使徒行传第22章客家话和合本对照

相关章：

快速到节：

书卷列表：

和合本2010版使徒行传22:1 「诸位父老弟兄，请听我现在对你们的申辩。」

现代客语汉字使徒行传22:1保罗讲：「各位父老兄弟，请听𠊎个辩护。」

现代客语全罗使徒行传22:1 Pó-lò kóng: “Kok-vi fu-ló hiûng-thi, chhiáng thâng ngài ke phien-fu.”

和合本2010版使徒行传22:2 他们听保罗说的是希伯来话，就更加安静了。

现代客语汉字使徒行传22:2佢等一听到保罗用希伯来话对佢等讲话，就还较恬。保罗继续讲：

现代客语全罗使徒行传22:2 Kì-têu yit thâng-tó Pó-lò yung Hî-pak-lòi-fa tui kì-têu kóng-fa, chhiu hàn-kha tiâm. Pó-lò ki-siu̍k kóng:

和合本2010版使徒行传22:3 保罗说：「我原是犹太人，生在基利家的大数，但在这城裏长大，在迦玛列门下按着我们祖宗严紧的律法受教，热心事奉上帝，就如你们大家今日一样。

现代客语汉字使徒行传22:3「𠊎係犹太人，出世在基利家个大数，总係在耶路撒冷长大个，係迦玛列个学生，接受祖先一切法律个严格训练，热心事奉上帝，同你等今晡日在场个每一个人共样。

现代客语全罗使徒行传22:3 “Ngài he Yù-thai-ngìn, chhut-se chhai Kî-li-kâ ke Thai-su, chúng-he chhai Yâ-lu-sat-lâng chóng-thai ke, he Kâ-mâ-lie̍t ke ho̍k-sâng, chiap-su chú-siên yit-chhiet fap-li̍t ke ngiàm-kiet hiun-lien, ngie̍t-sîm sṳ-fung Song-ti, thùng ngì-têu kîm-pû-ngit chhai-chhòng ke mî-yit-ke ngìn khiung-yong.

和合本2010版使徒行传22:4 我也曾迫害信奉这道路的人，置他们于死地，无论男女都捆绑，关在监裏。

现代客语汉字使徒行传22:4𠊎识将遵行这道个人迫到死，也搜查男女信徒，捉佢等，关在监狱肚。

现代客语全罗使徒行传22:4 Ngài sṳt chiông chûn-hàng liá Tho ke ngìn pet to sí, ya sêu-chhà nàm-ńg sin-thù, chok kì-têu, koân chhai kâm-ngiu̍k tú.

和合本2010版使徒行传22:5 这是大祭司和议会的众长老都可以给我作证的。我又从他们那裏领了致弟兄们的书信，往大马士革去，要把在那裏的信徒绑起来，带到耶路撒冷受刑。」 保罗叙述归主的经过

现代客语汉字使徒行传22:5大祭司㧯全议会个长老做得证明𠊎所讲个话係实在个。𠊎对佢等拿到给大马士革个犹太同胞个信仔，所以𠊎去该位，爱捉该兜人，将佢等䌈等，带转耶路撒冷来接受刑罚。保罗讲信主个经过

现代客语全罗使徒行传22:5 Thai-chi-sṳ̂ lâu chhiòn ngi-fi ke chóng-ló cho-tet chṳn-mìn ngài só-kóng ke fa he sṳ̍t-chhai ke. Ngài tui kì-têu nâ-tó pûn Thai-mâ-sṳ-kiet ke Yù-thai thùng-pâu ke sin-é, só-yî ngài hi ke-vi, oi chok ke-têu ngìn, chiông kì-têu thak-tén, tai-chón Yâ-lu-sat-lâng lòi chiap-su hìn-fa̍t. Pó-lò Kóng Sin Chú ke Kîn-ko

和合本2010版使徒行传22:6 「当我走近大马士革的时候，约在中午，忽然有一道大光从天上下来，照射在我周围。

现代客语汉字使徒行传22:6( 使徒9:1-19 26:12-18 )「𠊎会到大马士革个时，约在当昼头，忽然有大光对天顶下来，照在𠊎个周围。

现代客语全罗使徒行传22:6( Sṳ́-thù 9:1-19 26:12-18 ) “Ngài voi to Thai-mâ-sṳ-kiet ke sṳ̀, yok chhai tông-chu-thèu, fut-yèn yû thai kông tui thiên-táng hâ-lòi, cheu chhai ngài ke chû-vì.

