历代志上第17章客家话和合本对照

相关章：

快速到节：

书卷列表：

和合本2010版历代志上17:1拿单传给大卫的信息（撒下 7:1-17 ）大卫住在自己宫中，对拿单先知说：「看哪，我住在香柏木的宫中，耶和华的约柜却在幔子裏。」

现代客语汉字历代志上17:1拿单传消息给大卫( 撒母耳记下7:1-17 )大卫王住在王宫。有一日，佢对先知拿单讲：「你看，𠊎住在香柏树起个王宫，总係上主个约柜还在帐篷肚！」

现代客语全罗历代志上17:1Nâ-tân Chhòn Sêu-sit pûn Thai-ví( Sat-mû-ngí Ki-ha 7:1-17 ) Thai-ví-vòng he̍t chhai vòng-kiûng. Yû yit-ngit, kì tui siên-tî Nâ-tân kóng: “Ngì khon, ngài he̍t chhai hiông-pak-su hí ke vòng-kiûng, chúng-he Song-chú ke yok-khui hàn chhai chong-phùng tú!”

和合本2010版历代志上17:2 拿单对大卫说：「你可以完全照你的心意去做，因为上帝与你同在。」

现代客语汉字历代志上17:2拿单对大卫讲：「你就照你个心意去做，因为上帝㧯你共下。」

现代客语全罗历代志上17:2 Nâ-tân tui Thai-ví kóng: “Ngì chhiu cheu ngì ke sîm-yi hi-cho, yîn-vi Song-ti lâu ngì khiung-ha.”

和合本2010版历代志上17:3 当夜上帝的话临到拿单，说：

现代客语汉字历代志上17:3总係，该暗晡上帝对拿单讲：

现代客语全罗历代志上17:3 Chúng-he, ke am-pû Song-ti tui Nâ-tân kóng:

和合本2010版历代志上17:4 「你去对我僕人大卫说：『耶和华如此说：你不可建造殿宇给我居住。

现代客语汉字历代志上17:4「去㧯𠊎个僕人大卫讲，上主恁样讲：『你做毋得起圣殿给𠊎住。

现代客语全罗历代志上17:4 “Hi lâu Ngài ke phu̍k-ngìn Thai-ví kóng, Song-chú án-ngiòng kóng: ‘Ngì cho-m̀-tet hí sṳn-thien pûn Ngài he̍t.

和合本2010版历代志上17:5 自从我领以色列人上来，直到今日，我未曾住过殿宇；我从这会幕到那会幕，从这帐幕到那帐幕( [ 17.5] 原文没有「到那帐幕」。)。

现代客语汉字历代志上17:5自从𠊎对埃及带以色列人出来到这下，𠊎无住过圣殿；𠊎一直住在帐篷，逐所在徙来徙去。

现代客语全罗历代志上17:5 Chhṳ-chhiùng Ngài tui Âi-khi̍p tai Yî-set-lie̍t-ngìn chhut-lòi to liá-ha, Ngài mò he̍t-ko sṳn-thien; Ngài yit-chhṳ̍t he̍t chhai chong-phùng, tak só-chhai sái-lòi sái-hi.

和合本2010版历代志上17:6 凡我同以色列人所走的地方，我何曾向以色列的一个士师，就是我吩咐牧养我百姓的，说过这话：你们为何不给我建造香柏木的殿宇呢？』

现代客语汉字历代志上17:6𠊎㧯以色列人共下流浪该兜年日，该兜𠊎选来看顾𠊎子民所有个领袖，𠊎从来毋识问过么人，做么介毋为𠊎起一座香柏树个圣殿。』

现代客语全罗历代志上17:6 Ngài lâu Yî-set-lie̍t-ngìn khiung-ha liù-long ke-têu ngièn-ngit, ke-têu Ngài sién-lòi khon-ku Ngài chṳ́-mìn só-yû ke liâng-chhiu, Ngài chhiùng-lòi m̀-sṳt mun-ko má-ngìn, cho-má-ke m̀ vi Ngài hí yit-chho hiông-pak-su ke sṳn-thien.’

