列王纪下第14章客家话和合本对照

相关章：

快速到节：

书卷列表：

和合本2010版列王纪下14:1犹大王亚玛谢（代下 25:1-24 ） 约哈斯的儿子以色列王约阿施第二年，犹大王约阿施的儿子亚玛谢登基。

现代客语汉字列王纪下14:1犹大王亚玛谢( 历代志下25:1-24 )以色列王约哈斯个孻仔约华施在位第二年，约阿施个孻仔亚玛谢做犹大王。

现代客语全罗列王纪下14:1Yù-thai-vòng Â-mâ-chhia( Li̍t-thoi-chṳ Ha 25:1-24 ) Yî-set-lie̍t-vòng Yok-ha̍p-sṳ̂ ke lai-é Yok-fà-sṳ̂ chhai-vi thi-ngi ngièn, Yok-â-sṳ̂ ke lai-é Â-mâ-chhia cho Yù-thai-vòng.

和合本2010版列王纪下14:2 他登基的时候年二十五岁，在耶路撒冷作王二十九年。他母亲名叫约耶但，是耶路撒冷人。

现代客语汉字列王纪下14:2佢二十五岁个时做王，在耶路撒冷统治二十九年。佢个阿姆约耶但係耶路撒冷人。

现代客语全罗列王纪下14:2 Kì ngi-sṳ̍p ńg-se ke sṳ̀ cho vòng, chhai Yâ-lu-sat-lâng thúng-chhṳ ngi-sṳ̍p kiú-ngièn. Kì ke â-mê Yok-yâ-tan he Yâ-lu-sat-lâng-ngìn.

和合本2010版列王纪下14:3 亚玛谢行耶和华眼中看为正的事，但不如他祖先大卫。他效法他父亲约阿施一切所行的。

现代客语汉字列王纪下14:3亚玛谢行上主看做着个事，总係佢并无做到像厥祖先大卫王恁好；佢学厥爸约阿施所做个定定，

现代客语全罗列王纪下14:3 Â-mâ-chhia hàng Song-chú khon-cho chho̍k ke sṳ, chúng-he kì pin-mò cho-to chhiong kiâ chú-siên Thai-ví-vòng án-hó; kì ho̍k kiâ-pâ Yok-â-sṳ̂ só-cho ke thin-thin,

和合本2010版列王纪下14:4 只是丘坛还没有废去，百姓仍在丘坛献祭烧香。

现代客语汉字列王纪下14:4无拆掉山冈顶个神庙，人民还係在该位献祭烧香。

现代客语全罗列王纪下14:4 mò chhak-thet sân-kông táng ke sṳ̀n-meu, ngìn-mìn hàn-he chhai ke-vi hien-chi sêu-hiông.

和合本2010版列王纪下14:5 王国在他手裏巩固的时候，他就把杀他父王的臣僕杀了，

现代客语汉字列王纪下14:5亚玛谢一坚固政权，就㓾掉该兜暗杀厥爸个官员，

现代客语全罗列王纪下14:5 Â-mâ-chhia yit kiên-ku chṳn-khièn, chhiu chhṳ̀-thet ke-têu am-sat kiâ-pâ ke kôn-yèn,

和合本2010版列王纪下14:6 却没有处死杀王兇手的儿子，正如摩西律法书上耶和华所吩咐的说：「不可因子杀父，也不可因父杀子，各人要为自己的罪而死。」

现代客语汉字列王纪下14:6总係佢并无㓾佢等个子女。佢照上主在摩西法律书中个命令来做；上主讲：「爷𡟓无应该因为子女所犯个罪来处死；子女也无应该因为爷𡟓所犯个罪来处死。逐侪应当担当自家所犯个罪。」

现代客语全罗列王纪下14:6 chúng-he kì pin-mò chhṳ̀ kì-têu ke chṳ́-ńg. Kì cheu Song-chú chhai Mô-sî Fap-li̍t-sû chûng ke min-lin lòi-cho; Song-chú kóng: “Yà-ôi mò yin-kôi yîn-vi chṳ́-ńg só-fam ke chhui lòi chhú-sí; chṳ́-ńg ya mò yin-kôi yîn-vi yà-ôi só-fam ke chhui lòi chhú-sí. Tak-sà yin-tông tâm-tông chhṳ-kâ só-fam ke chhui.”