和合本2010版使徒行传22:7 我就仆倒在地，听见有声音对我说：『扫罗！扫罗！你为甚么迫害我？』

现代客语汉字使徒行传22:7𠊎横在地上，听到有声对𠊎讲：『扫罗，扫罗！你做么介迫害𠊎？』

现代客语全罗使徒行传22:7 Ngài vang chhai thi-song, thâng-tó yû sâng tui ngài kóng: ‘Só-lò, Só-lò! Ngì cho-má-ke pet-hoi ngài?’

和合本2010版使徒行传22:8 我回答：『主啊！你是谁？』他对我说：『我就是你所迫害的拿撒勒人耶稣。』

现代客语汉字使徒行传22:8𠊎问讲：『主啊，你係么人？』佢讲：『𠊎就係你所迫害个拿撒勒人耶稣。』

现代客语全罗使徒行传22:8 Ngài mun-kóng: ‘Chú â, ngì he má-ngìn?’ Kì kóng: ‘Ngài chhiu-he ngì só pet-hoi ke Nâ-sat-le̍t-ngìn Yâ-sû.’

和合本2010版使徒行传22:9 跟我一起的人看见了那光，却没有听见那位对我说话的声音。

现代客语汉字使徒行传22:9该兜同𠊎共下去个人看到该光，总係无听明该对𠊎讲话个声。

现代客语全罗使徒行传22:9 Ke-têu thùng ngài khiung-ha hi ke ngìn khon-tó ke kông, chúng-he mò thâng-mìn ke tui ngài kóng-fa ke sâng.

和合本2010版使徒行传22:10 我说：『主啊，我该做甚么？』主说：『起来，进大马士革去，在那裏有人会把指派你做的一切事告诉你。』

现代客语汉字使徒行传22:10𠊎又问：『主啊，𠊎爱做么介正好？』主对𠊎讲：『䟘起来，入大马士革城去，在该位有人会㧯你讲上帝爱你做个一切事。』

现代客语全罗使徒行传22:10 Ngài yu mun: ‘Chú â, ngài oi cho má-ke chang hó?’ Chú tui ngài kóng: ‘Hong-hí-lòi, ngi̍p Thai-mâ-sṳ-kiet-sàng hi, chhai ke-vi yû-ngìn voi lâu ngì kóng Song-ti oi ngì cho ke yit-chhiet sṳ.’

和合本2010版使徒行传22:11 我因那光的闪耀不能看见，跟我一起的人就拉着我的手进了大马士革。

现代客语汉字使徒行传22:11因为该光尽强，害𠊎个目珠看毋到，同𠊎共下去个人就牵等𠊎个手，带𠊎入大马士革城。

现代客语全罗使徒行传22:11 Yîn-vi ke kông chhin khiòng, hoi ngài ke muk-chû khon-m̀-tó, thùng ngài khiung-ha hi ke ngìn chhiu khiên-tén ngài ke sú, tai ngài ngi̍p Thai-mâ-sṳ-kiet-sàng.

和合本2010版使徒行传22:12 「那裏有一个人，名叫亚拿尼亚，按着律法是虔诚人，为所有住在那裏的犹太人所称讚。

现代客语汉字使徒行传22:12「在该位，有一个人名安到亚拿尼亚。佢係虔诚、严守法律个人，尽受大马士革所有犹太人个尊重。

现代客语全罗使徒行传22:12 “Chhai ke-vi, yû yit-ke ngìn miàng ôn-to Â-nâ-nì-â. Kì he khièn-sṳ̀n, ngiàm-sú fap-li̍t ke ngìn, chhin su Thai-mâ-sṳ-kiet só-yû Yù-thai-ngìn ke chûn-chhung.

