传道书第8章客家话和合本对照

相关章：

快速到节：

书卷列表：

和合本2010版传道书8:1 谁如( [ 8.1] 「如」：七十士译本是「知道」。)智慧人呢？谁知道事情的解释呢？人的智慧使他的脸发光，改变他脸上的暴戾之气( [ 8.1] 「改变…暴戾之气」：七十士译本是「不知廉耻人的容貌为人所恨恶」。)。

现代客语汉字传道书8:1么人像智慧人呢？么人知事情个意义？人个智慧使佢个面会发光，也使佢个气质改变。

现代客语全罗传道书8:1 Má-ngìn chhiong chṳ-fi ngìn nè?Má-ngìn tî sṳ-chhìn ke yi-ngi?Ngìn ke chṳ-fi sṳ́ kì ke mien voi fat-kông,ya sṳ́ kì ke hi-chṳt kói-pien.

和合本2010版传道书8:2服从君王我劝你( [ 8.2] 七十士译本没有「我劝你」。)因上帝誓言的缘故，当遵守王的命令。

现代客语汉字传道书8:2服从君王爱遵守王个命令；这係你向上帝许愿过个。

现代客语全罗传道书8:2Fu̍k-chhiùng Kiûn-vòng Oi chûn-sú vòng ke min-lin; liá he ngì hiong Song-ti hí-ngien ko ke.

和合本2010版传道书8:3 不要急躁离开王的面前，不要固执行恶，因为他凡事都随自己心意而行。

现代客语汉字传道书8:3毋好随便离开王个面前，也毋好㧯佢作对，因为王做得随意做事。

现代客语全罗传道书8:3 M̀-hó sùi-phien lì-khôi vòng ke mien-chhièn, ya m̀-hó lâu kì chok-tui, yîn-vi vòng cho-tet sùi-yi cho-sṳ.

和合本2010版传道书8:4 王的话本有权力，谁能对他说：「你在做甚么？」

现代客语汉字传道书8:4王个话当有权柄，么人敢问佢讲「你做么介？」

现代客语全罗传道书8:4 Vòng ke fa tông-yû khièn-piang, má-ngìn kám mun kì kóng “Ngì cho má-ke?”

和合本2010版传道书8:5 凡遵守命令的，必不经历祸患；智慧人的心知道适当的时机和必经的过程。

现代客语汉字传道书8:5遵从佢个命令，正有安全。聪明人知做事个时机㧯方法。

现代客语全罗传道书8:5 Chûn-chhiùng kì ke min-lin, chang yû ôn-chhiòn. Chhûng-mìn ngìn tî cho-sṳ ke sṳ̀-kî lâu fông-fap.

和合本2010版传道书8:6 各样事务都有时机和过程，但人有苦难重压在身。

现代客语汉字传道书8:6虽然人个苦难重重压在佢个身项，各样事全部有适当个时机㧯方法。

现代客语全罗传道书8:6 Sûi-yèn ngìn ke khú-nan chhûng-chhûng ap chhai kì ke sṳ̂n-hong, kok-yong sṳ chhiòn-phu yû sṳt-tông ke sṳ̀-kî lâu fông-fap.

和合本2010版传道书8:7 他不知道将来的事，其实将来如何，谁能告诉他呢？

现代客语汉字传道书8:7无人知将来会发生么介事，也无人有办法㧯佢讲。

现代客语全罗传道书8:7 Mò-ngìn tî chiông-lòi voi fat-sên má-ke sṳ, ya mò-ngìn yû phan-fap lâu kì kóng.

和合本2010版传道书8:8 没有人能掌握生命，将生命留住；也没有人有权力掌管死期。这场争战无人能免；邪恶也不能救那行邪恶的人。

现代客语汉字传道书8:8无人做得掌管生命个气，也无人做得决定自家个死期；因为生死係人无法闪开个战争；坏人用邪恶乜无法救自家。坏人㧯正直人

现代客语全罗传道书8:8 Mò-ngìn cho-tet chóng-kón sâng-miang ke hi, ya mò-ngìn cho-tet kiet-thin chhṳ-kâ ke sí-khì; yîn-vi sâng-sí he ngìn mò-fap sám-khôi ke chan-chên; fái-ngìn yung sià-ok me mò-fap kiu chhṳ-kâ. Fái-ngìn lâu Chṳn-chhṳ̍t Ngìn

和合本2010版传道书8:9 这一切我都见过，我专心考察日光之下所发生的一切事，有时这人管辖那人，令他受害。 恶人和义人

现代客语汉字传道书8:9日头下发生个一切事，𠊎全部有去看，也用心研究。有兜人有权有势，另外有兜人被佢等管到尽艰苦。

现代客语全罗传道书8:9 Ngit-thèu hâ fat-sên ke yit-chhiet sṳ, ngài chhiòn-phu yû hi khon, ya yung-sîm ngiên-kiu. Yû-têu ngìn yû-khièn yû-sṳ, nang-ngoi yû-têu ngìn pûn kì-têu kón to chhin kân-khú.

