出埃及记查经第13章客家话和合本对照

相关章：

快速到节：

书卷列表：

和合本2010版出埃及记13:1头生的分别为圣耶和华吩咐摩西说：

现代客语汉字出埃及记13:1奉献头胎上主对摩西讲：

现代客语全罗出埃及记13:1Fung-hien Thèu-thôi Song-chú tui Mô-sî kóng:

和合本2010版出埃及记13:2「头生的要分别为圣归我；以色列中凡头生的，无论是人是牲畜，都是我的。」除酵节

现代客语汉字出埃及记13:2「你等爱将长子分别为圣归给𠊎，因为以色列人个长子㧯头胎个头牲全部係属𠊎个。」除酵节

现代客语全罗出埃及记13:2 “Ngì-têu oi chiông chóng-chṳ́ fûn-phe̍t vì-sṳn kûi-pûn Ngài, yîn-vi Yî-set-lie̍t-ngìn ke chóng-chṳ́ lâu thèu-thôi ke thèu-sâng chhiòn-phu he su̍k Ngài ke.” Chhù-kau-chiet

和合本2010版出埃及记13:3摩西对百姓说：「你们要记念从埃及为奴之家出来的这日，因为耶和华用大能的手将你们从这地领出来。有酵之物都不可吃。

现代客语汉字出埃及记13:3摩西对以色列人讲：「爱记得这日；这日你等离开埃及—你等做奴才个地方。这日係上主用佢大能个手𢱋你等出来个日仔。你等做毋得食有酵个饼。

现代客语全罗出埃及记13:3 Mô-sî tui Yî-set-lie̍t-ngìn kóng: “Oi ki-tet liá-ngit; liá-ngit ngì-têu lì-khôi Âi-khi̍p — ngì-têu cho nù-chhòi ke thi-fông. Liá-ngit he Song-chú yung Kì thai-nèn ke sú thu ngì-têu chhut-lòi ke ngit-è. Ngì-têu cho-m̀-tet sṳ̍t yû-kau ke piáng.

和合本2010版出埃及记13:4亚笔月的这一日你们走出来了。

现代客语汉字出埃及记13:4你等离开埃及个这日係在亚笔月，就係第一只月。

现代客语全罗出埃及记13:4 Ngì-têu lì-khôi Âi-khi̍p ke liá-ngit he chhai Â-pit-ngie̍t, chhiu-he thi-yit chak ngie̍t.

和合本2010版出埃及记13:5将来耶和华领你进迦南人、赫人、亚摩利人、希未人、耶布斯人之地，就是他向你祖宗起誓应许给你的那流奶与蜜之地，那时你要在这一个月守这礼仪。

现代客语汉字出埃及记13:5上主识对你等个祖先发誓，爱将迦南人、赫人、亚摩利人、希未人㧯耶布斯人个土地赐给你等。上主将你等带入这流乳㧯蜜个土地以后，你等爱在逐年个正月庆祝这节期。

现代客语全罗出埃及记13:5 Song-chú sṳt tui ngì-têu ke chú-siên fat-sṳ, oi chiông Kâ-nàm-ngìn, Het-ngìn, Â-mô-li-ngìn, Hî-vi-ngìn lâu Yâ-pu-sṳ̂-ngìn ke thú-thi su-pûn ngì-têu. Song-chú chiông ngì-têu tai-ngi̍p liá liù-nen-lâu-me̍t ke thú-thi yî-heu, ngì-têu oi chhai tak-ngièn ke châng-ngie̍t khin-chuk liá chiet-khì.

和合本2010版出埃及记13:6你要吃无酵饼七日，在第七日要向耶和华守节。

现代客语汉字出埃及记13:6七日内，你等一定爱食无酵饼；在第七日，你等爱守这节来纪念上主。

现代客语全罗出埃及记13:6 Chhit-ngit nui, ngì-têu yit-thin oi sṳ̍t vù-kau-piáng; chhai thi-chhit ngit, ngì-têu oi sú liá-chiet lòi ki-ngiam Song-chú.

