出埃及记查经第23章客家话和合本对照

相关章：

快速到节：

书卷列表：

和合本2010版出埃及记23:1正义和公正「不可散布谣言；不可与恶人连手作恶意的见证。

现代客语汉字出埃及记23:1正义㧯公当「做毋得传谣言；做毋得㧯坏人连手做假见证。

现代客语全罗出埃及记23:1Chṳn-ngi lâu Kûng-tong “Cho-m̀-tet chhòn yèu-ngièn; cho-m̀-tet lâu fái-ngìn lièn sú cho ká kien-chṳn.

和合本2010版出埃及记23:2不可附和羣众作恶；不可在诉讼中附和羣众歪曲公正，作歪曲的见证；

现代客语汉字出埃及记23:2做毋得跈众人做坏事；在打官司个事上做毋得跈众人冤枉正直；

现代客语全罗出埃及记23:2 Cho-m̀-tet thèn chung-ngìn cho fái-sṳ; chhai tá kôn-sṳ̂ ke sṳ-song cho-m̀-tet thèn chung-ngìn yên-vóng chṳn-chhṳ̍t;

和合本2010版出埃及记23:3也不可在诉讼中偏袒贫寒人。

现代客语汉字出埃及记23:3穷苦人打官司个时也做毋得偏心保护佢。

现代客语全罗出埃及记23:3 khiùng-khú ngìn tá kôn-sṳ̂ ke sṳ̀ ya cho-m̀-tet phiên-sîm pó-fu kì.

和合本2010版出埃及记23:4「若遇见你仇敌的牛或驴迷了路，务必牵回来交给他。

现代客语汉字出埃及记23:4「若係你堵到仇敌个牛抑係驴迷路，爱牵转去交还佢。

现代客语全罗出埃及记23:4 “Na-he ngì tù-tó sù-thi̍t ke ngiù ya-he lì mì-lu, oi khiên chón-hi kâu-vàn kì.

和合本2010版出埃及记23:5若看见恨你的人的驴被压在重驮之下，不可走开，务要和他一同卸下驴的重驮。

现代客语汉字出埃及记23:5若係仇敌个驴揹忒重跌倒，爱帮助佢将驴扶起来，做毋得闪开。

现代客语全罗出埃及记23:5 Na-he sù-thi̍t ke lì pà thet-chhûng tiet-tó, oi pông-chhu kì chiông lì fù hí-lòi, cho-m̀-tet sám-khôi.

和合本2010版出埃及记23:6「不可在贫穷人的诉讼中屈枉正直。

现代客语汉字出埃及记23:6「穷苦人打官司个时，你做毋得冤枉正直。

现代客语全罗出埃及记23:6 “Khiùng-khú ngìn tá kôn-sṳ̂ ke sṳ̀, ngì cho-m̀-tet yên-vóng chṳn-chhṳ̍t.

和合本2010版出埃及记23:7当远离诬告的事。不可杀害无辜和义人，因我必不以恶人为义。

现代客语汉字出埃及记23:7做毋得用无影无迹个事来告人；做毋得判正直无罪个人死刑；因为𠊎一定爱责罚做这种坏事个人。

现代客语全罗出埃及记23:7 Cho-m̀-tet yung mò-yáng mò-chiak ke sṳ lòi ko-ngìn; cho-m̀-tet phan chṳn-chhṳ̍t mò-chhui ke ngìn sí-hìn; yîn-vi Ngài yit-thin oi chit-fa̍t cho liá-chúng fái-sṳ ke ngìn.

和合本2010版出埃及记23:8不可接受贿赂，因为贿赂能使明眼人变瞎，又能曲解义人的证词。

现代客语汉字出埃及记23:8做毋得被人个红包收买；因为收红包会使人青盲，又会曲解义人个话。

现代客语全罗出埃及记23:8 Cho-m̀-tet pûn ngìn ke fùng-pâu sû-mâi; yîn-vi sû fùng-pâu voi sṳ́-ngìn chhiâng-miâng, yu-voi khiuk-kié ngi-ngìn ke fa.