和合本2010版传道书8:10我见恶人被埋葬；从前他们进出圣地，他们在城中的作为被人忘记。这也是虚空。

现代客语汉字传道书8:10𠊎看到坏人死后还係得到埋葬。佢等生前出入圣所；死后𠊎听到人在佢等作恶个所在誐𧩣佢等(128:10「佢等生前…誐𧩣佢等」这句话在原文无清楚。)。这也係空虚。

现代客语全罗传道书8:10 Ngài khon-tó fái-ngìn sí-heu hàn-he tet-tó mài-chong. Kì-têu sên-chhièn chhut-ngi̍p sṳn-só; sí-heu ngài thâng-tó ngìn chhai kì-têu chok-ok ke só-chhai ô-nó kì-têu( 12 8:10 “Kì-têu sên-chhièn ... ô-nó kì-têu” liá-ki fa chhai ngièn-vùn mò chhîn-chhú.). Liá ya he khûng-hî.

和合本2010版传道书8:11 判罪之后不立刻执行，所以世人满怀作恶的心思。

现代客语汉字传道书8:11做么介世间人恁大胆犯罪？因为罪无黏时受到刑罚。

现代客语全罗传道书8:11 Cho má-ke sṳ-kiên ngìn án thai-tám fam-chhui? Yîn-vi chhui mò ngiàm-sṳ̀ su-tó hìn-fa̍t.

和合本2010版传道书8:12 罪人虽然作恶百次，倒享长寿；然而我也知道，福乐必临到敬畏上帝的人，就是在他面前心存敬畏的人。

现代客语汉字传道书8:12罪人虽然犯罪一百摆，还係食到尽长命，𠊎确实相信：「敬畏上帝个人会凡事顺利；

现代客语全罗传道书8:12 Chhui-ngìn sûi-yèn fam-chhui yit-pak pái, hàn-he sṳ̍t-to chhin chhòng-miang, ngài khok-sṳ̍t siông-sin: “Kin-vi Song-ti ke ngìn voi fàm-sṳ sun-li;

和合本2010版传道书8:13 恶人却不得福乐，他的日子好像影儿不得长久，因为他不敬畏上帝。

现代客语汉字传道书8:13总係作恶个人无福气。佢等个生命像影仔；佢等会夭折，因为佢等毋敬畏上帝。」

现代客语全罗传道书8:13 chúng-he chok-ok ke ngìn mò fuk-hi. Kì-têu ke sâng-miang chhiong yáng-è; kì-têu voi yêu-chat, yîn-vi kì-têu m̀ kin-vi Song-ti.”

和合本2010版传道书8:14 世上有一件虚空的事，就是义人所遭遇的，反而照恶人所做的；恶人所遭遇的，反而照义人所做的。我说，这也是虚空。

现代客语汉字传道书8:14世间还有一件空虚个事：有时，义人受到坏人应该受个责罚；坏人反转得到义人应得个报赏。𠊎讲，这也係空虚。

现代客语全罗传道书8:14 Sṳ-kiên hàn-yû yit-khien khûng-hî ke sṳ: Yû-sṳ̀, ngi-ngìn su-tó fái-ngìn yin-kôi su ke chit-fa̍t; fái-ngìn fán-chón tet-tó ngi-ngìn yin-tet ke po-sóng. Ngài kóng, liá ya he khûng-hî.

和合本2010版传道书8:15 我就称讚快乐，原来人在日光之下，最大的福气莫过于吃喝快乐；他在日光之下，上帝赐他一生的日子，要从劳碌中享受所得。

现代客语汉字传道书8:15所以，𠊎认为人应该享乐；因为在日头下佢所有个欢乐就係啉食㧯享受。这係人在上帝所赐短暂个生命中，劳碌所得到个一些仔享受。

现代客语全罗传道书8:15 Só-yî, ngài ngin-vì ngìn yin-kôi hióng-lo̍k; yîn-vi chhai ngit-thèu hâ kì só-yû ke fôn-lo̍k chhiu-he lîm-sṳ̍t lâu hióng-su. Liá he ngìn chhai Song-ti só-su tón-chhiam ke sâng-miang chûng, lò-luk só tet-tó ke yit-si̍t-é hióng-su.

和合本2010版传道书8:16 我专心想要明白智慧，要观看世上所发生的事。有人昼夜不得阖眼睡觉。

现代客语汉字传道书8:16𠊎专心追求智慧，想爱研究世间所发生个事，该时𠊎知，人就算日夜思想，

现代客语全罗传道书8:16 Ngài chôn-sîm chûi-khiù chṳ-fi, sióng-oi ngiên-kiu sṳ-kiên só fat-sên ke sṳ, ke-sṳ̀ ngài tî, ngìn chhiu-son ngit-ya sṳ̂-sióng,

和合本2010版传道书8:17 我观看上帝一切的作为，知道人不能探求日光之下所发生的事；任凭他费多少力探索，都找不出来，智慧人虽说他明白，仍不能找出来。

现代客语汉字传道书8:17也无办法明白上帝个作为。佢无论样般研究，想爱知在日头下所发生个事，也寻毋到答案。智慧人恅到自家尽知，其实并毋知。

现代客语全罗传道书8:17 ya mò phan-fap mìn-pha̍k Song-ti ke chok-vì. Kì mò-lun ngióng-pân ngiên-kiu, sióng-oi tî chhai ngit-thèu hâ só fat-sên ke sṳ, ya chhìm m̀-tó tap-on. Chṳ-fi ngìn láu-tó chhṳ-kâ chhin tî, khì-sṳ̍t pin m̀-tî.