和合本2010版使徒行传22:13 他来见我，站在旁边，对我说：『扫罗弟兄，你看见吧！』就在那时，我恢复视觉，看见了他。

现代客语汉字使徒行传22:13佢来看𠊎，企在𠊎个身边，讲：『扫罗兄弟啊，愿你看得到！』该时，𠊎个目珠好了，𠊎就看到佢。

现代客语全罗使徒行传22:13 Kì lòi khon ngài, khî chhai ngài ke sṳ̂n-piên, kóng: ‘Só-lò hiûng-thi â, ngien ngì khon-tet-tó!’ Ke-sṳ̀, ngài ke muk-chû hó lé, ngài chhiu khon-tó kì.

和合本2010版使徒行传22:14 他又说：『我们祖宗的上帝拣选了你，让你明白他的旨意，又看见那义者，听见他口中所出的声音。

现代客语汉字使徒行传22:14佢讲：『𠊎等祖先个上帝已经拣选你，爱使你明白佢个旨意，可以看到佢公义个僕人，也听到佢亲口所讲个声音。

现代客语全罗使徒行传22:14 Kì kóng: ‘Ngài-têu chú-siên ke Song-ti yí-kîn kién-sién ngì, oi pûn ngì mìn-pha̍k Kì ke chṳ́-yi, khó-yî khon-tó Kì kûng-ngi ke Phu̍k-ngìn, ya thâng-tó Kì chhîn-khiéu só-kóng ke sâng-yîm.

和合本2010版使徒行传22:15 因为你要将所看见的、所听见的，对着万人作他的见证人。

现代客语汉字使徒行传22:15因为你爱为佢做见证，将你所看到所听到个㧯万民讲。

现代客语全罗使徒行传22:15 Yîn-vi ngì oi vi Kì cho kien-chṳn, chiông ngì só khon-tó só thâng-tó ke lâu van-mìn kóng.

和合本2010版使徒行传22:16 现在你为甚么躭延呢？起来，受洗，求告他的名，洗去你的罪。』」 保罗奉召向外邦人传道

现代客语汉字使徒行传22:16这下，你还延缠么介？䟘起来，求喊佢个名，来领洗礼，使你个罪得到洗净！』保罗受派去传道给外邦人

现代客语全罗使徒行传22:16 Liá-ha, ngì hàn yèn-chhàn má-ke? Hong-hí-lòi, khiù-ham Kì ke miàng, lòi liâng sé-lî, sṳ́ ngì ke chhui tet-tó sé-chhiang!’ Pó-lò Su-phai Hi Chhòn-tho pûn Ngoi-pâng-ngìn

和合本2010版使徒行传22:17 「后来，我回到耶路撒冷，在圣殿裏祷告的时候，魂游象外，

现代客语汉字使徒行传22:17「后来，𠊎转到耶路撒冷；在圣殿肚祈祷个时，𠊎入神得到一个异象，

现代客语全罗使徒行传22:17 “Heu-lòi, ngài chón-to Yâ-lu-sat-lâng; chhai sṳn-thien-tú khì-tó ke sṳ̀, ngài ngi̍p-sṳ̀n tet-tó yit-ke yi-siong,

和合本2010版使徒行传22:18 看见主对我说：『你赶紧离开耶路撒冷，越快越好，因为这裏的人不接受你为我作的见证。』

现代客语汉字使徒行传22:18在异象中，𠊎看到主。佢对𠊎讲：『遽遽离开耶路撒冷，因为这地方个人毋会接受你为𠊎所做个见证。』

现代客语全罗使徒行传22:18 chhai yi-siong chûng, ngài khon-tó Chú. Kì tui ngài kóng: ‘Kiak-kiak lì-khôi Yâ-lu-sat-lâng, yîn-vi liá thi-fông ke ngìn m̀-voi chiap-su ngì vi Ngài só-cho ke kien-chṳn.’

