何西阿书第9章客家话和合本对照

相关章：

快速到节：

书卷列表：

和合本2010版何西阿书9:1宣布以色列受惩罚 以色列啊，不要欢喜，像( [ 9.1] 「像」：七十士译本是「不要像」。)万民一样快乐；因为你行淫离弃你的上帝，喜爱各禾场上卖淫所得的赏金。

现代客语汉字何西阿书9:1何西阿宣布以色列爱受个责罚以色列人啊，毋好再㧯异教徒共样恁欢喜庆祝你等个节期。你等已经离开你等个上帝，对佢不忠。你等在逐个禾埕，像妓女恁样欢喜卖身赚食。

现代客语全罗何西阿书9:1Hò-sî-â Siên-pu Yî-set-lie̍t Oi Su ke Chit-fa̍t Yî-set-lie̍t-ngìn â, m̀-hó chai lâu yi-kau-thù khiung-yong án fôn-hí khin-chuk ngì-têu ke chiet-khì. Ngì-têu yí-kîn lì-khôi ngì-têu ke Song-ti, tui Kì put-chûng. Ngì-têu chhai tak-ke vò-thàng, chhiong kî-ńg án-ngiòng fôn-hí mai-sṳ̂n chhon-sṳ̍t.

和合本2010版何西阿书9:2 禾场和压酒池都不足以餵养他们，它的新酒也必缺乏。

现代客语汉字何西阿书9:2总係，禾埕个五榖㧯油槽个橄榄油无罅你等食；盼望得新酒也空空。

现代客语全罗何西阿书9:2 Chúng-he, vò-thàng ke ńg-kuk lâu yù-chhò ke kám-lám-yù mò-la ngì-têu sṳ̍t; phan-mong tet sîn-chiú ya khûng-khûng.

和合本2010版何西阿书9:3 他们必不得住耶和华的地；以法莲却要返回埃及，在亚述吃不洁净的食物。

现代客语汉字何西阿书9:3以色列人做毋得继续住在上主赐给佢等个土地上；佢等爱倒转去埃及，也爱在亚述食无净浰个食物(249:3「无净浰个食物」：参考利未记11章。)。

现代客语全罗何西阿书9:3 Yî-set-lie̍t-ngìn cho-m̀-tet ki-siu̍k he̍t chhai Song-chú su-pûn kì-têu ke thú-thi song; kì-têu oi to-chón hi Âi-khi̍p, ya oi chhai Â-sut sṳ̍t mò chhiang-li ke sṳ̍t-vu̍t( 24 9:3 “mò chhiang-li ke sṳ̍t-vu̍t”: Chhâm-kháu Li-vi Ki 11 chông.).

和合本2010版何西阿书9:4 他们必不得向耶和华献浇酒祭，所献的祭也不蒙悦纳。他们的祭物如居丧者的食物，凡吃的必使自己玷污；因为他们的食物只为自己的口腹，必不得入耶和华的殿。

现代客语汉字何西阿书9:4该时，佢等无可能斟酒献给上主，也无可能向佢献祭。佢等食个东西像丧家个食物，会打垃圾食个人。佢等个食物做得食饱定定，做毋得带入上主个圣殿做祭物。

现代客语全罗何西阿书9:4 Ke-sṳ̀, kì-têu mò khó-nèn chṳ̂m-chiú hien-pûn Song-chú, ya mò khó-nèn hiong Kì hien-chi. Kì-têu sṳ̍t ke tûng-sî chhiong sông-kâ ke sṳ̍t-vu̍t, voi tá-lá-sap sṳ̍t ke ngìn. Kì-têu ke sṳ̍t-vu̍t cho-tet sṳ̍t-páu thin-thin, cho-m̀-tet tai-ngi̍p Song-chú ke sṳn-thien cho chi-vu̍t.

