启示录第3章客家话和合本对照

相关章：

快速到节：

书卷列表：

和合本2010版启示录3:1给撒狄教会的信「你要写信给撒狄教会的使者，说：『那有上帝的七灵和七颗星的这样说：我知道你的行为，就是名义上你是活的，实际上你是死的。

现代客语汉字启示录3:1给撒狄教会个信仔「你爱写信仔给撒狄教会个使者，讲：『该有上帝七个灵㧯七粒星仔个，恁样讲：𠊎知你所做个；𠊎知有人恅到你係生个，实际上你係死个！

现代客语全罗启示录3:1Pûn Sat-thi̍t Kau-fi ke Sin-é “Ngì oi siá sin-é pûn Sat-thi̍t kau-fi ke sṳ́-chá, kóng:‘Ke yû Song-ti chhit-ke Lìn lâu chhit-lia̍p sên-é ke, án-ngiòng kóng: Ngài tî ngì só-cho ke; ngài tî yû-ngìn láu-tó ngì he sâng ke, sṳ̍t-chi-song ngì he sí ke!

和合本2010版启示录3:2 你要警醒，坚固那些剩下、快要死的，因为我发现你的行为，在我上帝面前没有一样是完全的。

现代客语汉字启示录3:2所以，好醒了！爱坚固你所賸一些仔吂死掉个；因为𠊎看出你所做个，在𠊎个上帝面前还吂完全。

现代客语全罗启示录3:2 Só-yî, hó siáng lé! Oi kiên-ku ngì só chhûn yit-si̍t-é màng sí-thet ke; yîn-vi ngài khon-chhut ngì só-cho ke, chhai ngài ke Song-ti mien-chhièn hàn-màng vàn-chhiòn.

和合本2010版启示录3:3 所以，要记得你所领受和听见的；要遵守，并要悔改。你若不警醒，我必如贼一样来到；我几时来到你那裏，你绝不会知道。

现代客语汉字启示录3:3所以，你爱记得所听、所接受个教训，确实去遵行，离开你个罪恶。你若还毋醒，𠊎爱像贼仔恁样忽然来到；你绝对毋会知𠊎爱来到个时间。

现代客语全罗启示录3:3 Só-yî, ngì oi ki-tet só thâng, só chiap-su ke kau-hiun, khok-sṳ̍t hi chûn-hàng, lì-khôi ngì ke chhui-ok. Ngì na hàn m̀ siáng, ngài oi chhiong chhe̍t-é án-ngiòng fut-yèn lòi-to; ngì chhie̍t-tui m̀-voi tî ngài oi lòi-to ke sṳ̀-kiên.

和合本2010版启示录3:4 然而，在撒狄你还有几位是未曾污秽自己衣服的，他们会穿白衣与我同行，因为他们是配穿的。

现代客语汉字启示录3:4总係，在撒狄，你等还有兜人衫裤保持到尽净浰；这兜人堪得着白色个长袍，同𠊎共下行。

现代客语全罗启示录3:4 Chúng-he, chhai Sat-thi̍t, ngì-têu hàn yû-têu ngìn sâm-fu pó-chhṳ̀ to chhin chhiang-li; liá-têu ngìn khâm-tet chok pha̍k-set ke chhòng-phàu, thùng ngài khiung-ha hàng.

和合本2010版启示录3:5 得胜的必这样穿白衣，我也不从生命册上涂去他的名；我要在我父面前，和我父的众使者面前，宣认他的名。

现代客语汉字启示录3:5得胜个人共样也爱着白色个长袍。𠊎绝对毋会对生命册将佢个名拭掉；在吾爸㧯佢个天使面前，𠊎爱公开承认佢係属𠊎个。

现代客语全罗启示录3:5 Tet-sṳn ke ngìn khiung-yong ya oi chok pha̍k-set ke chhòng-phàu. Ngài chhie̍t-tui m̀-voi tui sâng-miang-chhak chiông kì ke miàng chhu̍t-thet; chhai ngâ Pâ lâu Kì ke thiên-sṳ́ mien-chhièn, ngài oi kûng-khôi sṳ̀n-ngin kì he su̍k ngài ke.