和合本2010版出埃及记23:9「不可欺压寄居的，因为你们在埃及地作过寄居的，知道寄居者的心情。」安息年和安息日

现代客语汉字出埃及记23:9「做毋得欺负对外地来个旅客；因为你等识在埃及做过旅客，经验过做旅客个滋味。」第七年㧯第七日

现代客语全罗出埃及记23:9 “Cho-m̀-tet khî-fu tui ngoi-thi lòi ke lî-hak; yîn-vi ngì-têu sṳt chhai Âi-khi̍p cho ko lî-hak, kîn-ngiam ko cho lî-hak ke chṳ̂-mi.” Thi-chhit Ngièn lâu Thi-chhit Ngit

和合本2010版出埃及记23:10「六年你要耕种田地，收集地的出产。

现代客语汉字出埃及记23:10「六年中你爱耕种田地，收成产物；

现代客语全罗出埃及记23:10 “Liuk-ngièn chûng ngì oi kâng-chung thièn-thi, sû-sṳ̀n sán-vu̍t;

和合本2010版出埃及记23:11只是第七年你要让地歇息，不耕不种，使你百姓中的贫穷人有吃的；他们吃剩的，野兽可以吃。你的葡萄园和橄榄园也要照样办理。

现代客语汉字出埃及记23:11总係在第七年，你爱俾土地歇睏，做毋得耕种。爱俾穷苦人食该兜产物，賸下个给野兽食。你个葡萄园㧯橄榄园也爱照样办理。

现代客语全罗出埃及记23:11 chúng-he chhai thi-chhit ngièn, ngì oi pûn thú-thi hiet-khun, cho-m̀-tet kâng-chung. Oi pûn khiùng-khú ngìn sṳ̍t ke-têu sán-vu̍t, chhûn-hâ ke pûn yâ-chhu sṳ̍t. Ngì ke phù-thò-yèn lâu kám-lám-yèn ya oi cheu-yong phan-lî.

和合本2010版出埃及记23:12「六日你要做工，第七日要安息，使牛、驴可以歇息，也让你使女的儿子和寄居的可以恢复精力。

现代客语汉字出埃及记23:12「一礼拜六日做事，总係第七日做毋得做事，好俾你个牛、驴休息，并使你个奴才㧯暂住个旅客全部有好来回复元气。

现代客语全罗出埃及记23:12 “Yit lî-pai liuk-ngit cho-se, chúng-he thi-chhit ngit cho-m̀-tet cho-se, hó-pûn ngì ke ngiù, lì hiû-sit, pin sṳ́ ngì ke nù-chhòi lâu chhiam-he̍t ke lî-hak chhiòn-phu yû-hó lòi fì-fu̍k ngièn-hi.

和合本2010版出埃及记23:13「凡我对你们说的话，你们都要谨守。别神的名，你不可提，也不可用口说给人听。」三大节期

现代客语汉字出埃及记23:13「𠊎—上主对你等讲过个话，你等爱认真遵守。做毋得向其他个神明祈祷，连佢等个名也做毋得提到。」三大节期

现代客语全罗出埃及记23:13 “Ngài — Song-chú tui ngì-têu kóng-ko ke fa, ngì-têu oi ngin-chṳ̂n chûn-sú. Cho-m̀-tet hiong khì-thâ ke sṳ̀n-mìn khì-tó, lièn kì-têu ke miàng ya cho-m̀-tet thì-tó.” Sâm Thai Chiet-khì

和合本2010版出埃及记23:14（出34:18-26 申16:1-17 ）「一年三次，你要向我守节。

现代客语汉字出埃及记23:14( 出埃及记34:18-26 申命记16:1-17 )「逐年爱为𠊎守三大节期。

现代客语全罗出埃及记23:14( Chhut Âi-khi̍p Ki 34:18-26 Sṳ̂n-min Ki 16:1-17 ) “Tak-ngièn oi vi Ngài sú sâm thai chiet-khì.

