列王纪上第3章客家话和合本对照

相关章：

快速到节：

书卷列表：

和合本2010版列王纪上3:1所罗门的祈祷（代下 1:3-12 ） 所罗门与埃及王法老结亲，娶了法老的女儿，接她进入大卫城，直等到建完了自己的宫和耶和华的殿，以及耶路撒冷周围的城墙。

现代客语汉字列王纪上3:1所罗门求智慧( 历代志下1:3-12 )所罗门㧯埃及王结盟，讨埃及王个妹仔做𡜵娘。佢吂起自家住个王宫、上主个圣殿㧯耶路撒冷周围个城墙以前，佢一直俾埃及公主住在大卫城肚。

现代客语全罗列王纪上3:1Só-lò-mùn Khiù Chṳ-fi( Li̍t-thoi-chṳ Ha 1:3-12 ) Só-lò-mùn lâu Âi-khi̍p-vòng kiet-mèn, thó Âi-khi̍p-vòng ke moi-é cho pû-ngiòng. Kì màng hí chhṳ-kâ he̍t ke vòng-kiûng, Song-chú ke sṳn-thien lâu Yâ-lu-sat-lâng chû-vì ke sàng-chhiòng yî-chhièn, kì yit-chhṳ̍t pûn Âi-khi̍p kûng-chú he̍t chhai Thai-ví-sàng tú.

和合本2010版列王纪上3:2 当那些日子，百姓仍在丘坛献祭，因为还没有为耶和华的名建殿。

现代客语汉字列王纪上3:2上主个圣殿还吂起个时，人民在山冈顶献祭。

现代客语全罗列王纪上3:2 Song-chú ke sṳn-thien hàn-màng hí ke sṳ̀, ngìn-mìn chhai sân-kông táng hien-chi.

和合本2010版列王纪上3:3 所罗门爱耶和华，遵行他父亲大卫的律例，只是还在丘坛献祭烧香。

现代客语汉字列王纪上3:3所罗门敬爱上主，照厥爸大卫个训示行事，总係佢还係在逐位山冈顶献祭烧香。

现代客语全罗列王纪上3:3 Só-lò-mùn kin-oi Song-chú, cheu kiâ-pâ Thai-ví ke hiun-sṳ hàng-sṳ, chúng-he kì hàn-he chhai tak-vi sân-kông táng hien-chi sêu-hiông.

和合本2010版列王纪上3:4 所罗门王到基遍，在那裏献祭，因为基遍有极大的丘坛。所罗门在那坛上献了一千祭牲为燔祭。

现代客语汉字列王纪上3:4有一摆，所罗门王到基遍献祭，因为该山冈顶个祭坛係最出名个。佢在该位献(53:4「佢在该位献」抑係译做「佢以前常常在该位献」抑係「佢以前识在该位献过」。)一千只烧化祭。

现代客语全罗列王纪上3:4 Yû yit-pái, Só-lò-mùn-vòng to Kî-phiên hien-chi, yîn-vi ke sân-kông táng ke chi-thàn he chui chhut-miàng ke. Kì chhai ke-vi hien( 5 3:4 “Kì chhai ke-vi hien” ya-he yi̍t-cho “Kì yî-chhièn sòng-sòng chhai ke-vi hien” ya-he “Kì yî-chhièn sṳt chhai ke-vi hien-ko”.) yit-chhiên chak sêu-fa-chi.

和合本2010版列王纪上3:5 在基遍，耶和华夜间在梦中向所罗门显现；上帝说：「你愿我赐你甚么，你可以求。」

现代客语汉字列王纪上3:5该暗晡，上主在梦中向佢显现，问佢：「你爱求𠊎赐给你么介？」

现代客语全罗列王纪上3:5 Ke am-pû, Song-chú chhai mung-chûng hiong kì hién-hien, mun kì: “Ngì oi khiù Ngài su-pûn ngì má-ke?”

