以赛亚书第4章客家话和合本对照

相关章：

快速到节：

书卷列表：

和合本2010版以赛亚书4:1在那日，七个女人必拉住一个男人，说：「我们吃自己的食物，穿自己的衣服，但求你允许我们归你名下，除掉我们的羞耻。」

现代客语汉字以赛亚书4:1该时，七个妇女爱拉等一个男人，讲：「𠊎等做得食自家、着自家；你肯做𠊎等名义上个老公就好。求你除掉𠊎等个羞耻！」重建耶路撒冷

现代客语全罗以赛亚书4:1 Ke-sṳ̀, chhit-ke fu-ńg oi lâi-tén yit-ke nàm-ngìn, kóng: “Ngài-têu cho-tet sṳ̍t chhṳ-kâ, chok chhṳ-kâ; ngì hén cho ngài-têu miàng-ngi song ke ló-kûng chhiu hó. Khiù ngì chhù-thet ngài-têu ke siû-chhṳ́!” Chhùng-kien Yâ-lu-sat-lâng

和合本2010版以赛亚书4:2耶路撒冷的重建在那日，耶和华的苗必华美尊荣，地的出产必成为倖存的以色列民的骄傲和光荣。

现代客语汉字以赛亚书4:2到该日，上主爱使这土地逐头果树个树苗、各种植物个嫩笋生到又高又靓。以色列賸到个人民会因为土地个出产来夸口，感觉尽有体面。

现代客语全罗以赛亚书4:2 To ke-ngit, Song-chú oi sṳ́ liá thú-thi tak-thèu kó-su ke su-mèu, kok-chúng chhṳ̍t-vu̍t ke nun-sún sâng-to yu-kô yu-chiâng. Yî-set-lie̍t chhûn-tó ke ngìn-mìn voi yîn-vi thú-thi ke chhut-sán lòi khoâ-khiéu, kám-kok chhin-yû thí-mien.

和合本2010版以赛亚书4:3主以公平的灵和焚烧的灵洗净锡安居民([4.3-4]「锡安居民」：原文是「锡安众女子」。)的污秽，又除净在耶路撒冷流人血的罪。那时，剩在锡安、留在耶路撒冷的，就是一切住耶路撒冷、在生命册上记名的，必称为圣。

现代客语汉字以赛亚书4:3该兜賸在锡安、留在耶路撒冷个人，全部会被人看做係圣洁个。佢等住在耶路撒冷，佢等个名记录在生命册上。

现代客语全罗以赛亚书4:3 Ke-têu chhûn chhai Siak-ôn, liù chhai Yâ-lu-sat-lâng ke ngìn, chhiòn-phu voi pûn-ngìn khon-cho he sṳn-kiet ke. Kì-têu he̍t chhai Yâ-lu-sat-lâng, kì-têu ke miàng ki-liu̍k chhai sâng-miang-chhak song.

和合本2010版以赛亚书4:4【併于上节】

现代客语汉字以赛亚书4:4主个灵爱来审判、焚烧，来洁净锡安个妇女，又将耶路撒冷个污秽㧯血洗净。

现代客语全罗以赛亚书4:4 Chú ke Lìn oi lòi sṳ́m-phan, fùn-sêu, lòi kiet-chhiang Siak-ôn ke fu-ńg, yu chiông Yâ-lu-sat-lâng ke vû-ve lâu hiet sé-chhiang.

和合本2010版以赛亚书4:5耶和华必在整座锡安山，在会众之上，白天造云，黑夜发出烟和火焰的光，因为在一切荣耀之上必有华盖；

现代客语汉字以赛亚书4:5该时，在锡安山顶，大家聚集个所在，上主会在日时头用云遮等佢等，在暗晡时用烟火照等佢等。上帝个荣光会像帐篷保护全城；

现代客语全罗以赛亚书4:5 Ke-sṳ̀, chhai Siak-ôn sân-táng, thai-kâ chhi-si̍p ke só-chhai, Song-chú voi chhai ngit-sṳ̀-thèu yung yùn châ-tén kì-têu, chhai am-pû-sṳ̀ yung yên-fó cheu-tén kì-têu. Song-ti ke yùng-kông voi chhiong chong-phùng pó-fu chhiòn-sàng;

和合本2010版以赛亚书4:6这要作为棚子，白天可以遮荫避暑，暴风雨侵袭时，可作藏身处和避难所。

现代客语汉字以赛亚书4:6佢个荣光会在日时头当做遮日头个凉亭，在狂风暴雨个时做避难所。

现代客语全罗以赛亚书4:6 Kì ke yùng-kông voi chhai ngit-sṳ̀-thèu tông-cho châ ngit-thèu ke liòng-thìn, chhai khòng-fûng phau-yí ke sṳ̀ cho phit-nan-só.