启示录第6章客家话和合本对照

相关章：

快速到节：

书卷列表：

和合本2010版启示录6:1揭开密封的印我看见羔羊揭开七个印中第一个印的时候，听见四活物中的一个活物，声音如雷，说：「你来！」

现代客语汉字启示录6:1掀开封印𠊎看到羔羊掀开该七只印仔个头一只。该时，𠊎听到四个生物中个一个发出像响雷公个声，讲：「来！」

现代客语全罗启示录6:1Hiên-khôi Fûng-yin Ngài khon-tó Kâu-yòng hiên-khôi ke chhit-chak yin-é ke thèu-yit-chak. Ke-sṳ̀, ngài thâng-tó si-ke sâng-vu̍t chûng ke yit-ke fat-chhut chhiong hióng-lùi-kûng ke sâng, kóng: “Lòi!”

和合本2010版启示录6:2 我就观看，看见一匹白马，骑在马上的拿着弓，并有冠冕赐给他。他出来征服，胜而又胜。

现代客语汉字启示录6:2𠊎一看，看到一匹白马；该骑马个拿等弓，领受赐给佢个冕旒，然后就出去战争，得胜又爱得胜。

现代客语全罗启示录6:2 Ngài yit khon, khon-tó yit-phit pha̍k-mâ; ke khì-mâ ke nâ-tén kiûng, liâng-su su-pûn kì ke miên-liù, yèn-heu chhiu chhut-hi chan-chên, tet-sṳn yu oi tet-sṳn.

和合本2010版启示录6:3 羔羊揭开第二个印的时候，我听见第二个活物说：「你来！」

现代客语汉字启示录6:3羔羊掀开第二只印仔个时，𠊎听到第二个生物讲：「来！」

现代客语全罗启示录6:3 Kâu-yòng hiên-khôi thi-ngi-chak yin-é ke sṳ̀, ngài thâng-tó thi-ngi-ke sâng-vu̍t kóng: “Lòi!”

和合本2010版启示录6:4 就另有一匹马出来，是红色的；有权柄赐给了那骑马的，要从地上夺去太平，使人彼此相杀；他又接受了一把大刀。

现代客语汉字启示录6:4另外一匹马就出来，係红色个。该骑马个领受了交给佢个权，可以将地上个和平抢走，使人类互相残杀；佢所领受个係一支大剑。

现代客语全罗启示录6:4 Nang-ngoi yit-phit mâ chhiu chhut-lòi, he fùng-set ke. Ke khì-mâ ke liâng-su-liáu kâu-pûn kì ke khièn, khó-yî chiông thi-song ke fò-phìn chhióng-chéu, sṳ́ ngìn-lui fu-siông chhàn-sat; kì só liâng-su ke he yit-kî thai kiam.

和合本2010版启示录6:5 羔羊揭开第三个印的时候，我听见第三个活物说：「你来！」我就观看，看见一匹黑马；骑在马上的，手裏拿着天平。

现代客语汉字启示录6:5羔羊掀开第三只印仔个时，𠊎听到第三个生物讲：「来！」𠊎一看，看到一匹乌马；该骑马个手中拿等天平。

现代客语全罗启示录6:5 Kâu-yòng hiên-khôi thi-sâm-chak yin-é ke sṳ̀, ngài thâng-tó thi-sâm-ke sâng-vu̍t kóng: “Lòi!” Ngài yit khon, khon-tó yit-phit vû-mâ; ke khì-mâ ke sú-chûng nâ-tén thiên-phìn.