和合本2010版列王纪下14:7 亚玛谢在盐谷杀了一万以东人，又在战役中攻取了西拉，称它为约帖，直到今日。

现代客语汉字列王纪下14:7亚玛谢在死海南片个盐谷㓾掉一万以东人，又佔领西拉城，将它个名改做约帖，直到今晡日。

现代客语全罗列王纪下14:7 Â-mâ-chhia chhai Sí-hói nàm-phién ke Yàm-kuk chhṳ̀-thet yit-van Yî-tûng-ngìn, yu cham-liâng Sî-lâ-sàng, chiông kì ke miàng kói-cho Yok-thiap, chhṳ̍t-to kîm-pû-ngit.

和合本2010版列王纪下14:8 那时，亚玛谢派使者到耶户的孙子，约哈斯的儿子以色列王约阿施那裏，说：「来，让我们面对面较量吧！」

现代客语汉字列王纪下14:8亚玛谢派使者去见耶户个孙仔、约哈斯个孻仔以色列王约华施，激佢讲：「𠊎等来去战场拚输赢！」

现代客语全罗列王纪下14:8 Â-mâ-chhia phai sṳ́-chá hi kien Yâ-fu ke sûn-é, Yok-ha̍p-sṳ̂ ke lai-é Yî-set-lie̍t-vòng Yok-fà-sṳ̂, kit kì kóng: “Ngài-têu lòi-hi chan-chhòng piang sû-yàng!”

和合本2010版列王纪下14:9 以色列王约阿施派人去见犹大王亚玛谢，说：「黎巴嫩的蒺藜派人去见黎巴嫩的香柏树，说：『将你的女儿嫁给我的儿子。』但有一只野兽经过黎巴嫩，把蒺藜践踏了。

现代客语汉字列王纪下14:9总係以色列王约华施派使者去见犹大王亚玛谢，应佢讲：「有一摆，黎巴嫩山顶个一头竻仔对一头香柏树讲：『将你个妹仔嫁给𠊎个孻仔啊！』无想到，有一只野兽对该位过，该头竻仔却被牠蹂掉。

现代客语全罗列王纪下14:9 Chúng-he Yî-set-lie̍t-vòng Yok-fà-sṳ̂ phai sṳ́-chá hi kien Yù-thai-vòng Â-mâ-chhia, en kì kóng: “Yû yit-pái, Lì-pâ-nun sân-táng ke yit-thèu net-è tui yit-thèu hiông-pak-su kóng: ‘Chiông ngì ke moi-é ka-pûn ngài ke lai-é â!’ Mò sióng-tó, yû yit-chak yâ-chhu tui ke-vi ko, ke-thèu net-è sa pûn kì chhio-thet.

和合本2010版列王纪下14:10 你果然打败了以东，就心高气傲。你以此为荣，就待在自己家裏算了吧，为何要惹祸，使自己和犹大一同败亡呢？」

现代客语汉字列王纪下14:10亚玛谢啊，打赢以东人你个心就恁骄傲噢！在屋下享受你个光荣就好了；何么死苦惹这个灾祸，害你㧯犹大人民共下灭亡？」

现代客语全罗列王纪下14:10 Â-mâ-chhia â, tá-yàng Yî-tûng-ngìn ngì ke sîm chhiu án kiêu-ngau ô! Chhai vuk-hâ hióng-su ngì ke kông-yùng chhiu hó lé; hò má sí-khú ngiâ liá-ke châi-fo, hoi ngì lâu Yù-thai ngìn-mìn khiung-ha me̍t-mòng?”

和合本2010版列王纪下14:11 亚玛谢却不肯听从。于是以色列王约阿施上来，在犹大的伯‧示麦与犹大王亚玛谢面对面较量。

现代客语汉字列王纪下14:11亚玛谢毋听。所以以色列王约华施带领军队，在犹大个伯‧示麦㧯犹大王亚玛谢相㓾。

现代客语全罗列王纪下14:11 Â-mâ-chhia m̀-thâng. Só-yî Yî-set-lie̍t-vòng Yok-fà-sṳ̂ tai-liâng kiûn-chhui, chhai Yù-thai ke Pak-Sṳ-ma̍k lâu Yù-thai-vòng Â-mâ-chhia siông-chhṳ̀.