和合本2010版出埃及记13:7这七日之内，要吃无酵饼；在你的全境内不可见有酵之物，也不可见酵母。

现代客语汉字出埃及记13:7在这七日内，你等一定爱食无酵饼。你等个境内做毋得有酵，抑係有酵个饼。

现代客语全罗出埃及记13:7 Chhai liá chhit-ngit nui, ngì-têu yit-thin oi sṳ̍t vù-kau-piáng. Ngì-têu ke kin-nui cho-m̀-tet yû-kau, ya-he yû-kau ke piáng.

和合本2010版出埃及记13:8当那日，你要告诉你的儿子说：『这样做是因为耶和华在我出埃及的时候为我所做的事。』

现代客语汉字出埃及记13:8在该日你等就爱对孻仔讲：『这係为到纪念𠊎等离开埃及个时上主所行个一切。』

现代客语全罗出埃及记13:8 Chhai ke-ngit ngì-têu chhiu-oi tui lai-é kóng: ‘Liá he vi-tó ki-ngiam ngài-têu lì-khôi Âi-khi̍p ke sṳ̀ Song-chú só-hàng ke yit-chhiet.’

和合本2010版出埃及记13:9这要在你手上作记号，在你额上([13.9]「额上」：原文是「两眼之间」；16节同。)作纪念，使耶和华的教导常在你口中，因为耶和华用大能的手将你从埃及领出来。

现代客语汉字出埃及记13:9守这节期係爱提醒你等，就像在手项抑係额头做一只记号，使你等记得爱继续背上主个法律，因为上主识用大能个手𢱋你等离开埃及。

现代客语全罗出埃及记13:9 Sú liá chiet-khì he-oi thì-siáng ngì-têu, chhiu-chhiong chhai sú-hong ya-he ngiak-thèu cho yit-chak ki-ho, sṳ́ ngì-têu ki-tet oi ki-siu̍k phoi Song-chú ke fap-li̍t, yîn-vi Song-chú sṳt yung thai-nèn ke sú thu ngì-têu lì-khôi Âi-khi̍p.

和合本2010版出埃及记13:10所以你每年要按着日期守这条例。」头生的献给主

现代客语汉字出埃及记13:10逐年到这时节，你等爱守这节期。」长子

现代客语全罗出埃及记13:10 Tak-ngièn to liá sṳ̀-chiet, ngì-têu oi sú liá chiet-khì.” Chóng-chṳ́

和合本2010版出埃及记13:11「当耶和华照他向你和你祖宗所起的誓将你领进迦南人之地，把那地赐给你的时候，

现代客语汉字出埃及记13:11「将来，上主照佢对你等㧯你等个祖先发誓，爱将你等𢱋入迦南人个土地，将地赐给你等，

现代客语全罗出埃及记13:11 “Chiông-lòi, Song-chú cheu Kì tui ngì-têu lâu ngì-têu ke chú-siên fat-sṳ, oi chiông ngì-têu thu-ngi̍p Kâ-nàm-ngìn ke thú-thi, chiông thi su-pûn ngì-têu,

和合本2010版出埃及记13:12你要将一切头生的献给耶和华；你牲畜中头生的，公的都归耶和华。

现代客语汉字出埃及记13:12该时，你等一定爱将长子献给上主。头胎个头牲全部也係属上主。

现代客语全罗出埃及记13:12 ke-sṳ̀, ngì-têu yit-thin oi chiông chóng-chṳ́ hien-pûn Song-chú. Thèu-thôi ke thèu-sâng chhiòn-phu ya he su̍k Song-chú.

