列王纪下第7章客家话和合本对照

相关章：

快速到节：

书卷列表：

和合本2010版列王纪下7:1 以利沙说：「你们要听耶和华的话，耶和华如此说：明日约这时候，在撒玛利亚城门口，一细亚细麵只卖一舍客勒，二细亚大麦也卖一舍客勒。」

现代客语汉字列王纪下7:1以利沙讲：「你等爱听上主所讲个话！上主讲这好消息：天光日这个时，在撒马利亚城门口，小麦三公斤只有卖一只银币，大麦六公斤只有卖一只银币。」

现代客语全罗列王纪下7:1 Yî-li-sâ kóng: “Ngì-têu oi thâng Song-chú só-kóng ke fa! Song-chú kóng liá hó sêu-sit: Thiên-kông-ngit liá-ke sṳ̀, chhai Sat-mâ-li-â sàng-mùn héu, séu-ma̍k sâm kûng-kîn chṳ́-yû mai yit-chak ngiùn-pi, thai-ma̍k liuk kûng-kîn chṳ́-yû mai yit-chak ngiùn-pi.”

和合本2010版列王纪下7:2 有一个搀扶王的军官回答神人说：「看哪，即使耶和华打开天上的窗户，也不可能有这事。」以利沙说：「看哪，你必亲眼看见，在那裏却吃不到甚么。」 亚兰军队弃营逃命

现代客语汉字列王纪下7:2扶等王个军长对神人讲：「该係无可能个事。就係上主黏时打开天窗，乜无可能！」以利沙应佢讲：「你一定会亲眼看到这事发生；总係你么介乜食毋到。」

现代客语全罗列王纪下7:2 Fù-tén vòng ke kiûn-chóng tui sṳ̀n-ngìn kóng: “Ke he mò khó-nèn ke sṳ. Chhiu-he Song-chú ngiàm-sṳ̀ tá-khôi thiên-chhûng, me-mò khó-nèn!”Yî-li-sâ en kì kóng: “Ngì yit-thin voi chhîn-ngién khon-tó liá-sṳ fat-sên; chúng-he ngì má-ke me sṳ̍t m̀-tó.”

和合本2010版列王纪下7:3 在城门口有四个长痲疯的人，他们彼此说：「我们为何坐在这裏等死呢？

现代客语汉字列王纪下7:3叙利亚军队撤退在撒马利亚城门外，有四个发癞𰣻个人；佢等大家交谈讲：「𠊎等做么介坐在这位等死呢？

现代客语全罗列王纪下7:3Si-li-â Kiûn-chhui Chha̍t-thui Chhai Sat-mâ-li-â sàng-mùn ngoi, yû si-ke pot thái-kô ke ngìn; kì-têu thai-kâ kâu-thàm kóng: “Ngài-têu cho-má-ke chhô chhai liá-vi tén-sí nè?

和合本2010版列王纪下7:4 我们若说要进城去，城裏有饑荒，我们必死在那裏。若我们在这裏坐着不动，也必死。现在，来吧，我们去向亚兰人的军队投降。若他们饶我们的命，我们就活着；若杀我们，我们就死吧！」

现代客语汉字列王纪下7:4𠊎等到城肚去，城肚有饥荒，𠊎等会在该位饿死；𠊎等坐在这位，也係等死。𠊎等来去向叙利亚军队投降，无一定佢等会给𠊎等一条生路；佢等若係爱㓾𠊎等，就被佢等㓾好了。」

现代客语全罗列王纪下7:4 Ngài-têu to sàng-tú hi, sàng-tú yû kî-fông, ngài-têu voi chhai ke-vi ngo-sí; ngài-têu chhô chhai liá-vi, ya he tén-sí. Ngài-têu lòi-hi hiong Si-li-â kiûn-chhui thèu-hòng, mò yit-thin kì-têu voi pûn ngài-têu yit-thiàu sâng-lu; kì-têu na-he oi chhṳ̀ ngài-têu, chhiu pûn kì-têu chhṳ̀ hó lé.”

和合本2010版列王纪下7:5 黄昏的时候，他们起来往亚兰人的军营去；到了营边，看哪，没有一人在那裏。

现代客语汉字列王纪下7:5所以佢等在临暗仔个时去叙利亚兵营。佢等行到营堘，总係无看到半个人。

现代客语全罗列王纪下7:5 Só-yî kì-têu chhai lìm-am-é ke sṳ̀ hi Si-li-â pîn-yàng. Kì-têu hàng-to yàng-sùn, chúng-he mò khon-tó pan-ke ngìn.

