列王纪上第20章客家话和合本对照

相关章：

快速到节：

书卷列表：

和合本2010版列王纪上20:1与亚兰人争战亚兰王便‧哈达召集他的全军，率领三十二个王，带着马和战车，上来围困撒玛利亚，要攻打它。

现代客语汉字列王纪上20:1㧯叙利亚相㓾叙利亚个王便‧哈达召集佢所有个军队，带领属佢个三十二个王㧯佢等个战车、战马出去相㓾，围攻撒马利亚。

现代客语全罗列王纪上20:1Lâu Si-li-â Siông-chhṳ̀ Si-li-â ke vòng Phien-Ha̍p-tha̍t seu-si̍p kì só-yû ke kiûn-chhui, tai-liâng su̍k kì ke sâm-sṳ̍p ngi-ke vòng lâu kì-têu ke chan-chhâ, chan-mâ chhut-hi siông-chhṳ̀, vì-kûng Sat-mâ-li-â.

和合本2010版列王纪上20:2 他派使者进城到以色列王亚哈那裏，对他说：「便‧哈达如此说：

现代客语汉字列王纪上20:2佢派兜使者到城肚去㧯以色列王亚哈讲：「便‧哈达恁样讲：

现代客语全罗列王纪上20:2 Kì phai-têu sṳ́-chá to sàng-tú hi lâu Yî-set-lie̍t-vòng Â-ha̍p kóng: “Phien-Ha̍p-tha̍t án-ngiòng kóng:

和合本2010版列王纪上20:3 『你的金银都要归我，你妻妾儿女中最美的也要归我。』」

现代客语汉字列王纪上20:3你爱将金仔、银仔、你该兜𡜵娘，还有若该兜当扎、当靓个子女全部交给𠊎。」

现代客语全罗列王纪上20:3 Ngì oi chiông kîm-é, ngiùn-è, ngì ke-têu pû-ngiòng, hàn-yû ngiâ ke-têu tông-chap, tông-chiâng ke chṳ́-ńg chhiòn-phu kâu-pûn ngài.”

和合本2010版列王纪上20:4 以色列王回答说：「我主我王啊，就照着你的话，我和我所有的都归你。」

现代客语汉字列王纪上20:4以色列王回答佢个话讲：「请㧯𠊎个主便‧哈达王讲，𠊎会照佢所讲个去做。𠊎㧯𠊎所有个全部做得给佢。」

现代客语全罗列王纪上20:4 Yî-set-lie̍t-vòng fì-tap kì ke fa kóng: “Chhiáng lâu ngài ke chú Phien-Ha̍p-tha̍t-vòng kóng, ngài voi cheu kì só-kóng ke hi-cho. Ngài lâu ngài só-yû ke chhiòn-phu cho-tet pûn kì.”

和合本2010版列王纪上20:5 使者又来说：「便‧哈达如此说：『我已派人到你那裏，要你把你的金银、妻妾、儿女都归我。』

现代客语汉字列王纪上20:5无几久，该兜使者又倒转来，带等便‧哈达另外个要求讲：「𠊎㧯你讲过，你爱将你个金银、你该兜𡜵娘，还有子女全部交给𠊎。

现代客语全罗列王纪上20:5 Mò kí-kiú, ke-têu sṳ́-chá yu to-chón-lòi, tai-tén Phien-Ha̍p-tha̍t nang-ngoi ke yêu-khiù kóng: “Ngài lâu ngì kóng-ko, ngì oi chiông ngì ke kîm-ngiùn, ngì ke-têu pû-ngiòng, hàn-yû chṳ́-ńg chhiòn-phu kâu-pûn ngài.

和合本2010版列王纪上20:6 但明日约在这时候，我还要派臣僕到你那裏，搜查你的家和你僕人的家，你眼中一切所喜爱的都由他们的手拿走。」

现代客语汉字列王纪上20:6总係天光日这时节，𠊎爱派𠊎个官员到你个王宫㧯你大臣个屋下搜查，将你所看做值钱个东西全部拿走。」

现代客语全罗列王纪上20:6 Chúng-he thiên-kông-ngit liá sṳ̀-chiet, ngài oi phai ngài ke kôn-yèn to ngì ke vòng-kiûng lâu ngì thai-sṳ̀n ke vuk-hâ sêu-chhà, chiông ngì só khon-cho ta̍t-chhièn ke tûng-sî chhiòn-phu nâ-chéu.”