和合本2010版历代志上17:7 现在，你要对我僕人大卫这样说：『万军之耶和华如此说：我从羊圈中将你召来，叫你不再牧放羊羣，立你作我百姓以色列的君王。

现代客语汉字历代志上17:7「所以，你爱㧯𠊎个僕人大卫讲，𠊎—上主、万军个元帅恁样讲：『你在野地掌羊，𠊎将你呼召出来，立你做𠊎子民以色列个王。

现代客语全罗历代志上17:7 “Só-yî, ngì oi lâu Ngài ke phu̍k-ngìn Thai-ví kóng, Ngài — Song-chú, Van-kiûn ke Ngièn-soi án-ngiòng kóng: ‘Ngì chhai yâ-thi chóng-yòng, Ngài chiông ngì fû-seu chhut-lòi, li̍p ngì cho Ngài chṳ́-mìn Yî-set-lie̍t ke vòng.

和合本2010版历代志上17:8 你无论往哪裏去，我都与你同在，剪除你所有的仇敌。我必使你得大名，好像世上伟人的名一样。

现代客语汉字历代志上17:8你无论到么介地方，𠊎拢总㧯你共下；𠊎除掉你所有个仇敌。𠊎爱使你㧯世界最伟大个人共样恁有名。

现代客语全罗历代志上17:8 Ngì mò-lun to má-ke thi-fông, Ngài lûng-chúng lâu ngì khiung-ha; Ngài chhù-thet ngì só-yû ke sù-thi̍t. Ngài oi sṳ́ ngì lâu sṳ-kie chui ví-thai ke ngìn khiung-yong án yû-miàng.

和合本2010版历代志上17:9 我必为我百姓以色列选定一个地方，栽植他们，使他们住自己的地方，不再受搅扰；兇恶之子也不再像从前那样扰乱他们，

现代客语汉字历代志上17:9𠊎为𠊎个子民以色列选一个地方，将佢等安顿在该位，使佢等毋会再被人欺负。自从佢等徙到这垤土地，𠊎又设立士师来治理佢等，佢等却常常被恶霸欺压；总係这种事毋会再发生了。𠊎答应打赢你所有个仇敌。𠊎—上主也对你宣告，𠊎爱赐给你有后代。

现代客语全罗历代志上17:9Ngài vi Ngài ke chṳ́-mìn Yî-set-lie̍t sién yit-ke thi-fông, chiông kì-têu ôn-tún chhai ke-vi, sṳ́ kì-têu m̀-voi chai pûn-ngìn khî-fu. Chhṳ-chhiùng kì-têu sái-to liá-te thú-thi, Ngài yu sat-li̍p sṳ-sṳ̂ lòi chhṳ-lî kì-têu, kì-têu sa sòng-sòng pûn ok-pa khî-ap; chúng-he liá-chúng sṳ m̀-voi chai fat-sên lé. Ngài tap-yin tá-yàng ngì só-yû ke sù-thi̍t. Ngài — Song-chú ya tui ngì siên-ko, Ngài oi su-pûn ngì yû heu-thoi.

和合本2010版历代志上17:10 并不像我命令士师治理我百姓以色列的日子。我必制伏你所有的仇敌，并且我应许你( [ 17.10] 「我应许你」：七十士译本是「我要使你为大」。)，耶和华必为你建立家室。

现代客语汉字历代志上17:10【併于上节】

现代客语全罗历代志上17:10【併于上节】

和合本2010版历代志上17:11 当你寿数满足归你祖先的时候，我必使你的后裔，你自己的儿子接续你；我也必坚定他的国。

现代客语汉字历代志上17:11你死后㧯祖先葬共下个时，𠊎会立你一个孻仔做王，使佢个国强盛。

现代客语全罗历代志上17:11 Ngì sí-heu lâu chú-siên chong khiung-ha ke sṳ̀, Ngài voi li̍p ngì yit-ke lai-é cho vòng, sṳ́ kì ke koet khiòng-sṳn.