和合本2010版列王纪下14:12 犹大败在以色列面前，他们逃跑，各人逃回自己的帐棚去了。

现代客语汉字列王纪下14:12犹大军队打输，所有士兵全部走转屋下去。

现代客语全罗列王纪下14:12 Yù-thai kiûn-chhui tá-sû, só-yû sṳ-pîn chhiòn-phu chéu-chón vuk-hâ hi.

和合本2010版列王纪下14:13 以色列王约阿施在伯‧示麦擒住亚哈谢的孙子，约阿施的儿子犹大王亚玛谢，就来到耶路撒冷，拆毁耶路撒冷的城墙，从以法莲门直到角门共四百肘。

现代客语汉字列王纪下14:13以色列王约华施在伯‧示麦捉到亚哈谢个孙仔、约阿施个孻仔犹大王亚玛谢，然后进攻耶路撒冷，将以法莲门到角门大约两百公尺长个一段城墙全部拆掉。

现代客语全罗列王纪下14:13 Yî-set-lie̍t-vòng Yok-fà-sṳ̂ chhai Pak-Sṳ-ma̍k chok-tó Â-ha̍p-chhia ke sûn-é, Yok-â-sṳ̂ ke lai-é Yù-thai-vòng Â-mâ-chhia, yèn-heu chin-kûng Yâ-lu-sat-lâng, chiông Yî-fap-lièn-mùn to Kok-mùn thai-yok lióng-pak kûng-chhak chhòng ke yit-thon sàng-chhiòng chhiòn-phu chhak-thet.

和合本2010版列王纪下14:14 他又拿了耶和华殿裏与王宫府库裏所有的金银和器皿，并带着人质，回撒玛利亚去了。

现代客语汉字列王纪下14:14约华施又将上主个圣殿肚所有个金银、用品，㧯王宫个财宝全部带转撒马利亚，也带兜人做人质。

现代客语全罗列王纪下14:14 Yok-fà-sṳ̂ yu chiông Song-chú ke sṳn-thien tú só-yû ke kîm-ngiùn, yung-phín, lâu vòng-kiûng ke chhòi-pó chhiòn-phu tai-chón Sat-mâ-li-â, ya tai-têu ngìn cho ngìn-chṳt.

和合本2010版列王纪下14:15 约阿施其余所做的事和他英勇的事蹟，以及他与犹大王亚玛谢交战的事，不都写在《以色列诸王记》上吗？

现代客语汉字列王纪下14:15约华施其他个事，包含佢㧯犹大王亚玛谢相㓾这兜英勇个事，全部记在《以色列列王史》底背。

现代客语全罗列王纪下14:15 Yok-fà-sṳ̂ khì-thâ ke sṳ, pâu-hàm kì lâu Yù-thai-vòng Â-mâ-chhia siông-chhṳ̀ liá-têu yîn-yúng ke sṳ, chhiòn-phu ki chhai k Yî-set-lie̍t Lie̍t-vòng Sṳ́k* tî-poi.

和合本2010版列王纪下14:16 约阿施与他祖先同睡，与以色列诸王一同葬在撒玛利亚，他儿子耶罗波安接续他作王。 犹大王亚玛谢去世

现代客语汉字列王纪下14:16约华施死掉，葬在撒马利亚，以色列个王室坟墓肚；佢个孻仔耶罗波安二世承接佢做王。亚玛谢被人㓾死

现代客语全罗列王纪下14:16 Yok-fà-sṳ̂ sí-thet, chong chhai Sat-mâ-li-â, Yî-set-lie̍t ke vòng-sṳt fùn-mu tú; kì ke lai-é Yâ-lò-pô-ôn ngi-sṳ sṳ̀n-chiap kì cho vòng. Â-mâ-chhia Pûn-ngìn Chhṳ̀-sí

和合本2010版列王纪下14:17（代下 25:25-28 ） 约哈斯的儿子以色列王约阿施死后，犹大王约阿施的儿子亚玛谢又活了十五年。

现代客语汉字列王纪下14:17( 历代志下25:25-28 )以色列王约哈斯个孻仔约华施死后，犹大王约阿施个孻仔亚玛谢还食加十五年。

现代客语全罗列王纪下14:17( Li̍t-thoi-chṳ Ha 25:25-28 ) Yî-set-lie̍t-vòng Yok-ha̍p-sṳ̂ ke lai-é Yok-fà-sṳ̂ sí-heu, Yù-thai-vòng Yok-â-sṳ̂ ke lai-é Â-mâ-chhia hàn sṳ̍t-kâ sṳ̍p-ńg ngièn.