和合本2010版列王纪下7:6 因为主使亚兰人的军队听见战车战马的声音，大军的声音，他们就彼此说：「看哪，这必是以色列王雇用赫人诸王和埃及诸王来攻击我们。」

现代客语汉字列王纪下7:6原来主已经使叙利亚军队听到大队兵马㧯战车个声音；佢等传讲：「以色列王买通赫人㧯埃及人该兜王来攻打𠊎等！」

现代客语全罗列王纪下7:6 Ngièn-lòi Chú yí-kîn sṳ́ Si-li-â kiûn-chhui thâng-tó thai-chhui pîn-mâ lâu chan-chhâ ke sâng-yîm; kì-têu chhòn-kóng: “Yî-set-lie̍t-vòng mâi-thûng Het-ngìn lâu Âi-khi̍p-ngìn ke-têu vòng lòi kûng-tá ngài-têu!”

和合本2010版列王纪下7:7 所以，在黄昏的时候他们起来逃跑，撇下帐棚、马、驴，把军营留在原处，只顾逃命。

现代客语汉字列王纪下7:7所以该日临暗仔，叙利亚人全部逃命走净净，佢等个帐篷、马、驴全部无带走；佢等个兵营还係留在原位。

现代客语全罗列王纪下7:7 Só-yî ke-ngit lìm-am-é, Si-li-â-ngìn chhiòn-phu thò-miang chéu chhiang-chhiang, kì-têu ke chong-phùng, mâ, lì chhiòn-phu mò tai-chéu; kì-têu ke pîn-yàng hàn-he liù chhai ngièn-vi.

和合本2010版列王纪下7:8 那些长痲疯的人到了营边，进了一座帐棚，吃了喝了，从当中拿走金银和衣服，收藏起来。他们又回来，进了另一座帐棚，从当中拿走财物去收藏。

现代客语汉字列王纪下7:8该四个发癞𰣻个行到营地，入去帐篷，在该位又食又啉；佢等看到金仔、银仔、㧯衫裤就拿去囥起来，然后又入去另外一座帐篷，再做共样个事。

现代客语全罗列王纪下7:8 Ke si-ke pot thái-kô ke hàng-to yàng-thi, ngi̍p-hi chong-phùng, chhai ke-vi yu-sṳ̍t yu-lîm; kì-têu khon-tó kîm-é, ngiùn-è, lâu sâm-fu chhiu nâ-hi khong hí-lòi, yèn-heu yu ngi̍p-hi nang-ngoi yit-chho chong-phùng, chai-cho khiung-yong ke sṳ.

和合本2010版列王纪下7:9 那时，他们彼此说：「我们所做的不对了！这一天是有好消息的日子，我们竟不作声！若等到天亮，我们就有罪了。现在，来，我们去向王室报信吧！」

现代客语汉字列王纪下7:9后来佢等彼此讲：「𠊎等无应该恁样做；𠊎等有好消息，做毋得毋㧯人讲。若係𠊎等等到天光朝晨正讲，𠊎等一定会受到刑罚。𠊎等这下就去㧯王个官员讲！」

现代客语全罗列王纪下7:9 Heu-lòi kì-têu pí-chhṳ́ kóng: “Ngài-têu mò yin-kôi án-ngiòng cho; ngài-têu yû-hó sêu-sit, cho-m̀-tet m̀ lâu ngìn kóng. Na-he ngài-têu tén-to thiên-kông chêu-sṳ̀n chang kóng, ngài-têu yit-thin voi su-tó hìn-fa̍t. Ngài-têu liá-ha chhiu hi lâu vòng ke kôn-yèn kóng!”

和合本2010版列王纪下7:10 他们就去叫守城门的人，告诉他们说：「我们到了亚兰人的军营，看哪，没有一人在那裏，也无人声，只有拴着的马和驴，帐棚都留在原处。」

现代客语汉字列王纪下7:10所以佢等转到撒马利亚，向掌城门个人喊讲：「𠊎等去过叙利亚兵营，无看到半个人，也听毋到人声。马㧯驴全部还紽等，帐篷也还留在原位。」

现代客语全罗列王纪下7:10 Só-yî kì-têu chón-to Sat-mâ-li-â, hiong chóng sàng-mùn ke ngìn hêm-kóng: “Ngài-têu hi-ko Si-li-â pîn-yàng, mò khon-tó pan-ke ngìn, ya thâng m̀-tó ngìn-sâng. Mâ lâu lì chhiòn-phu hàn thò-tén, chong-phùng ya hàn liù chhai ngièn-vi.”

