出埃及记查经第22章客家话和合本对照

相关章：

快速到节：

书卷列表：

和合本2010版出埃及记22:1赔偿的条例「人若偷牛或羊，无论是宰了或卖了，他就要以五牛赔一牛，四羊赔一羊。

现代客语汉字出埃及记22:1赔偿个条例「若係有人偷牛抑係羊，无论係㓾掉、係卖掉，佢一定爱拿五只牛赔一只牛，拿四只羊赔一只羊。

现代客语全罗出埃及记22:1Phòi-sóng ke Thiàu-li “Na-he yû-ngìn thêu ngiù ya-he yòng, mò-lun he chhṳ̀-thet, he mai-thet, kì yit-thin oi nâ ńg-chak ngiù phòi yit-chak ngiù, nâ si-chak yòng phòi yit-chak yòng.

和合本2010版出埃及记22:2贼挖洞，若被发现而被打死，打的人没有流血的罪。

现代客语汉字出埃及记22:2佢一定爱赔到罅额；若係无东西好赔，就爱被人卖做奴才，来还佢偷牛羊个罚金。

现代客语全罗出埃及记22:2 Kì yit-thin oi phòi-to la-ngiak; na-he mò tûng-sî hó phòi, chhiu-oi pûn-ngìn mai-cho nù-chhòi, lòi vàn kì thêu ngiù-yòng ke fa̍t-kîm.

和合本2010版出埃及记22:3若太阳已经出来，打的人就有流血的罪。贼总要赔偿，若他一无所有，就要被卖来还他所偷的东西。

现代客语汉字出埃及记22:3若係偷来个牛、驴、抑係羊被人发现个时还生生，佢就爱加倍赔人。

现代客语全罗出埃及记22:3 Na-he thêu-lòi ke ngiù, lì, ya-he yòng pûn-ngìn fat-hien ke sṳ̀ hàn sâng-sâng, kì chhiu-oi kâ-phi phòi-ngìn.

和合本2010版出埃及记22:4若发现他所偷的，无论是牛、驴，或羊，在他手中还活着，他就要加倍赔偿。

现代客语汉字出埃及记22:4「若係有人暗晡时偷偷进入别人个屋下，被人发现又被人㓾死，该㓾佢个人无罪；事情若发生在日时头，㓾佢个人就有罪。

现代客语全罗出埃及记22:4 “Na-he yû-ngìn am-pû-sṳ̀ thêu-thêu chin-ngi̍p phe̍t-ngìn ke vuk-hâ, pûn-ngìn fat-hien yu pûn-ngìn chhṳ̀-sí, ke chhṳ̀ kì ke ngìn mò-chhui; sṳ-chhìn na fat-sên chhai ngit-sṳ̀-thèu, chhṳ̀ kì ke ngìn chhiu yû-chhui.

和合本2010版出埃及记22:5「人若在田间或葡萄园裏牧放牲畜，任凭牲畜上别人田裏去吃([22.5]「去吃」：七十士译本是「去吃，他要拿自己田裏的作物来赔偿；倘若牲畜把整片作物吃光了」。)，他就要拿自己田间和葡萄园裏上好的赔偿。

现代客语汉字出埃及记22:5「若係有人在田肚抑係葡萄园掌牛羊，由在头牲在别人田肚食掉农作物，佢一定爱拿自家田肚出产个五榖抑係葡萄赔别人个损失。

现代客语全罗出埃及记22:5 “Na-he yû-ngìn chhai thièn-tú ya-he phù-thò yèn chóng ngiù-yòng, yù-chhai thèu-sâng chhai phe̍t-ngìn thièn-tú sṳ̍t-thet nùng-chok-vu̍t, kì yit-thin oi-nâ chhṳ-kâ thièn-tú chhut-sán ke ńg-kuk ya-he phù-thò phòi phe̍t-ngìn ke sún-sṳt.

和合本2010版出埃及记22:6「若火冒出，延烧到荆棘，以致将堆积的禾捆，直立的庄稼，或田地，都烧尽了，那点火的必要赔偿。

现代客语汉字出埃及记22:6「若係有人在自家田肚烧竻仔，火烧到别人田肚去，将别人吂收割抑係割下个农作物烧掉，佢一定爱赔别人个损失。

现代客语全罗出埃及记22:6 “Na-he yû-ngìn chhai chhṳ-kâ thièn-tú sêu net-è, fó sêu-to phe̍t-ngìn thièn-tú hi, chiông phe̍t-ngìn màng sû-kot ya-he kot-hâ ke nùng-chok-vu̍t sêu-thet, kì yit-thin oi phòi phe̍t-ngìn ke sún-sṳt.