和合本2010版列王纪下14:18 亚玛谢其余的事，不都写在《犹大列王记》上吗？

现代客语汉字列王纪下14:18亚玛谢其他个事全部记在《犹大列王史》底背。

现代客语全罗列王纪下14:18 Â-mâ-chhia khì-thâ ke sṳ chhiòn-phu ki chhai k Yù-thai Lie̍t-vòng Sṳ́k* tî-poi.

和合本2010版列王纪下14:19 耶路撒冷有人背叛亚玛谢，亚玛谢逃往拉吉；他们却派人追到拉吉，在那裏杀了他。

现代客语汉字列王纪下14:19在耶路撒冷，有人造反爱谋杀亚玛谢，所以佢逃到拉吉城；总係造反个派人逐到该位，将佢㓾掉。

现代客语全罗列王纪下14:19 Chhai Yâ-lu-sat-lâng, yû-ngìn chho-fán oi mèu-sat Â-mâ-chhia, só-yî kì thò-to Lâ-kit-sàng; chúng-he chho-fán ke phai-ngìn kiuk-to ke-vi, chiông kì chhṳ̀-thet.

和合本2010版列王纪下14:20 有人用马将他驮回，葬在耶路撒冷，与他祖先一同葬在大卫城。

现代客语汉字列王纪下14:20有人将佢个尸体用马仔载转耶路撒冷，葬在大卫城个王室坟墓肚。

现代客语全罗列王纪下14:20 Yû-ngìn chiông kì ke sṳ̂-thí yung mâ-é chai-chón Yâ-lu-sat-lâng, chong chhai Thai-ví-sàng ke vòng-sṳt fùn-mu tú.

和合本2010版列王纪下14:21 犹大众百姓立亚撒利雅( [ 14.21] 「亚撒利雅」又名「乌西雅」，下同；参王下15:13。)接续他父亲亚玛谢作王，那时他年十六岁。

现代客语汉字列王纪下14:21所有个犹大人民设立厥十六岁个孻仔乌西雅(1514:21「乌西雅」希伯来文係「亚撒利雅」，14:22共样。)承接佢做王。

现代客语全罗列王纪下14:21 Só-yû ke Yù-thai ngìn-mìn sat-li̍p kiâ sṳ̍p-liuk se ke lai-é Vû-sî-ngâ( 15 14:21 “Vû-sî-ngâ” Hî-pak-lòi-vùn he “Â-sat-li-ngâ”, 14:22 khiung-yong.) sṳ̀n-chiap kì cho vòng.

和合本2010版列王纪下14:22 亚玛谢王与他祖先同睡之后，亚撒利雅收复以拉他回归犹大，又重新整修。 以色列王耶罗波安二世

现代客语汉字列王纪下14:22亚玛谢王死掉以后，乌西雅将以拉他收转来归属犹大，重新修建。以色列王耶罗波安二世

现代客语全罗列王纪下14:22 Â-mâ-chhia-vòng sí-thet yî-heu, Vû-sî-ngâ chiông Yî-lâ-thâ sû chón-lòi kûi-su̍k Yù-thai, chhùng-sîn siû-kien. Yî-set-lie̍t-vòng Yâ-lò-pô-ôn Ngi-sṳ

和合本2010版列王纪下14:23 约阿施的儿子犹大王亚玛谢第十五年，以色列王约阿施的儿子耶罗波安在撒玛利亚登基，作王四十一年。

现代客语汉字列王纪下14:23犹大王约阿施个孻仔亚玛谢在位第十五年，约华施个孻仔耶罗波安二世做以色列王；佢在撒马利亚统治四十一年。

现代客语全罗列王纪下14:23 Yù-thai-vòng Yok-â-sṳ̂ ke lai-é Â-mâ-chhia chhai-vi thi sṳ̍p-ńg ngièn, Yok-fà-sṳ̂ ke lai-é Yâ-lò-pô-ôn ngi-sṳ cho Yî-set-lie̍t-vòng; kì chhai Sat-mâ-li-â thúng-chhṳ si-sṳ̍p yit-ngièn.

