以赛亚书第5章客家话和合本对照

相关章：

快速到节：

书卷列表：

和合本2010版以赛亚书5:1葡萄园之歌我要为我亲爱的唱歌，我所爱的、他的葡萄园之歌。我亲爱的有葡萄园在肥沃的山冈上。

现代客语汉字以赛亚书5:1葡萄园个诗歌𠊎来为𠊎所亲爱个唱一首歌，一首有关𠊎所亲爱个㧯佢个葡萄园：在尽肥个山冈顶，𠊎所亲爱个开一垤葡萄园。

现代客语全罗以赛亚书5:1Phù-thò-yèn ke Sṳ̂-kô Ngài lòi vi ngài só chhîn-oi ke chhong yit-sú kô,yit-sú yû-koân ngài só chhîn-oi ke lâu Kì ke phù-thò-yèn:Chhai chhin-phì ke sân-kông táng,ngài só chhîn-oi ke khôi yit-te phù-thò-yèn.

和合本2010版以赛亚书5:2他刨挖园子，清除石头，栽种上等的葡萄树，在园中盖了一座楼，又凿出酒池；指望它结葡萄，反倒结了野葡萄。

现代客语汉字以赛亚书5:2佢挖鬆泥，拈掉石头，种品种优良个葡萄。佢在园中起一座守望台，又凿一个醡酒池。佢一心希望它会打当好个葡萄，无想到打个葡萄品质当差。

现代客语全罗以赛亚书5:2 Kì yet-sûng nài, ngiâng-thet sa̍k-thèu,chung phín-chúng yù-liòng ke phù-thò.Kì chhai yèn-chûng hí yit-chho sú-mong-thòi,yu chho̍k yit-ke cha-chiú-chhṳ̀.Kì yit-sîm hî-mong kì voi tá tông-hó ke phù-thò,mò sióng-tó tá ke phù-thò phín-chṳt tông-chhâ.

和合本2010版以赛亚书5:3耶路撒冷的居民和犹大人哪，现在，请你们在我与我的葡萄园之间断定是非。

现代客语汉字以赛亚书5:3𠊎所亲爱个就讲：「耶路撒冷㧯犹大个人民啊，你等来为葡萄园㧯𠊎个事评理看仔。

现代客语全罗以赛亚书5:3 Ngài só chhîn-oi ke chhiu kóng: “Yâ-lu-sat-lâng lâu Yù-thai ke ngìn-mìn â, ngì-têu lòi vi phù-thò-yèn lâu Ngài ke sṳ phìn-lî khon-é.

和合本2010版以赛亚书5:4我为我葡萄园所做的之外，还有甚么可做的呢？我指望它结葡萄，怎么倒结了野葡萄呢？

现代客语汉字以赛亚书5:4係毋係𠊎无照顾好势？样般𠊎希望它会打当好个葡萄，偏偏打当差个葡萄？

现代客语全罗以赛亚书5:4 He m̀-he Ngài mò cheu-ku hó-se? Ngióng-pân Ngài hî-mong kì voi tá tông-hó ke phù-thò, phiên-phiên tá tông-chhâ ke phù-thò?

和合本2010版以赛亚书5:5现在我告诉你们，我要向我的葡萄园怎么做。我必撤去篱笆，使它被烧燬；拆毁围墙，使它被践踏。

现代客语汉字以赛亚书5:5「这下𠊎㧯你等讲！𠊎爱恁样来处理𠊎个葡萄园：𠊎爱拆掉篱笆，由在它荒废，拆掉围墙，由在走兽蹧踏它。

现代客语全罗以赛亚书5:5 “Liá-ha Ngài lâu ngì-têu kóng! Ngài oi án-ngiòng lòi chhú-lî Ngài ke phù-thò-yèn: Ngài oi chhak-thet lì-pâ, yù-chhai kì fông-fi, chhak-thet vì-chhiòng, yù-chhai chéu-chhu châu-tha̍p kì.