和合本2010版列王纪上3:6 所罗门说：「你曾向你僕人我父亲大卫大施慈爱，因为他用忠信、公义、正直的心行在你面前。你又为他存留大慈爱，赐他一个儿子坐在他的王位上，正如今日一样。

现代客语汉字列王纪上3:6所罗门应讲：「你一直用伟大个慈爱款待你个僕人—吾爸大卫，因为佢对你忠心、诚实、有正直个心。到这下，你还係用这种伟大个慈爱款待佢，赐给佢一个孻仔今晡日坐在佢个王位。

现代客语全罗列王纪上3:6 Só-lò-mùn en-kóng: “Ngì yit-chhṳ̍t yung ví-thai ke chhṳ̀-oi khoán-thai Ngì ke phu̍k-ngìn — ngâ-pâ Thai-ví, yîn-vi kì tui Ngì chûng-sîm, sṳ̀n-sṳ̍t, yû chṳn-chhṳ̍t ke sîm. To liá-ha, Ngì hàn-he yung liá-chúng ví-thai ke chhṳ̀-oi khoán-thai kì, su-pûn kì yit-ke lai-é kîm-pû-ngit chhô chhai kì ke vòng-vi.

和合本2010版列王纪上3:7 现在，耶和华－我的上帝啊，你使僕人接续我父亲大卫作王；但我是幼小的孩子，不知道应当怎样出入。

现代客语汉字列王纪上3:7上主—𠊎个上帝啊，虽然僕人还后生，毋知样般治理国家，总係你俾𠊎承接吾爸大卫做王。

现代客语全罗列王纪上3:7 Song-chú — ngài ke Song-ti â, sûi-yèn phu̍k-ngìn hàn heu-sâng, m̀-tî ngióng-pân chhṳ-lî koet-kâ, chúng-he Ngì pûn ngài sṳ̀n-chiap ngâ-pâ Thai-ví cho vòng.

和合本2010版列王纪上3:8 僕人住在你拣选的百姓中，这百姓之多，多得不可点，不可算。

现代客语汉字列王纪上3:8僕人在你所拣选个人民当中做王；佢等个人数多到无法度算。

现代客语全罗列王纪上3:8 Phu̍k-ngìn chhai Ngì só kién-sién ke ngìn-mìn tông-chûng cho vòng; kì-têu ke ngìn-su tô-to mò fap-thu son.

和合本2010版列王纪上3:9 所以求你赐僕人善于了解的心，可以判断你的百姓，辨别是非。不然，谁能判断你这么多的百姓呢？」

现代客语汉字列王纪上3:9所以，求你赐给僕人有智慧，使𠊎有能力为佢等断是非、分好坏；若无，𠊎样般做得统治你恁多个人民？」

现代客语全罗列王纪上3:9 Só-yî, khiù Ngì su-pûn phu̍k-ngìn yû chṳ-fi, sṳ́ ngài yû nèn-li̍t vi kì-têu ton sṳ-fî, pûn hó-fái; na-mò, ngài ngióng-pân cho-tet thúng-chhṳ Ngì án-tô ke ngìn-mìn?”

和合本2010版列王纪上3:10 所罗门因为求这事，就蒙主喜悦。

现代客语汉字列王纪上3:10主上帝欢喜所罗门个祈求，

现代客语全罗列王纪上3:10 Chú Song-ti fôn-hí Só-lò-mùn ke khì-khiù,

和合本2010版列王纪上3:11 上帝对他说：「你既然求这事，不为自己求寿、求富，也不求灭绝你仇敌的性命，只求能明辨，可以听讼，

现代客语汉字列王纪上3:11就对佢讲：「因为你无为自家求长寿、求财富、抑係求消灭敌人，反转求断是非个智慧，会用公义治理人民，

现代客语全罗列王纪上3:11 chhiu tui kì kóng: “Yîn-vi ngì mò vi chhṳ-kâ khiù chhòng-su, khiù chhòi-fu, ya-he khiù sêu-me̍t thi̍t-ngìn, fán-chón khiù ton sṳ-fî ke chṳ-fi, voi yung kûng-ngi chhṳ-lî ngìn-mìn,