和合本2010版启示录3:6 凡有耳朵的都应当听圣灵向众教会所说的话。』」 给非拉铁非教会的信

现代客语汉字启示录3:6『圣灵对各教会所讲个话，有耳公好听个，就爱听！』」给非拉铁非教会个信仔

现代客语全罗启示录3:6 ‘Sṳn-Lìn tui kok kau-fi só-kóng ke fa, yû ngí-kûng hó-thâng ke, chhiu oi thâng!’ ” Pûn Fî-lâ-thiet-fî Kau-fi ke Sin-é

和合本2010版启示录3:7 「你要写信给非拉铁非教会的使者，说：『那神圣、真实的，拿着大卫的钥匙，开了就没有人能关，关了就没有人能开的这样说：

现代客语汉字启示录3:7「你爱写信仔给非拉铁非教会个使者，讲：『该神圣又信实、掌管大卫个锁匙、打开门就无人能关、关门就无人能开个，佢恁样讲：

现代客语全罗启示录3:7 “Ngì oi siá sin-é pûn Fî-lâ-thiet-fî kau-fi ke sṳ́-chá, kóng:‘Ke sṳ̀n-sṳn yu sin-sṳ̍t,chóng-kón Thai-ví ke só-sṳ̀,tá-khôi mùn chhiu mò-ngìn nèn koân,koân mùn chhiu mò-ngìn nèn khôi ke,kì án-ngiòng kóng:

和合本2010版启示录3:8 我知道你的行为。看哪，我在你面前给你一个敞开的门，是没有人能关的。我知道你有一点力量，也遵守我的道，没有否认我的名。

现代客语汉字启示录3:8𠊎知你所做个；𠊎知你只有一些个能力，总係你遵守𠊎个教训，无否认𠊎个名。𠊎已经在你面前开一扇门，係无人能关个。

现代客语全罗启示录3:8 Ngài tî ngì só-cho ke; ngài tî ngì chṳ́-yû yit-si̍t ke nèn-li̍t, chúng-he ngì chûn-sú ngài ke kau-hiun, mò féu-ngin ngài ke miàng. Ngài yí-kîn chhai ngì mien-chhièn khôi yit-san mùn, he mò-ngìn nèn koân ke.

和合本2010版启示录3:9 那属撒但会堂的，自称是犹太人，其实不是犹太人，而是说谎话的，我要使他们来到你脚前下拜，使他们知道我已经爱你了。

现代客语汉字启示录3:9看啊，该兜撒但一党个人，自称犹太人其实毋係犹太人，佢等係骗仔；𠊎爱喊佢等来，在你脚前跪拜，俾佢等知𠊎惜你。

现代客语全罗启示录3:9 Khon â, ke-têu Sat-tan yit-tóng ke ngìn, chhṳ-chhṳ̂n Yù-thai-ngìn khì-sṳ̍t m̀-he Yù-thai-ngìn, kì-têu he phien-é; ngài oi ham kì-têu lòi, chhai ngì kiok-chhièn khúi-pai, pûn kì-têu tî ngài siak ngì.

和合本2010版启示录3:10 因为你遵守了我坚忍的道，我也必在普天下人受试炼的时候保守你免受试炼。

现代客语汉字启示录3:10因为你遵守𠊎个命令，忍耐到底，所以在患难临到全世界、全人类受试炼个时，𠊎爱保守你。

现代客语全罗启示录3:10 Yîn-vi ngì chûn-sú ngài ke min-lin, ngiûn-nai to-tái, só-yî chhai fam-nan lìm-to chhiòn sṳ-kie, chhiòn ngìn-lui su sṳ-lien ke sṳ̀, ngài oi pó-sú ngì.