和合本2010版出埃及记23:15你要守除酵节，照我所吩咐你的，在亚笔月内所定的日期吃无酵饼七天，因为你是在这月离开了埃及。谁也不可空手来朝见我。

现代客语汉字出埃及记23:15爱在亚笔月，就係你离开埃及该只月，照𠊎所吩咐个守除酵节。在节期个七日中，爱食无酵饼。「做毋得空手来敬拜𠊎。

现代客语全罗出埃及记23:15 Oi chhai Â-pit-ngie̍t, chhiu-he ngì lì-khôi Âi-khi̍p ke-chak ngie̍t, cheu Ngài só fûn-fu ke sú Chhù-kau-chiet. Chhai chiet-khì ke chhit-ngit chûng, oi-sṳ̍t vù-kau-piáng.“Cho-m̀-tet khûng-sú lòi kin-pai Ngài.

和合本2010版出埃及记23:16你要守收割节，收田间所种、劳碌所得初熟之物。你年底收藏田间劳碌所得时，要守收藏节。

现代客语汉字出埃及记23:16「你爱在开始收成农产物个时守收割节。「你爱在秋季摘果子个时守收藏节。

现代客语全罗出埃及记23:16 “Ngì oi chhai khôi-sṳ́ sû-sṳ̀n nùng-sán-vu̍t ke sṳ̀ sú Sû-kot-chiet.“Ngì oi chhai chhiû-kui chak kó-chṳ́ ke sṳ̀ sú Sû-chhòng-chiet.

和合本2010版出埃及记23:17所有的男丁都要一年三次朝见主耶和华。

现代客语汉字出埃及记23:17「逐年堵到这三大节期，你屋下所有个男人全部爱来敬拜𠊎—至高个上主。

现代客语全罗出埃及记23:17 “Tak-ngièn tù-tó liá sâm thai chiet-khì, ngì vuk-hâ só-yû ke nàm-ngìn chhiòn-phu oi-lòi kin-pai Ngài — Chṳ-kô ke Song-chú.

和合本2010版出埃及记23:18「不可将我祭牲的血和有酵之物一同献上，也不可将我节期中祭牲的脂肪留到早晨。

现代客语汉字出埃及记23:18「你献牲祭个时，做毋得拿牲祭个血㧯有酵个饼共下献。节期所献牲祭个油，做毋得留到第二朝晨。

现代客语全罗出埃及记23:18 “Ngì hien sên-chi ke sṳ̀, cho-m̀-tet nâ sên-chi ke hiet lâu yû-kau ke piáng khiung-ha hien. Chiet-khì só-hien sên-chi ke yù, cho-m̀-tet liù-to thi-ngi chêu-sṳ̀n.

和合本2010版出埃及记23:19「要把地裏最好的初熟之物带到耶和华－你上帝的殿中。「不可用母山羊的奶来煮牠的小山羊。」

现代客语汉字出埃及记23:19「逐年爱将你所收成最好个新出农产物带到上主—你上帝个圣殿。「做毋得用羊乸个乳来煮细羊仔。」

现代客语全罗出埃及记23:19 “Tak-ngièn oi chiông ngì só sû-sṳ̀n chui-hó ke sîn-chhut nùng-sán-vu̍t tai-to Song-chú — ngì Song-ti ke sṳn-thien.“Cho-m̀-tet yung yòng-mà ke nen lòi chú se yòng-è.”

和合本2010版出埃及记23:20应许和警戒「看哪，我要差遣使者在你前面，在路上保护你，领你到我所预备的地方。

现代客语汉字出埃及记23:20应许㧯指示「𠊎爱派天使在你路途中保护你，𢱋你到𠊎为你预备个地方去。

现代客语全罗出埃及记23:20Yin-hí lâu Chṳ́-sṳ “Ngài oi phai thiên-sṳ́ chhai ngì lu-thù chûng pó-fu ngì, thu ngì to Ngài vi ngì yi-phi ke thi-fông hi.