和合本2010版出埃及记22:7「人若将银钱或物件託邻舍保管，东西从这人的家中被偷去，若找到了贼，贼要加倍赔偿；

现代客语汉字出埃及记22:7「若係有人答应保管别人个钱抑係贵重个东西，被贼仔对屋下偷走，贼仔被人捉到，一定爱加倍赔偿；

现代客语全罗出埃及记22:7 “Na-he yû-ngìn tap-yin pó-kón phe̍t-ngìn ke chhièn ya-he kui-chhung ke tûng-sî, pûn chhe̍t-é tui vuk-hâ thêu-chéu, chhe̍t-é pûn-ngìn chok-tó, yit-thin oi kâ-phi phòi-sóng;

和合本2010版出埃及记22:8若找不到贼，这家的主人就要到审判官([22.8]「审判官」或译「上帝」；9节同。)那裏，声明([22.8]「声明」或译「宣誓作证」。)自己没有伸手拿邻舍的物件。

现代客语汉字出埃及记22:8总係贼仔若係捉毋到，受託个人一定爱到敬拜上帝个地方发誓，表示佢无偷拿别人拜託佢保管个财物。

现代客语全罗出埃及记22:8 chúng-he chhe̍t-é na-he chok m̀-tó, su-thok ke ngìn yit-thin oi to kin-pai Song-ti ke thi-fông fat-sṳ, péu-sṳ kì mò thêu-nâ phe̍t-ngìn pai-thok kì pó-kón ke chhòi-vu̍t.

和合本2010版出埃及记22:9「关于任何侵害的案件，无论是为牛、驴、羊、衣服，或任何失物，有一人说：『这是我的』，双方就要将案件带到审判官面前，审判官定谁有罪，谁就要加倍赔偿给他的邻舍。

现代客语汉字出埃及记22:9「有关财产纠纷个案件，无论係牛、驴、羊、衫裤、抑係其他毋见掉个东西，相争个双方全部爱到敬拜上帝个地方去。上帝判定有罪个一方，一定爱加倍赔对方。

现代客语全罗出埃及记22:9 “Yû-koân chhòi-sán kiu-fun ke on-khien, mò-lun he ngiù, lì, yòng, sâm-fu, ya-he khì-thâ m̀ kien-thet ke tûng-sî, siông-châng ke sûng-fông chhiòn-phu oi to kin-pai Song-ti ke thi-fông hi. Song-ti phan-thin yû-chhui ke yit-fông, yit-thin oi kâ-phi phòi tui-fông.

和合本2010版出埃及记22:10「人将驴、牛、羊，或别的牲畜託邻舍看管，若牲畜死亡，受了伤，或被抢走，无人看见，

现代客语汉字出埃及记22:10「若係有人答应看守别人个驴、牛、羊，抑係其他个头牲，头牲若有死伤抑係被人抢走，总係无证人，

现代客语全罗出埃及记22:10 “Na-he yû-ngìn tap-yin khon-sú phe̍t-ngìn ke lì, ngiù, yòng, ya-he khì-thâ ke thèu-sâng, thèu-sâng na-yû sí-sông ya-he pûn-ngìn chhióng-chéu, chúng-he mò chṳn-ngìn,

和合本2010版出埃及记22:11双方要在耶和华前起誓，受託人要表明自己没有伸手拿邻舍的东西，原主要接受誓言，受託人不必赔偿。

现代客语汉字出埃及记22:11受託个人一定爱到敬拜上主个地方发誓，表示佢无偷物主个头牲。恁样，物主就爱接受损失，受託个人毋使赔。

现代客语全罗出埃及记22:11 su-thok ke ngìn yit-thin oi to kin-pai Song-chú ke thi-fông fat-sṳ, péu-sṳ kì mò thêu vu̍t-chú ke thèu-sâng. Án-ngiòng, vu̍t-chú chhiu-oi chiap-su sún-sṳt, su-thok ke ngìn m̀-sṳ́ phòi.

和合本2010版出埃及记22:12牲畜若从受託人那裏被偷去，他就要赔偿原主；

现代客语汉字出埃及记22:12若係头牲确实被人偷走，受託个人一定爱赔偿物主。

现代客语全罗出埃及记22:12 Na-he thèu-sâng khok-sṳ̍t pûn-ngìn thêu-chéu, su-thok ke ngìn yit-thin oi phòi-sóng vu̍t-chú.

和合本2010版出埃及记22:13若被野兽撕碎，受託人要带回来作证据，被撕碎的就不必赔偿。

现代客语汉字出埃及记22:13头牲若被野兽咬死擘烂，受託个人一定爱将尸体碎骨带来做证据；佢就毋使赔。

现代客语全罗出埃及记22:13 Thèu-sâng na pûn yâ-chhu ngâu-sí pak-lan, su-thok ke ngìn yit-thin oi chiông sṳ̂-thí sui-kut tai-lòi cho chṳn-kí; kì chhiu m̀-sṳ́ phòi.