和合本2010版列王纪上20:7 以色列王召了国内所有的长老来，说：「你们要知道，看，这人是来找麻烦的！他派人到我这裏来，要我的妻妾、儿女和金银，我并没有拒绝他。」

现代客语汉字列王纪上20:7以色列王将国内该兜长老全部召集来，对佢等讲：「你等看，这个人爱来害𠊎等。佢先派人迫𠊎交出𠊎个𡜵娘、子女㧯金银，𠊎并无拒绝。」

现代客语全罗列王纪上20:7 Yî-set-lie̍t-vòng chiông koet-nui ke-têu chóng-ló chhiòn-phu seu-si̍p lòi, tui kì-têu kóng: “Ngì-têu khon, liá-ke ngìn oi lòi hoi ngài-têu. Kì siên phai-ngìn pet ngài kâu-chhut ngài ke pû-ngiòng, chṳ́-ńg lâu kîm-ngiùn, ngài pin-mò khî-chhie̍t.”

和合本2010版列王纪上20:8 所有的长老和众百姓对王说：「不要听从他，也不要答应他。」

现代客语汉字列王纪上20:8所有个长老㧯人民全部讲：「毋好听佢个！毋好答应佢！」

现代客语全罗列王纪上20:8 Só-yû ke chóng-ló lâu ngìn-mìn chhiòn-phu kóng: “M̀-hó thâng kì ke! M̀-hó tap-yin kì!”

和合本2010版列王纪上20:9 以色列王对便‧哈达的使者说：「你们告诉我主我王说：『王头一次派人向僕人所要的一切，僕人都依从，但这事我不能依从。』」使者就去回覆便‧哈达。

现代客语汉字列王纪上20:9所以，亚哈回答便‧哈达该兜使者讲：「请㧯𠊎个主便‧哈达王讲：僕人会答应你第一摆个要求，总係这摆𠊎无办法答应！」该兜使者就转去向王报告，

现代客语全罗列王纪上20:9 Só-yî, Â-ha̍p fì-tap Phien-Ha̍p-tha̍t ke-têu sṳ́-chá kóng: “Chhiáng lâu ngài ke chú Phien-Ha̍p-tha̍t-vòng kóng: Phu̍k-ngìn voi tap-yin ngì thi-yit pái ke yêu-khiù, chúng-he liá-pái ngài mò phan-fap tap-yin!”Ke-têu sṳ́-chá chhiu chón-hi hiong vòng po-ko,

和合本2010版列王纪上20:10 便‧哈达又派人到亚哈那裏，说：「撒玛利亚的尘土若足够跟从我的军兵每人手拿一把，愿神明重重惩罚我！」

现代客语汉字列王纪上20:10无几久又带等便‧哈达个话转来，讲：「𠊎爱带大队人马去破坏撒马利亚。若係城肚个泥粉罅佢等逐侪捧一捧，愿神明重重责罚𠊎！」

现代客语全罗列王纪上20:10 mò kí-kiú yu tai-tén Phien-Ha̍p-tha̍t ke fa chón-lòi, kóng: “Ngài oi tai thai-chhui ngìn-mâ hi pho-fái Sat-mâ-li-â. Na-he sàng-tú ke nài-fún la kì-têu tak-sà púng yit-púng, ngien sṳ̀n-mìn chhûng-chhûng chit-fa̍t ngài!”

和合本2010版列王纪上20:11 以色列王回答说：「你们告诉他说，『刚束上腰带的，不要像已卸下的那样夸口。』」

现代客语汉字列王纪上20:11以色列王讲：「你等转去㧯佢讲：真实个战士毋係在相㓾前歕鸡颏，係在打赢后夸口。」

现代客语全罗列王纪上20:11 Yî-set-lie̍t-vòng kóng: “Ngì-têu chón-hi lâu kì kóng: Chṳ̂n-sṳ̍t ke chan-sṳ m̀-he chhai siông-chhṳ̀ chhièn phùn kiê-kôi, he chhai tá-yàng heu khoâ-khiéu.”