和合本2010版列王纪下14:24 他行耶和华眼中看为恶的事，不离开尼八的儿子耶罗波安使以色列陷入罪裏的一切罪。

现代客语汉字列王纪下14:24佢行上主看做邪恶个事，学厥祖先尼八个孻仔耶罗波安个坏模样，害以色列人犯罪。

现代客语全罗列王纪下14:24 Kì hàng Song-chú khon-cho sià-ok ke sṳ, ho̍k kiâ chú-siên Nì-pat ke lai-é Yâ-lò-pô-ôn ke fái mù-yong, hoi Yî-set-lie̍t-ngìn fam-chhui.

和合本2010版列王纪下14:25 他收回以色列边界之地，从哈马口直到亚拉巴海，正如耶和华－以色列的上帝藉他僕人迦特‧希弗人亚米太的儿子约拿先知所说的。

现代客语汉字列王纪下14:25佢将所有属以色列个土地收转来，对北方个哈马隘口直到南方个死海。这係上主—以色列个上帝通过佢个僕人迦特‧希弗人亚米太个孻仔，先知约拿所预言个。

现代客语全罗列王纪下14:25 Kì chiông só-yû su̍k Yî-set-lie̍t ke thú-thi sû chón-lòi, tui pet-fông ke Ha̍p-mâ ai-héu chhṳ̍t-to nàm-fông ke Sí-hói. Liá he Song-chú — Yî-set-lie̍t ke Song-ti thûng-ko Kì ke phu̍k-ngìn Kâ-thi̍t-Hî-fut-ngìn Â-mí-thai ke lai-é, siên-tî Yok-nâ só yi-ngièn ke.

和合本2010版列王纪下14:26 因耶和华看见以色列非常艰苦的困境；没有奴役的，没有自由的，也没有人来帮助以色列。

现代客语汉字列王纪下14:26上主看到所有个以色列人，无论自由抑係无自由个，受到当大个苦难，无人帮助佢等。

现代客语全罗列王纪下14:26 Song-chú khon-tó só-yû ke Yî-set-lie̍t-ngìn, mò-lun chhṳ-yù ya-he mò chhṳ-yù ke, su-tó tông-thai ke khú-nan, mò-ngìn pông-chhu kì-têu.

和合本2010版列王纪下14:27 耶和华并没有说要将以色列的名从天下涂抹，却要藉约阿施的儿子耶罗波安拯救他们。

现代客语汉字列王纪下14:27上主毋拌得以色列人灭掉去，所以佢通过约华施个孻仔耶罗波安二世拯救佢等。

现代客语全罗列王纪下14:27 Song-chú m̀ phan-tet Yî-set-lie̍t-ngìn me̍t-thet hi, só-yî Kì thûng-ko Yok-fà-sṳ̂ ke lai-é Yâ-lò-pô-ôn ngi-sṳ chṳ́n-kiu kì-têu.

和合本2010版列王纪下14:28 耶罗波安其余的事，凡他所做的和他英勇的事蹟，他怎样作战，怎样收复大马士革和先前属犹大的哈马回归以色列，不都写在《以色列诸王记》上吗？

现代客语汉字列王纪下14:28耶罗波安二世其他个事，佢在战场个勇敢㧯佢样般将大马士革㧯哈马收转来归属以色列，全部记在《以色列列王史》底背。

现代客语全罗列王纪下14:28 Yâ-lò-pô-ôn ngi-sṳ khì-thâ ke sṳ, kì chhai chan-chhòng ke yúng-kám lâu kì ngióng-pân chiông Thai-mâ-sṳ-kiet lâu Ha̍p-mâ sû chón-lòi kûi-su̍k Yî-set-lie̍t, chhiòn-phu ki chhai k Yî-set-lie̍t Lie̍t-vòng Sṳ́k* tî-poi.

和合本2010版列王纪下14:29 耶罗波安与他祖先以色列诸王同睡，他儿子撒迦利雅接续他作王。

现代客语汉字列王纪下14:29耶罗波安二世死掉，葬在以色列个王室坟墓肚；佢个孻仔撒迦利雅承接佢做王。

现代客语全罗列王纪下14:29 Yâ-lò-pô-ôn ngi-sṳ sí-thet, chong chhai Yî-set-lie̍t ke vòng-sṳt fùn-mu tú; kì ke lai-é Sat-kâ-li-ngâ sṳ̀n-chiap kì cho vòng.