和合本2010版启示录3:11 我必快来，你要持守你所有的，免得人夺去你的冠冕。

现代客语汉字启示录3:11𠊎就会到了。你爱持守你所有个，你得胜个冕旒毋好被人抢走。

现代客语全罗启示录3:11 Ngài chhiu voi to lé. Ngì oi chhṳ̀-sú ngì só-yû ke, ngì tet-sṳn ke miên-liù m̀-hó pûn-ngìn chhióng-chéu.

和合本2010版启示录3:12 得胜的，我要使他在我上帝的殿中作柱子，他必不再从那裏出去。我又要把我上帝的名和我上帝城的名－从天上我上帝那裏降下来的新耶路撒冷，和我的新名，都写在他上面。

现代客语汉字启示录3:12得胜个人，𠊎爱使佢做𠊎上帝个圣殿底背个柱仔；佢永远毋会离开该位。𠊎爱在佢身上写𠊎上帝个名，还有𠊎上帝个城个名，就係对天顶、对𠊎上帝该位降下来个新耶路撒冷；𠊎也爱将𠊎个新名写在佢身上。

现代客语全罗启示录3:12 Tet-sṳn ke ngìn, ngài oi pûn kì cho ngài Song-ti ke sṳn-thien tî-poi ke chhû-é; kì yún-yén m̀-voi lì-khôi ke-vi. Ngài oi chhai kì sṳ̂n-song siá ngài Song-ti ke miàng, hàn-yû ngài Song-ti ke sàng ke miàng, chhiu-he tui thiên-táng, tui ngài Song-ti ke-vi kong hâ-lòi ke sîn Yâ-lu-sat-lâng; ngài ya oi chiông ngài ke sîn-miàng siá chhai kì sṳ̂n-song.

和合本2010版启示录3:13 凡有耳朵的都应当听圣灵向众教会所说的话。』」 给老底嘉教会的信

现代客语汉字启示录3:13『圣灵对各教会所讲个话，有耳公好听个，就爱听！』」给老底嘉教会个信仔

现代客语全罗启示录3:13 ‘Sṳn-Lìn tui kok kau-fi só-kóng ke fa, yû ngí-kûng hó-thâng ke, chhiu oi thâng!’ ” Pûn Ló-tí-kâ Kau-fi ke Sin-é

和合本2010版启示录3:14 「你要写信给老底嘉教会的使者，说：『那位阿们、诚信真实的见证者、上帝创造的根源这样说：

现代客语汉字启示录3:14「你爱写信仔给老底嘉教会个使者，讲：『该名安到阿愐个，係信实可靠个见证者，係上帝创造个根源，佢恁样讲：

现代客语全罗启示录3:14 “Ngì oi siá sin-é pûn Ló-tí-kâ kau-fi ke sṳ́-chá, kóng:‘Ke miàng ôn-to Â-mén ke, he sin-sṳ̍t khó-kho ke kien-chṳn-chá, he Song-ti chhóng-chho ke kîn-ngièn, kì án-ngiòng kóng:

和合本2010版启示录3:15 我知道你的行为，你也不冷也不热；我巴不得你或冷或热。

现代客语汉字启示录3:15𠊎知你所做个；𠊎知你无冷也无热；𠊎尽希望你係冷个抑係热个！

现代客语全罗启示录3:15 Ngài tî ngì só-cho ke; ngài tî ngì mò lâng ya mò ngie̍t; ngài chhin hî-mong ngì he lâng ke ya-he ngie̍t ke!

和合本2010版启示录3:16 既然你如温水，也不冷也不热，我要从我口中把你吐出去。

现代客语汉字启示录3:16因为你像温水恁样，无冷也无烧，𠊎爱将你对𠊎个嘴呸出去！

现代客语全罗启示录3:16 Yîn-vi ngì chhiong vûn-súi án-ngiòng, mò lâng ya mò sêu, ngài oi chiông ngì tui ngài ke choi phi-chhut-hi!