和合本2010版列王纪上20:12 便‧哈达和诸王正在帐幕裏喝酒，听见这话，就对他臣僕说：「摆阵吧！」他们就摆阵攻城。

现代客语汉字列王纪上20:12便‧哈达接到亚哈个答覆，佢㧯其他个王堵好在营肚个帐篷(3220:12「营肚个帐篷」抑係译做「疏割」，20:16共样。)啉酒。佢下令讲：「準备攻城！」佢等就準备好势爱去攻打撒马利亚。

现代客语全罗列王纪上20:12 Phien-Ha̍p-tha̍t chiap-tó Â-ha̍p ke tap-fu̍k, kì lâu khì-thâ ke vòng tú-hó chhai yàng-tú ke chong-phùng( 32 20:12 “yàng-tú ke chong-phùng” ya-he yi̍t-cho “Sû-kot”, 20:16 khiung-yong.) lîm-chiú. Kì ha-lin kóng: “Chún-phi kûng-sàng!” Kì-têu chhiu chún-phi hó-se oi hi kûng-tá Sat-mâ-li-â.

和合本2010版列王纪上20:13 看哪，一个先知靠近以色列王亚哈，说：「耶和华如此说：『这一大羣人你看见了吗？看哪，今日我必把他们交在你手裏，你就知道我是耶和华。』」

现代客语汉字列王纪上20:13这时，有一个先知去见以色列王亚哈，对佢讲：「上主讲：『你有看到对方个军队恁大阵么！看哪！𠊎今晡日爱使你打赢佢等，你就知𠊎係上主。』」

现代客语全罗列王纪上20:13 Liá-sṳ̀, yû yit-ke siên-tî hi kien Yî-set-lie̍t-vòng Â-ha̍p, tui kì kóng: “Song-chú kóng: ‘Ngì yû khon-tó tui-fông ke kiûn-chhui án thai-chhṳn mò! Khon nâ! Ngài kîm-pû-ngit oi sṳ́ ngì tá-yàng kì-têu, ngì chhiu tî Ngài he Song-chú.’ ”

和合本2010版列王纪上20:14 亚哈说：「藉着谁呢？」他说：「耶和华如此说：『藉着跟从省长的年轻人。』」亚哈说：「谁要开战呢？」他说：「你！」

现代客语汉字列王纪上20:14亚哈问：「么人爱去打头阵呢？」先知讲：「上主讲：在逐省该兜跈省长属下个少壮军官。」王又问：「么人做总指挥呢？」先知讲：「就係你。」

现代客语全罗列王纪上20:14 Â-ha̍p mun: “Má-ngìn oi hi tá thèu-chhṳn nè?”Siên-tî kóng: “Song-chú kóng: Chhai tak-sén ke-têu thèn sén-chóng su̍k-hâ ke seu-chong kiûn-kôn.”Vòng yu mun: “Má-ngìn cho chúng chṳ́-fî nè?”Siên-tî kóng: “Chhiu-he ngì.”

和合本2010版列王纪上20:15 于是亚哈数点跟从省长的年轻人，共二百三十二名，然后又数点以色列的众军兵，共七千名。

现代客语汉字列王纪上20:15所以，王召集在逐省该兜跈省长属下个少壮军官两百三十二侪，又召集以色列军队七千侪。

现代客语全罗列王纪上20:15 Só-yî, vòng seu-si̍p chhai tak-sén ke-têu thèn sén-chóng su̍k-hâ ke seu-chong kiûn-kôn lióng-pak sâm-sṳ̍p ngi-sà, yu seu-si̍p Yî-set-lie̍t kiûn-chhui chhit-chhiên sà.

和合本2010版列王纪上20:16 中午，他们出了城；便‧哈达和帮助他的三十二个王正在帐幕裏畅饮。

现代客语汉字列王纪上20:16当昼，便‧哈达㧯协助佢个三十二个王在营肚个帐篷酒醉个时，以色列人开始攻击。

现代客语全罗列王纪上20:16 Tông-chu, Phien-Ha̍p-tha̍t lâu hia̍p-chhu kì ke sâm-sṳ̍p ngi-ke vòng chhai yàng-tú ke chong-phùng chiú-chui ke sṳ̀, Yî-set-lie̍t-ngìn khôi-sṳ́ kûng-kit.