和合本2010版出埃及记23:21你们要在他面前谨慎，听从他的话。不可抗拒([23.21]「抗拒」：原文是「使他受苦」。)他，否则他必不赦免你们的过犯，因为我的名在他身上。

现代客语汉字出埃及记23:21你爱谨慎听从佢，做毋得悖逆佢；若无，佢一定毋会赦免你等个过犯，因为係𠊎差派佢去个。

现代客语全罗出埃及记23:21 Ngì oi kiún-sṳ́m thâng-chhiùng kì, cho-m̀-tet phoi-ngia̍k kì; na-mò, kì yit-thin m̀-voi sa-miên ngì-têu ke ko-fam, yîn-vi he Ngài chhâi-phai kì hi ke.

和合本2010版出埃及记23:22「你若真的听从他的话，照我一切所说的去做，我就以你的仇敌为仇敌，以你的敌人为敌人。

现代客语汉字出埃及记23:22若係你听从佢，遵守𠊎所有个命令，𠊎就做你仇敌个仇敌，做迫害你个人个敌人。

现代客语全罗出埃及记23:22 Na-he ngì thâng-chhiùng kì, chûn-sú Ngài só-yû ke min-lin, Ngài chhiu cho ngì sù-thi̍t ke sù-thi̍t, cho pet-hoi ngì ke ngìn ke thi̍t-ngìn.

和合本2010版出埃及记23:23「我的使者要走在你前面，领你到亚摩利人、赫人、比利洗人、迦南人、希未人、耶布斯人那裏，我必将他们除灭。

现代客语汉字出埃及记23:23𠊎个天使会行在你头前，𢱋你进入亚摩利人、赫人、比利洗人、迦南人、希未人、耶布斯人该位去；𠊎爱消灭佢等。

现代客语全罗出埃及记23:23 Ngài ke thiên-sṳ́ voi hàng chhai ngì thèu-chhièn, thu ngì chin-ngi̍p Â-mô-li-ngìn, Het-ngìn, Pí-li-sé-ngìn, Kâ-nàm-ngìn, Hî-vi-ngìn, Yâ-pu-sṳ̂-ngìn ke-vi hi; Ngài oi sêu-me̍t kì-têu.

和合本2010版出埃及记23:24你不可跪拜事奉他们的神明，也不可随从他们的习俗，却要彻底废除，完全打碎他们的柱像。

现代客语汉字出埃及记23:24做毋得跪拜佢等个神明，也做毋得服事它兜；做毋得跈佢等个宗教。爱消灭佢等个神像，打碎佢等敬拜个柱像。

现代客语全罗出埃及记23:24 Cho-m̀-tet khúi-pai kì-têu ke sṳ̀n-mìn, ya cho-m̀-tet fu̍k-sṳ kì-têu; cho-m̀-tet thèn kì-têu ke chûng-kau. Oi sêu-me̍t kì-têu ke sṳ̀n-siong, tá-sui kì-têu kin-pai ke chhû-siong.

和合本2010版出埃及记23:25你们要事奉耶和华－你们的上帝，他必赐福给你的粮食和水，也必从你中间除去疾病。

现代客语汉字出埃及记23:25你等爱敬拜𠊎—上主、你等个上帝，𠊎就赐食物㧯水给你，又爱除掉你所有个病痛。

现代客语全罗出埃及记23:25 Ngì-têu oi kin-pai Ngài — Song-chú, ngì-têu ke Song-ti, Ngài chhiu su sṳ̍t-vu̍t lâu súi pûn ngì, yu-oi chhù-thet ngì só-yû ke phiang-thung.

和合本2010版出埃及记23:26你境内必没有流产的、不生育的。我要使你享满你年日的数目。

现代客语汉字出埃及记23:26在你国内毋会有落胎抑係毋会𫱔个细妹仔。𠊎爱赐给你长寿。

现代客语全罗出埃及记23:26 Chhai ngì koet-nui m̀-voi yû lau-thôi ya-he m̀-voi kiung ke se-moi-é. Ngài oi su-pûn ngì chhòng-su.

