以赛亚书第62章客家话和合本对照

相关章：

快速到节：

书卷列表：

和合本2010版以赛亚书62:1 我因锡安必不静默，为耶路撒冷必不安宁，直到它的公义如光辉发出，它的救恩如火把燃烧。

现代客语汉字以赛亚书62:1耶路撒冷个荣华𠊎爱讲话鼓励锡安，𠊎为到耶路撒冷一定毋会恬恬，直到它个公义像日头出来，它个救恩像火把𤏸当猛。

现代客语全罗以赛亚书62:1Yâ-lu-sat-lâng ke Yùng-fà Ngài oi kóng-fa kú-li Siak-ôn,Ngài vi-tó Yâ-lu-sat-lâng yit-thin m̀-voi tiâm-tiâm,chhṳ̍t-to kì ke kûng-ngi chhiong ngit-thèu chhut-lòi,kì ke kiu-ên chhiong fó-pá chho̍k tông-mâng.

和合本2010版以赛亚书62:2 列国要看见你的公义，列王要看见你的荣耀。你必得新的名字，是耶和华亲口起的。

现代客语汉字以赛亚书62:2耶路撒冷啊，万国全部会看到你个得胜；所有个君王会看到你个荣光。你会有一个新名，係上主亲口安个。

现代客语全罗以赛亚书62:2 Yâ-lu-sat-lâng â, van-koet chhiòn-phu voi khon-tó ngì ke tet-sṳn;só-yû ke kiûn-vòng voi khon-tó ngì ke yùng-kông.Ngì voi yû yit-ke sîn-miàng,he Song-chú chhîn-khiéu ôn ke.

和合本2010版以赛亚书62:3 你在耶和华的手中成为华冠，在你上帝的掌上成为冠冕。

现代客语汉字以赛亚书62:3你会成做上主手中尽靓个冕旒，在上帝手中成做王帽。

现代客语全罗以赛亚书62:3 Ngì voi sàng-cho Song-chú sú-chûng chhin-chiâng ke miên-liù,chhai Song-ti sú-chûng sàng-cho vòng-mo.

和合本2010版以赛亚书62:4 你不再称为「被撇弃的」，你的地也不再称为「荒芜的」；你要称为「我所喜悦的」，你的地要称为「有归属的」。因为耶和华喜悦你，你的地必归属于他。

现代客语汉字以赛亚书62:4人毋会再讲你係「被人㧒掉个」，你个土地也毋会再被人喊做「荒埔」。你会被人喊做「上主所欢喜个」；你个土地会成做「有归属个」。因为上主欢喜你；你个土地定着会归属佢。

现代客语全罗以赛亚书62:4 Ngìn m̀-voi chai kóng ngì he “Pûn-ngìn fit-thet ke”,ngì ke thú-thi ya m̀-voi chai pûn-ngìn ham-cho “Fông-phû”.Ngì voi pûn-ngìn ham-cho “Song-chú só fôn-hí ke”;ngì ke thú-thi voi sàng-cho “Yû kûi-su̍k ke”.Yîn-vi Song-chú fôn-hí ngì;ngì ke thú-thi thin-chho̍k voi kûi-su̍k Kì.

和合本2010版以赛亚书62:5 年轻人怎样娶童女，你的百姓也要照样娶你；新郎怎样因新娘而喜乐，你的上帝也要如此以你为乐。

现代客语汉字以赛亚书62:5就像细孻仔讨细妹仔，该造就你个爱讨你。就像新郎中意佢个新娘，你个上帝也中意你。

现代客语全罗以赛亚书62:5 Chhiu-chhiong se-lai-é thó se-moi-é,ke chho-chhiu ngì ke oi thó ngì.Chhiu-chhiong sîn-lòng chung-yi kì ke sîn-ngiòng,ngì ke Song-ti ya chung-yi ngì.

和合本2010版以赛亚书62:6 耶路撒冷啊，我在你城墙上设立守望者，他们昼夜不停地呼喊。呼求耶和华的啊，你们不要歇息，

现代客语汉字以赛亚书62:6耶路撒冷啊，在你个城墙顶，𠊎有派守望个人。佢等毋会日夜恬恬无出声；佢等毋肯休息、紧提醒上主佢所应许个。

现代客语全罗以赛亚书62:6 Yâ-lu-sat-lâng â, chhai ngì ke sàng-chhiòng táng,ngài yû phai sú-mong ke ngìn.Kì-têu m̀-voi ngit-ya tiâm-tiâm mò chhut-sâng;kì-têu m̀-hén hiû-sit, kín thì-siáng Song-chú Kì só yin-hí ke.