和合本2010版列王纪上20:17 跟从省长的年轻人先出城。便‧哈达派人去，他们回报说：「有人从撒玛利亚出来了。」

现代客语汉字列王纪上20:17该兜少壮军官先出发。便‧哈达派去个探仔就回报讲：「有人对撒马利亚出来。」

现代客语全罗列王纪上20:17 Ke-têu seu-chong kiûn-kôn siên chhut-fat. Phien-Ha̍p-tha̍t phai-hi ke tham-é chhiu fì-po kóng: “Yû ngìn tui Sat-mâ-li-â chhut-lòi.”

和合本2010版列王纪上20:18 他说：「他们若为求和出来，要活捉他们，若为打仗出来，也要活捉他们。」

现代客语汉字列王纪上20:18佢就下令：「将佢等生生捉起来！毋管佢等係来相㓾抑係来讲和个。」

现代客语全罗列王纪上20:18 Kì chhiu ha-lin: “Chiông kì-têu sâng-sâng chok hí-lòi! M̀-kón kì-têu he lòi siông-chhṳ̀ ya-he lòi kóng-fò ke.”

和合本2010版列王纪上20:19 跟从省长的年轻人，和跟随他们的军兵，都出了城，

现代客语汉字列王纪上20:19该兜少壮军官带头出战；以色列军队跈在后背。

现代客语全罗列王纪上20:19 Ke-têu seu-chong kiûn-kôn tai-thèu chhut-chan; Yî-set-lie̍t kiûn-chhui thèn chhai heu-poi.

和合本2010版列王纪上20:20 各人遇见敌人就击杀。亚兰人逃跑，以色列人追赶他们；亚兰王便‧哈达骑着马和骑兵一同逃跑。

现代客语汉字列王纪上20:20逐侪拢总㓾死所堵到个敌人。因为恁样，叙利亚人就逃走，以色列人在后背追。叙利亚王便‧哈达骑等马，㧯几个骑兵共下逃走。

现代客语全罗列王纪上20:20 Tak-sà lûng-chúng chhṳ̀-sí só tù-tó ke thi̍t-ngìn. Yîn-vi án-ngiòng, Si-li-â-ngìn chhiu thò-chéu, Yî-set-lie̍t-ngìn chhai heu-poi tûi. Si-li-â-vòng Phien-Ha̍p-tha̍t khì-tén mâ, lâu kí-ke khì-pîn khiung-ha thò-chéu.

和合本2010版列王纪上20:21 以色列王出城攻击( [ 20.21] 「攻击」：七十士译本是「掳获一切的」。)马和战车，大大击杀亚兰人。

现代客语汉字列王纪上20:21以色列王一直追到城外，去抢该兜战车㧯马仔，将叙利亚人打到横笐横袋。

现代客语全罗列王纪上20:21 Yî-set-lie̍t-vòng yit-chhṳ̍t tûi-tó sàng-ngoi, hi-chhióng ke-têu chan-chhâ lâu mâ-é, chiông Si-li-â-ngìn tá-to vang-kòng vang-thoi.

和合本2010版列王纪上20:22 那先知靠近以色列王，对他说：「去吧，你当自强，看清楚，也要知道你所要做的事，因为再过一年，亚兰王会上来攻击你。」 亚兰人第二次来犯

现代客语汉字列王纪上20:22后来，该先知去见以色列王，讲：「转去加强你个军力，好好计划，因为叙利亚王明年春天一定还会来攻打你。」叙利亚人第二摆侵犯

现代客语全罗列王纪上20:22 Heu-lòi, ke siên-tî hi kien Yî-set-lie̍t-vòng, kóng: “Chón-hi kâ-khiòng ngì ke kiûn-li̍t, hó-hó kie-va̍k, yîn-vi Si-li-â-vòng màng-ngièn chhûn-thiên yit-thin hàn-voi lòi kûng-tá ngì.” Si-li-â-ngìn Thi-ngi Pái Chhîm-fam