和合本2010版以赛亚书5:6我必使它荒废，不再修剪，不再锄草，任荆棘蒺藜生长；我也必吩咐密云，不再降雨在其上。

现代客语汉字以赛亚书5:6𠊎爱由在它荒废；无爱修剪葡萄藤，也毋挖鬆土地；𠊎爱俾地上生满蒺藜㧯竻仔。𠊎甚至爱命令云莫落水在园项。」

现代客语全罗以赛亚书5:6 Ngài oi yù-chhai kì fông-fi; mò-oi siû-chién phù-thò thèn, ya m̀ yet-sûng thú-thi; Ngài oi pûn thi-song sâng-mân chhi̍t-lì lâu net-è. Ngài sṳm-chṳ oi min-lin yùn mo̍k lo̍k-súi chhai yèn-hong.”

和合本2010版以赛亚书5:7万军之耶和华的葡萄园就是以色列家；他所喜爱的树就是犹大人。他指望公平，看哪，却有流血；指望公义，看哪，却有冤声。

现代客语汉字以赛亚书5:7以色列就係上主—万军元帅个葡萄园；犹大人民就係佢欢欢喜喜种个葡萄树。佢盼望佢等实行正义，总係看到个係㓾人流血！佢盼望佢等行为公正，反转逐所在有喊冤枉个声！

现代客语全罗以赛亚书5:7 Yî-set-lie̍t chhiu-he Song-chú — Van-kiûn Ngièn-soi ke phù-thò-yèn;Yù-thai ngìn-mìn chhiu-he Kì fôn-fôn hí-hí chung ke phù-thò-su.Kì phan-mong kì-têu sṳ̍t-hàng chṳn-ngi,chúng-he khon-tó ke he chhṳ̀-ngìn liù-hiet!Kì phan-mong kì-têu hàng-vì kûng-chṳn,fán-chón tak só-chhai yû hêm yên-vóng ke sâng!

和合本2010版以赛亚书5:8人的恶行祸哉！你们以房接房，以地连地，以致不留余地，只顾自己独居境内。

现代客语汉字以赛亚书5:8人个坏行为你等惨了！你等田连田、屋接屋，全部佔等自家用，毋肯留一个位所给别人。

现代客语全罗以赛亚书5:8Ngìn ke Fái Hàng-vì Ngì-têu chhám lé! Ngì-têu thièn lièn thièn, vuk chiap vuk, chhiòn-phu chiam-tén chhṳ-kâ yung, m̀-hén liù yit-ke vi-só pûn phe̍t-ngìn.

和合本2010版以赛亚书5:9我耳闻万军之耶和华说：「许多房屋必然荒废；宏伟华丽，无人居住。

现代客语汉字以赛亚书5:9𠊎听到上主—万军个元帅恁样讲：「这兜当大当靓个屋全部会荒掉，无人住。

现代客语全罗以赛亚书5:9 Ngài thâng-tó Song-chú — Van-kiûn ke Ngièn-soi án-ngiòng kóng: “Liá-têu tông-thai tông-chiâng ke vuk chhiòn-phu voi fông-thet, mò-ngìn he̍t.

和合本2010版以赛亚书5:10十亩([5.10]「亩」：古希伯来面积单位；参「度量衡表」。)的葡萄园只酿出一罢特的酒，一贺梅珥的穀种只结一伊法粮食。」

现代客语汉字以赛亚书5:10十公顷个葡萄园正榨出十公升个酒；十篮麦种收毋到一篮麦仔。」

现代客语全罗以赛亚书5:10 Sṳ̍p kûng-khién ke phù-thò-yèn chang cha-chhut sṳ̍p kûng-sṳ̂n ke chiú; sṳ̍p-làm ma̍k-chúng sû m̀-tó yit-làm ma̍k-é.”

和合本2010版以赛亚书5:11祸哉！那些清晨早起，追寻烈酒，因酒狂热，流连到深夜的人，

现代客语汉字以赛亚书5:11你等惨了！你等打早䟘起来就啉酽酒，啉到半夜醉天醉地。

现代客语全罗以赛亚书5:11 Ngì-têu chhám lé! Ngì-têu tá-chó hong-hí-lòi chhiu lîm ngiàm-chiú, lîm-to pan-ya chui-thiên chui-thi.

