以赛亚书第6章客家话和合本对照

相关章：

快速到节：

书卷列表：

和合本2010版以赛亚书6:1主呼召以赛亚作先知当乌西雅王崩的那年，我看见主坐在高高的宝座上。他的衣裳下襬遮满圣殿。

现代客语汉字以赛亚书6:1上主呼召以赛亚做先知乌西雅王过身该年，𠊎看到主高高坐在宝座，佢个长袍衫裾遮盖归座圣殿。

现代客语全罗以赛亚书6:1Song-chú Fû-seu Yî-soi-â Cho Siên-tî Vû-sî-ngâ-vòng ko-sṳ̂n ke-ngièn, ngài khon-tó Chú kô-kô chhô chhai pó-chho, Kì ke chhòng-phàu sâm-kî châ-koi kûi-chho sṳn-thien.

和合本2010版以赛亚书6:2上有撒拉弗侍立，各有六个翅膀：两个翅膀遮脸，两个翅膀遮脚，两个翅膀飞翔，

现代客语汉字以赛亚书6:2在佢周围有天使撒拉弗(66:2「天使撒拉弗」可能係一种归身发出火个天使。)事奉，逐个有六只翼胛：两只遮面，两只遮脚，两只用来飞个。

现代客语全罗以赛亚书6:2 Chhai Kì chû-vì yû thiên-sṳ́ Sat-lâ-fut( 6 6:2 “thiên-sṳ́ Sat-lâ-fut” khó-nèn he yit-chúng kûi-sṳ̂n fat-chhut fó ke thiên-sṳ́.) sṳ-fung, tak-ke yû liuk-chak yi̍t-kap: Lióng-chak châ-mien, lióng-chak châ-kiok, lióng-chak yung-lòi pî ke.

和合本2010版以赛亚书6:3彼此呼喊说：「圣哉！圣哉！圣哉！万军之耶和华；他的荣光遍满全地！」

现代客语汉字以赛亚书6:3佢等有兜唱、有兜和，讲：「圣哉，圣哉，圣哉！上主—万军个元帅！佢个荣光充满全世界。」

现代客语全罗以赛亚书6:3 Kì-têu yû-têu chhong, yû-têu fò, kóng:“Sṳn-châi, sṳn-châi, sṳn-châi!Song-chú — Van-kiûn ke Ngièn-soi!Kì ke yùng-kông chhûng-mân chhiòn sṳ-kie.”

和合本2010版以赛亚书6:4因呼喊者的声音，门槛的根基震动，殿裏充满了烟云。

现代客语汉字以赛亚书6:4佢等唱和个声使门柱个根基震动；圣殿肚就充满濛烟。

现代客语全罗以赛亚书6:4 Kì-têu chhong-fò ke sâng sṳ́ mùn-chhû ke kîn-kî chṳ́n-thung; sṳn-thien tú chhiu chhûng-mân mùng-yên.

和合本2010版以赛亚书6:5那时我说：「祸哉！我灭亡了！因为我是嘴唇不洁的人，住在嘴唇不洁的民中，又因我亲眼看见大君王－万军之耶和华。」

现代客语汉字以赛亚书6:5𠊎讲：「𠊎惨了！𠊎会死了！因为𠊎係讲话无净浰个人；𠊎也住在讲话无净浰个人当中；又因为𠊎还亲眼看到君王—上主、万军个元帅！」

现代客语全罗以赛亚书6:5 Ngài kóng: “Ngài chhám lé! Ngài voi sí lé! Yîn-vi ngài he kóng-fa mò chhiang-li ke ngìn; ngài ya he̍t chhai kóng-fa mò chhiang-li ke ngìn tông-chûng; yu yîn-vi ngài hàn chhîn-ngién khon-tó kiûn-vòng — Song-chú, Van-kiûn ke Ngièn-soi!”

和合本2010版以赛亚书6:6有一撒拉弗向我飞来，手裏拿着烧红的炭，是用火钳从坛上取下来的，

现代客语汉字以赛亚书6:6所以，有一个天使撒拉弗向𠊎飞过来，拿等一支火钳，夹等祭坛顶烧𤏸个火炭，

现代客语全罗以赛亚书6:6 Só-yî, yû yit-ke thiên-sṳ́ Sat-lâ-fut hiong ngài pî ko-lòi, nâ-tén yit-kî fó-khiàm, kia̍p-tén chi-thàn táng sêu-chho̍k ke fó-than,

和合本2010版以赛亚书6:7用炭沾我的口，说：「看哪，这炭沾了你的嘴唇，你的罪孽便除掉，你的罪恶就赦免了。」

现代客语汉字以赛亚书6:7佢将火炭揬𠊎个嘴唇，讲：「看哪，这垤火炭揬你个嘴唇，你个过犯全部除掉了；你个罪就赦免了。」

现代客语全罗以赛亚书6:7 kì chiông fó-than tut ngài ke choi-sùn, kóng: “Khon nâ, liá-te fó-than tut ngì ke choi-sùn, ngì ke ko-fam chhiòn-phu chhù-thet lé; ngì ke chhui chhiu sa-miên lé.”