和合本2010版列王纪上20:23 亚兰王的臣僕对他说：「他们的神是山神，所以他们胜过我们。但在平原与他们打仗，我们一定胜过他们。

现代客语汉字列王纪上20:23叙利亚王个官员对佢讲：「以色列人个神係山神，所以以色列人打赢𠊎等。总係，𠊎等在平原㧯佢等相㓾，𠊎等一定会打赢佢等。

现代客语全罗列王纪上20:23 Si-li-â-vòng ke kôn-yèn tui kì kóng: “Yî-set-lie̍t-ngìn ke sṳ̀n he sân-sṳ̀n, só-yî Yî-set-lie̍t-ngìn tá-yàng ngài-têu. Chúng-he, ngài-têu chhai phìn-ngièn lâu kì-têu siông-chhṳ̀, ngài-têu yit-thin voi tá-yàng kì-têu.

和合本2010版列王纪上20:24 王当做这样的事，把诸王革去，派军官代替他们，

现代客语汉字列王纪上20:24大王，你爱恁样做：撤掉该三十二个王个军权，改派其他个将军来代佢等，

现代客语全罗列王纪上20:24 Thai-vòng, ngì oi án-ngiòng cho: Chha̍t-thet ke sâm-sṳ̍p ngi-ke vòng ke kiûn-khièn, kói-phai khì-thâ ke chiông-kiûn lòi thoi kì-têu,

和合本2010版列王纪上20:25 又照着王丧失军兵的数目，再招募一支军队，马补马，车补车。然后在平原与他们打仗，我们一定胜过他们。」王就听臣僕的话，照样去做。

现代客语汉字列王纪上20:25然后重新编一队军兵，上摆失掉个战马㧯战车也爱补足。𠊎等爱在平地㧯以色列人相㓾；这摆𠊎等一定会打赢。」王採纳佢等个建议。

现代客语全罗列王纪上20:25 yèn-heu chhùng-sîn phiên yit-chhui kiûn-pîn, song-pái sṳt-thet ke chan-mâ lâu chan-chhâ ya oi pú-chiuk. Ngài-têu oi chhai phiàng-thi lâu Yî-set-lie̍t-ngìn siông-chhṳ̀; liá-pái ngài-têu yit-thin voi tá-yàng.” Vòng chhái-na̍p kì-têu ke kien-ngi.

和合本2010版列王纪上20:26 过了一年，便‧哈达果然召集亚兰人上亚弗去，要与以色列人打仗。

现代客语汉字列王纪上20:26第二年春天，便‧哈达召集叙利亚人到亚弗城，爱去攻打以色列人。

现代客语全罗列王纪上20:26 Thi-ngi ngièn chhûn-thiên, Phien-Ha̍p-tha̍t seu-si̍p Si-li-â-ngìn to Â-fut-sàng, oi hi kûng-tá Yî-set-lie̍t-ngìn.

和合本2010版列王纪上20:27 以色列人也召集军兵，预备食物，去迎战亚兰人。 以色列人对着他们安营，好像两小羣的山羊；亚兰人却布满了地面。

现代客语汉字列王纪上20:27以色列人也召集军队，好好準备，佢等分做两队出去，面向叙利亚人安营。总係以色列人㧯田野拶拶个叙利亚人比起来，就像係两细群个山羊。

现代客语全罗列王纪上20:27 Yî-set-lie̍t-ngìn ya seu-si̍p kiûn-chhui, hó-hó chún-phi, kì-têu fûn-cho lióng-chhui chhut-hi, mien-hiong Si-li-â-ngìn ôn-yàng. Chúng-he Yî-set-lie̍t-ngìn lâu thièn-yâ cha̍t-cha̍t ke Si-li-â-ngìn pí hí-lòi, chhiu-chhiong he lióng se-khiùn ke sân-yòng.