和合本2010版列王纪上3:12 看哪，我会照你的话去做，看哪，我会赐你智慧和明辨的心，在你以前没有像你的，在你以后也没有兴起像你的。

现代客语汉字列王纪上3:12所以𠊎爱照你所求个给你。𠊎爱赐给你聪明智慧；这係以前个人所无个，以后个人也毋会再有。

现代客语全罗列王纪上3:12 só-yî Ngài oi cheu ngì só-khiù ke pûn ngì. Ngài oi su-pûn ngì chhûng-mìn chṳ-fi; liá he yî-chhièn ke ngìn só mò ke, yî-heu ke ngìn ya m̀-voi chai-yû.

和合本2010版列王纪上3:13 你没有求的，我也赐给你，就是富足、尊荣，使你在世一切的日子，列王中没有一个能比你的。

现代客语汉字列王纪上3:13你无求个，𠊎也爱赐给你；你一生享受个荣华富贵，在列王中无一个做得㧯你比。

现代客语全罗列王纪上3:13 Ngì mò-khiù ke, Ngài ya oi su-pûn ngì; ngì yit-sên hióng-su ke yùng-fà fu-kui, chhai lie̍t-vòng chûng mò yit-ke cho-tet lâu ngì pí.

和合本2010版列王纪上3:14 你若遵行我的道，谨守我的律例、诫命，正如你父亲大卫所行的，我必使你长寿。」

现代客语汉字列王纪上3:14你若顺从𠊎，遵行𠊎个法律㧯诫命，像若爸大卫共样，𠊎会赐给你长寿。」

现代客语全罗列王纪上3:14 Ngì na sun-chhiùng Ngài, chûn-hàng Ngài ke fap-li̍t lâu kie-min, chhiong ngiâ-pâ Thai-ví khiung-yong, Ngài voi su-pûn ngì chhòng-su.”

和合本2010版列王纪上3:15 所罗门醒了，看哪，是个梦。他就来到耶路撒冷，站在耶和华的约柜前，献燔祭和平安祭，又为众臣僕摆设宴席。 所罗门审疑难的案件

现代客语汉字列王纪上3:15所罗门睡醒，知上帝在梦中向佢讲话。所以佢到耶路撒冷去，企在上主个约柜前，献烧化祭㧯平安祭，然后摆筵席款待佢所有个官员。所罗门审判争细人仔个案仔

现代客语全罗列王纪上3:15 Só-lò-mùn soi-siáng, tî Song-ti chhai mung-chûng hiong kì kóng-fa. Só-yî kì to Yâ-lu-sat-lâng hi, khî chhai Song-chú ke yok-khui chhièn, hien sêu-fa-chi lâu phìn-ôn-chi, yèn-heu pài yèn-si̍t khoán-thai kì só-yû ke kôn-yèn. Só-lò-mùn Sṳ́m-phan Châng Se-ngìn-è ke On-é

和合本2010版列王纪上3:16 那时，有两个妓女来，站在王面前。

现代客语汉字列王纪上3:16有一日，有两个妓女来见所罗门王，企在佢面前。

现代客语全罗列王纪上3:16 Yû yit-ngit, yû lióng-ke kî-ńg lòi kien Só-lò-mùn-vòng, khî chhai kì mien-chhièn.

和合本2010版列王纪上3:17 一个妇人说：「我主啊，我和这妇人同住一屋。她在屋子裏的时候，我生了一个孩子。

现代客语汉字列王纪上3:17一个讲：「吾主啊，这妇人家㧯𠊎共下住在一间屋肚；𠊎在屋下𫱔细人仔个时，姖也在该位。

现代客语全罗列王纪上3:17 Yit-ke kóng: “Ngâ chú â, liá fu-ngìn-kâ lâu ngài khiung-ha he̍t chhai yit-kiên vuk-tú; ngài chhai vuk-hâ kiung se-ngìn-è ke sṳ̀, kì ya chhai ke-vi.