和合本2010版启示录6:6 我听见在四个活物中似乎有声音说：「一个银币买一升麦子，一个银币买三升大麦；油和酒不可糟蹋。」

现代客语汉字启示录6:6𠊎听到有声，像係对四个生物中发出个，讲：「一日个工钱正买一公升小麦，一日个工钱正买三公升大麦。橄榄油㧯酒毋好蹧踏！」

现代客语全罗启示录6:6 Ngài thâng-tó yû sâng, chhiong-he tui si-ke sâng-vu̍t chûng fat-chhut ke, kóng: “Yit-ngit ke kûng-chhièn chang mâi yit kûng-sṳ̂n séu-ma̍k, yit-ngit ke kûng-chhièn chang mâi sâm kûng-sṳ̂n thai-ma̍k. Kám-lám-yù lâu chiú m̀-hó châu-tha̍p!”

和合本2010版启示录6:7 羔羊揭开第四个印的时候，我听见第四个活物说：「你来！」

现代客语汉字启示录6:7羔羊掀开第四只印仔个时，𠊎听到第四个生物讲：「来！」

现代客语全罗启示录6:7 Kâu-yòng hiên-khôi thi-si-chak yin-é ke sṳ̀, ngài thâng-tó thi-si-ke sâng-vu̍t kóng: “Lòi!”

和合本2010版启示录6:8 我就观看，看见一匹灰色马；骑在马上的，名字叫作「死」，阴间也随着他；有权柄赐给他们，可以用刀剑、饑荒、瘟疫、野兽，杀害地上四分之一的人。

现代客语汉字启示录6:8𠊎一看，看到一匹灰色个马；该骑马个名安到「死」，「阴间」跈在佢后背。佢等得到权柄，管辖世界个四分之一，用战争、饥荒、发瘟，㧯地上个禽兽去㓾人。

现代客语全罗启示录6:8 Ngài yit khon, khon-tó yit-phit fôi-set ke mâ; ke khì-mâ ke miàng ôn-to “Sí”, “Yîm-kiên” thèn chhai kì heu-poi. Kì-têu tet-tó khièn-piang, kón-hot sṳ-kie ke si-fûn-chṳ̂-yit, yung chan-chên, kî-fông, pot-vûn, lâu thi-song ke khìm-chhu hi chhṳ̀-ngìn.

和合本2010版启示录6:9 羔羊揭开第五个印的时候，我看见在祭坛底下有曾为上帝的道，并为作见证而被杀的人的灵魂，

现代客语汉字启示录6:9羔羊掀开第五只印仔个时，𠊎看到该兜因为传上帝个真道、忠心做见证，被人㓾死个灵魂在祭坛下。

现代客语全罗启示录6:9 Kâu-yòng hiên-khôi thi-ńg-chak yin-é ke sṳ̀, ngài khon-tó ke-têu yîn-vi chhòn Song-ti ke chṳ̂n-tho, chûng-sîm cho kien-chṳn, pûn-ngìn chhṳ̀-sí ke lìn-fùn chhai chi-thàn-hâ.

和合本2010版启示录6:10 大声喊着说：「神圣真实的主宰啊，你不审判住在地上的人，为我们所流的血伸冤，要到几时呢？」

现代客语汉字启示录6:10佢等大声喊讲：「神圣又真实个主宰啊！你几时正爱审判地上个人，为𠊎等所流个血伸冤啊？」

现代客语全罗启示录6:10 Kì-têu thai-sâng hêm-kóng: “Sṳ̀n-sṳn yu chṳ̂n-sṳ̍t ke Chú-chái â! Ngì kí-sṳ̀ chang oi sṳ́m-phan thi-song ke ngìn, vi ngài-têu só-liù ke hiet sṳ̂n-yên â?”

和合本2010版启示录6:11 于是有白袍赐给他们各人；又有话吩咐他们还要歇息片刻，等到与他们同作僕人的，和他们的弟兄，像他们一样被杀的人的数目凑足的时候。

现代客语汉字启示录6:11佢等逐侪接受一领白色个长袍，又听到有话吩咐佢等，喊佢等歇睏加一下仔，等到同佢等相共事奉主个人㧯兄弟姊妹也像佢等共样被人㓾死，数目满个时。

现代客语全罗启示录6:11 Kì-têu tak-sà chiap-su yit-liâng pha̍k-set ke chhòng-phàu, yu thâng-tó yû fa fûn-fu kì-têu, ham kì-têu hiet-khun kâ yit-ha-é, tén-to thùng kì-têu siông-khiung sṳ-fung Chú ke ngìn lâu hiûng-thi chí-moi ya chhiong kì-têu khiung-yong pûn-ngìn chhṳ̀-sí, su-muk mân ke sṳ̀.