和合本2010版列王纪上20:28 有神人靠近，对以色列王说：「耶和华如此说：『亚兰人既说我－耶和华是山神，不是平原之神，我必将这一大羣人全都交在你手中，你们就知道我是耶和华。』」

现代客语汉字列王纪上20:28有一个神人去见以色列王，讲：「上主恁样讲：『因为叙利亚人讲𠊎係山神，毋係平原个神，所以𠊎爱使你打赢佢等个大军，你等就知𠊎係上主。』」

现代客语全罗列王纪上20:28 Yû yit-ke sṳ̀n-ngìn hi kien Yî-set-lie̍t-vòng, kóng: “Song-chú án-ngiòng kóng: ‘Yîn-vi Si-li-â-ngìn kóng Ngài he sân-sṳ̀n, m̀-he phìn-ngièn ke sṳ̀n, só-yî Ngài oi sṳ́ ngì tá-yàng kì-têu ke thai-kiûn, ngì-têu chhiu tî Ngài he Song-chú.’ ”

和合本2010版列王纪上20:29 以色列人与亚兰人相对安营七日，到第七日两军开战。那一日以色列人杀了亚兰的十万步兵，

现代客语汉字列王纪上20:29叙利亚人㧯以色列人对阵安营七日久。到第七日，佢等就交战。该日，以色列人㓾掉叙利亚十万步兵。

现代客语全罗列王纪上20:29 Si-li-â-ngìn lâu Yî-set-lie̍t-ngìn tui-chhṳn ôn-yàng chhit-ngit kiú. To thi-chhit ngit, kì-têu chhiu kâu-chan. Ke-ngit, Yî-set-lie̍t-ngìn chhṳ̀-thet Si-li-â sṳ̍p-van phu-pîn.

和合本2010版列王纪上20:30 其余的都逃向亚弗，到了城裏，城墙倒塌，压死了剩下的二万七千人。便‧哈达也逃入城内，藏在严密的内室裏。

现代客语汉字列王纪上20:30賸到个人逃入亚弗城；城墙横下来，又碛死两万七千人。便‧哈达也逃入城肚，囥在一座屋仔最底背个间房。

现代客语全罗列王纪上20:30 Chhûn-tó ke ngìn thò-ngi̍p Â-fut-sàng; sàng-chhiòng vang hâ-lòi, yu chak-sí lióng-van chhit-chhiên ngìn.Phien-Ha̍p-tha̍t ya thò-ngi̍p sàng-tú, khong chhai yit-chho vuk-è chui tî-poi ke kiên-fòng.

和合本2010版列王纪上20:31 他的臣僕对他说：「看哪，我们听说以色列家的王都是仁慈的王；让我们腰束麻布，头套绳索，出去到以色列王那裏，也许他会存留王的性命。」

现代客语汉字列王纪上20:31佢个官员对佢讲：「𠊎等听讲以色列该兜王全部尽慈悲。请准𠊎等去见这以色列王。𠊎等爱在腰身围麻布，在颈筋䌈索仔；恁样，无一定佢会饶你个命。」

现代客语全罗列王纪上20:31 Kì ke kôn-yèn tui kì kóng: “Ngài-têu thâng-kóng Yî-set-lie̍t ke-têu vòng chhiòn-phu chhin chhṳ̀-pî. Chhiáng chún ngài-têu hi kien liá Yî-set-lie̍t-vòng. Ngài-têu oi chhai yêu-sṳ̂n vì mà-pu, chhai kiáng-kîn thak sok-è; án-ngiòng, mò yit-thin kì voi ngièu ngì ke miang.”

和合本2010版列王纪上20:32 于是他们腰束麻布，头套绳索，来到以色列王那裏，说：「王的僕人便‧哈达说：『求王饶我一命。』」亚哈说：「他还活着吗？他是我的兄弟。」

现代客语汉字列王纪上20:32所以佢等拿麻布围在腰身，用索仔䌈在颈筋，到以色列王该位去，讲：「你个僕人便‧哈达求你饶佢一命。」亚哈讲：「佢还生係么？佢係𠊎个兄弟！」

现代客语全罗列王纪上20:32 Só-yî kì-têu nâ mà-pu vì chhai yêu-sṳ̂n, yung sok-è thak chhai kiáng-kîn, to Yî-set-lie̍t-vòng ke-vi hi, kóng: “Ngì ke phu̍k-ngìn Phien-Ha̍p-tha̍t khiù ngì ngièu kì yit-miang.”Â-ha̍p kóng: “Kì hàn-sâng he-mò? Kì he ngài ke hiûng-thi!”