和合本2010版何西阿书9:5 到盛会的日子，在耶和华的节期，你们要怎样行呢？

现代客语汉字何西阿书9:5恁样，在指定敬拜上主个节期，佢等还做得做么介呢？

现代客语全罗何西阿书9:5 Án-ngiòng, chhai chṳ́-thin kin-pai Song-chú ke chiet-khì, kì-têu hàn cho-tet cho-má-ke nè?

和合本2010版何西阿书9:6 看哪，他们要逃避灾难；埃及人要收殓他们，摩弗( [ 9.6] 「摩弗」就是埃及的孟斐斯，也称「挪弗」。)人要埋葬他们。蒺藜盘踞他们贵重的银器，荆棘必佔据他们的帐棚。

现代客语汉字何西阿书9:6因为，灾难会到，佢等爱逃走；总係埃及人爱将佢等个尸体收转去，喊孟斐斯人将佢等埋掉！佢等个家园，囥财宝个所在，将来会生满杂草㧯竻仔。

现代客语全罗何西阿书9:6 Yîn-vi, châi-nan voi to, kì-têu oi thò-chéu; chúng-he Âi-khi̍p-ngìn oi chiông kì-têu ke sṳ̂-thí sû chón-hi, ham Men-fì-sṳ̂-ngìn chiông kì-têu mài-thet! Kì-têu ke kâ-yèn, khong chhòi-pó ke só-chhai, chiông-lòi voi sâng-mân chha̍p-chhó lâu net-è.

和合本2010版何西阿书9:7 降罚的日子近了，报应的时候已经来到。以色列必知道，先知愚昧，受灵感动的人狂妄，皆因你多多作恶，大怀怨恨。

现代客语汉字何西阿书9:7责罚个日仔到了！报应个日仔到了！这事发生个时，以色列就知了！你等讲：「这先知係大戆牯；这被灵感动个人係癫仔。」你等罪大恶极，正恁样恼𠊎。

现代客语全罗何西阿书9:7 Chit-fa̍t ke ngit-è to lé! Po-yin ke ngit-è to lé! Liá-sṳ fat-sên ke sṳ̀, Yî-set-lie̍t chhiu tî lé! Ngì-têu kóng: “Liá siên-tî he thai ngong-kú; liá pûn lìn kám-thung ke ngìn he tiên-é.” Ngì-têu chhui-thai ok-khi̍t, chang án-ngiòng nâu ngài.

和合本2010版何西阿书9:8 以法莲替我的上帝守望；至于先知，他所到之处都有捕鸟人的罗网，在他上帝的家中也遭人怀恨。

现代客语汉字何西阿书9:8𠊎係㧯上帝同行个先知，就係以色列个守望者。总係，𠊎无论到么介所在去，佢等设罗网爱害𠊎，像捉鸟仔共样。在上帝个土地，堵到𠊎个竟然全部看𠊎做敌人。

现代客语全罗何西阿书9:8 Ngài he lâu Song-ti thùng-hàng ke siên-tî, chhiu-he Yî-set-lie̍t ke sú-mong-chá. Chúng-he, ngài mò-lun to má-ke só-chhai hi, kì-têu sat lò-mióng oi hoi ngài, chhiong chok tiâu-é khiung-yong. Chhai Song-ti ke thú-thi, tù-tó ngài ke kin-yèn chhiòn-phu khon ngài cho thi̍t-ngìn.