和合本2010版使徒行传22:19 我就说：『主啊，他们都知道，我从前在各会堂裏把信你的人监禁，又鞭打他们。

现代客语汉字使徒行传22:19𠊎讲：『主啊，佢等拢总知𠊎识入各会堂，捉信你个人去关，并鞭打佢等。

现代客语全罗使徒行传22:19 Ngài kóng: ‘Chú â, kì-têu lûng-chúng tî ngài sṳt ngi̍p kok fi-thòng, chok sin Ngì ke ngìn hi koân, pin piên-tá kì-têu.

和合本2010版使徒行传22:20 当你的见证人司提反被害流血的时候，我也站在一旁赞同；又为打死他的人看守衣裳。』

现代客语汉字使徒行传22:20你个见证人司提反受害流血到死个时，𠊎也在场，赞成该件事，还代该兜害死佢个人掌衫。』

现代客语全罗使徒行传22:20 Ngì ke kien-chṳn-ngìn Sṳ̂-thì-fán su-hoi liù-hiet to sí ke sṳ̀, ngài ya chhai-chhòng, chan-sṳ̀n ke-khien sṳ, hàn thoi ke-têu hoi-sí kì ke ngìn chóng-sâm.’

和合本2010版使徒行传22:21 主对我说：『你去吧！我要差你到远方外邦人那裏去。』」 保罗与长官交涉

现代客语汉字使徒行传22:21主㧯𠊎讲：『你去！𠊎爱派你去远方，到外邦人该位。』」

现代客语全罗使徒行传22:21 Chú lâu ngài kóng: ‘Ngì hi! Ngài oi phai ngì hi yén-fông, to Ngoi-pâng-ngìn ke-vi.’ ”

和合本2010版使徒行传22:22 众人听他说到这句话，就高声说：「这样的人，从地上除掉他吧！他是该死的。」

现代客语汉字使徒行传22:22众人本来恬恬听保罗讲话；总係一听到这句话，就大声喊讲：「除掉佢！㓾死佢！这种人係该死个！」

现代客语全罗使徒行传22:22 Chung-ngìn pún-lòi tiâm-tiâm thâng Pó-lò kóng-fa; chúng-he yit thâng-tó liá-ki fa, chhiu thai-sâng hêm-kóng: “Chhù-thet kì! Chhṳ̀-sí kì! Liá-chúng ngìn he kôi-sí ke!”

和合本2010版使徒行传22:23 大家一边喧嚷一边摔衣裳，向空中撒灰尘。

现代客语汉字使徒行传22:23佢等就一片吵，一片将衫抨掉，又向天委泥粉。

现代客语全罗使徒行传22:23 Kì-têu chhiu yit-phién chhàu, yit-phién chiông sâm phiâng-thet, yu hiong thiên ve nài-fún.

和合本2010版使徒行传22:24 千夫长下令把保罗带进营楼，叫人用鞭子拷问他，要知道他们向他这样喧嚷是甚么缘故。

现代客语汉字使徒行传22:24罗马个指挥官就命令将保罗带入营房，又吩咐兵仔鞭打拷问佢，爱查出众人为么介对佢恁样尽喊。

现代客语全罗使徒行传22:24 Lò-mâ ke chṳ́-fî-kôn chhiu min-lin chiông Pó-lò tai-ngi̍p yàng-fòng, yu fûn-fu pîn-é piên-tá kháu-mun kì, oi chhà-chhut chung-ngìn vi má-ke tui kì án-ngiòng chhin hêm.