和合本2010版列王纪上3:18 我生了以后第三天，这妇人也生了。我们是一起的，屋子裏除了我们二人之外，再没有别人在屋子裏。

现代客语汉字列王纪上3:18𠊎𫱔一个细孻仔；两日后姖也𫱔一个细孻仔。这屋肚只有𠊎两侪，无别人。

现代客语全罗列王纪上3:18 Ngài kiung yit-ke se-lai-é; lióng ngit-heu kì ya kiung yit-ke se-lai-é. Liá vuk-tú chṳ́-yû ngài lióng-sà, mò phe̍t-ngìn.

和合本2010版列王纪上3:19 夜间，这妇人的儿子死了，因为她压在她的儿子身上。

现代客语汉字列王纪上3:19有一暗晡，姖无注意，却碛死自家个细人仔。

现代客语全罗列王纪上3:19 Yû yit am-pû, kì mò chu-yi, sa chak-sí chhṳ-kâ ke se-ngìn-è.

和合本2010版列王纪上3:20 她半夜起来，趁你使女睡着的时候，从我旁边把我儿子抱走，放在她怀裏，又把她死的儿子放在我怀裏。

现代客语汉字列王纪上3:20姖就半夜䟘起来，在𠊎当好睡个时对吾身边揇走𠊎个孻仔，放在姖个胸前，然后将姖死掉个细人仔放在𠊎胸前。

现代客语全罗列王纪上3:20 Kì chhiu pan-ya hong-hí-lòi, chhai ngài tông hó-soi ke sṳ̀ tui ngâ sṳ̂n-piên nám-chéu ngài ke lai-é, piong chhai kì ke hiûng-chhièn, yèn-heu chiông kì sí-thet ke se-ngìn-è piong chhai ngài hiûng-chhièn.

和合本2010版列王纪上3:21 清早，我起来要给我的儿子吃奶，看哪，他死了；早晨我仔细察看他，看哪，他不是我所生的儿子。」

现代客语汉字列王纪上3:21第二朝晨，𠊎䟘起来爱给细人仔食乳，发现佢已经死掉；𠊎详细看，原来这个毋係𠊎𫱔个细人仔。」

现代客语全罗列王纪上3:21 Thi-ngi chêu-sṳ̀n, ngài hong-hí-lòi oi pûn se-ngìn-è sṳ̍t-nen, fat-hien kì yí-kîn sí-thet; ngài siòng-se khon, ngièn-lòi liá-ke m̀-he ngài kiung ke se-ngìn-è.”

和合本2010版列王纪上3:22 另一个妇人说：「不！我的儿子是活的，你的儿子是死的。」但这一个说：「不！你的儿子是死的，我的儿子是活的。」她们就在王面前争吵。

现代客语汉字列王纪上3:22另外一个妇人家讲：「毋着！还生个细人仔係𠊎个，死个正係你个！」第一个妇人家应讲：「毋着！死个细人仔係你个，还生个正係𠊎个！」姖等在王面前就恁样吵来吵去。

现代客语全罗列王纪上3:22 Nang-ngoi yit-ke fu-ngìn-kâ kóng: “M̀-chho̍k! Hàn-sâng ke se-ngìn-è he ngài ke, sí ke chang he ngì ke!”Thi-yit ke fu-ngìn-kâ en-kóng: “M̀-chho̍k! Sí ke se-ngìn-è he ngì ke, hàn-sâng ke chang he ngài ke!”Kì-têu chhai vòng mien-chhièn chhiu án-ngiòng chhàu lòi chhàu hi.