和合本2010版以赛亚书5:12他们在宴席上弹琴，鼓瑟，击鼓，吹笛，饮酒，却不留意耶和华的作为，也不留心他手所做的。

现代客语汉字以赛亚书5:12在酒席中，你等弹琴、弹瑟、打鼓、歕箫、啉酒，总係无关心也无尊重上主所做个。

现代客语全罗以赛亚书5:12 Chhai chiú-si̍t chûng, ngì-têu thàn-khìm, thàn-sit, tá-kú, phùn-sêu, lîm-chiú, chúng-he mò koân-sîm ya mò chûn-chhung Song-chú só-cho ke.

和合本2010版以赛亚书5:13所以，我的百姓因无知就被掳去；尊贵的人甚是饥饿，平民也极其乾渴。

现代客语汉字以赛亚书5:13所以，𠊎个人民会因为无知被人捉走；佢等个领袖会饿死，人民会渴死。

现代客语全罗以赛亚书5:13 Só-yî, Ngài ke ngìn-mìn voi yîn-vi vù-tî pûn-ngìn chok-chéu; kì-têu ke liâng-chhiu voi ngo-sí, ngìn-mìn voi hot-sí.

和合本2010版以赛亚书5:14因此，阴间胃口([5.14]「胃口」或译「喉咙」。)大开，张开无限量的口；令耶路撒冷的贵族与平民、狂欢的与作乐的人都掉落其中。

现代客语汉字以赛亚书5:14阴间会打开大嘴爱吞灭佢等，将在耶路撒冷欢乐中个尊贵人㧯人民全部吞掉去。

现代客语全罗以赛亚书5:14 Yîm-kiên voi tá-khôi thai-choi oi thûn-me̍t kì-têu, chiông chhai Yâ-lu-sat-lâng fôn-lo̍k chûng ke chûn-kui ngìn lâu ngìn-mìn chhiòn-phu thûn thet-hi.

和合本2010版以赛亚书5:15人为之屈膝，人就降为卑；高傲的眼目也降为卑。

现代客语汉字以赛亚书5:15逐个人全部会当见笑；尊贵㧯骄傲个人会降做卑微。

现代客语全罗以赛亚书5:15 Tak-ke ngìn chhiòn-phu voi tông kien-seu; chûn-kui lâu kiêu-ngau ke ngìn voi kong-cho pî-mì.

和合本2010版以赛亚书5:16惟有万军之耶和华因公平显为崇高，神圣的上帝因公义显为圣。

现代客语汉字以赛亚书5:16上主—万军个元帅主持公义显出自家个伟大；神圣个上帝用审判来显出自家个神圣。

现代客语全罗以赛亚书5:16 Song-chú — Van-kiûn ke Ngièn-soi chú-chhṳ̀ kûng-ngi hién-chhut chhṳ-kâ ke ví-thai; sṳ̀n-sṳn ke Song-ti yung sṳ́m-phan lòi hién-chhut chhṳ-kâ ke sṳ̀n-sṳn.

和合本2010版以赛亚书5:17羔羊必来吃草，如同在自己的草场；在富有人的废墟，流浪的牲畜也来吃([5.17]「在富有人…来吃」或译「丰肥人的荒场被流浪的人吃尽」。)。

现代客语汉字以赛亚书5:17该时，好额人个地会生满野草，细羊仔在该位食草，就像在自家个草场，细山羊也会来该位寻食。

现代客语全罗以赛亚书5:17 Ke-sṳ̀, hó-ngiak ngìn ke thi voi sâng-mân yâ-chhó, se yòng-è chhai ke-vi sṳ̍t-chhó, chhiu-chhiong chhai chhṳ-kâ ke chhó-chhòng, se sân-yòng ya voi lòi ke-vi chhìm-sṳ̍t.

和合本2010版以赛亚书5:18祸哉！那些以虚假的绳子牵引罪孽，以套车的绳索紧拉罪恶的人。

现代客语汉字以赛亚书5:18你等惨了！你等已经被罪恶过犯落到了。

现代客语全罗以赛亚书5:18 Ngì-têu chhám lé! Ngì-têu yí-kîn pûn chhui-ok ko-fam lap-tó lé.