和合本2010版历代志上17:12 他必为我建造殿宇，我必坚定他的王位，直到永远。

现代客语汉字历代志上17:12佢正係为𠊎起圣殿个人；𠊎爱坚固佢个王位直到永远。

现代客语全罗历代志上17:12 Kì chang he vi Ngài hí sṳn-thien ke ngìn; Ngài oi kiên-ku kì ke vòng-vi chhṳ̍t-to yún-yén.

和合本2010版历代志上17:13 我要作他的父，他要作我的子；我必不使我的慈爱离开他，像离开在你以前的那位一样。

现代客语汉字历代志上17:13𠊎爱做佢个阿爸；佢爱做𠊎个孻仔。𠊎毋会收转𠊎对佢个痛惜，像𠊎以前收转对扫罗个痛惜恁样；𠊎识废掉佢，立你做王。

现代客语全罗历代志上17:13 Ngài oi cho kì ke â-pâ; kì oi cho Ngài ke lai-é. Ngài m̀-voi sû-chón Ngài tui kì ke thung-siak, chhiong Ngài yî-chhièn sû-chón tui Só-lò ke thung-siak án-ngiòng; Ngài sṳt fi-thet kì, li̍p ngì cho vòng.

和合本2010版历代志上17:14 我要永远坚立他在我的家和我的国裏；他的王位也必坚定，直到永远。』」

现代客语汉字历代志上17:14𠊎爱使佢永远治理𠊎个子民㧯𠊎个国；佢个王位会永远存在。』」

现代客语全罗历代志上17:14 Ngài oi sṳ́ kì yún-yén chhṳ-lî Ngài ke chṳ́-mìn lâu Ngài ke koet; kì ke vòng-vi voi yún-yén chhùn-chhai.’ ”

和合本2010版历代志上17:15 拿单就按这一切话，照这一切异象告诉大卫。 感恩的祷告

现代客语汉字历代志上17:15拿单将上帝向佢启示个逐件事全部㧯大卫讲。大卫感恩个祈祷

现代客语全罗历代志上17:15 Nâ-tân chiông Song-ti hiong kì khí-sṳ ke tak-khien sṳ chhiòn-phu lâu Thai-ví kóng. Thai-ví Kám-ên ke Khì-tó

和合本2010版历代志上17:16（撒下 7:18-29 ）于是大卫王进去，坐在耶和华面前，说：「耶和华上帝啊，我是谁，我的家算甚么，你竟带领我到这地步呢？

现代客语汉字历代志上17:16( 撒母耳记下7:18-29 )大卫王入去圣帐篷，到上主面前，坐等祈祷讲：「主上帝啊，你为𠊎所做个一切，𠊎实在堪毋得，𠊎个家族也堪毋得。

现代客语全罗历代志上17:16( Sat-mû-ngí Ki-ha 7:18-29 ) Thai-ví-vòng ngi̍p-hi sṳn-chong-phùng, to Song-chú mien-chhièn, chhô-tén khì-tó kóng: “Chú Song-ti â, Ngì vi ngài só cho ke yit-chhiet, ngài sṳ̍t-chhai khâm m̀-tet, ngài ke kâ-chhu̍k ya khâm m̀-tet.

和合本2010版历代志上17:17 上帝啊，这在你眼中还看为小，你又说到你僕人的家将来的情况。耶和华上帝啊，你看顾我好像看顾尊贵的人。

现代客语汉字历代志上17:17总係，上帝啊，你赐给𠊎恁多，甚至应许在将来个日仔爱恩待你僕人个子孙。主上帝啊，你已经看𠊎做大人物来款待。

现代客语全罗历代志上17:17 Chúng-he, Song-ti â, Ngì su-pûn ngài án-tô, sṳm-chṳ yin-hí chhai chiông-lòi ke ngit-è oi ên-thai Ngì phu̍k-ngìn ke chṳ́-sûn. Chú Song-ti â, Ngì yí-kîn khon ngài cho thai-ngìn-vu̍t lòi khoán-thai.