和合本2010版出埃及记22:14「人若向邻舍借牲畜([22.14]原文没有「牲畜」。)，所借的或伤或死，原主没有在场，借的人总要赔偿。

现代客语汉字出埃及记22:14「若係有人向别人借用头牲，物主无在场个时，这头牲无论係受伤抑係死掉，借用个人一定爱赔；

现代客语全罗出埃及记22:14 “Na-he yû-ngìn hiong phe̍t-ngìn chia-yung thèu-sâng, vu̍t-chú mò chhai-chhòng ke sṳ̀, liá thèu-sâng mò-lun he su-sông ya-he sí-thet, chia-yung ke ngìn yit-thin oi phòi;

和合本2010版出埃及记22:15若原主在场，借的人不必赔偿；若是租用的，只要付租金([22.15]「只要付租金」：原文是「牠来是为了租金」。)。」道德和宗教的条例

现代客语汉字出埃及记22:15物主若在场，就毋使赔。头牲若係租来个，损失爱用租金赔。」道德㧯宗教个条例

现代客语全罗出埃及记22:15 vu̍t-chú na chhai-chhòng, chhiu m̀-sṳ́ phòi. Thèu-sâng na-he chû-lòi ke, sún-sṳt oi yung chû-kîm phòi.” Tho-tet lâu Chûng-kau ke Thiàu-li

和合本2010版出埃及记22:16「人若引诱没有订婚的处女，与她同寝，他就必须交出聘礼，娶她为妻。

现代客语汉字出埃及记22:16「若係有男人引诱吂定亲个人家女㧯姖发生性关係，佢一定爱拿出聘金来讨该细妹仔做𡜵娘。

现代客语全罗出埃及记22:16 “Na-he yû nàm-ngìn yín-yu màng thin-chhîn ke ngìn-kâ ńg lâu kì fat-sên sin koân-he, kì yit-thin oi nâ-chhut phín-kîm lòi thó ke se-moi-é cho pû-ngiòng.

和合本2010版出埃及记22:17若女子的父亲坚决不将女子给他，他就要按着处女的聘礼交出钱来。

现代客语汉字出埃及记22:17若係细妹仔个阿爸毋肯俾佢㧯妹仔结婚，该男人一定爱交出像送给人家女聘金恁多个钱。

现代客语全罗出埃及记22:17 Na-he se-moi-é ke â-pâ m̀-hén pûn kì lâu moi-é kiet-fûn, ke nàm-ngìn yit-thin oi kâu-chhut chhiong sung-pûn ngìn-kâ ńg phín-kîm án-tô ke chhièn.

和合本2010版出埃及记22:18「行邪术的女人，不可让她存活。

现代客语汉字出埃及记22:18「行邪术个女人，一定爱将姖处死。

现代客语全罗出埃及记22:18 “Hàng sià-su̍t ke ńg-ngìn, yit-thin oi chiông kì chhú-sí.

和合本2010版出埃及记22:19「凡与兽交合的，必被处死。

现代客语汉字出埃及记22:19「㧯动物发生性关係个人，一定爱将佢处死。

现代客语全罗出埃及记22:19 “Lâu thung-vu̍t fat-sên sin koân-he ke ngìn, yit-thin oi chiông kì chhú-sí.

和合本2010版出埃及记22:20「向别神献祭，不单单献给耶和华的，那人必要灭绝。

现代客语汉字出埃及记22:20「向𠊎—上主以外个神明献祭个人，一定爱将佢灭掉。

现代客语全罗出埃及记22:20 “Hiong Ngài — Song-chú yî-ngoi ke sṳ̀n-mìn hien-chi ke ngìn, yit-thin oi chiông kì me̍t-thet.

和合本2010版出埃及记22:21「不可亏待寄居的，也不可欺压他，因为你们在埃及地也作过寄居的。

现代客语汉字出埃及记22:21「做毋得欺负抑係压迫对外地来个旅客；爱记得你等识在埃及做旅客暂住过。

现代客语全罗出埃及记22:21 “Cho-m̀-tet khî-fu ya-he ap-pet tui ngoi-thi lòi ke lî-hak; oi ki-tet ngì-têu sṳt chhai Âi-khi̍p cho lî-hak chhiam-he̍t ko.

和合本2010版出埃及记22:22不可苛待寡妇和孤儿；

现代客语汉字出埃及记22:22做毋得欺负寡妇抑係孤儿。

现代客语全罗出埃及记22:22 Cho-m̀-tet khî-fu koá-fu ya-he kû-yì.