和合本2010版何西阿书9:9 他们深深败坏，如在基比亚的日子一样。耶和华必记起他们的罪孽，惩罚他们的罪恶。

现代客语汉字何西阿书9:9这兜人已经沈落罪恶当中，就像佢等以前在基比亚(259:9「基比亚」：这城在便雅悯支族境内，这支族个以色列人在这位强姦利未人个细姐，引起内战，便雅悯支族差毋多被人消灭(看士师记19–21)。)个时共样。上帝一定会记得佢等个罪恶，责罚佢等。以色列个罪㧯结局

现代客语全罗何西阿书9:9 Liá-têu ngìn yí-kîn chhṳ̀m-lo̍k chhui-ok tông-chûng, chhiu-chhiong kì-têu yî-chhièn chhai Kî-pí-â( 25 9:9 “Kî-pí-â”: Liá-sàng chhai Phien-ngâ-mén kî-chhu̍k kin-nui, liá kî-chhu̍k ke Yî-set-lie̍t-ngìn chhai liá-vi khiòng-kiên Li-vi-ngìn ke se-chiá, yîn-hí nui-chan, Phien-ngâ-mén kî-chhu̍k chhâ-m̀-tô pûn-ngìn sêu-me̍t (khon Sṳ-sṳ̂ Ki 19–21).) ke sṳ̀ khiung-yong. Song-ti yit-thin voi ki-tet kì-têu ke chhui-ok, chit-fa̍t kì-têu. Yî-set-lie̍t ke Chhui lâu Kiet-khiu̍k

和合本2010版何西阿书9:10以色列的罪及其后果我发现以色列，如在旷野的葡萄；我看见你们的祖先，如春季无花果树上初熟的果子。他们却来到巴力‧毗珥，献上自己做羞耻的事，成为可憎恶的，与他们所爱的一样。

现代客语汉字何西阿书9:10上主讲：「𠊎头摆堵到以色列，就像在旷野发现葡萄；𠊎头摆堵到你等个祖先，就像在无花果树顶寻到新出个果子。总係，佢等一来到批珥山，就开始拜巴力这恁见笑个神明，当遽就变做㧯佢等所爱个神明共样邪恶。

现代客语全罗何西阿书9:10 Song-chú kóng: “Ngài thèu-pái tù-tó Yî-set-lie̍t, chhiu-chhiong chhai khóng-yâ fat-hien phù-thò; Ngài thèu-pái tù-tó ngì-têu ke chú-siên, chhiu-chhiong chhai vù-fâ-kó-su táng chhìm-tó sîn-chhut ke kó-chṳ́. Chúng-he, kì-têu yit lòi-to Phî-ngí-sân, chhiu khôi-sṳ́ pai Pâ-li̍t liá án kien-seu ke sṳ̀n-mìn, tông-kiak chhiu pien-cho lâu kì-têu só-oi ke sṳ̀n-mìn khiung-yong sià-ok.

和合本2010版何西阿书9:11 以法莲，他们的荣耀如鸟飞去，必不生产，不怀胎，不成孕；

现代客语汉字何西阿书9:11以色列个光荣会像鸟仔飞走。在国内，妇人家毋会再𫱔，毋会再怀胎，也毋会再有身项。

现代客语全罗何西阿书9:11 Yî-set-lie̍t ke kông-yùng voi chhiong tiâu-é pî-chéu. Chhai koet-nui, fu-ngìn-kâ m̀-voi chai kiung, m̀-voi chai fài-thôi, ya m̀-voi chai yû sṳ̂n-hong.

和合本2010版何西阿书9:12 他们纵然将儿女养大，我却要使他们丧子，一个也不留。我离弃他们，他们就有祸了。

现代客语汉字何西阿书9:12就算姖等有养育细人仔，𠊎也爱使佢等个子女死掉，一个也无留。𠊎离开𠊎个子民，该时佢等就有灾祸了！」

现代客语全罗何西阿书9:12 Chhiu-son kì-têu yû yông-yuk se-ngìn-è, Ngài ya oi sṳ́ kì-têu ke chṳ́-ńg sí-thet, yit-ke ya mò-liù. Ngài lì-khôi Ngài ke chṳ́-mìn, ke-sṳ̀ kì-têu chhiu yû châi-fo lé!”