和合本2010版启示录6:12 羔羊揭开第六个印的时候，我看见地大震动，太阳变黑像粗麻布，整个月亮变红像血，

现代客语汉字启示录6:12𠊎又看到羔羊掀开第六只印仔。该时，大地尽颤；日头变乌，像一垤乌毛个布仔；月光归只变红，像血一样；

现代客语全罗启示录6:12 Ngài yu khon-tó Kâu-yòng hiên-khôi thi-liuk-chak yin-é. Ke-sṳ̀, thai-thi chhin chûn; ngit-thèu pien vû, chhiong yit-te vû-mô ke pu-é; ngie̍t-kông kûi-chak pien fùng, chhiong hiet yit-yong;

和合本2010版启示录6:13 天上的星辰坠落在地上，如同无花果树被大风摇动，落下未熟的果子一样。

现代客语汉字启示录6:13天顶个星仔落在地上，像还吂熟个无花果被暴风对树顶吹下来一样。

现代客语全罗启示录6:13 thiên-táng ke sên-é lo̍k chhai thi-song, chhiong hàn-màng siuk ke vù-fâ-kó pûn phau-fûng tui su-táng chhôi-hâ-lòi yit-yong.

和合本2010版启示录6:14 天就裂开，好像书卷被捲起来；山岭海岛都被移动离开原位。

现代客语汉字启示录6:14天毋见掉，像书捲起来收走一样；山岭㧯海岛也一一对原位徙走。

现代客语全罗启示录6:14 Thiên m̀-kien-thet, chhiong sû kién-hí-lòi sû-chéu yit-yong; sân-liâng lâu hói-tó ya yit-yit tui ngièn-vi sái-chéu.

和合本2010版启示录6:15 地上的君王、臣宰、将军、富户、壮士，和一切为奴的、自主的，都藏在山洞和巖石穴裏，

现代客语汉字启示录6:15地上个君王、统治者、将军、有钱有势个，并一切奴隶㧯自由人，全部囥在山孔㧯巖石缝肚。

现代客语全罗启示录6:15 Thi-song ke kiûn-vòng, thúng-chhṳ-chá, chiông-kiûn, yû-chhièn yû-sṳ ke, pin yit-chhiet nù-li lâu chhṳ-yù-ngìn, chhiòn-phu khong chhai sân-khûng lâu ngàm-sa̍k phung-tú.

和合本2010版启示录6:16 向山和巖石说：「倒在我们身上吧！把我们藏起来，躲避坐宝座者的脸面和羔羊的愤怒；

现代客语汉字启示录6:16佢等对山㧯巖石喊讲：「横在𠊎等身上！将𠊎等囥起来，使𠊎等闪避坐在宝座上个面㧯羔羊个大发谴！

现代客语全罗启示录6:16 Kì-têu tui sân lâu ngàm-sa̍k hêm-kóng: “Vang chhai ngài-têu sṳ̂n-song! Chiông ngài-têu khong-hí-lòi, pûn ngài-têu sám-phit chhô chhai pó-chho-song ke mien lâu Kâu-yòng ke thai fat-khién!

和合本2010版启示录6:17 因为他们遭愤怒的大日子到了，谁能站得住呢？」

现代客语汉字启示录6:17因为佢等发谴个大日仔到了；么人企得住呢？」

现代客语全罗启示录6:17 Yîn-vi kì-têu fat-khién ke thai ngit-è to lé; má-ngìn khî tet-he̍t nè?”