和合本2010版列王纪下7:11 守城门的人就呼叫，他们向城内的王室报信。

现代客语汉字列王纪下7:11掌门个喊起来，又将消息传到王宫。

现代客语全罗列王纪下7:11 Chóng-mùn ke hêm hí-lòi, yu chiông sêu-sit chhòn-to vòng-kiûng.

和合本2010版列王纪下7:12 王夜间起来，对臣僕说：「我告诉你们亚兰人向我们做的事。他们知道我们饥饿，所以离营，埋伏在田野，说：『以色列人出城的时候，我们活捉他们，我们就可以进到城裏去。』」

现代客语汉字列王纪下7:12总係王在半夜䟘起来，就对佢个官员讲：「𠊎㧯你等讲，这係叙利亚人个阴谋！佢等知𠊎等这位做饥荒、会饿死，所以佻佻离开兵营，埋伏在田野；爱等𠊎等出城寻食物，该时就做得将𠊎等生生捉起来，好佔领这城。」

现代客语全罗列王纪下7:12 Chúng-he vòng chhai pan-ya hong-hí-lòi, chhiu tui kì ke kôn-yèn kóng: “Ngài lâu ngì-têu kóng, liá he Si-li-â-ngìn ke yîm-mèu! Kì-têu tî ngài-têu liá-vi cho kî-fông, voi ngo-sí, só-yî thiâu-thiâu lì-khôi pîn-yàng, mài-fu̍k chhai thièn-yâ; oi tén ngài-têu chhut-sàng chhìm sṳ̍t-vu̍t, ke-sṳ̀ chhiu cho-tet chiông ngài-têu sâng-sâng chok hí-lòi, hó cham-liâng liá-sàng.”

和合本2010版列王纪下7:13 王的一个臣僕回答说：「不如叫人从城裏剩下的马中取五匹，看哪，这些马像以色列大众一样( [ 7.13] 「不如叫人…一样」是根据一些古卷；原文是「不如叫人从城裏剩下的，从城裏剩下的马中取五匹，看哪，这些马像以色列大众一样，看哪，这些马像以色列大众一样」。)，快要灭亡了；我们派人去窥探吧！」

现代客语汉字列王纪下7:13王个一个官员应讲：「就像该兜死掉个人共样，城肚所賸个人民早慢会饿死净净。所以，样毋喊几个人，骑五只賸到个马，去查看到底係么介事情。」

现代客语全罗列王纪下7:13 Vòng ke yit-ke kôn-yèn en-kóng: “Chhiu-chhiong ke-têu sí-thet ke ngìn khiung-yong, sàng-tú só-chhûn ke ngìn-mìn chó-man voi ngo-sí chhiang-chhiang. Só-yî, ngióng m̀ ham kí-ke ngìn, khì ńg-chak chhûn-tó ke mâ, hi chhà-khon to-tái he má-ke sṳ-chhìn.”

和合本2010版列王纪下7:14 于是他们取了两辆车和马，王派人去跟蹤亚兰人的军队，说：「你们去窥探吧。」

现代客语汉字列王纪下7:14所以，佢等选出几个人来。王派这兜人坐两辆战车㧯马，指示佢等去探叙利亚军队个实际情形。

现代客语全罗列王纪下7:14 Só-yî, kì-têu sién-chhut kí-ke ngìn lòi. Vòng phai liá-têu ngìn chhô lióng-liòng chan-chhâ lâu mâ, chṳ́-sṳ kì-têu hi-tham Si-li-â kiûn-chhui ke sṳ̍t-chi chhìn-hìn.

和合本2010版列王纪下7:15 他们去跟蹤亚兰人，直到约旦河。看哪，整条路上都是亚兰人匆忙逃跑时所丢弃的衣服和器具，使者就回来向王报告。

现代客语汉字列王纪下7:15这兜人一直追到约旦河，透路看到叙利亚人逃走时㧒掉个衫㧯武器，佢等就转去报告王。

现代客语全罗列王纪下7:15 Liá-têu ngìn yit-chhṳ̍t tûi-to Yok-tan-hò, theu-lu khon-tó Si-li-â-ngìn thò-chéu sṳ̀ fit-thet ke sâm lâu vú-hi, kì-têu chhiu chón-hi po-ko vòng.