和合本2010版历代志上17:18 你加于僕人的尊荣，大卫还有甚么可以对你说呢？你是知道你僕人的。

现代客语汉字历代志上17:18𠊎还有么介话好讲呢？因为你知你个僕人，还係赐给𠊎荣耀㧯尊贵。

现代客语全罗历代志上17:18 Ngài hàn-yû má-ke fa hó kóng nè? Yîn-vi Ngì tî Ngì ke phu̍k-ngìn, hàn-he su-pûn ngài yùng-yeu lâu chûn-kui.

和合本2010版历代志上17:19 耶和华啊，因你僕人的缘故，也照着你的心意，你行这一切大事，为了显明这一切伟大的事。

现代客语汉字历代志上17:19上主啊，你恁样款待𠊎，又将僕人将来个兴旺向𠊎显明，这全部係照你个心意。

现代客语全罗历代志上17:19 Song-chú â, Ngì án-ngiòng khoán-thai ngài, yu chiông phu̍k-ngìn chiông-lòi ke hîn-vong hiong ngài hién-mìn, liá chhiòn-phu he cheu Ngì ke sîm-yi.

和合本2010版历代志上17:20 耶和华啊，照我们耳中一切所听见的，没有可比你的，除你以外再没有上帝。

现代客语汉字历代志上17:20上主啊，㖠有㧯你比抑得个！𠊎等知，除了你以外，无别个上帝。

现代客语全罗历代志上17:20 Song-chú â, nai yû lâu Ngì pí é-tet ke! Ngài-têu tî, chhù-liáu Ngì yî-ngoi, mò phe̍t-ke Song-ti.

和合本2010版历代志上17:21 世上有何国能比你的百姓以色列呢？上帝亲自去救赎世上的一国( [ 17.21] 「世上…一国」：七十士译本是「世上没有另一国能比你的百姓以色列，是上帝亲自去救赎」。)，作自己的子民，又行大而可畏的事，显出你的大名，在你从埃及赎出来的子民面前驱逐了列国。

现代客语汉字历代志上17:21世间乜无一个国家像以色列；你救以色列人民离开埃及，使佢等做你自家个子民。你为佢等做伟大奇妙个事，使你个大名传到全世界。你个子民向前行个时，你将其他个民族逐走。

现代客语全罗历代志上17:21 Sṳ-kiên me mò yit-ke koet-kâ chhiong Yî-set-lie̍t; Ngì kiu Yî-set-lie̍t ngìn-mìn lì-khôi Âi-khi̍p, sṳ́ kì-têu cho Ngì chhṳ-kâ ke chṳ́-mìn. Ngì vi kì-têu cho ví-thai khì-meu ke sṳ, sṳ́ Ngì ke thai-miàng chhòn-to chhiòn sṳ-kie. Ngì ke chṳ́-mìn hiong-chhièn hàng ke sṳ̀, Ngì chiông khì-thâ ke mìn-chhu̍k kiuk-chéu.

和合本2010版历代志上17:22 你使你的百姓以色列作你的子民，直到永远；你－耶和华也作他们的上帝。

现代客语汉字历代志上17:22你使以色列永远做你自家个子民，你—上主也做佢等个上帝。

现代客语全罗历代志上17:22 Ngì sṳ́ Yî-set-lie̍t yún-yén cho Ngì chhṳ-kâ ke chṳ́-mìn, Ngì — Song-chú ya cho kì-têu ke Song-ti.