和合本2010版以赛亚书62:7 也不要使他歇息，直等他建立耶路撒冷，使耶路撒冷在地上为人所讚美。

现代客语汉字以赛亚书62:7佢等毋俾上主歇睏，直到佢重建耶路撒冷，使耶路撒冷在全地受人称讚。

现代客语全罗以赛亚书62:7 Kì-têu m̀-pûn Song-chú hiet-khun,chhṳ̍t-to Kì chhùng-kien Yâ-lu-sat-lâng,sṳ́ Yâ-lu-sat-lâng chhai chhiòn-thi su-ngìn chhṳ̂n-chan.

和合本2010版以赛亚书62:8 耶和华指着自己的右手和大能的膀臂起誓说：「我必不再将你的五穀给仇敌作食物，外邦人也必不再喝你劳碌得来的新酒。

现代客语汉字以赛亚书62:8上主已经伸出佢个正手，凭佢个大能发誓讲：𠊎毋会再将你个农作物给敌人做粮食；外族人毋会再啉你劳碌得来个新酒。

现代客语全罗以赛亚书62:8 Song-chú yí-kîn chhûn-chhut Kì ke chṳn-sú,phìn Kì ke thai-nèn fat-sṳ kóng:Ngài m̀-voi chai chiông ngì ke nùng-chok-vu̍t pûn thi̍t-ngìn cho liòng-sṳ̍t;ngoi-chhu̍k ngìn m̀-voi chai lîm ngì lò-luk tet-lòi ke sîn-chiú.

和合本2010版以赛亚书62:9 惟有那收割的要吃，并讚美耶和华；那储藏葡萄的要在我圣所院内喝。」

现代客语汉字以赛亚书62:9你等耕种，会有好收成，收割个会有好食，并讚美上主。你等种葡萄，也会有好收成，在𠊎圣殿个庭院肚会有酒好啉。

现代客语全罗以赛亚书62:9 Ngì-têu kâng-chung, voi yû hó sû-sṳ̀n,sû-kot ke voi yû hó-sṳ̍t,pin chan-mî Song-chú.Ngì-têu chung phù-thò, ya voi yû hó sû-sṳ̀n,chhai Ngài sṳn-thien ke thìn-yen tú voi yû chiú hó lîm.

和合本2010版以赛亚书62:10 你们当从门经过，经过，预备百姓的路。你们要修筑，修筑大道，清除石头，为万民竖立大旗。

现代客语汉字以赛亚书62:10你等爱遽遽出城门，出去为转来个人民开路；煞猛将地坉高，煞猛整大路，将石头清掉，为万国个人民插大旗。

现代客语全罗以赛亚书62:10 Ngì-têu oi kiak-kiak chhut sàng-mùn,chhut-hi vi chón-lòi ke ngìn-mìn khôi-lu;sat-mâng chiông thi thùn-kô,sat-mâng cháng thai-lu, chiông sa̍k-thèu chhîn-thet,vi van-koet ke ngìn-mìn chhap thai-khì.

和合本2010版以赛亚书62:11 看哪，耶和华曾宣告到地极，你们要对锡安( [ 62.11] 「锡安」：原文直译「锡安女子」。)说：「看哪，你的拯救者已来到。看哪，他的赏赐在他那裏，他的报偿在他面前。」

现代客语汉字以赛亚书62:11看啊，上主识向普天下宣布：你等爱㧯锡安个人民讲：看啊，你个拯救者来啰！看啊，佢爱将佢所拯救个子民𢱋转来。

现代客语全罗以赛亚书62:11 Khon â, Song-chú sṳt hiong phû-thiên-ha siên-pu:Ngì-têu oi lâu Siak-ôn ke ngìn-mìn kóng:Khon â, ngì ke chṳ́n-kiu-chá lòi lô!Khon â, Kì oi chiông Kì só chṳ́n-kiu ke chṳ́-mìn thu chón-lòi.

和合本2010版以赛亚书62:12 人称他们为「圣民」，为「耶和华救赎的民」，你也必称为「受眷顾的」，为「不被撇弃的城」。

现代客语汉字以赛亚书62:12佢等会被人喊做「上帝神圣个子民」，喊做「上主所救赎个子民」。耶路撒冷会被人安到「上帝所关心个城」，安到「上帝无豁掉个城」。

现代客语全罗以赛亚书62:12 Kì-têu voi pûn-ngìn ham-cho “Song-ti sṳ̀n-sṳn ke chṳ́-mìn”,ham-cho “Song-chú só kiu-su̍k ke chṳ́-mìn”.Yâ-lu-sat-lâng voi pûn-ngìn ôn-to “Song-ti só koân-sîm ke sàng”,ôn-to “Song-ti mò vok-thet ke sàng”.