和合本2010版出埃及记13:13然而，凡头生的驴，你要用羔羊赎回；若不赎牠，就要打断牠的颈项。你儿子中的长子都要赎出来。

现代客语汉字出埃及记13:13你等爱用细羊去赎公驴转来。若係你等无打算赎公驴转来，就爱拗断牠个颈筋。你等一定爱将长子赎转来。

现代客语全罗出埃及记13:13 Ngì-têu oi yung se-yòng hi su̍k kûng-lì chón-lòi. Na-he ngì-têu mò tá-son su̍k kûng-lì chón-lòi, chhiu-oi áu-thôn kì ke kiáng-kîn. Ngì-têu yit-thin oi chiông chóng-chṳ́ su̍k chón-lòi.

和合本2010版出埃及记13:14日后，你的儿子问你说：『这是甚么意思？』你就说：『耶和华用大能的手将我们从埃及为奴之家领出来。

现代客语汉字出埃及记13:14将来你等个孻仔问：『这係么介意思呢？』你等爱应讲：『上主用大能个手对埃及—𠊎等做奴才个地方将𠊎等𢱋出来。

现代客语全罗出埃及记13:14 Chiông-lòi ngì-têu ke lai-é mun: ‘Liá he má-ke yi-sṳ nè?’ ngì-têu oi en-kóng: ‘Song-chú yung thai-nèn ke sú tui Âi-khi̍p — ngài-têu cho nù-chhòi ke thi-fông chiông ngài-têu thu chhut-lòi.

和合本2010版出埃及记13:15那时法老固执，不肯放我们走，耶和华就把埃及地所有头生的，无论是人是牲畜，都杀了。因此，我把一切头生的公的牲畜献给耶和华为祭，却将所有头生的儿子赎出来。

现代客语汉字出埃及记13:15该时，埃及王心硬，毋放𠊎等走，上主㓾掉埃及所有个头胎—包含人个长子㧯头胎个头牲。所以，𠊎等将所有头胎、公个头牲，献给上主，总係将长子全部赎转来。

现代客语全罗出埃及记13:15 Ke-sṳ̀, Âi-khi̍p-vòng sîm-ngang, m̀ piong ngài-têu chéu, Song-chú chhṳ̀-thet Âi-khi̍p só-yû ke thèu-thôi — pâu-hàm ngìn ke chóng-chṳ́ lâu thèu-thôi ke thèu-sâng. Só-yî, ngài-têu chiông só-yû thèu-thôi, kûng ke thèu-sâng, hien-pûn Song-chú, chúng-he chiông chóng-chṳ́ chhiòn-phu su̍k chón-lòi.

和合本2010版出埃及记13:16这要在你手上作记号，在你额上作经匣([13.16]「经匣」指「把经文放在皮製的匣中作额饰」。)，因为耶和华用大能的手将我们从埃及领出来。』」云柱和火柱

现代客语汉字出埃及记13:16𠊎等遵守这例规係为到提醒𠊎等，就像在手项抑係额头做记号，使𠊎等记得上主识用大能个手对埃及𢱋𠊎等出来。』」云柱㧯火柱

现代客语全罗出埃及记13:16 Ngài-têu chûn-sú liá li-kûi he vi-tó thì-siáng ngài-têu, chhiu-chhiong chhai sú-hong ya-he ngiak-thèu cho ki-ho, sṳ́ ngài-têu ki-tet Song-chú sṳt yung thai-nèn ke sú tui Âi-khi̍p thu ngài-têu chhut-lòi.’ ” Yùn-chhû lâu Fó-chhû

和合本2010版出埃及记13:17法老放百姓走的时候，非利士人之地的路虽近，上帝却不领他们从那裏走，因为上帝说：「恐怕百姓遇见战争就后悔，转回埃及去。」

现代客语汉字出埃及记13:17埃及王放以色列人走个时，上帝无带佢等行非利士海边该条较近个路。上帝讲：「惊怕𠊎个子民堵到战争就后悔，倒转埃及去。」

现代客语全罗出埃及记13:17 Âi-khi̍p-vòng piong Yî-set-lie̍t-ngìn chéu ke sṳ̀, Song-ti mò tai kì-têu hàng Fî-li-sṳ hói-piên ke-thiàu kha-khiûn ke lu. Song-ti kóng: “Kiâng-pha Ngài ke chṳ́-mìn tù-tó chan-chên chhiu heu-fí, to-chón Âi-khi̍p hi.”