和合本2010版出埃及记22:23若你确实苛待他，他向我苦苦哀求，我一定会听他的呼求，

现代客语汉字出埃及记22:23若係你等欺负佢等，𠊎—上主会听佢等个求喊，

现代客语全罗出埃及记22:23 Na-he ngì-têu khî-fu kì-têu, Ngài — Song-chú voi thâng kì-têu ke khiù-ham,

和合本2010版出埃及记22:24并要发烈怒，用刀杀你们，使你们的妻子成为寡妇，儿女成为孤儿。

现代客语汉字出埃及记22:24也会大发谴，使你等死在刀下；你等个𡜵娘会成做寡妇，你等个子女会成做孤儿。

现代客语全罗出埃及记22:24 ya voi thai fat-khién, sṳ́ ngì-têu sí chhai tô-ha; ngì-têu ke pû-ngiòng voi sàng-cho koá-fu, ngì-têu ke chṳ́-ńg voi sàng-cho kû-yì.

和合本2010版出埃及记22:25「我的子民中有困苦人在你那裏，你若借钱给他，不可如放债的向他取利息。

现代客语汉字出埃及记22:25「若係你借钱给𠊎子民中个穷苦人，做毋得像放债个人㧯佢算利息。

现代客语全罗出埃及记22:25 “Na-he ngì chia-chhièn pûn Ngài chṳ́-mìn chûng ke khiùng-khú ngìn, cho-m̀-tet chhiong piong-chai ke ngìn lâu kì son li-sit.

和合本2010版出埃及记22:26你果真拿了邻舍的外衣作抵押，也要在日落前还给他；

现代客语汉字出埃及记22:26若係你拿别人个外衫做抵押，一定在日头落山以前还给佢；

现代客语全罗出埃及记22:26 Na-he ngì nâ phe̍t-ngìn ke ngoi-sâm cho tí-ap, yit-thin chhai ngit-thèu lo̍k-sân yî-chhièn vàn-pûn kì;

和合本2010版出埃及记22:27因为他只有这一件用来作被子，是他蔽体的衣服。他还可以拿甚么睡觉呢？当他哀求我，我就应允，因为我是有恩惠的。

现代客语汉字出埃及记22:27因为该係佢惟一爱盖烧个，无该领外衫爱样般睡目呢？佢向𠊎求喊，𠊎一定会帮助佢，因为𠊎係慈悲个。

现代客语全罗出埃及记22:27 yîn-vi ke he kì vì-yit oi koi-sêu ke, mò ke-liâng ngoi-sâm oi ngióng-pân soi-muk nè? Kì hiong Ngài khiù-ham, Ngài yit-thin voi pông-chhu kì, yîn-vi Ngài he chhṳ̀-pî ke.

和合本2010版出埃及记22:28「不可毁谤上帝；也不可诅咒你百姓的领袖。

现代客语汉字出埃及记22:28「做毋得譭谤上帝，也做毋得咒骂人民个领袖。

现代客语全罗出埃及记22:28 “Cho-m̀-tet fí-pong Song-ti, ya cho-m̀-tet chu-ma ngìn-mìn ke liâng-chhiu.

和合本2010版出埃及记22:29「不可迟延献你的庄稼、酒和油([22.29]「你的庄稼、酒和油」：原文直译「你的丰收和你的汁液」。)。「要将你头生的儿子归给我。

现代客语汉字出埃及记22:29「爱拿你新出产个农作物、酒、㧯油献给𠊎，做毋得拖延。「爱将你个长子献给𠊎。

现代客语全罗出埃及记22:29 “Oi nâ ngì sîn chhut-sán ke nùng-chok-vu̍t, chiú, lâu yù hien-pûn Ngài, cho-m̀-tet thô-yèn.“Oi chiông ngì ke chóng-chṳ́ hien-pûn Ngài.

和合本2010版出埃及记22:30你的牛羊也要照样做：七天当跟着牠母亲，第八天你要把牠归给我。

现代客语汉字出埃及记22:30将你所有头胎个牛羊献给𠊎。头胎个牛牯、羊牯爱跈牛乸、羊乸七日，到第八日爱献给𠊎。

现代客语全罗出埃及记22:30 Chiông ngì só-yû thèu-thôi ke ngiù-yòng hien-pûn Ngài. Thèu-thôi ke ngiù-kú, yòng-kú oi thèn ngiù-mà, yòng-mà chhit-ngit, to thi-pat ngit oi hien-pûn Ngài.

和合本2010版出埃及记22:31「你们要分别为圣归给我。因此，田间被野兽撕裂的肉，你们不可吃，要把它丢给狗。」

现代客语汉字出埃及记22:31「你等係𠊎个子民，爱做圣洁个人；所以你等做毋得食被野兽咬死个头牲个肉；爱㧒给狗仔食。」

现代客语全罗出埃及记22:31 “Ngì-têu he Ngài ke chṳ́-mìn, oi cho sṳn-kiet ke ngìn; só-yî ngì-têu cho-m̀-tet sṳ̍t pûn yâ-chhu ngâu-sí ke thèu-sâng ke ngiuk; oi fit-pûn kiéu-è sṳ̍t.”