和合本2010版列王纪上3:23 王说：「这妇人说：『这是我的儿子，他是活的，你的儿子是死的。』那妇人说：『不！你的儿子是死的，我的儿子是活的。』」

现代客语汉字列王纪上3:23所罗门王心肚想：「姖等两侪全部讲还生个细人仔係自家个，死个係对方个。」

现代客语全罗列王纪上3:23 Só-lò-mùn-vòng sîm-tú sióng: “Kì-têu lióng-sà chhiòn-phu kóng hàn-sâng ke se-ngìn-è he chhṳ-kâ ke, sí ke he tui-fông ke.”

和合本2010版列王纪上3:24 王就说：「给我拿刀来！」人就把刀拿到王面前来。

现代客语汉字列王纪上3:24所以佢讲：「拿刀仔来！」部下就将刀仔拿来。

现代客语全罗列王纪上3:24 Só-yî kì kóng: “Nâ tô-é lòi!” Phu-ha chhiu chiông tô-é nâ-lòi.

和合本2010版列王纪上3:25 王说：「把活孩子劈成两半，一半给这妇人，一半给那妇人。」

现代客语汉字列王纪上3:25王下令讲：「将这还生个细人仔剖做两析，一析给这妇人家，一析给该妇人家。」

现代客语全罗列王纪上3:25 Vòng ha-lin kóng: “Chiông liá hàn-sâng ke se-ngìn-è pho-cho lióng-sak, yit-sak pûn liá fu-ngìn-kâ, yit-sak pûn ke fu-ngìn-kâ.”

和合本2010版列王纪上3:26 活孩子的母亲为自己的儿子心急如焚，对王说：「求我主把活孩子给那妇人吧，万不可杀死他！」那妇人说：「这孩子也不归我，也不归你，你们就劈了吧！」

现代客语汉字列王纪上3:26该还生个细人仔个阿姆因为惜自家个孻仔，就对王讲：「吾主啊，千万毋好㓾这细人仔！求你将佢交给该妇人家好了！」总係另外一个妇人家讲：「毋使给𠊎，也毋好给姖，将这细人仔剖做两析！」

现代客语全罗列王纪上3:26 Ke hàn-sâng ke se-ngìn-è ke â-mê yîn-vi siak chhṳ-kâ ke lai-é, chhiu tui vòng kóng: “Ngâ chú â, chhiên-van m̀-hó chhṳ̀ liá se-ngìn-è! Khiù ngì chiông kì kâu-pûn ke fu-ngìn-kâ hó lé!”Chúng-he nang-ngoi yit-ke fu-ngìn-kâ kóng: “M̀-sṳ́ pûn ngài, ya m̀-hó pûn kì, chiông liá se-ngìn-è pho-cho lióng-sak!”

和合本2010版列王纪上3:27 王回应说：「把活孩子给这妇人，万不可杀死他，因为这妇人是他的母亲。」

现代客语汉字列王纪上3:27所罗门王讲：「毋好㓾这细人仔！将佢交给第一个妇人家，因为姖正係细人仔个阿姆。」

现代客语全罗列王纪上3:27 Só-lò-mùn-vòng kóng: “M̀-hó chhṳ̀ liá se-ngìn-è! Chiông kì kâu-pûn thi-yit ke fu-ngìn-kâ, yîn-vi kì chang he se-ngìn-è ke â-mê.”

和合本2010版列王纪上3:28 全以色列听见王这样判断，就都敬畏王，因为他们看见他心中有上帝的智慧，能够断案。

现代客语汉字列王纪上3:28以色列人民听到所罗门王恁样个决裁，全部当佩服佢；因为佢等知上帝赐给佢智慧，有能力审判案仔。

现代客语全罗列王纪上3:28 Yî-set-lie̍t ngìn-mìn thâng-tó Só-lò-mùn-vòng án-ngiòng ke kiet-chhài, chhiòn-phu tông phi-fu̍k kì; yîn-vi kì-têu tî Song-ti su-pûn kì chṳ-fi, yû nèn-li̍t sṳ́m-phan on-é.