和合本2010版以赛亚书5:19他们说：「任以色列的圣者急速前行，快快成就他的作为，好让我们看看；任他的筹算临近成就，好使我们知道。」

现代客语汉字以赛亚书5:19你等讲：「由在上主赶紧做佢爱做个；𠊎等想爱看佢个所做。由在以色列神圣个上帝实行佢个计划；𠊎等想爱知佢个意念。」

现代客语全罗以赛亚书5:19 Ngì-têu kóng: “Yù-chhai Song-chú kón-kín cho Kì oi cho ke; ngài-têu sióng-oi khon Kì ke só-cho. Yù-chhai Yî-set-lie̍t sṳ̀n-sṳn ke Song-ti sṳ̍t-hàng Kì ke kie-va̍k; ngài-têu sióng-oi tî Kì ke yi-ngiam.”

和合本2010版以赛亚书5:20祸哉！那些称恶为善，称善为恶，以暗为光，以光为暗，以苦为甜，以甜为苦的人。

现代客语汉字以赛亚书5:20你等惨了！你等颠倒善恶，颠倒光暗，乜颠倒甜苦。

现代客语全罗以赛亚书5:20 Ngì-têu chhám lé! Ngì-têu tiên-to san-ok, tiên-to kông-am, me tiên-to thiàm-fú.

和合本2010版以赛亚书5:21祸哉！那些在自己眼中有智慧，在自己面前有通达的人。

现代客语汉字以赛亚书5:21你等惨了！你等还自家恅到有聪明智慧！

现代客语全罗以赛亚书5:21 Ngì-têu chhám lé! Ngì-têu hàn chhṳ-kâ láu-tó yû chhûng-mìn chṳ-fi!

和合本2010版以赛亚书5:22祸哉！那些以饮酒称雄，以调烈酒称霸的人。

现代客语汉字以赛亚书5:22你等惨了！你等拚酒逞英雄，调酒打头名。

现代客语全罗以赛亚书5:22 Ngì-têu chhám lé! Ngì-têu piang-chiú chhṳ́n yîn-hiùng, thiàu-chiú tá thèu-miàng.

和合本2010版以赛亚书5:23他们因受贿赂，就称恶人为义，将义人的义夺去。

现代客语汉字以赛亚书5:23你等被人收买，将坏人準做义人，反转将义人个公义抢走。

现代客语全罗以赛亚书5:23 Ngì-têu pûn-ngìn sû-mâi, chiông fái-ngìn chún-cho ngi-ngìn, fán-chón chiông ngi-ngìn ke kûng-ngi chhióng-chéu.

和合本2010版以赛亚书5:24火苗怎样吞灭碎稭，乾草怎样落在火焰之中，照样，他们的根必然腐朽，他们的花像灰尘扬起；因为他们厌弃万军之耶和华的教诲，藐视以色列圣者的言语。

现代客语汉字以赛亚书5:24就像燥草被猛火烧掉，你等个根会烂掉，你等个花会像尘灰飞走；因为你等藐视以色列神圣上帝个法律，拒绝上主—万军元帅个教导。

现代客语全罗以赛亚书5:24 Chhiu-chhiong châu-chhó pûn mâng-fó sêu-thet, ngì-têu ke kîn voi lan-thet, ngì-têu ke fâ voi chhiong chhṳ̀n-fôi pî-chéu; yîn-vi ngì-têu méu-sṳ Yî-set-lie̍t sṳ̀n-sṳn Song-ti ke fap-li̍t, khî-chhie̍t Song-chú — Van-kiûn Ngièn-soi ke kau-thô.