和合本2010版使徒行传22:25 他们刚用皮条把他捆上的时候，保罗对站在旁边的百夫长说：「一个罗马人，又未被定罪，你们就鞭打他是合法的吗？」

现代客语汉字使徒行传22:25佢等将佢捆起来爱打个时，保罗对企在身边个一个军官讲：「对一个罗马公民，无经过审判，你等就鞭打佢，这係合法个吗？」

现代客语全罗使徒行传22:25 Kì-têu chiông kì khún hí-lòi oi tá ke sṳ̀, Pó-lò tui khî chhai sṳ̂n-piên ke yit-ke kiûn-kôn kóng: “Tui yit-ke Lò-mâ kûng-mìn, mò kîn-ko sṳ́m-phan, ngì-têu chhiu piên-tá kì, liá he ha̍p-fap ke mâ?”

和合本2010版使徒行传22:26 百夫长听见这话，就去见千夫长，报告说：「你要怎么办呢？这个人是罗马人。」

现代客语汉字使徒行传22:26该军官一听到这句话，就去见指挥官，对佢讲：「你想样般正好？该人係罗马个公民！」

现代客语全罗使徒行传22:26 Ke kiûn-kôn yit thâng-tó liá-ki fa, chhiu hi kien chṳ́-fî-kôn, tui kì kóng: “Ngì sióng ngióng-pân chang hó? Ke ngìn he Lò-mâ ke kûng-mìn!”

和合本2010版使徒行传22:27 千夫长就来问保罗：「你告诉我，你是罗马人吗？」保罗说：「是。」

现代客语汉字使徒行传22:27指挥官去见保罗，问佢讲：「㧯𠊎讲，你係罗马公民无？」保罗应讲：「係。」

现代客语全罗使徒行传22:27 Chṳ́-fî-kôn hi kien Pó-lò, mun kì kóng: “Lâu ngài kóng, ngì he Lò-mâ kûng-mìn mò?”Pó-lò en-kóng: “He.”

和合本2010版使徒行传22:28 千夫长回答：「我用了许多银子才得到罗马公民的身份。」保罗说：「我生来就是。」

现代客语汉字使徒行传22:28指挥官讲：「𠊎用一大笔个钱，正得到公民个身份。」保罗讲：「𠊎出世就係。」

现代客语全罗使徒行传22:28 Chṳ́-fî-kôn kóng: “Ngài yung yit thai-pit ke chhièn, chang tet-tó kûng-mìn ke sṳ̂n-fun.”Pó-lò kóng: “Ngài chhut-se chhiu-he.”

和合本2010版使徒行传22:29 于是那些要拷问保罗的人立刻离开他走了。千夫长一知道他是罗马人，又因为曾捆绑了他，也害怕起来。 保罗在议会前申诉

现代客语汉字使徒行传22:29所以，该兜爱拷问保罗个人遽遽闪开；指挥官一知保罗係罗马公民，又因为识捆过保罗，就着惊起来。保罗在议会申诉

现代客语全罗使徒行传22:29 Só-yî, ke-têu oi kháu-mun Pó-lò ke ngìn kiak-kiak sám-khôi; chṳ́-fî-kôn yit tî Pó-lò he Lò-mâ kûng-mìn, yu yîn-vi sṳt khún-ko Pó-lò, chhiu chho̍k-kiâng hí-lòi. Pó-lò Chhai Ngi-fi Sṳ̂n-su

和合本2010版使徒行传22:30 第二天，千夫长为要知道犹太人控告保罗的实情，就解开他，下令祭司长们和全议会的人都聚集，然后将保罗带下来，叫他站在他们面前。

现代客语汉字使徒行传22:30该指挥官想爱知犹太人告保罗实在个原因，所以，第二日，佢解开保罗个锁鍊，召集祭司长㧯全议会，然后将保罗带出来，喊佢企在佢等面前。

现代客语全罗使徒行传22:30 Ke chṳ́-fî-kôn sióng-oi tî Yù-thai-ngìn ko Pó-lò sṳ̍t-chhai ke ngièn-yîn, só-yî, thi-ngi-ngit, kì kié-khôi Pó-lò ke só-lien, seu-si̍p chi-sṳ̂-chóng lâu chhiòn ngi-fi, yèn-heu chiông Pó-lò tai-chhut-lòi, ham kì khî chhai kì-têu mien-chhièn.