和合本2010版列王纪上20:33 这些人正在探测吉凶，就立即抓住他的话说：「便‧哈达是王的兄弟！」王说：「你们去请他来。」便‧哈达出来到王那裏，王就请他上车。

现代客语汉字列王纪上20:33便‧哈达个官员一看到机会难得，就遽遽顺佢个话讲：「就像王所讲个，便‧哈达係你个兄弟！」亚哈下令讲：「去带佢来！」便‧哈达到个时，亚哈请佢㧯自家共下坐上战车。

现代客语全罗列王纪上20:33 Phien-Ha̍p-tha̍t ke kôn-yèn yit khon-tó kî-fi nàn-tet, chhiu kiak-kiak sun kì ke fa kóng: “Chhiu-chhiong vòng só-kóng ke, Phien-Ha̍p-tha̍t he ngì ke hiûng-thi!”Â-ha̍p ha-lin kóng: “Hi tai kì lòi!” Phien-Ha̍p-tha̍t to ke sṳ̀, Â-ha̍p chhiáng kì lâu chhṳ-kâ khiung-ha chhô-sông chan-chhâ.

和合本2010版列王纪上20:34 便‧哈达对王说：「我父从你父那裏所夺的城镇，我必归还给你。你可以在大马士革为你自己设立街市，像我父在撒玛利亚所设立的一样。」亚哈说：「我照此立约，放你回去。」王就与他立约，放了他。 先知责亚哈纵敌

现代客语汉字列王纪上20:34便‧哈达讲：「𠊎爱将吾爸对若爸该位抢来个城市归还你，又俾你在大马士革设立贸易中心，像吾爸在撒马利亚所做个。」亚哈应讲：「好，𠊎会照约放你走。」亚哈就㧯佢立约，然后放佢走。

现代客语全罗列王纪上20:34 Phien-Ha̍p-tha̍t kóng: “Ngài oi chiông ngâ-pâ tui ngiâ-pâ ke-vi chhióng-lòi ke sàng-sṳ kûi-vàn ngì, yu pûn ngì chhai Thai-mâ-sṳ-kiet sat-li̍p méu-yi̍t chûng-sîm, chhiong ngâ-pâ chhai Sat-mâ-li-â só cho ke.”Â-ha̍p en-kóng: “Hó, ngài voi cheu-yok piong ngì chéu.” Â-ha̍p chhiu lâu kì li̍p-yok, yèn-heu piong kì chéu.

和合本2010版列王纪上20:35 有一个人是先知的门徒，遵照耶和华的话对他同伴说：「你打我吧！」那人不肯打他。

现代客语汉字列王纪上20:35先知责备亚哈有一群先知，其中一个奉上主命令向另外一个同伴讲：「来打𠊎！」总係该先知毋肯打佢。

现代客语全罗列王纪上20:35Siên-tî Chit-phi Â-ha̍p Yû yit-khiùn siên-tî, khì-chûng yit-ke fung Song-chú min-lin hiong nang-ngoi yit-ke thùng-phân kóng: “Lòi tá ngài!” Chúng-he ke siên-tî m̀-hén tá kì.

和合本2010版列王纪上20:36 他就对那人说：「你既不听从耶和华的话，看哪，你一离开我，必有狮子咬死你。」那人一离开他，果然遇见狮子，把他咬死了。

现代客语汉字列王纪上20:36所以佢对该先知讲：「因为你无听从上主个命令，你一离开𠊎，就会有狮仔来咬死你。」该先知走开以后，断真堵到狮仔，将佢咬死。

现代客语全罗列王纪上20:36 Só-yî kì tui ke siên-tî kóng: “Yîn-vi ngì mò thâng-chhiùng Song-chú ke min-lin, ngì yit lì-khôi ngài, chhiu voi yû sṳ̂-é lòi ngâu-sí ngì.” Ke siên-tî chéu-khôi yî-heu, ton-chṳ̂n tù-tó sṳ̂-é, chiông kì ngâu-sí.

和合本2010版列王纪上20:37 先知的门徒又遇见一个人，对他说：「你打我吧！」那人就打他，把他打伤。

现代客语汉字列王纪上20:37先前讲话该先知又寻到另外一侪，对佢讲：「来打𠊎！」该侪人就打佢，将佢打伤了。

现代客语全罗列王纪上20:37 Siên-chhièn kóng-fa ke siên-tî yu chhìm-tó nang-ngoi yit-sà, tui kì kóng: “Lòi tá ngài!” Ke-sà ngìn chhiu tá kì, chiông kì tá-sông lé.

