前书8:12你等恁样行，得罪兄弟姊妹，伤害佢等软弱个良心，就係得罪基督。

现代客语全罗哥林多前书8:12 Ngì-têu án-ngiòng hàng, tet-chhui hiûng-thi chí-moi, sông-hoi kì-têu ngiôn-ngio̍k ke liòng-sîm, chhiu-he tet-chhui Kî-tuk.

和合本2010版哥林多前书8:13所以，食物若使我的弟兄跌倒，我就永远不吃肉，免得使我的弟兄跌倒了。

现代客语汉字哥林多前书8:13所以，若係食物会害𠊎个兄弟姊妹跌倒，𠊎就永远毋食肉，免得𠊎使佢等跌倒。

现代客语全罗哥林多前书8:13 Só-yî, na-he sṳ̍t-vu̍t voi hoi ngài ke hiûng-thi chí-moi tiet-tó, ngài chhiu yún-yén m̀ sṳ̍t ngiuk, miên-tet ngài sṳ́ kì-têu tiet-tó.