和合本2010版历代志上17:23 现在，耶和华啊，你所应许僕人和僕人家的话，求你坚定，直到永远；求你照你所说的而行。

现代客语汉字历代志上17:23「上主啊，求你实现你有关𠊎㧯𠊎后代个应许；求你永远照你所讲个话实行。

现代客语全罗历代志上17:23 “Song-chú â, khiù Ngì sṳ̍t-hien Ngì yû-koân ngài lâu ngài heu-thoi ke yin-hí; khiù Ngì yún-yén cheu Ngì só-kóng ke fa sṳ̍t-hàng.

和合本2010版历代志上17:24 愿你的名永远坚立，被尊为大，人要说：『万军之耶和华－以色列的上帝，是以色列的上帝。』这样，你僕人大卫的家必在你面前坚立。

现代客语汉字历代志上17:24愿你个应许永远无变。愿你个名永远受尊敬；愿人民永远称颂：『上主—万军个元帅係以色列个上帝，係治理以色列个上帝！』恁样，你会(4317:24「恁样，你会」抑係译做「愿你」。)世世代代保守你僕人大卫个王朝。

现代客语全罗历代志上17:24 Ngien Ngì ke yin-hí yún-yén mò-pien. Ngien Ngì ke miàng yún-yén su chûn-kin; ngien ngìn-mìn yún-yén chhṳ̂n-siung: ‘Song-chú — Van-kiûn ke Ngièn-soi he Yî-set-lie̍t ke Song-ti, he chhṳ-lî Yî-set-lie̍t ke Song-ti!’ Án-ngiòng, Ngì voi( 43 17:24 “Án-ngiòng, Ngì voi” ya-he yi̍t-cho “Ngien Ngì”.) sṳ-sṳ thoi-thoi pó-sú Ngì phu̍k-ngìn Thai-ví ke vòng-chhèu.

和合本2010版历代志上17:25 我的上帝啊，因你启示你的僕人，要为他建立家室，所以僕人大胆在你面前祈祷。

现代客语汉字历代志上17:25上帝啊，𠊎大胆在你面前恁样祈祷；因为你将这一切向𠊎—你个僕人启示出来，㧯𠊎讲，你爱立𠊎个后代做王。

现代客语全罗历代志上17:25 Song-ti â, ngài thai-tám chhai Ngì mien-chhièn án-ngiòng khì-tó; yîn-vi Ngì chiông liá yit-chhiet hiong ngài — Ngì ke phu̍k-ngìn khí-sṳ chhut-lòi, lâu ngài kóng, Ngì oi li̍p ngài ke heu-thoi cho vòng.

和合本2010版历代志上17:26 现在，耶和华啊，惟有你是上帝！你应许将这福气赐给僕人。

现代客语汉字历代志上17:26上主啊，只有你係上帝；你对你个僕人也有恁奇妙个应许。

现代客语全罗历代志上17:26 Song-chú â, chṳ́-yû Ngì he Song-ti; Ngì tui Ngì ke phu̍k-ngìn ya yû án khì-meu ke yin-hí.

和合本2010版历代志上17:27 现在，你喜悦赐福给僕人的家，可以永存在你面前。耶和华啊，因你已经赐福，还要赐福到永远。」

现代客语汉字历代志上17:27这下求你赐福给僕人个后代，使佢等继续享受你个恩惠。上主啊，你已经赐福给佢等；愿你永远恩待佢等(4417:27「恩待佢等」抑係译做「受称颂」。)。」

现代客语全罗历代志上17:27 Liá-ha khiù Ngì su-fuk pûn phu̍k-ngìn ke heu-thoi, sṳ́ kì-têu ki-siu̍k hióng-su Ngì ke ên-fi. Song-chú â, Ngì yí-kîn su-fuk pûn kì-têu; ngien Ngì yún-yén ên-thai kì-têu( 44 17:27 “ên-thai kì-têu” ya-he yi̍t-cho “su chhṳ̂n-siung”.).”