和合本2010版以赛亚书5:25因此，耶和华的怒气向他的百姓发作。他伸手攻击他们，山岭就震动；他们的尸首在街市上好像粪土。虽然如此，他的怒气并未转消，他的手依然伸出。

现代客语汉字以赛亚书5:25所以，上主爱向佢个子民大发谴；佢爱伸手来打佢等。山爱震动，尸体堆在街路，㧯垃圾共样。虽然恁样，上主个受气还吂煞；佢还係爱擎手打佢等。

现代客语全罗以赛亚书5:25 Só-yî, Song-chú oi hiong Kì ke chṳ́-mìn thai fat-khién; Kì oi chhûn-sú lòi tá kì-têu. Sân oi chṳ́n-thung, sṳ̂-thí tôi chhai kiê-lu, lâu lá-sap khiung-yong. Sûi-yèn án-ngiòng, Song-chú ke su-hi hàn-màng so̍t; Kì hàn-he oi khià-sú tá kì-têu.

和合本2010版以赛亚书5:26他必竖立大旗，召集远方的国民，把他们从地极叫来。看哪，他们必急速奔来，

现代客语汉字以赛亚书5:26上主爱摇大旗，呼召一个远远个国家(55:26「一个远远个国家」抑係译做「远方列国」。)；佢爱歕口哨对地极将佢等喊来。看啊，佢等会遽遽赶等来。

现代客语全罗以赛亚书5:26 Song-chú oi yèu thai-khì, fû-seu yit-ke yén-yén ke koet-kâ( 5 5:26 “yit-ke yén-yén ke koet-kâ” ya-he yi̍t-cho “yén-fông lie̍t-koet”.); Kì oi phùn khiéu-seu tui thi-khi̍t chiông kì-têu ham-lòi. Khon â, kì-têu voi kiak-kiak kón-tén lòi.

和合本2010版以赛亚书5:27其中没有疲倦的，绊跌的；没有打盹的，睡觉的；腰带并不放鬆，鞋带也不拉断。

现代客语汉字以赛亚书5:27佢等当中无𤸁个、无跌倒个、无啄痀个，也无睡目个。佢等个腰带繫𢫮𢫮，鞋带䌈好好。

现代客语全罗以赛亚书5:27 Kì-têu tông-chûng mò khioi ke, mò tiet-tó ke, mò tuk-kû ke, ya mò soi-muk ke. Kì-têu ke yêu-tai kiê hèn-hèn, hài-tai thak hó-hó.

和合本2010版以赛亚书5:28他们的箭锐利，弓也上了弦；马蹄如坚石，车轮像旋风。

现代客语汉字以赛亚书5:28佢等个箭当利；佢等个弓拉𢫮。佢等个马蹄比石头还较硬；佢等战车个轮仔像捲风转恁毂。

现代客语全罗以赛亚书5:28 Kì-têu ke chien tông-li; kì-têu ke kiûng lâi-hèn. Kì-têu ke mâ-thài pí sa̍k-thèu hàn-kha ngang; kì-têu chan-chhâ ke lin-é chhiong kién-fûng chón án-kuk.

和合本2010版以赛亚书5:29他们要吼叫，像母狮，咆哮，像少壮狮子；他们要咆哮，抓取猎物，稳稳叼走，无人能救回。

现代客语汉字以赛亚书5:29佢等大声嘶，像狮仔尽吼，像细狮仔打到野兽啣等走，无人能救转来。

现代客语全罗以赛亚书5:29 Kì-têu thai-sâng sê, chhiong sṳ̂-é chhin-hò, chhiong se sṳ̂-é tá-tó yâ-chhu hàm-tén chéu, mò-ngìn nèn kiu chón-lòi.

和合本2010版以赛亚书5:30那日，他们要向以色列人咆哮，像海浪澎湃；人若望地，看哪，只有黑暗与祸患，光明因密云而变黑暗。

现代客语汉字以赛亚书5:30到该日，佢等会对以色列大声嘶，像大海发出吼声。你等看这垤土地！逐所在充满乌暗㧯艰苦！光明被乌云遮掉变暗了。

现代客语全罗以赛亚书5:30 To ke-ngit, kì-têu voi tui Yî-set-lie̍t thai-sâng sê, chhiong thai-hói fat-chhut ho-sâng. Ngì-têu khon liá-te thú-thi! Tak só-chhai chhûng-mân vû-am lâu kân-khú! Kông-mìn pûn vû-yùn châ-thet pien-am lé.