和合本2010版出埃及记23:27凡你所到的地方，我要使那裏的众百姓在你面前惊慌失措，又要使你所有的仇敌转身逃跑。

现代客语汉字出埃及记23:27「𠊎爱使该兜抵抗你个人惊𠊎，使㧯你相㓾个人着惊；所有个对敌全部会在你面前转身逃走。

现代客语全罗出埃及记23:27 “Ngài oi sṳ́ ke-têu tí-khong ngì ke ngìn kiâng Ngài, sṳ́ lâu ngì siông-chhṳ̀ ke ngìn chho̍k-kiâng; só-yû ke tui-thi̍t chhiòn-phu voi chhai ngì mien-chhièn chón-sṳ̂n thò-chéu.

和合本2010版出埃及记23:28我要派瘟疫([23.28]「瘟疫」或译「黄蜂」。)在你的前面，把希未人、迦南人、赫人从你面前赶出去。

现代客语汉字出埃及记23:28𠊎爱派大黄蜂(1823:28「大黄蜂」抑係「大灾难」。)在你头前逐走希未人、迦南人㧯赫人。

现代客语全罗出埃及记23:28 Ngài oi phai thai vòng-phûng( 18 23:28 “thai vòng-phûng” ya-he “thai châi-nan”.) chhai ngì thèu-chhièn kiuk-chéu Hî-vi-ngìn, Kâ-nàm-ngìn lâu Het-ngìn.

和合本2010版出埃及记23:29我不在一年之内把他们从你面前赶出去，恐怕地会荒废，野地的走兽增多危害你。

现代客语汉字出埃及记23:29总係𠊎无爱在一年内逐出佢等，免得土地荒废，增加多多个野兽来害你等。

现代客语全罗出埃及记23:29 Chúng-he Ngài mò-oi chhai yit-ngièn nui kiuk-chhut kì-têu, miên-tet thú-thi fông-fi, chen-kâ tô-tô ke yâ-chhu lòi hoi ngì-têu.

和合本2010版出埃及记23:30我要逐渐把他们从你面前赶出去，直到你的人数增多，承受那地为业。

现代客语汉字出埃及记23:30𠊎会渐渐逐走佢等，直到你等人数增加，做得承受该土地。

现代客语全罗出埃及记23:30 Ngài voi chhiam-chhiam kiuk-chéu kì-têu, chhṳ̍t-to ngì-têu ngìn-su chen-kâ, cho-tet sṳ̀n-su ke thú-thi.

和合本2010版出埃及记23:31我要定你的疆界，从红海直到非利士海，从旷野直到大河。我要把那地的居民交在你手中，你要把他们从你面前赶出去。

现代客语汉字出埃及记23:31𠊎爱为你定边界，对红海到幼发拉底河；对地中海到沙漠地带。𠊎爱将该地方个人交在你个手中；你前进个时，爱逐走佢等。

现代客语全罗出埃及记23:31 Ngài oi vi ngì thin piên-kie, tui Fùng-hói to Yu-fat-lâ-tí-hò; tui Thi-chûng-hói to sâ-mo̍k thi tai. Ngài oi chiông ke thi-fông ke ngìn kâu chhai ngì ke sú-chûng; ngì chhièn-chin ke sṳ̀, oi kiuk-chéu kì-têu.

和合本2010版出埃及记23:32不可跟他们和他们的神明立约。

现代客语汉字出埃及记23:32做毋得㧯佢等抑係佢等个神明立约。

现代客语全罗出埃及记23:32 Cho-m̀-tet lâu kì-têu ya-he kì-têu ke sṳ̀n-mìn li̍p-yok.

和合本2010版出埃及记23:33他们不可住在你的地上，免得他们使你得罪我。你若事奉他们的神明，必成为你的圈套。」

现代客语汉字出埃及记23:33做毋得俾佢等住在你个国内，惊怕佢等会害你得罪𠊎。若係你跪拜佢等个神明，这会成做害死你个陷阱。」

现代客语全罗出埃及记23:33 Cho-m̀-tet pûn kì-têu he̍t chhai ngì ke koet-nui, kiâng-pha kì-têu voi hoi ngì tet-chhui Ngài. Na-he ngì khúi-pai kì-têu ke sṳ̀n-mìn, liá voi sàng-cho hoi-sí ngì ke ham-chiáng.”