和合本2010版列王纪上20:38 那先知就去了，用头巾蒙眼，改了装，在路旁等候王。

现代客语汉字列王纪上20:38先知用布仔将目珠揞起来，假做别人，在路堘企等，等以色列王经过。

现代客语全罗列王纪上20:38 Siên-tî yung pu-é chiông muk-chû êm hí-lòi, ká-cho phe̍t-ngìn, chhai lu-sùn khî-tén, tén Yî-set-lie̍t-vòng kîn-ko.

和合本2010版列王纪上20:39 王从那裏经过，他向王呼叫说：「僕人出战的时候，看哪，有人转过来，带了一个人到我这裏来，说：『你要看守这人，若他真的失蹤了，你的性命必代替他的性命，否则，你就要交出一他连得银子来。』

现代客语汉字列王纪上20:39王经过个时，先知大声喊：「国王，𠊎相㓾个时，有一个士兵将一个捉来个敌人交给𠊎，讲：『掌等这个人；若係佢走掉，你爱用命赔命，抑係罚三千只银币。』

现代客语全罗列王纪上20:39 Vòng kîn-ko ke sṳ̀, siên-tî thai-sâng hêm: “Koet-vòng, ngài siông-chhṳ̀ ke sṳ̀, yû yit-ke sṳ-pîn chiông yit-ke chok-lòi ke thi̍t-ngìn kâu-pûn ngài, kóng: ‘Chóng-tén liá-ke ngìn; na-he kì chéu-thet, ngì oi yung miang phòi-miang, ya-he fa̍t sâm-chhiên chak ngiùn-pi.’

和合本2010版列王纪上20:40 僕人正在到处忙碌的时候，那人就不见了。」以色列王对他说：「你自己决定了，就必照样判你。」

现代客语汉字列王纪上20:40总係𠊎尽无闲个时，这个人却走掉去。」以色列王讲：「你已经判自家个罪了；你一定爱接受刑罚。」

现代客语全罗列王纪上20:40 Chúng-he ngài chhin mò-hàn ke sṳ̀, liá-ke ngìn sa chéu-thet hi.”Yî-set-lie̍t-vòng kóng: “Ngì yí-kîn phan chhṳ-kâ ke chhui lé; ngì yit-thin oi chiap-su hìn-fa̍t.”

和合本2010版列王纪上20:41 他急忙除掉蒙眼的头巾，以色列王就认出他是一个先知。

现代客语汉字列王纪上20:41先知黏时将揞目珠个布仔拿下来，以色列王就认出佢係先知。

现代客语全罗列王纪上20:41 Siên-tî ngiàm-sṳ̀ chiông êm muk-chû ke pu-é nâ hâ-lòi, Yî-set-lie̍t-vòng chhiu ngin-chhut kì he siên-tî.

和合本2010版列王纪上20:42 他对王说：「耶和华如此说：『因你把我决定要消灭的人从你手中放走，所以你的命必代替他的命，你的百姓必代替他的百姓。』」

现代客语汉字列王纪上20:42所以先知对王讲：「上主恁样讲：『因为你将𠊎命令你爱除掉个人放走，你一定爱用你个命赔命，也爱用你个人民赔佢个人民。』」

现代客语全罗列王纪上20:42 Só-yî siên-tî tui vòng kóng: “Song-chú án-ngiòng kóng: ‘Yîn-vi ngì chiông Ngài min-lin ngì oi chhù-thet ke ngìn piong-chéu, ngì yit-thin oi yung ngì ke miang phòi-miang, ya oi yung ngì ke ngìn-mìn phòi kì ke ngìn-mìn.’ ”

和合本2010版列王纪上20:43 于是以色列王生气，忧闷地回撒玛利亚，到自己的宫去了。

现代客语汉字列王纪上20:43以色列王转到撒马利亚个王宫，心肚发阏当无欢喜。

现代客语全罗列王纪上20:43 Yî-set-lie̍t-vòng chón-to Sat-mâ-li-â ke vòng-kiûng, sîm-tú pot-at tông mò fôn-hí.