和合本2010版出埃及记13:18上帝领百姓绕道而行，走旷野的路到红海。以色列人出埃及地，都带着兵器上去([13.18]「以色列人…都带着兵器上去」：七十士译本是「以色列中第五代的人也出埃及地上去」。)。

现代客语汉字出埃及记13:18所以上帝带佢等捩远路，经过旷野，向红海(1013:18「红海」希伯来文意思係「芦竹个湖」。)行。以色列人离开埃及个时已经準备好武装出战。

现代客语全罗出埃及记13:18 Só-yî Song-ti tai kì-têu lit yén-lu, kîn-ko khóng-yâ, hiong Fùng-hói( 10 13:18 “Fùng-hói” Hî-pak-lòi-vùn yi-sṳ he “Lù-chuk ke Fù”.) hàng. Yî-set-lie̍t-ngìn lì-khôi Âi-khi̍p ke sṳ̀ yí-kîn chún-phi hó vú-chông chhut-chan.

和合本2010版出埃及记13:19摩西把约瑟的骸骨一起带走；因为约瑟曾叫以色列人郑重地起誓，对他们说：「上帝必定眷顾你们，你们要把我的骸骨从这裏一起带上去。」

现代客语汉字出埃及记13:19摩西带等约瑟个骨骸去，因为约瑟识喊以色列人严严发誓，对佢等讲：「上帝一定会照顾你等；然后你等爱将𠊎个骨头对这位共下带转去。」

现代客语全罗出埃及记13:19 Mô-sî tai-tén Yok-sit ke kut-hài hi, yîn-vi Yok-sit sṳt ham Yî-set-lie̍t-ngìn ngiàm-ngiàm fat-sṳ, tui kì-têu kóng: “Song-ti yit-thin voi cheu-ku ngì-têu; yèn-heu ngì-têu oi chiông ngài ke kut-thèu tui liá-vi khiung-ha tai chón-hi.”

和合本2010版出埃及记13:20他们从疏割起程，在旷野边上的以倘安营。

现代客语汉字出埃及记13:20以色列人离开疏割，在沙漠堘头个以倘安营。

现代客语全罗出埃及记13:20 Yî-set-lie̍t-ngìn lì-khôi Sû-kot, chhai sâ-mo̍k sùn-thèu ke Yî-thóng ôn-yàng.

和合本2010版出埃及记13:21耶和华走在他们前面，日间用云柱引领他们的路，夜间用火柱照亮他们，使他们日夜都可以行走。

现代客语汉字出埃及记13:21日时头，上主行在佢等头前，用云柱指示方向；暗晡时，上主行在头前，用火柱照等佢等。恁样，佢等日夜拢总做得行。

现代客语全罗出埃及记13:21 Ngit-sṳ̀-thèu, Song-chú hàng chhai kì-têu thèu-chhièn, yung yùn-chhû chṳ́-sṳ fông-hiong; am-pû-sṳ̀, Song-chú hàng chhai thèu-chhièn, yung fó-chhû cheu-tén kì-têu. Án-ngiòng, kì-têu ngit-ya lûng-chúng cho-tet hàng.

和合本2010版出埃及记13:22日间的云柱，夜间的火柱，总不离开百姓的面前。

现代客语汉字出埃及记13:22日时头有云柱，暗晡时有火柱，一直行在佢等头前。

现代客语全罗出埃及记13:22 Ngit-sṳ̀-thèu yû yùn-chhû, am-pû-sṳ̀ yû fó-chhû, yit-chhṳ̍t hàng chhai kì-têu thèu-chhièn.