和合本2010版何西阿书9:13 我看以法莲如推罗栽于美地。以法莲却要将自己的儿女带出来，交给行杀戮的人。

现代客语汉字何西阿书9:13上主啊！𠊎看到以色列个子女注定爱被人捉去(269:13「注定爱被人捉去」希伯来文个意思无清楚。)，爱被人㓾。

现代客语全罗何西阿书9:13 Song-chú â! Ngài khon-tó Yî-set-lie̍t ke chṳ́-ńg chu-thin oi pûn-ngìn chok-hi( 26 9:13 “chu-thin oi pûn-ngìn chok-hi” Hî-pak-lòi-vùn ke yi-sṳ mò chhîn-chhú.), oi pûn-ngìn chhṳ̀.

和合本2010版何西阿书9:14 耶和华啊，求你加给他们，加给他们甚么呢？要使他们怀孕流产，乳房枯乾。

现代客语汉字何西阿书9:14恁样，𠊎应该样般求你对待你个子民呢？求你使佢等个妇人家落胎，也无乳水！上主审判以色列人

现代客语全罗何西阿书9:14 Án-ngiòng, ngài yin-kôi ngióng-pân khiù Ngì tui-thai Ngì ke chṳ́-mìn nè? Khiù Ngì sṳ́ kì-têu ke fu-ngìn-kâ lau-thôi, ya mò nen-súi! Song-chú Sṳ́m-phan Yî-set-lie̍t-ngìn

和合本2010版何西阿书9:15耶和华审判以色列因他们在吉甲的一切恶事，我在那裏憎恶他们。因他们所行的恶，我必把他们赶出我的殿，不再爱他们；他们的领袖都是悖逆的。

现代客语汉字何西阿书9:15上主讲：「以色列人在吉甲行一切个恶事，𠊎就係在该位开始恨佢等。因为佢等所做个坏事，𠊎爱将佢等逐出𠊎个土地。𠊎毋会再惜佢等，因为佢等所有个官长全部悖逆𠊎。

现代客语全罗何西阿书9:15 Song-chú kóng: “Yî-set-lie̍t-ngìn chhai Kit-kap hàng yit-chhiet ke ok-sṳ, Ngài chhiu-he chhai ke-vi khôi-sṳ́ hen kì-têu. Yîn-vi kì-têu só-cho ke fái-sṳ, Ngài oi chiông kì-têu kiuk-chhut Ngài ke thú-thi. Ngài m̀-voi chai siak kì-têu, yîn-vi kì-têu só-yû ke kôn-chóng chhiòn-phu phoi-ngia̍k Ngài.

和合本2010版何西阿书9:16 以法莲受击打，其根枯乾，不能结果，即或生产，我也要杀他们所生的爱子。

现代客语汉字何西阿书9:16以色列人爱受责罚像树头燥掉，毋会结果子。佢等毋会有后代；就算佢等𫱔细人仔，𠊎也一定爱将佢等所爱个子女㓾掉。」先知论以色列

现代客语全罗何西阿书9:16 Yî-set-lie̍t-ngìn oi su chit-fa̍t chhiong su-thèu châu-thet, m̀-voi kiet kó-chṳ́. Kì-têu m̀-voi yû heu-thoi; chhiu-son kì-têu kiung se-ngìn-è, Ngài ya yit-thin oi chiông kì-têu só-oi ke chṳ́-ńg chhṳ̀-thet.” Siên-tî Lun Yî-set-lie̍t

和合本2010版何西阿书9:17先知论以色列我的上帝必弃绝他们，因为他们不听从他；他们必飘流在列国中。

现代客语汉字何西阿书9:17𠊎所事奉个上帝爱豁掉佢个子民。因为佢等毋听从佢；佢等爱在列国中流浪。

现代客语全罗何西阿书9:17 Ngài só sṳ-fung ke Song-ti oi vok-thet Kì ke chṳ́-mìn. Yîn-vi kì-têu m̀ thâng-chhiùng Kì; kì-têu oi chhai lie̍t-koet chûng liù-long.