和合本2010版以赛亚书6:8我听见主的声音说：「我可以差遣谁呢？谁肯为我们去呢？」我说：「我在这裏，请差遣我！」

现代客语汉字以赛亚书6:8然后，𠊎听到主讲：「𠊎做得差遣么人？么人肯代𠊎等去呢？」𠊎应讲：「𠊎来去！请差遣𠊎！」

现代客语全罗以赛亚书6:8 Yèn-heu, ngài thâng-tó Chú kóng: “Ngài cho-tet chhâi-khién má-ngìn? Má-ngìn hén thoi ngài-têu hi nè?”Ngài en-kóng: “Ngài lòi-hi! Chhiáng chhâi-khién ngài!”

和合本2010版以赛亚书6:9他说：「你去告诉这百姓说：『你们听了又听，却不明白；看了又看，却不晓得。』

现代客语汉字以赛亚书6:9所以，佢讲：「你去㧯这个子民讲：你等听了又听，总係毋会入耳；看了又看，总係毋会了解。」

现代客语全罗以赛亚书6:9 Só-yî, Kì kóng: “Ngì hi lâu liá-ke chṳ́-mìn kóng: Ngì-têu thâng-liáu yu thâng, chúng-he m̀-voi ngi̍p-ngí; khon-liáu yu khon, chúng-he m̀-voi liáu-kié.”

和合本2010版以赛亚书6:10要使这百姓心蒙油脂，耳朵发沉，眼睛昏花；恐怕他们眼睛看见，耳朵听见，心裏明白，回转过来，就得医治。」

现代客语汉字以赛亚书6:10接等，佢对𠊎讲：「爱俾这子民个心尽钝，耳公背背，目珠眨眨。若毋係恁样，佢等个目珠会看得到，耳公会听得入耳，心也会明白，佢等就会回心转意，来得到医治。」

现代客语全罗以赛亚书6:10 Chiap-tén, Kì tui ngài kóng: “Oi pûn liá chṳ́-mìn ke sîm chhin thun, ngí-kûng poi-poi, muk-chû sap-sap. Na-m̀-he án-ngiòng, kì-têu ke muk-chû voi khon tet-tó, ngí-kûng voi thâng-tet ngi̍p-ngí, sîm ya voi mìn-pha̍k, kì-têu chhiu voi fì-sîm chón-yi, lòi tet-tó yî-chhṳ.”

和合本2010版以赛亚书6:11我就说：「主啊，这到几时为止呢？」他说：「直到城镇荒凉，无人居住，房屋空无一人，土地极其荒芜；

现代客语汉字以赛亚书6:11𠊎问：「主啊，恁样个情形爱几久呢？」佢应讲：「直到城市毁灭，无人住，屋仔空空，土地全部荒掉。

现代客语全罗以赛亚书6:11 Ngài mun: “Chú â, án-ngiòng ke chhìn-hìn oi kí-kiú nè?”Kì en-kóng: “Chhṳ̍t-to sàng-sṳ fí-me̍t, mò-ngìn he̍t, vuk-è khûng-khûng, thú-thi chhiòn-phu fông-thet.

和合本2010版以赛亚书6:12耶和华将人迁到远方，国内被撇弃的土地很多。

现代客语汉字以赛亚书6:12𠊎—上主爱将人民徙到远方去，大部份个土地会无人用。

现代客语全罗以赛亚书6:12 Ngài — Song-chú oi chiông ngìn-mìn sái-to yén-fông hi, thai phu-fun ke thú-thi voi mò-ngìn yung.

和合本2010版以赛亚书6:13国内剩下的人若还有十分之一，也必被吞灭。然而如同大树与橡树，虽被砍伐，残干却仍存留，圣洁的苗裔是它的残干。」

现代客语汉字以赛亚书6:13若係国内还有十分之一个人，也会被人消灭；佢等会像橡树被人斩掉，賸到树头定定。这树头代表𠊎个子民新个开始。」

现代客语全罗以赛亚书6:13 Na-he koet-nui hàn-yû sṳ̍p-fûn chṳ̂-yit ke ngìn, ya voi pûn-ngìn sêu-me̍t; kì-têu voi chhiong siong-su pûn-ngìn chám-thet, chhûn-tó su-thèu thin-thin. Liá su-thèu thoi-péu Ngài ke chṳ́-mìn sîn ke khôi-sṳ́.”