和合本2010版列王纪下7:16 百姓就出去，掳掠亚兰人的军营。于是一细亚细麵只卖一舍客勒，二细亚大麦也卖一舍客勒，正如耶和华所说的。

现代客语汉字列王纪下7:16撒马利亚个人民遽遽出城去，抢叙利亚人个兵营。这时，就像上主讲过个：小麦三公斤只有卖一只银币，大麦六公斤只有卖一只银币。

现代客语全罗列王纪下7:16 Sat-mâ-li-â ke ngìn-mìn kiak-kiak chhut-sàng hi, chhióng Si-li-â-ngìn ke pîn-yàng. Liá-sṳ̀, chhiu-chhiong Song-chú kóng-ko ke: Séu-ma̍k sâm kûng-kîn chṳ́-yû mai yit-chak ngiùn-pi, thai-ma̍k liuk kûng-kîn chṳ́-yû mai yit-chak ngiùn-pi.

和合本2010版列王纪下7:17 王派搀扶他的那军官在城门指挥，百姓在城门把他踩死了，正如神人在王下到他那裏的时候所说的。

现代客语汉字列王纪下7:17在这以前，以色列王有派扶等佢个军长到城门口指挥，这军长反转被人群踏死在该位，就像神人以利沙在王去看佢该时所预言个。

现代客语全罗列王纪下7:17 Chhai liá yî-chhièn, Yî-set-lie̍t-vòng yû phai fù-tén kì ke kiûn-chóng to sàng mùn-héu chṳ́-fî, liá kiûn-chóng fán-chón pûn ngìn-khiùn tha̍p-sí chhai ke-vi, chhiu-chhiong sṳ̀n-ngìn Yî-li-sâ chhai vòng hi-khon kì ke-sṳ̀ só yi-ngièn ke.

和合本2010版列王纪下7:18 神人曾对王说：「明日约这时候，在撒玛利亚城门口，二细亚大麦只卖一舍客勒，一细亚细麵也卖一舍客勒。」

现代客语汉字列王纪下7:18神人识对王讲：「天光日这个时，在撒马利亚城门口，小麦三公斤只有卖一只银币，大麦六公斤只有卖一只银币。」

现代客语全罗列王纪下7:18 Sṳ̀n-ngìn sṳt tui vòng kóng: “Thiên-kông-ngit liá-ke sṳ̀, chhai Sat-mâ-li-â sàng-mùn héu, séu-ma̍k sâm kûng-kîn chṳ́-yû mai yit-chak ngiùn-pi, thai-ma̍k liuk kûng-kîn chṳ́-yû mai yit-chak ngiùn-pi.”

和合本2010版列王纪下7:19 那军官回答神人说：「看哪，即使耶和华打开天上的窗户，也不可能有这事。」神人说：「看哪，你必亲眼看见，在那裏却吃不到甚么。」

现代客语汉字列王纪下7:19扶等王个军长当时有对神人讲：「该係无可能个事。就係上主黏时打开天窗，乜无可能！」以利沙应佢讲：「你一定会亲眼看到这事发生，总係你么介乜食毋到。」

现代客语全罗列王纪下7:19 Fù-tén vòng ke kiûn-chóng tông-sṳ̀ yû tui sṳ̀n-ngìn kóng: “Ke he mò khó-nèn ke sṳ. Chhiu-he Song-chú ngiàm-sṳ̀ tá-khôi thiên-chhûng, me-mò khó-nèn!” Yî-li-sâ en kì kóng: “Ngì yit-thin voi chhîn-ngién khon-tó liá-sṳ fat-sên, chúng-he ngì má-ke me sṳ̍t m̀-tó.”

和合本2010版列王纪下7:20 这话果然应验在他身上，因为百姓在城门把他踩死了。

现代客语汉字列王纪下7:20这话果然应验，因为佢被城门口个人群踏死掉。

现代客语全罗列王纪下7:20 Liá-fa kó-yèn yin-ngiam, yîn-vi kì pûn sàng mùn-héu ke ngìn-khiùn tha̍p sí-thet.