和合本2010版启示录3:17 你说：我是富足的，已经发了财，一样都不缺，却不知道你是困苦、可怜、贫穷、瞎眼、赤身的。

现代客语汉字启示录3:17你讲：𠊎係富足个，𠊎尽发，么介都无欠。总係，你毋知自家係样般衰过，样般可怜！你穷苦、青盲、又赤身露体。

现代客语全罗启示录3:17 Ngì kóng: Ngài he fu-chiuk ke, ngài chhin pot, má-ke tû mò khiam. Chúng-he, ngì m̀-tî chhṳ-kâ he ngióng-pân chhôi-ko, ngióng-pân khó-lièn! Ngì khiùng-khú, chhiâng-miâng, yu chhak-sṳ̂n lu-thí.

和合本2010版启示录3:18 我劝你向我买从火中锻鍊出来的金子，使你富足；又买白衣穿上，使你赤身的羞耻不露出来；又买眼药抹你的眼睛，使你能看见。

现代客语汉字启示录3:18所以，𠊎劝你对𠊎买用火炼过个金仔，使你成做富足；买白色个长袍来着，将你见笑个身体遮起来；买目药来膏你个目珠，使你看得到。

现代客语全罗启示录3:18 Só-yî, ngài khien ngì tui ngài mâi yung fó lien-ko ke kîm-é, pûn ngì sàng-cho fu-chiuk; mâi pha̍k-set ke chhòng-phàu lòi chok, chiông ngì kien-seu ke sṳ̂n-thí châ hí-lòi; mâi muk-yo̍k lòi kò ngì ke muk-chû, pûn ngì khon-tet-tó.

和合本2010版启示录3:19 凡我所疼爱的，我就责备管教。所以，你要发热心，也要悔改。

现代客语汉字启示录3:19𠊎所惜个人，𠊎就责备管教。所以，你爱热心起来，也爱悔改。

现代客语全罗启示录3:19 Ngài só-siak ke ngìn, ngài chhiu chit-phi kón-kau. Só-yî, ngì oi ngie̍t-sîm hí-lòi, ya oi fí-kói.

和合本2010版启示录3:20 看哪，我站在门外叩门，若有听见我声音而开门的，我要进到他那裏去，我与他，他与我一起吃饭。

现代客语汉字启示录3:20听啊，𠊎企在门外掽门；若有人听到𠊎个声来开门，𠊎爱入去佢该位；𠊎同佢，佢同𠊎共桌食饭。

现代客语全罗启示录3:20 Thâng â, ngài khî chhai mùn-ngoi phông-mùn; na yû-ngìn thâng-tó ngài ke sâng lòi khôi mùn, ngài oi ngi̍p-hi kì ke-vi; ngài thùng kì, kì thùng ngài khiung-chok sṳ̍t-fan.

和合本2010版启示录3:21 得胜的，我要赐他在我宝座上与我同坐，就如我得了胜，在我父的宝座上与他同坐一般。

现代客语汉字启示录3:21得胜个人，𠊎爱赐佢权利，在𠊎个宝座上同𠊎共下坐，就像𠊎已经得胜，这下在吾爸个宝座上同佢共下坐一样。

现代客语全罗启示录3:21 Tet-sṳn ke ngìn, ngài oi su kì khièn-li, chhai ngài ke pó-chho-song thùng ngài khiung-ha chhô, chhiu-chhiong ngài yí-kîn tet-sṳn, liá-ha chhai ngâ Pâ ke pó-chho-song thùng Kì khiung-ha chhô yit-yong.

和合本2010版启示录3:22 凡有耳朵的都应当听圣灵向众教会所说的话。』」

现代客语汉字启示录3:22『圣灵对各教会所讲个话，有耳公好听个，就爱听！』」

现代客语全罗启示录3:22 ‘Sṳn-Lìn tui kok kau-fi só-kóng ke fa, yû ngí-kûng hó-thâng ke, chhiu oi thâng!’ ”